$78的享受

做到嘔血

點都要對自己好d

昨晚做到深夜

今早瞓飽

飲青椒橙汁

睇《壹獄壹世界》

好啱feel

返堡壘大街市

火話買金枕頭

我自己揀 + 自己開

$78

 

 

超臭-超濕-超creamy-重酒味

食到一手都係

正到爆

 

有得食就好食

有得瞓就好瞓

 

咁捱法

猝死都唔出奇

唔讚唔得！

我趕<大project>

天昏地暗

令人折壽

星期六

火放工

煮飯

洗碗，洗湯煲

倒垃圾

執料煲湯

分3日湯入雪櫃

搣橙am打汁用

餵貓頭

親子

拖地

仲要幫眼做<大project>

 

 

以前

每逢做得辛苦

就落街請火食飯

依家

連dd時間都無

忙到晚晚放工回堡壘

對住電腦死做到深夜

 

又回復坐地下食飯

因為火買的新摺枱

擺滿文件唔想搬亂

2015 jan-may

我正眼望火的時間

肯定不足60m

火

真的無話可說

BRAVO

復仇

昨日

黑雨紅雨

公司突然出現一條大蜈蚣

長8" 粗1" 鮮紅色

張牙舞爪，非常囂張

女同事驚慌躲避

男同事不知所措

 

我本來

想將大蜈蚣撥入水筒

再唸經沖落坑渠

不打算整死妖邪之物

但男同事叫我勿攪

費事病毒擴散

低能!

好奇怪

本來大蜈蚣囂張跋扈

但我行埋去時

大蜈蚣不斷躲藏

可能我近日努力唸經

身持佛祖名號

 

結果

某男同事奮力將大蜈蚣打死

 

昨晚

那男同事

無端白事

半夜胃痛入了急症室

今日SL

妖孽報仇

吸收了多少日月精華

才會咁大隻？

毁其大業

點會唔復仇？

心意

6月某日

火爸出殯上山纓紅

我有重job走唔甩

我正頭痕點分身？

昨晚

火爸頭七

我日前問過要預備乜嘢？

火話無人講過

誰知

火大哥大嫂一家

上火家食頭七飯

唔出聲通知其他兄弟

我問火：

點解你媽唔出聲？

足以證明大哥一家

才是你爸媽心中摯愛

火無言---->偏心天都知

 

決定

火爸上山纓紅那天

返工

不去出殯

反正

只是一場儀式一場戲

生前點對佢先最重要

對得天地良心就算

今晚

火爸半夜回魂

火媽做d唔做d

我話：

點解今晚回魂無買回魂衣紙？！

火爸上路邊有錢派？

俾鬼差留難唔順利咁點？！

即刻落火家樓下買一套回魂衣

叫火+火弟+火侄摺

我直頭同火媽講：

我脾氣係爆，但我想火爸好

我知我無身份指揮決定任何事

但唔對眼我一定出聲

火媽笑笑由得我整回魂衣紙

已同火媽講明

只能去守夜

但要開工不能上山

 

火媽問我:

<花籃你真係寫兒媳? 咁你要著孝服喎...>

我話:

<得啦...我話係咁就咁啦...名分唔重要

我要返工唔上山

放工我直接去解穢酒得唔得架?..>

火媽:

<有咩所謂遮?你放工去食解穢酒, 百無禁忌>

火弟:

<要返工搵食無辦法, 最緊要有心...>

 

照常擺位俾火爸食飯

我叫仔+孫夾餸俾阿爺

 

飯後

叫仔+孫沐浴更衣

預備化寶

班友(火+火弟+火侄)出奇地聽我話

 

我一話:<開波做嘢喇...>

即刻燒燈膽+跳fuse

超靈驗

 

平時個心先最緊要

 

出殯只是一場大龍鳳

黃+紅

黃雨

放工與老豆媽咪飲茶

 

老豆俾annual check報告我睇

<moderate fatty liver>

我話:

<老豆你有脂肪肝

無藥食架!

你食少d肥膩嘢, 多d運動啦!

脂肪肝會變肝硬化, 再變肝癌架!>

老豆例牌點頭敷衍了事

 

媽咪膽固醇擲界

兩條友都鐘意食!

又係俾我鬧

 

媽咪話:

<有個街坊

個女同阿媽住, 但只俾家用, 黑面唔講話

你覺得係咪有問題?>

我話:

<有人得100, 有人得0, 你最少有90

黑面但俾家用同住

你揀0定10?>

媽咪話:

<咁又係, 我都知我有90, 我個女好乖>

我話:

<我遲早用摺櫈車爆你個頭, 再掟你落街!>

媽咪:

<哈哈哈哈

你得個講字, 你咁鍚我, 邊做得出吖?!> 

 

昨日

又係黃雨

老豆媽咪入長洲買平安包俾我

 

埋單

陪老豆媽咪行街市

買橙買花

供佛

 

紅雨

我跑去截的士

塞老豆媽咪上車

另俾一舊的士錢

又拎遮又拎花又拎橙

費事

是但一件落雨跣腳入廠

我返工忙到仆街

識飛都無用

 

火what:

<做應做的事, 費事將來後悔>

鬱

無法發洩

發癲買了$30橙

 

 

人前人後

只是一場戲

 

黃土半腰

前程莫問

 

