感激

在我放病假期間 

垃圾老細話幫我做嘢

 結果

所有嘢堆在我枱上

 

其實

我放病假期間

同事將工作email給我 

我是在2號做的 

在deadline之前

已做好交給高層

垃圾老闆週末幾日紅假返大陸玩

南瓜雪耳熟地肉蓯蓉

老豆媽咪話好好飲

媽咪繼續話要乜要物

 逢禮拜日我們就回家做咕哩

抬去老人院

鐘點姐姐同我講

覺得媽咪入老人院開心咗

我話 

咁多人同佢講嘢

接待。護士。派藥。清潔。社工

又可以對住老豆

總好過一個人對住四幅牆

諗啲諗路

搵著我嚟搞

老豆媽咪開心安穩就好

因為眼內有積水+瘀血 

所以每次勞神後或耷低頭

我都覺得眼睛跌出嚟

尤其是早上起身 

右眼飛蚊特多 

中午開始飛蚊減少 

覆診時

眼科醫生解釋

因為平瞓

所以水滯留在眼後 

令飛蚊多 

起身後人企直坐直

所以水向下

飛蚊就減少

把心一橫

食翩翩留下的雲南白藥

藍鳳凰都是用雲南白藥

幫令狐沖治內傷

好神奇

只食了晚上2粒

翌日早上起身

飛蚊數量減少 

而且飛蚊size很明顯縮小

遮擋視野的白色膜

（ 晶體內的瘀血）

也退得快

醫生話

必須保持恆常有氧運動

令血液循環

加速瘀血及積水減退

同事對我好好 

有同事幫我加防藍光屏幕 

有同事買頂帽畀我出街遮光 

有同事借個滑雪眼鏡畀我 

有同事幫我將激補單交到保險公司總部claim醫療費

有同事自動幫我頂了部分工作 

有同事知我眼睛出事擔心到喊咗

老死大力

送我的藥師佛牌

激補後

我不能跪地叩頭

我前世龍鳳胎阿哥

代我向佛祖叩頭

K話

無論幾辛苦幾大壓力

都唔準喊

眼底谷爆就盲

因我眼睛不能谷力

所有2號+爸媽家的粗活搬抬

全部火食哂

除了感激佛祖無限大能的安排 

只能每朝早唸地藏經

阿彌陀佛

📿

 

黑腳

今星期要見人 

由22開始 

唔食鹽。味精。人工色素。防腐劑 

keep住62kg 

25

早上金鐘

下午屯門

晚上10:00回到2號

火留了半碗仔燒味飯+解鬱湯

俾我食完瞓

26

早上4:30起身

6:00金鐘

做完有急公事要處理

一不留神

落地鐵站碌落樓梯

先10:30回公司做單

下午2:00屯門

4:00收工

好似男仔割完包皮咁

痛到半尺半尺咁行

由屯門頂到返2號

腳已變豬蹄

冷氣褸痛到跌咗喺邊都唔知

當晚

即刻食骨膜消炎藥

火晚上8:00回家開飯+湊仔+拖地

我已經唔郁得

27

起身行到

唔痛。但仍腫

食完消炎藥腫口腫面樣衰 + 温温沌

要飲奶茶咖啡去腫+開機

9:00油麻地開工

然後回公司

太忙太多嘢做 

冇可能請病假

28

早上返學

仆街老細想我10:00去灣仔開工

我死都唔去

因為只有星期六這3h

令我有重生愉悅的感覺

28晚上6:00

公司有大龍鳳

我焗住去食

4:00pm裝身上粉

行來行去+ 笑面迎人+好好睇睇

晚上11:30回到2號

沖涼+捽腳

火煮丁俾我醫肚

29

早上攞湯去老豆

再回家幫媽處理事項

好攰

💀💀💀

放長雙眼

我上月初通知那死八婆我有

佢當時話

如果你都有

咁我抗壓咪好叻？！

你缺點係乜乜乜乜

下省1000000字！

講後

情況無改變

因有另外2人都一樣有

都係佢壓迫出事的

佢覺得

個個都話有

咁唔使做白逗糧呀？！

於是

佢日日繼續小！

唔關事的都小！

無事都摷出嚟講再小！

因公司大地震

舊的走，佢失靠山

新的同佢早有牙齒印

肯定會出招打壓佢

佢發哂茅

諗計去擋箭

成team人都牽連想死💀

佢打算利用我的病

同新的鬥法

佢叫我同醫生講

一口氣攞3m的SL

證明個個做到打柴

佢虛情假意

居然流馬尿撘住我膊頭講

你依家出事

我點可能唔理你唔幫你？

你眼咁抑咁

一定要放假休息食藥

否則越攪越大鑊咖....

