各安天命

 昨日已經26000確診

當然數字滯後

因為有好多人中招後

症狀輕微，無呈報，照返工

政府又宣佈

自己快測都認可

不需再去排隊撩鼻

於是

又要改去排隊買快測

最平都20元一套

自己排完

又幫同事排買

有同事媽媽住老人院

院內有員工＋老人中招

亦有同事家人中招

住廉租屋無房隔離

總之要日日自測

-ve才可返工

多間院舍爆疫

小朋友＋老人中招離世

K幫我訂購的政府認可快測

超市貨架

無菜，無肉

藥架也清空

舖頭疫爆停開

已經連續幾個星期日

食餃子公仔麵

逢星期日

照舊幫老豆媽咪買嘢

帶回家，不除口罩，1h離開

因2月24開始

無打針好多地方不能入

幫老豆book打科興第一針

老豆照舊瀨大瀨細

對飯餸奄尖聲悶

日日夜夜要轉款

根本無嘢買到

落街又易中招

做到媽咪想死

每日收工

都要睇下阿水

晚上求其食

好多中港貨車司機確診

扣留在深圳隔離

亦有司機怕感染唔想開工

街市20元一斤菜

內風琴＋外KF94

返學上星期開始

改以zoom上堂

又要跌錢買鏡頭

香港居住環摬擠迫 

劏房 廉租屋 兩房一廳

好易全層樓全家中招

焗打第3針

買口罩，火酒，快測，捱貴菜

跌錢跌到麻目

 

衛生局長陳姑娘月薪是35萬

4月派消費券10000元

好過無……

恭喜哂

🎊

我＋火

今早撩鼻

都中了招

但無乜事

我們已打齊2針

一齊在2號隔離7日

一早買定感冒藥

自己日日撩鼻

已呈報了衞生署

同4個貓頭食定抗生素

2號是擠迫戶

今日是34000

政府日日改規矩

香港政府的爛

整個銀河系都知

8°C疫雨兵

 我好兄弟大力

長期食3味藥

輪椅＋獨居

不適合打疫苗

我幫佢去醫院A

覆診改期＋攞藥

然後打算拎去佢重災區屋企

點知

今早7:00佢📞我

話發燒＋喉嚨痛＋咳

估計已中招

我不能不理佢

叫佢

即刻落街去撩鼻測試

再📞約新冠診所

再📞免費疫症的士

我將

藥＋覆診紙

寶礦力＋快速測試＋Panadol 

掛在佢鐵閘

今午

幫老豆去醫院D

改期覆診＋攞藥

然後攞藥回家

老豆慢性肺阻＋糖尿

也不能打疫苗

醫院D

也是廢的

醫生親自📞問我

點解要申請＜免診攞藥＞？

我話因為

不適合打疫苗＋老豆肺弱費事中招

點解不適合？

我出煙

＜醫生你望下電腦data

病情咁複雜係咪唔適合打？

醫院A專科已經寫咗remark

你有睇到嗎？

所以只攞藥＋改期覆診

等第五波過咗，再嚟覆診……

可不可以？ ＞

最後佢話得

我心諗

間間醫院都唔希望人群聚集

一係改期

一係免診攞藥

防止社區感染

而且醫護日人手不足

好多調咗去亞博及竹篙灣 

你個白痴佬

講明冇打疫苗＋肺弱

你都仲要問點解唔嚟覆診

＃€※￡＄￦＃＊xyz

落大雨，又凍，又拎重嘢

好攰

又係掛在門口叫媽咪開門攞

KF94+風琴

我有老有嫩要揾食

希望佛祖庇佑我

阿彌陀佛 📿

收唔到科

 初初第五波開始爆時

個個都好驚omicron會死人

但後尾發覺中招都係輕微病徵

好似傷風咳喉嚨痛發燒感冒

於是

開始有好人隱瞞不通報

(我公司D人就係咁, 攪到所有嘢亂哂坑)

