死局

 19

本來約了好兄弟H

 行街。食嘢。傾下偈。呻下 

點知媽咪又話咳要睇醫生 

老豆又話要打肺炎疫苗 

於是早上就同他們去私家醫生

搞掂又話要飲茶

媽咪爭埋單

爭俾的士錢 

無攞手叉搶住出去攞點心

我有得佢

 我放棄

費事阻止佢又發脾氣

到時又係我受靶

12:00攪掂

送父母上的士

我頂唔順

返2號

飲啖威士忌

再出去同H聚頭

公司手機不停響

有好多what要覆 

H話你放唔放假都一樣 

然後H商店內買嘢

我就坐低做自己appraisal 

因為根本冇時間做

20

放學後

同老豆去換身份證 

早前因為老豆不停入醫院所以冇去

我只得15分鐘時間

坐低食碗雲吞麵

用500蚊畀錢 

那個夥記居然話 

＜今日咁撚柒多500蚊紙㗎？＞

我即刻著火

 我話

＜咁你咪撚柒收囉

 你舖頭貼張紙出嚟

寫明唔撚柒收500蚊紙咪得囉！

 你打開門口做生意

咁樣講粗口鬧個客 

不如你咪撚柒做啦！＞

 個伙記收哂皮

返2號坐電梯

撞到樓上師奶 

佢面色萎黄+轉戴假髮 

一睇就知有事

師奶話好耐冇見到我 

我話時間大家唔同 

跟住我話 

我俾個蘋果你

我買咗10個

阿水又係唔做家務 

就係坐住睇我摺衫收衫

象b負責看管遙控

象b係女仔

我叫火

唔好咁樣擺喺電視遙控

花傷口好靚

買了新的蒙古包俾花保暖

我叫自己唔好成日去菜檔 

費是重蹈覆轍 

招惹街坊話柄

菜檔仍然由得我自由出入 

每次買菜都唔收我錢 

但係我一定要畀錢 

我在菜檔的時候 

心內非常放鬆 

環境好嘈雜 

但係我個心好平靜 

我會執好紙皮發泡膠箱 

執筲箕及價錢牌 

再用掃把把掃地 

當然同我的衣著格格不入 

但是反而我的心很平靜

 有時睇住阿花食完嘢

洗完碗我就走 

菜檔各人

信我人品不會做衰事

由得我。唔會理我

總之15分鐘內一定離開

感覺就如當年去火家一樣

火爸火媽不會理我

我可以好放鬆好自在

我事實內心裡

亦對火有內疚虧欠

火咁樣出心出力出錢對我父母

反而父母咁label我地兩個

話我夾埋個男人謀佢地層樓

話我唔掂問人借錢頂住死撐

死都話火係外人

跑醫院跑老人院屈我地有怨言

不論點樣死做

生安白做質我地N條罪名

這根本是個死局

火半句怨言都無

照舊見到啱父母食的照買

照常㷛湯

叫我唔好理媽諗乜講乜

買薯片朱古力俾我放鬆

聽我呻。聽我喊

我除了洗衫摺衫。吸塵拖地

煮飯。洗碗。倒垃圾。湊仔。買廁紙

火全部做哂

我已經用盡各種方法

去令自己內心平靜 

我只能用各種怪雞騎呢的方法

 去幫自己減壓自救

我好辛苦

我好攰

黑豆重襲

某星期日

攞湯去老人院之後

回家午飯 

媽咪腳痛 

係要又買又煮

話火過門都係客

而且

俾咗家用就要煮飯俾我食！

我話

邊個做客會幾年來 

幫手跑醫院攞尿片

攞食物去老人院

逢星期日煲湯?

然後

媽嚟料

再天馬行空

話我週圍借錢 

又話我問佢攞錢

 話我荷包唔掂 

但我從來冇問過佢攞$1

又話如果火有怨言

應該一早

問佢每星期攞返煲湯錢食物錢車費

事實上

我+火

絕無怨言

事事盡力做

然後

老豆聽完媽講

去到老人院老豆又問發生乜事？！

放工同媽視像 

繼續鬧

怕了再鬧

扮開工

媽反而關心

就算再怕

都一樣要請假

同父母去處理事項

老豆話中學同學過身

自己都未顧得掂

媽 

情緒反覆

 我好大壓力

💀💀💀💀💀

同步 

仆街上司 

不停搬龍門

💀💀💀💀💀

總是覺得自己很樣衰

心情極差 

又去剪頭髮

近日轉了另一個髮型師傅 

他們有貓 

舊髮型師傅發現了我做邊行

所以不會再去 

我同新師傅講

好唔開心。好攰。好辛苦。好大壓力 

新師傅問點解?