你使乜咁密去醫院？！

父母老咗始終有一日會死！

我係咪俾好大壓力你？

又話公司可以出錢請私家shrink

下省100000000鳩話！

又話叫我去見舊的

因舊想同我傾下計

又話舊的想介紹shrink

我心諗

我出事係佢一手一腳壓成

依家仲想利用我病做政治棋子

我真係無咁7聽佢支笛任佢舞！

見失勢走舊的把x咩！

上月佢唔叫我放

依家度橋利用我叫放？！

如果

我真係放3m的SL

新的會覺得我無用可有可無

咁借d二整走我咪仆街？！

HR+A/C會計單

咁全公司上下好快唱開哂

所謂相熟，爆我蛹咁點算？！

我從不天真相信

這世界真有confidential 這回事

我仲好清醒！

最高分係2

但我自覺好多7分以上

因藥後不能專注

只能

做令自己開心的事

食自己想食的

早晚唸經求佛祖救我

佢咁陰毒

睇下上天將來點同佢計數！

 

鎖

 我俾醫生信佢

信上寫明我咁咁咁

佢話

吓？！

你咁少嘢做

都話有壓？！

咁我真係要讚自己好叻！

日日萬七樣嘢圍我都處理到！

你知唔知你問題係咩？

(下刪10噸尖酸刻薄奚落我的說話.....)

佢同大人講咗

目的是，如我真去度頸or跳橋

佢可以洗手

然後

在某場合

撞見大人

佢攬住我

話知我好辛苦，公司當我係寶

我出醜，喊咗....

費事大人同佢講

我閂定後門

Superego叫我同佢講見過大人喊咗

費事佢以為我同大人爆佢蛹

然後

佢寫一堆鳩話👇

肯定大人同佢講過話

究竟邊個壓人？！

正常情況下

我Superego都好強

之後

條仆街態度明顯收歛！

對我好聲好氣

點解要迫到人發癲？！

我唔夠膽再食鎮

返唔到工

憨憨喪喪

今星期坐了N次的士

覺得好攰

條街好煩好嘈好多人

好想避開躲藏

但要返工+處理家事

醫生信

暫時頂住

=電棒+定海神針+大蒜+靈符+紅筷子

下一步再諗

請假

同媽咪心臟科CT scan

因打了顯影劑

驚媽咪獨自回家不適

買了糭+海南雞

俾媽咪老豆晚飯

的士同媽咪回家

檢查期間

媽咪一時漏口

同護士講咗我做邊行

我id失控

即時鬧媽咪

講咗好多次唔好同人講

鬧鬧下

發覺自己好似條仆街鬧我咁

縱使我已盡力做各式order

令我有無窮壓力致抑

媽咪獨力照顧老豆已經好甘

媽咪身體又差

於是

Superego叫我即時收聲

媽咪話

銀行戶口同你聯咗名

你樣樣都已做到好足

成日請假同我地醫院覆診

照顧你老豆好大壓力好辛苦

唔好再諗請工人

教唔掂越攪越亂好勞氣

又要你額外使錢

有時唔係長期病果個走先架

我依家個心有事

突然間話走就走架

我已經買定一對新鞋放衣櫃

D錢放在堆衫後面

你拉開d衫就見到

媽咪知你捱得好辛苦

你唔講阿媽都知架

唔好理人講乜

放鬆D

打工受人二分四係受氣架

阿媽知你好乖好生性

你唔使擔心阿媽....

