another....

我最敬重的

火舅父

前晚不敵癌攻
走了

年中醫院已停藥
頂了1年電-化-割
80+已經好叻
今世債還盡
走得都係好事


火媽扯氣入了廠幾wk
有人話要同佢講, 因姊弟感情厚
有人話千萬不能講
因火媽近日精神胃口好轉
一講就冧

火舅母也是癌
上月也停了藥+也擴散了多處


因某件氣頂事
我退出火家what群

火家what群
是我用火手機開的
目的
方便火家兄弟嫂孫聯繫約做節+生日

是近期火媽入廠頻密+舅父final count down
我才將自己加入火家what群
將醫生護士講火媽的+探火舅父舅母的
在火群發放

我退出後
火家有幾個即時回應
話好少事遮
一家人
知你出心出力做咗好多
BLA BLA BLA

什麼一家人?
只因火爸火媽真的對我好好
在兩老遲暮之年
我盡自己綿力去探望陪伴出醫療意見
火爸走了3年
從來未有聯約拜山
假如將來火媽也走了
那堆人根本無必要見面

我從來不是一個小氣小家的人
但我有我的脾氣

有人在what群講了一些話
過了我的底線

你不是我老細
不是養起我全家老嫩
我絕對無必要睇你面色+受你閒氣!

於是
我簡明禮貌回應
然後QUIT群
對住火才狂小!

火知我對火媽好
見我發火都無出聲

反正
入群前+退群後
我都係咁對在世的火媽+去世的火爸

K+JP
都覺得我退群正確

繼續做自己認為正確的事


 