我苦笑冇答

 師傅叫我唔好唔開心 

攞咗兩粒糖畀我食 

然後我就開始喊

我心口乸住好翳痛痛

唔想唱歌

唔想做運動

我知抑鬱症又發作 

除了死做死頂

念經求佛祖幫我

我叫自己一定要放鬆

唔好理。唔好諗

 由得佢哋啲人發癲 

不論我老細或者我阿媽 

都不能坦誠理性地溝通 

一個幾十年來呼風喚雨戀棧權位

一個孤寂老人周身病痛胡思亂想

我已經好努力死頂死做

唯有收聲

真係頂唔順 

又去買酒 

放工返嚟飲一啖 

放鬆

都係嗰句

就算喊死

都要努力爬起身

繼續向前行

異類

媽因腳痛

屢醫無效。心情差劣

我已經買了衝擊波槍。艾灸。微電機。去濕茶

買時話我乖生性

突然又鬧我浪費錢亂買嘢

同佢出去食

費事佢又買又抬又煮又腳痛

佢話我們嫌佢煮飯唔好食又花費

明明問實佢決定叫鐘點姐姐多來1次

又話我自把自為叫人地來

明明講好話腳痛陪佢去睇私家醫院

扭來扭去又話去又話唔去

明明講好話星期日同老豆出去午飯

又突然發脾氣話戒口唔去

又話我同火無媒苟合唔註冊擺酒

火回家飯後洗碗倒垃圾洗灶頭讚火乖

火視像同佢講笑佢話火無厘正經

火怕咗唔講又話火木口木面無出聲

最新罪名係

我帶火回家介紹俾父母識

然後夾埋火謀佢層樓及家產

自問我已經盡哂力

請假跑醫院+陪覆診+跑各種大小事

又逢星期日攞湯抬物品去老人院

每晚視像同媽見面聽佢講嘢

份工又甘

為一己私利的仆街上司

瀨死唔肯退休

我已經燈枯油盡

除了唱歌

我要睇鬼片減壓

但是

暫時未有一套鬼片令我驚

＜韓國都市怪談＞

＜兒兇＞

＜暗咒＞

＜喑之居＞動畫

都係comme ci comme ça 

片中的鬼

如在地上爬行

我會同火講

個演員形體訓練得好精湛

片中的鬼

如剝皮爛肉的在張牙舞爪

我同火話＜進擊的巨人＞

殺咗人

屍體放在車尾箱

車行入隧道死火

兇手落車睇

我話條屍坐喺司機位

又估中

牆內藏了幾條屍

半夜作惡

我話無理由地產帶睇樓時聞唔到臭

咁都簽租約咁白痴？

地氈底半夜三更不停滲出血水

我話又要拖地又要買新地氈……

有d鬼不停跟住主角追嚇

我同火講我會企定

一腳踢爆佢個頭

魔鬼從後將頭伸入主角頭

令主角口爆開

火話：咪即係鐵血戰士隻嘢囉！

蟲由7孔爬出來爆血死亡

我話演員做得好迫真

但應該一見到蟲就入急症室

一切都是音效聲響剪接燈光

能否達到驚嚇效果

就要睇功力

有d恐怖片好悶

在戲院我會瞓著……

隔離屋小姐

兩溝take嘢

半夜三更做空中飛人

我無驚過。我無害過她

我仍舊住在2號

 