我同火講

感覺就如某晚開飯前

火媽拉我入房

俾一堆金器龍鳳鈪我

我知媽咪的意思

火話

你只能盡做

有些事我們不能控制

你永遠覺得自己做得不夠好

越諗越擔心，壓力越來越大

乜都唔好諗

做得幾多得幾多啦

黑豆將我淹溺

 近期

因為某壇超硬大鑊嘢

做到全世界內傷

無論我點努力做

老細

一開口就鬧我

低能白癡無腦弱智

晚晚回家同火喊

食差，瞓差，心口翳痛

淋巴腫，手震，唔識肚餓

成日聽到公司📞響

但根本無響過

出門返工撳咗電梯

又開門入屋睇有無熄電掣

仲未計情緒失控

亂發火脾氣

亦要做日常routine繁重工作

陪老豆媽咪去醫院覆診

想走，但走唔到！

老細知要錢養家

揑住我喉嚨

人人犯錯求其話兩句

但將我的錯處無限放大

私下同感情較好的同事呻

原來

有2個都已有焦慮+抑鬱

睇精神科

一個食藥2年

另一個食藥半年

我不敢開始西藥

驚翌日藥後更渙散

食精神科藥物無得返轉頭

老細要求甚高

我達不到懿旨

於是

為免俾人睇死

就越迫自己做

於是

壓力越來越大

當初入這公司時

高層不是想要我

想要行內另一叻人

但叻人不想來

於是

感覺就如

有錢家庭想要小朋友

收養一個棄嬰

求其俾碗飯佢食

鐘意就任打任鬧

到乞兒仔大咗

就似長年累月受家暴的女人

自己能力差無經濟能力有孩子

唔敢離婚

個男人一心情差

就隨打隨鬧隨性虐

一日打到口腫面腫周身傷

女人焗食不能逃脫魔掌

男人心情好時

帶出去食飯買件衫俾女人

又當無事發生

到下次又虐打過

無限輪迴......