覆診

Mina

夠期打針

醫院嚴陣以待

又毛巾又頭罩

好似極度重犯出庭咁！

護士見Mina

乖乖趴在我膊頭

覺得好神奇

上次瘋狂小人+打人

個個怕哂！

Mina眼中

只愛我+信靠我

4.5kg---->4.26kg

翩翩

再X光照肺

醫生話翩翩超乖

不用麻醉

用豆袋壓住

就乖定定唔郁

清醒照X光

因已長期哮喘+支氣管炎

所以

X光顯示肺有疤花咗

係正常結果

而且

比上次less cloudy

醫生話

算係有進步

翩翩食，玩，瞓，屙

一切正常

而且早晚聞噴噴後

扯氣已經完全消失

故繼續噴噴

4.5kg----->4.25kg

捌哥，捌哥

我突然吹雞

叫K聚頭

加央多

肉骨茶大滲

玻璃尤魚

老鼠粉

海南雞

喇沙

奶油蝦

藍花飯

埋單

松記

榴蓮雪糕

K's b

獨吞心太軟

食到一半食唔落

佢問佢老豆食唔食？

我即話佢無禮貌

應該一開始問人食唔食？

你食唔哂叫人食

就唔識尊重同枱人

即係叫人食打算唔食倒的厨餘

K話

你聽至1128姨講乜未？

然後同我打眼色

K's b已四年級

佢仍好驚我

過馬路

我會繞住佢老豆手臂吹水

佢婆婆電佢媽

我會同佢婆婆吹幾句

平時唔做功課

佢媽就電我

隊個電話俾佢同我懺悔

總之

佢知我在佢家

有某個身份位置

米cream DIY

從印度網站

見好多印度靚女

DIY米cream

無戲睇

叫火幫我整

米+薏米+麥皮

浸1h

煲30m

blender攪爛

加橄欖油 

隔渣 

渣可用作磨砂+做mask敷面 

用魚袋再隔渣

禮成

因無防腐劑

全部可以食落肚

放雪櫃可頂15 days

肚餓

火煮餛飩

未來幾年都不會食咖喱！

2號

一劏三

抽氣管互通

隔離炒餸，煎午餐肉，食煙

乜都聞到

年前隔離美女空中飛人

本地人不敢租

業主租給南亞

第一家南亞

日日煮咖喱+蝦醬

好攞命！

搬走

第二家南亞

日日煮咖喱

同地產投訴

地產話如嘈吵就可以出聲

但煮食氣味無得投訴！

政府成日叫人包容接納

但如果隔離

一日三餐煮咖喱

衫，被，床單，貓頭，毛巾

全部都係咖喱味

我問你點頂？！

我將假廁所+門口天花罅

用膠紙封密

咖喱味攻入屋減少

暫時走唔到

焗聞！

平時去食咖喱一回事

24小時家有咖喱味另一回事！

討厭！

接受倒數

老豆

上月跌傷出院後

腳一直無力痛行不好

昨早

行不到+企不到

媽咪撳平安鐘白車入院

醫院習以為常見到麻目

話老豆腳關節退化

打止痛針+3日藥

打發回家

因我要開工

媽咪無法逗老豆上的士

等非緊急白車

救護哥哥直接抬老豆入屋

到家已晚上8:00

媽咪直覺老豆得一年

唔肯俾我請工人照顧

其實係不想我花血汗錢

所以媽咪想睇定d先

多個陌生人在家

媽咪有壓力
寧願老豆入老人院

媽咪照顧老豆日常起居出入

我錢銀back up

兩母女得兩對手

火媽

又嚴重扯氣入院

但火家人多夠手腳

有個發燒病都肯跑醫院的盡責印印


火舅父
肺can腦can早已停藥
肺炎，屙血尿
忍不到人，行為錯亂
不斷進出療養院

火舅母
肺can
試過標靶幾年
癌細胞擴散到骨，腦，肝
昨醫生決定停藥

即使
明知這一天會到來
但心底裡仍然很難受

只能

順安天命

誰又欠了誰

火仍在還債給我:

將黑芝麻及阿麻籽打粉

翌日開大快靚正！

如我放工回2號

攤在床上死咗

火會買餸-煮飯-叫我起身食飯

洗碗-倒垃圾-餵仔-拖地

7月中壓力太大+太辛苦丨

喊過龍+瞓晤到

火去藥材舖

執酸棗仁-鬱金-遠志-柴胡

煲解鬱瞓覺湯俾我飲

每早有芝士或花生醬麥包

放我書包

有時

我阿士保加自己上網唱K

一唱幾小時

在自己在小宇宙發洩沉溺

火就靜音自己睇電視幾小時

我話肚餓

火又去煮公仔麵

又認真聽我呻公事，家事

再仔細分析+實質意見

教我點做

邊d唔做得

諗下

我父母老咗點照顧，

請工人一齊住？

火媽如果走咗屋權點交接安排？

諗下老來d錢點安排

住邊度

邊區物價貴

阿緣應該係最後一個貓頭

因為老咗無錢養貓

養自己都有困難

希望

我和火

可以細水長流地終老

困

年前

美女take嘢跳樓後

隔離一直租俾南亞

因不介意凶宅

但一日幾餐煮咖喱！

抽油煙囪互通

即使

將廁所抽氣扇+抽油煙機封死

衫--被--貓

仍然全是咖喱味

因南亞不是聲浪嘈吵

無可能叫佢唔准煮咖喱

無法向地產投訴！

火話

如果隔離住本地人

人地煎魚, 炒蝦醬, 炆南乳, 炖天麻

你都無得出聲！

無可能一家6口搬回父母家
盞嘈交!
 

好想搬！

如搬

就想索性買

但貴，買唔起！

等天安排

時光流逝

H+L

是我在異鄉生死之交的好兄弟

在異鄉生活那8年

差不多晚晚買餸開飯

不是H家就是我家

所有工作，家事，感情，貓狗

無所不講

笑，一齊笑

喊，一齊喊

後來

我回香港

堡壘初期

也與H見過幾次

後來

不知怎地

聯絡停了

近年

開了what

大時大節會講兩句

今年

過年前

H爸走了

大家又開始瘋狂互what

又恢復昔日

互相乜都知的兄弟情

超過10年無見

昨地鐵約好13:30

見到互相大力擁抱拖手良久

與H

土耳其午飯

行街

帶H買榴蓮D24大福

泰國晚飯

整個下午

大家講了10000噸話

H話:

我痛苦委屈憤怨地捱了20年

現在進入收成期

但你目前還有很多變數

切勿作重大的決定

只能見步行步