睇＜維多利亞壹號＞

演員一地一屋腸血

我個心好舒𣈱好寧靜

除了飛曱甴

無嘢嚇到我

現實中的魑魅魍魎

才能最坑人

今日攞完湯俾老豆

2:30pm已躲回2號

一街都係人好煩厭

媽令我和火好嬲無所適從

但不可能唔理佢

我好大壓力

💀💀💀

💀💀💀

💀💀💀

籌備

我開始籌備退休生活 

一直將身型盡量keep好 

預備將來老了

做銀齡model 

著壽衣瞓棺材影相都冇所謂 

人始終有一死

（後生時在街上有星探派過卡片俾我）

努力練歌 

希望將來可以開爛鬼演唱會 

即使去老人中心中秋晚會獻唱都好

（後生時有人在K叫我幕後代唱）

學了西多這麼多年

 我知道自己冇希望去法國或歐洲 

所以努力再重新學習grammar 

希望將來可以教初班

每個貓頭平均壽命15年 

相信阿水會係我最後一隻貓

無論精神。時間。體力。金錢

愛人或愛貓狗

都不容易支撐

（最近菜檔哥仔有一胎。信我為人。推了）

火砌的抓抓箱尺寸

請睇地下軟尺

水是巨嬰

我想去雲南西雙版納香格理拉 

去南非睇動物大遷徙 

這些都要等父母及貓頭s不在才能去

想起翩翩的種種

尤其是尾段

仍然是一邊看

一邊淚流披面

在所有夢想未達成之前

今早未瞓醒

手踭撞到匙羹 

打瀉麥皮黄豆粉

🤬🤬🤬

 

夢想

忙得發瘟

壓力好大

盡量每星期見爸媽1次

請了鐘點本地姐姐幫媽咪家務

我想

將來退休後

1

買一個小小200尺屋仔

夠我+火養老

緣仔應該是最後一個貓頭

醫療費高昂

除非

佛祖再安排我繼續養新貓頭

2

去南非

睇獅子，老虎，長頸鹿

雲南大理，北歐睇北極光

用西多話去旅遊

父母在，不遠遊

貓頭在，也不遠遊

3

做銀齡模特兒

後生時

曾有人摟過做model

到老時

希望仍keep到容貌+身形

4

希望有隊band

揾我做solo

開場小小演唱會

我自己的usb

錄咗大約30幾首歌

廣東話，英文，普通話...都有

目前

每天照舊營營役役跑生活

養父母，養仔女，養自己

俾人小

小完仲要笑住講sorry

我唔會走

我好愛香港

唔捨得

我在香港長大

香港俾咗最好的將我培養

我點都會留守到最後

到我燈枯油盡的那天

現時

完全無資格

講半滴夢想

等變

多年前

曾極度沉迷紫微斗數

近期思維又打困籠

壓力令我心口乸住翳痛

又再睇盤remind自己

 

 

命宮--->七殺(旺)

 

七殺族是先鋒型主星中

最具獨立作戰的獨行者

他們不擅於與人合作

七殺族具有冷靜的性格

與人相處時不能接受被人背叛

對背叛者使出玉石俱焚的激烈報復手段

舉止大方，氣度寬宏，有一股自然的威嚴

不管在職場上、團體裡或家庭中

希望擁有只屬於自己不受打擾的自我空間

強悍而不願向人低頭

七殺星個性強烈, 深謀遠慮

凡事皆有主見，決不盲從

獨立，聰敏，知書識墨，事業心極強

七殺性格剛強、耿直，不畏艱苦和磨難

有堅定的信心和毅力

事情一旦決定，便決絕不再回頭

敢於接受各種各樣的挑戰

錚錚鐵骨,典型硬漢子

  不合群，容易得罪人，落落寡合

因此親近的朋友也很少

深謀遠慮，思考問題時顧慮甚多

 

 

官祿宮---->破軍(旺)

 

開路先鋒，勇敢、正直是破軍的特性

勇往直前，憑藉自己的毅力和勇氣

不斷接受各種挑戰的軍人性格

有主見和領導力，在戰爭中最能體現其優勢

每當對生活、工作方式或環境不滿意時

就會去尋找新的方式或環境

有時甚至在事業未穩已「先破後立」

處理事情時往往先擾亂局面

然後再按新的方式來解決問題

變化性也為破軍最重要的性質

變化幅度足以影響一生變動

破軍由於最具軍人性格，暴躁衝動

任性自我狂傲，曲高和寡，孤獨

 

再加川字掌

成世人......唉.....