 費事整座大廈要強檢

OR

送入竹篙灣或亞博隔離

我+火

1月頭開始

全部轉用KF94 + 口罩墊

2月中

omicron

開始侵襲未打疫苗的小朋友+老人家

開始每日幾千個中招

死亡數字上升

市民越來越驚慌

有人一家5口+外傭全部中招

家居隔離超過14日

都未有白車送去入醫院

 總之

18區都見到三條隊

 一條撩鼻

 一條攞膠樽驗口水

一條打針

快速測試

多人搶買

暫時存貨15盒

最慘係有中招病人

喺急症室出面

露天露地天寒地凍吹足幾日風都未入院

2月24開始

好多地方都要嘟安心出行

媽咪每日要去街市

她輕微心衰竭

自己決定打完第一針科興先通知我

醫院A的主診醫生

講明老豆病情複雜

不適合打疫苗

所以要同老豆去醫院A

申請豁免疫苗證明書

連續幾星期日回家

都是幫媽咪買糧餉+花+果菜+麵包

無坐低食飯+入屋不除口罩+盡量1H內離開

入屋前

全身噴火酒+除鞋放門外

今日落雨 + 8°C

手都冰僵

買定

如果突然封區OR封樓的糧餉

我最驚係

老豆又病發要入院

無病床就死梗...

我更驚係

如果

我+火中招

幾個貓頭拉去漁農處

翩翩

發現頸枕好舒服

緣緣

懶正經咁影學生相

mina

霸哂毛毛被

B頭

唔鐘意著衫，冤口冤面

阿水

今日$40/份

究竟covid幾時完?

好@煩

智障

落街

買火酒＋消毒濕紙巾 

順手買了一打新底褲

有人懶體貼

用較剪幫我剪底褲布招牌

我無理

和同事📞安排第五波疫爆調動

然後

將12條新底褲

掉入洗衣機洗過先著

晾衫時

發現

一條橡筋披口

以為車得不好

然後

再發現第二條同一位置穿窿

我俾某人睇

某人唔敢出聲

但笑到抽搐

再發現第三條同一位置

直頭穿一個大窿

我用手指

目無表情

穿住3條穿窿新底褲俾某人睇

某人仲厚顏無恥

＜哈哈哈哈……乜我咁手重咩……

掉咗佢囉……你去攞我嗰啲著囉……＞

希望在明天

 

翩翩

肺花

原先上年

需要再照肺 

但因為疫情嚴重 

所以沒有去覆診

 只是早晚聞藍色橙色噴噴

 情況一直穩定

但是

由2021年12月尾開始

氣喘情況增加

落雨，天乾，隔離炒餸

尤其是俾緣緣追打＋勞氣鬧緣緣之後

食睡屙玩

一切正常

每早我踎塔，翩翩坐大脾

此習慣多年如一

某日放工

爆鎖奇兵翩翩

將火櫃筒開咗

摷到一地衫

昨早

睇醫生再照肺

 x光顯示左右肺

確實比一年前清晰 

但是

左邊肺有陰影lesion 

而且翩翩偶爾有嘔貓餅情況

抽血＋驗尿

基本上所有指數正常

有grandular debris 

少少偏高不嚴重

Dr.S話要分辨

究竟是 

胃收縮嘔vomit（有預備動作嘔吐）

或是反芻regurgitation（突然吐出）

究竟是食道問題或是肺陰影影響 

我話兩種情況都有發生

醫生話

如果

食抗生素後嘔的情況減少

即是肺陰影影響 

治療方法是用鹽水灌入肺部灌洗 

但是

如果

是食道有問題

就要用內窺鏡照食道

醫生講解完

我即刻沉哂

Dr.S話

＜Think positive,  

we've started a new year＞

我話

＜Doctor, you know me so well …＞

先食1個月抗生素Marbofloxacin＋聞橙藍

3月頭

再照肺睇進展

昨晚

食抗生素後

翩翩一聲都無喘過

歲月如梭

翩翩已經9歲