火叫我

唔好理佢鳩鬧鳩叫

做到就做

月尾出糧撚就

忍佢仲有幾年就咬糧走

火

每早俾果汁我飲

煲解鬱湯俾我飲+收夜煮麵俾我醫肚

日日預備美麗飯盒俾我

火對我好好

無火唔知點捱落去

我叫自己頂住

不要向下沉

牛年元宵兩揚眉

 公司樓上

有人確診

全幢大廈要強檢

衛生署要計14日潛伏期

要2月12-26日

去過的都要強檢

於是

成條team十幾人+其客人

隔離team+其客人

全部要做強檢

即刻個個上網book

因要等報告出陰性

才可復工

所以

全條team未來3日

全部booking要改期

呢樣要停+果樣要郁

又要通知其他公司改schedule

做到pk！

我已經第5次檢測

18：00才食兩溝

有個女子

長頭髮，滑水膚色，眼妝好深

一坐低話好肚餓

自問自答話：

咁肚餓，食兩碗都唔過份吖！

我望住佢笑：

我呢碗lun厨嚟咖，唔好得你幾多

女子話：

叫多碗吖！我請！

我話：

下次啦！大家街坊實撞到嘅

我就食晚飯嘞

然後

老細又what我

我同女子話：

覆埋老細先，等陣再吹

女子話：

妖！完全明白吖！

然後，我埋單

女子話

不如你叫多碗打包吖

請你吖，我堅喎

我擰頭笑

同佢揚手講拜拜

世上豪氣罕有

小店今有2

金城安

 https://gimy.co/eps/50442-1-839.html

一眾愛回家角色中

我最憎就係金城安

懶，廢，蠢，hea

做錯藉口多，做人無擔戴

只識問阿媽攞錢買名牌波鞋

阿媽熊尚善的優質DNA

1%都遺傳不到

但亦證明演員演技精湛

昨晚一集

我翻睇咗2次

睇到咬牙切齒不停鬧

我公司有條做了N年廢柴

同佢一模一樣

百做百錯，萬做萬錯

不上心，忘錯甩漏，唔跟程序

出錯後

潛水，瀨人無講清楚

不停大話冚大話

最基本的工序

即使新人都不會錯，佢都做錯

永遠拖累其他同事幫佢執屎

兜口兜面小過1000000次

仍屢錯不鮮

仲鑊鑊新鮮鑊鑊金

最叻講sorry sorry下次唔會

成team人怨氣沖天

但

高層永遠心軟無懲罰

警告信0封，只鬧

照舊要其他人幫佢補鑊

原因

高層覺得佢有其他優點

可以將功補過

每次都叫同事包容

常言道

萬功不如一過

但在我公司

係萬過不如一功

你一係頂唔順劈炮唔撈

一係幫佢日日執屎

無第3個選擇

XYZ%&@*-+$#*

油雞滷味小行星

2018 中秋

由7月開始

同步硬食2壇大嘢

一如過往

做得好@辛苦+不斷俾上級狂小

今年最pk的是

同team有2條超柒粉腸

不斷瀨嘢

累我執屎拿尿補鑊

條氣頂@到極點

晚晚喊！

某日為因小事

俾另一山頭捉到痛腳

乘機擺大龍鳳

上級問我點解攪成咁？！

我忍無可忍爆上級：

<依家係咪要人祭旗？

咩咁大檸樂呀？

要解話我去同大老闆講囉

做得咁辛苦仲咁@煩

小！我遞信唔做嘞！…>

上級即時笠水

<唔係...有咩慢慢拆掂佢囉...>

然後

我翌日返公司小2條粉腸

唔小唔郁

唔小唔交貨

得翻61kg

忙到發瘟

2星期未有回家食飯見父母

求其與父母食快餐當做中秋

又回2號趕工

今午

其中一條粉腸

攪唔掂仲要講大話瞞上欺下

我當住上級面即時踢爆

小完

攞袋走！

我照樣交足貨

你過我底線累我孭鑊

我就唔會俾面你！

小你飛刀油雞滷味小行星

同火中秋食壽壽

再狂食月餅

唔發火當我1128死@咗！

真身快快歸位

我覺得

無論我點努力做

人們只看到我的缺失

將我的弱點無限放大

例如阿士保加仔

不擅處理複雜人際關係

然後

在我額頭貼上label

<無用的廢柴>

感覺有如

一個天生五音不全的人

一次又一次的

被迫上台唱歌

這人努力背歌詞+練音準

但最終出台表演時

都是甩bit走哂音

台下的觀眾大聲噓+恥笑

這人回後台喊

還被迫上台唱歌的人鬧

點解你唱到咁不知所謂？！

叫咗你要唱好d咖啦！

阿邊個上台唱都好過你!

這人的自信心及尊嚴

長年累月的被摧毀

其實這不懂唱歌的人

強項是花式單車
 

 晚晚返2號喊
心口勁翳痛+瞓得差+唔識肚餓

火話:

你為咗出糧

卑躬屈膝+吞聲忍氣太耐

人地見你越退縮

踩得越過

強悍的1128去咗邊？

你要俾d說話+顏色班人睇下先得

否則人地當你死!


火煲解鬱安神湯俾我飲

桑寄生，伏神，熟地
圓肉，杞子
遠志，鬱金，柴胡，酸棗仁，白朮

無言的結局

熟客哥what：

＜1128，他日前突然走了，

我們一家衷心感激你

十幾年來

不論事無大小

都對他盡力照顧幫忙...
佢遇到你係佢福氣...＞

我電哥問事因

哥70+

＜我腳不好，通知他8號波唔上佢家

佢無覆電話，我以為佢同朋友去咗玩

點知

佢樓下向管理處投訴

話佢單位水流落下層濕哂

管理處拍門無反應

差人爆門

發現佢沖涼房猝了

1128, 我好內疚

唔應該誤會佢去咗玩

應該8號波都上去睇佢...＞

70+哥隔住電話

老淚縱橫

我喊：

＜順安天意吧

佢can咁辛苦攪幾年都好得翻

反而咁走咗，天意....

有日期通知我....＞

哥話：

＜1128, 你係個有心人，

你成日都咁忙，唔好嚟嘞...＞

我話：

＜哥, 你唔使理我，嚟得到我一定嚟

我要親自同佢講再見...＞

章回小說

由5月頭開始

晚晚20:00後先收工

仲未計帶回2號做的

火收工

求其買斤菜+送+煮嘜米

總之2p求其有飯開就了

唔得閒去剪頭髮

遮眼篤眼

求其揾隻鋼夾頂住

成千上萬的paper work

一疊疊的tenders, invoices

眼爆+腦裂

即使吞2匙羹咖啡粉，飲杯水沖落胃

雙眼都睜唔開

星期六

盡量回家午飯或同老豆媽咪去街食嘢

星期日

無得出街睇戲

趕工眼痛

恰15m再嚟過......