 

my id desperately urged me to quit

but my superego warned me to think twice

 

每個人都有本簿

老早由上天寫定哂

根本絲毫半分也無得改

 

難懂

1128

我又寫信俾你了

每個人的成長

總會有各式各種的跌撞受傷

當事發生的一刻

你當然痛入心肺，喊得眼腫聲沙

尤其是你是阿士保加小朋友

很多社交齷齪事都不懂得處理

別人能力比你差的

老早已爬了上去

你還像新界隻牛一樣在默默低著頭耕耘

所以

處處蝕本捱批

餐餐理虧在堡壘哭

又因為阿士保加小朋友特別擔戴上心

每每都要迫自己完成所有工作才熄制

剛熄制又在想明天有什麼事要解決

點會唔辛苦?

點會無壓力?

撞瘀了

需要時間退瘀療傷

瘀血

始終會有退去的一天

1128

既然一直配不到太空船毀壞了的螺絲釘

便努力學習適應地球吃人的恐怖生活

始終有一日

可以返回自己的星球的

路不變

人變

人不變

心要焗住變

地球不會遷就你

只有你自己去調整心態去適應地球

佛祖+死黨+blog友s+火+爸媽+貓頭s

一直開解支持你

你不算孤軍作戰呀!

1128

你要學習珍惜手中所有

學習知足

減少抱怨

耍甩俾肩膀及背脊上的黑豆ssssss

努力吧

無盡

每日都要虛情假意的返工

真的F厭惡

對住個咩都認自己最叻最好最精明

踩低別人抬高自己

又熱愛睇住你死唔出聲

然後

馬後炮-唱衰你-落井下石-打落水狗

的上司

無處可逃地F硬食

2015

為了<大project> + <焗上花轎>

壓力太大---->喊到肝鬱

好辛苦

我唔想再喊了

媽咪話會紫氣東來

真的嗎?

現時的工作

只是搵食工具

我的志向

是希望什麼國家口音的西多話

我都聽得明-溝通得到

就如什麼國家口音的英文+普通話

我都聽得明-溝通得到

咁就perfect了

每星期返學1次

是我重建自信的快樂泉源

長路漫漫....

雷頌德話

因為F.1留班

就識了林燕妮個仔做同學

然後成日去佢屋企玩

識咗黃霑, 做其入室弟子

捱了N年

才有今日的成就

證明

每個人都有本簿

一早由天寫定哂

根本無得改

我成日形住

我下半世人

仲有好多嘢會變

唯有相信佛祖大能的安排

聽10次喊10次的歌

盡其本步而遊於自得之場

<焗上花轎>

9月頭

攪掂了
 

<大project>

10月中

攪掂了
 

2壇大嘢

同期進行

形形色色大大細細的黑豆sssss

排山倒海的從四面八方湧來將我淹沒

連去死的時間都無

我用盡吃奶的力

胼手胝足的
苦戰連連

 

 

2件F大事完成

我丁點開心的感覺都無

反而躲在堡壘

狠狠的大哭了一場

並即刻出memo

多謝同team同事

全年種種出手相救+容忍我趕工的急躁火爆

 

 

 上心擔戴的人
做人最辛苦
無腦hea爆懶骨頭
做人最快活無憂無愁

 

我要做d

令自己開懷feel good

恨咗好耐想做

有滿足感

有成就感

證明自己仲得

暗地裡增強自信

而實質上自己能力又做得到的事
 

故此

我重新交學費返學

 

我其實很虛榮

追求的

不是金錢-物慾-名利-權勢
 

而是

知識
 

 衷心感激各位blog友
2015年的開解+情緒支援

態度

火生日

我2壇大嘢忙到腦爆裂

 

海鮮煲

 

咕嚕斑塊 

 

勝瓜炒豬頸肉 

 

 

在一場馬拉松之中

中途

有人對規則諸多挑剔, 堂而皇之鬧不公平

有人跑跑下周圍望, 評估自己位置, 無專心跑

有人平時不練跑, 自以為有天份, 跑姿彆扭

 

結果

這起人等

都以各式各樣的excuses退出比賽

 

講到尾

就係無料到 + 怕死 + 怕輸 + 怕無面

 