但求落幕之時

無悔

相濡以沫

火爸星期日走後
即使平日已盡孝
但我心翳
瞓得不好

返工真係做到發哂癲！

昨晚20:00收工

連續幾晚
火放工自己食飯盒

黃雨

火將雪櫃湯整熱

驚我放工肚餓蒸定小籠包

落地鐵接我收工

我回堡壘時

火正在煲下次湯

我已經攰到死

沖涼時

火夾1隻小籠包俾我食

我真係無胃口食唔落

其他9隻火自己食哂

行雷

B頭驚

火氹B頭：

《我坐你隔離陪你食罐頭啦，BB唔好驚...》

飲完湯

火洗碗，倒垃圾，抹地
將新湯分4日吹風扇攤凍入雪櫃

22:00

同事仲電我問乜乜物物

沖完涼繼續趕工

真係連正眼望火的時間都無

大腦過勞

瞓唔到

日日5:45am

我打果汁孖份飲

增加體質鹼性 + 纖維素 + 維他命

今8:00am

罕有的一齊迫地鐵

商量火爸上山纓紅安排

解脫

我+火

今9am尖咀睇早場

火大嫂突然what通知

火爸今早又再入急症室

走了

警察在處理中

老人院amah口供是

今7:30am餵藥仍有知覺

8am換尿片時已走了

火心好安樂

收到大嫂what後

仍想睇完戲散場先去

但大嫂電我係咪去緊

我答係！

即刻捉火離開戲院趕去殮房

我根本無心機咁心情下睇戲

火心安理得

搭地鐵時

佢仲有心情

話人地自己整咁大個蛋糕捧住

反而我心唔舒服

想快d去醫院殮房

昨晚火放工後

去老人院睇火爸

所以

情理上

火是送終的仔

我+火

問心無愧

可以做的，平日已經做足

去老人院睇佢, 同醫生瞭解病情

群組what出資料, 解釋俾火媽知

推火爸坐輪椅由老人院

去附近茶餐廳團年

幫佢老人院牆上貼揮春

毫無愧疚

自過年後

火爸不停不停不停出入醫院

已經不能進食

插鼻胃喉靠<加營素> + <怡保康>吊命

雙腳, 背脊, 脷--->發黑-收縮-潰爛-發臭

我們心理預備火爸捱不到端午

警察哥哥方口大面好人忠厚樣
好好聲氣

帶我們8人入殮房

見火爸最後一面

我搭住火爸心口

大聲叫佢放心走

大家坐低食早餐

心情同平日一樣

安排後事及聯絡分工

連火媽都無嘢

火爸84捱咗咁耐太辛苦

早走係好事

尤其是81火媽

不需再煲湯煲粥撲醫院撲老人院

 大家反而舒服悉懷

我10am已通知火舅父

其實

近月每早唸經後

我都將經文迴響俾火爸

求佛祖幫佢走得快d舒服d唔好拖太耐

我覺得

佛祖已經聽到我祈求

我同火大嫂講
天氣熱及潮濕
遺體會發臭變樣難上妝
一切要盡快攪

即使平日我對火爸盡了孝
心仍舊好翳

往日火爸健在時
成日問火媽：
《阿X好忙呀？近排唔上嚟食飯嘅？》

我同火講

祭帳花籃

一律寫我係媳得喇

身份唔重要

大嫂叫我what全名俾她方便辦事

火低能問：

<乜要寫全名架咩？>

我串佢：

<花籃寫1128敬上好唔好？！>

燒活魚

 

發惡夢

 

火與我

出街食大餐

 

剛坐低

未寫菜

侍仔捧來一大盤熱食

一打開蓋

原來是焗活魚

魚身在鐵鍋中火燒

但魚頭仍在不斷掙扎

魚負傷逃走

但被侍仔捉回鍋中加大火燒

慘不忍睹

我留心望一眼

原來魚頭是1128頭

嚇到驚醒

瞓唔翻

 

 

<大project> + <監生抬上花轎焗嫁>

同步發生
仲未計平時的routine硬嘢

 

攞命

全力扣殺

 

中學時代

曾經嚴重沉迷打羽毛球

lunch time, 放學, 放假, 總之就係打波

我塊球拍是YONEX超輕titanium的

突登揀線穿的

 

勁鐘意<打擂台> + <救火英雄>

所以

郭子健的

<全力扣殺>

必須入場

 

不知道是性格還是命運驅使

別人老早得到上岸了

我仍在大海裡流著淚奮力地拼命游

 

所以

郭子健導演將這套戲

<獻給努力不懈的失敗者>

適逢<被抬上花轎焗嫁>絕頂壓力事件

我是完完全全的對號入座

崩堤幾次

 

「做人點可以無火?!」

「參加這場比賽, 係為咗自己定位」

「你估我好想參加比賽呀?! 我有得揀咩!」

「愈係做得唔叻, 愈係俾人笑, 就愈要做好佢」

「心理質素好緊要, 沉住度氣, 唔好俾人影響」

「將平時最嚴苛的訓練,

在比賽中將自己最高水準發揮出來」

「人到了某個階段便要改變」

 

演得最好係林敏聰

然後係謝君豪

無論歷盡幾次浪
無論受盡多少風霜
無論再要奮鬥幾次
才共你到得彼岸

不論輸贏
起碼曾經長時間認真努力付出過
對自己有個交代

LOVE THIS MOVIE DAMN MUCH

 

 

 

日常

 

B頭好奇怪

am痴我--->踎塔, 上網, 運動

night痴火--->睇電視, 洗碗

唔知幾時開始佢咁樣分

 

 

mina都係痴我多

可以同我瞓晏覺

但火摸頭頭都鬧

 

 

 

 

翩翩都係痴我

不論冬夏

炭爐咁同我瞓

 

 

 

3個貓頭都鐘意玩我對襪

mina試過將之擔到水碗中

 

 

沖完涼

B頭將襪擔到mina屁股