媽咪話：

你d五官唔算差，又夠高，

但真係太cool，太嚴肅，熊貓眼太攰

心口好翳，乸住痛

真係唔識講....

26號出糧

瞬間轉移

秒殺即逝

過眼雲煙

唔好同我講

返工有無成功感，滿足感

我只係一個盡責擔戴的小蟻兵

要舊錢養家，養自己，養貓頭

收咗人工

問心無愧交足貨

that's it

攰到發瘟

先生見我鬼僕咁返學：＜ca va？＞

我目無表情回答：＜je deteste ma vie!＞

冥冥之中

1

<焗上花轎>

滑鐵盧

過去1年的努力-辛酸-痛苦

付之一炬
自信心+尊嚴
被極度摧殘 + 嚴重打擊

頹喪無盡

喊足2日
心口揪住翳痛足足幾日
 

有份的同事灰爆

各個party緊急攪contingency

唔知點收科！

2

有大型國際conference

2016在西多國舉行

某義人點名叫我去幫手

阿姐亦認同我係合適人選

調動其他同事take up我的原定jobs

 

究竟係佛祖知有此會議要做

安排我10月重新返學適應西多話吖？

定係佛祖覺得我學咗咁耐

俾個機會我同西多人講下嘢吖？

定係佛祖覺得我付出了這麼多年

reward下我？

我唔知！

西多國此行
job nature好甘好stress
但是

機票，酒店，膳食

全包

3

老豆朋友俾部舊手機佢

可以上網

老豆開了what

我覺得要公平

將小米俾媽咪用

但唔知點解攪來攪去開唔到what

到爆

諗住跌錢買過部Samsung俾媽咪

 

點知在返學期間

地鐵撞到好兄弟大力

佢係電腦系統專才

一齊坐地鐵訴苦

大力幾個站, 摸兩摸就開咗！

 

你覺得好苦惱好困難的事

叻人手指一撻就攪妥

視乎佛祖點安排

4

昨日返學

先生唔知講開乜嘢

佢話：

c'est dur qu'on monte sur la montagne

mais il y a des échapées superbes au pic

意思

爬上山當然辛苦

但上到山頂風景就豁然開朗心曠神怡

 

係佛祖講說話俾我聽？

我不知道！

我真的不知道！

 

2015辛苦到裂

上天不斷推我向前向上

i'm just a tiny little kite
desperately flying in a hurricane

越難越要頂

落花轎後

全力強攻令人短命的<大project>

 

改完呢樣改果樣

攪掂呢樣又發現果樣出錯

 

想死!

 

雙耳下緊張到硬哂

日日食幾隻香蕉鎮壓

 

發癲頂唔順

落超市買雪條食

 

 

無處發洩

買了一大堆橙

 

 

火買黑芝麻+白兔冰皮俾我食

 

救命呀

2015絕頂難捱

快d完啦.....大佬...

落轎

<上花轎>前夕

即使飲了瞓覺湯加強版4.0

半夜仍然醒3次

正日

5:45am

食1匙咖啡開機

跟menu於10:30am之前

食哂相中食物 

深呼吸-拉筋-30m注氧

沖涼

裝身

好彩跟menu靠食物控制血清素+腎上腺素

否則

我的緊張會令大腦在地鐵爆炸

閉上眼

吸一啖氣

上花轎

1h後

地鐵中

我眼坦坦咁, 世界停咗, 咩聲都聽唔到

返到堡壘

我直頭好似漏氣氫氣球咁

一pat笪在疏化上唔識郁

開始有意識肚餓

但無力畢义燒飯食

完全無哂電

昏迷2h

8pm同火食餃子

坦白講

我自問已經出盡吃奶的力

谷到最行上花轎

問心無愧

對得住天地良心

發癲報仇咁食

長達1整年的煎熬

莫問前程吉凶

但求落幕無悔

說不出的未來

將來？

未捱到突然暴斃或者有將來嘅.....

就算無捱到暴斃

未到50歲

都捱到五癆七傷啦！

如果

真的有叮噹

真的有櫃筒時光機

將來的我

見到今日的我

捱到面都凹哂

唔知會唔會覺得我好憨居？！