我絕少參加馬拉松

 

但是

慮周行果

若然決定參賽後

我必定會

密集式練跑+操肌+瞓飽+注意飲食

絕不輕言放棄

 

專注苦練----->不一定會贏

無料懶散----->則一定會輸

 

雖然

我平日不能100%心無旁騖地練跑

心裡背負著太多包袱

但是

我的而且確

有真摯由衷的苦練過

 

輸給別人不緊要

贏了自己才算光彩

  

總之

我會

尊重賽制

不論輸贏

幾辛苦都好

賽制幾荒誕無稽都好

一定要完成整項馬拉松

跑到終點

 

好歹都對自己有個交代

好歹都付出過無數的眼淚+汗水

酥油

 

過去1年

一直被

<大project> + <抬上花轎焗嫁>

2壇同期發生的硬嘢

坑得心口翳痛 + 經常喊

 

感覺就是

唐三藏受佛祖遣派到天竺取西經

辛辣到爆

 

又難做s, 又唔識點做s

2壇硬嘢異常複雜艱鉅

除了喊 + 鬧 + 死做

只能日日唸經

求佛祖救我

 

奇怪的是

每次向佛祖大喊跪地叩頭

當日就會有貴人出現

幫我將困難s迎刃而解

 

雖然

我知道

佛祖將2壇硬嘢同期安排俾我做

而唔安排俾人地做

一定有佛祖的原因

但我一直不明白

那個原因是甚麼...

 

直到今日

上網聽甘國衛居士講經

才忽然明白

雖然2壇嘢表面nature不同

但其實core是同質同體的兩生花

目的

就是要饒益眾生

是個淵緣
不論是報恩or還孽債
時機到了
就要報或還
無法逃避

 

故此

我應該以

正思-正覺-正念-正向-正見 + 大歡喜的態度

珍惜今次姻緣際遇

為自己積德納福

 

不應再被自己的六根六塵六識孽蔽

 

更有可能係

自己前世, 或前幾世

曾經受過某個族群的長期救濟

所以

今世神推鬼甕咁入咗呢行報恩

 

佛祖在2壇硬嘢同期發生的衝刺階段

叫我獲得這杯醍醐

應該是對我加持護念吧...

 

繼續做個

精進無厭 + 勤心莫退

的

在家小學雞佛弟子

 

 

 

 

 



萬法唯心

由2014開始

簡直做到斷氣

routine工作多, 甭提

extra的, 全部硬食
 

近年尾

孭飛的大project趕到無命,高層不斷迫逼

最坑人的是被夾硬抬上花轎2015焗嫁

父母家搭棚維修, 差餉....不斷跌錢

火爸再次中風進出老人院~醫院, 人仰馬翻

火家申請政府津貼遭留難失敗, 火不斷跌錢

還有些$%^$#*%$#星星濕濕的麻煩事...

幾萬噸黑豆砰一聲淹死阿士保加1128
 

心煩肝鬱
面色痿黃瘀黑+雙耳下淋巴腫+心口乸住翳痛

 

不論如何在工展會+冬季購物節花錢

仍氹不到自己高興, 錢買不到快樂, 心不開
 

日日喊

唸經叩頭求佛祖給我指引開示
 

可能

前生今世有些福報

佛祖慈悲

安排幾個思維正向的人

給我分析上花轎好處,縱然艱辛,我只欠缺自信
 

另外

姻緣際遇

佛祖再安排我在youtube

聽法宣法師+甘國衛居士講經

令我明白一些迷思

 

原來

我一直覺得自己心裡貧窮

是因為我不知足+不惜福 + 擔心將來

要清楚核算自己手中已經得到甚麼

我有一份穩定但惡哽的工作

有堡壘, 火, 貓頭s, 父母,
有世上最好的老死s+愛護堡壘人貓的blog友s

有健康, 智慧, 辦事能力, 語言能力
 

要對自己

作出肯定+讚賞

我是盡孝義的獨生女

我是貓頭s的好媽媽

我是公司有擔戴的好員工

我是兩脋插刀, 赴湯蹈火的好朋友
 

遇上逆緣

明白事情因果->接受->踏實面對處理->放下

因為當年在鬼地方嘆足8年唔使做有人養

所以現時X倍捱凸償還
 

故此

要懷著有機會償還孽障的歡喜報恩感恩心

有工開--->有糧出

才能堡壘交租+俾父母家用+尊嚴養活自己
 

師傅話

一定要修護自己的心

閒事理不得

負能量越多, 自製孽力越大, 思維越亂

只有蠢人白痴才會浪費自己珍貴的時間

執假當真, 愚痴抱著痛苦+煩惱
習慣沉溺在自製的障茫中哭啼抱怨

將自己的心越整越污穢
自我折磨虐待, 自己玩自己

影響判斷--->越亂,越心煩,越出錯


老師話
要學識講<算啦...>
煩惱便不會沾污自己的心
 

目前

正努力挖走心中的淤泥沙石

心不乾淨

心不安寧

則無法精進+無法向前行
 

正向正覺

努力昂首向前行

在娑婆世界苦海奮力游到彼岸

活著

川字掌

愛自由

敏銳
6.6 litre diesel, 32 valves, V8 engine turbo

獨立自主
整齊企理, 有條不紊

要求高

辦事能力高

極度捱得

命硬

頸硬

決絕

性急
衝動-火爆-暴躁
得理不饒人的鐵咀雞

決定了絕不回頭

紫微斗數

命宮《七殺》獨坐
夠騾氣

命硬，脾性更硬

只能一世靠自己死爬死挖

自己養自己

無人靠

做人

最緊要知道

自己有幾多籌碼

自己處於乜境地

要知進退

腳踏實地

別發夢

 

前無去路

後有追兵

 

唯有

繼續咬緊牙關

本著良知做人處事

披星戴月+披荊斬棘

昂首在陰霾中

奮力向前行

完滿

有4件事

我每日一定要做

1

做30m運動

容貌，體能，線條，五臟六腑，髗內啡

盡量keep

2

唸經

消災解孽

每日睇自己時間

唸到飽-唸到夠唯止

有時迴嚮俾老死

有時俾自己

有時俾貓頭

但絕多數

都是迴嚮俾老豆媽咪+火爸朱81

3

上網睇生字
太多workload無日得閒 + 莫財
無可能再返學
唯有

日日煲香港新聞

然後上西多新聞網站

對號入座
大聲讀

4

在堡壘唱K

我算係五音齊全

但好少人聽過我唱歌
我個中醫師叫我多d唱K減壓
佢好驚我抑鬱症

貓頭聽得最多

唱完爽爽睡睡

昨晚唱呢隻

每日1234完成

自我感覺良好

四項都是阿士保加式咁做
唔使對人

每當受氣後

 

我可以

有錢

去街市買餸

讓自己繼續存活

 

我可以

有錢 

買件羽絨褸俾火禦寒

 

亦有錢

買羽絨俾老豆-媽咪 

俾家用 + 過節$ + 生日$ + 危急$

 

有錢

給予貓頭s最好的醫療

有錢交租+食飯

 

捱得堅甘

份工堅索命

生活堅坑人

 

當然

陽光偶爾也照到我身上

但是

遇上的

絕大部份

都是陰霾+雷暴

 

心想

是應該為自己的勞苦而BRAVO吧!

 

但是

真的bloody F-----g疲憊+厭倦

獨角獸被困頓在黑暗火熱的籠牢裡

根本無處可逃

辣椒在我手

張家輝被記者就<激戰>問及邊個大隻D?
回應:
<邊個大隻D?
咁比較嚟有咩意思遮? 要比應該同自己比較!
以前自己做唔到
經過艱苦奮鬥, 咬緊牙關
今日自己做得到
突破咗自己, 咁已經贏咗自己!
根本無必要同人比較!>

假若
我一直留在鬼地方生活
每月等人俾家用 + 長期失業
每日去街市買餸-煮飯-洗衫
與香港脫節

咁
我今時今日
就無可能
隨口鬧政府無能
隨口講金融財經
咁多人搵我解決問題
攪得掂父母-工作-堡壘-貓頭s-自己
將潛藏的卓羅慢慢地滲爆出來
對得住天-地-人

當天的錯
造就今天的對

絕對已經突破了昨日的1128