虎毒不

做媽媽

從來不容易

湊仔的疲憊+壓力+經濟+返工

餵人奶。幼兒哭喊+乳腺發炎自疚

男家女家的行事+鳩話

孩子生病自責

犧牲自己

不能放鬆無me time 

請工人的勞氣

男人不幫忙或幫倒忙

都會令人發癲

我無真細路

但湊咁多個貓頭s

也絕對不容易

有老有嫩

個個身體情況不同

一樣很吃力

每日都要盡力做

瞄瞄膽管塞

細佬腎衰竭晚晚打水

mina乳癌割除護理

水豬淋巴癌化療+中風

翩翩肺病多年+crypto 

B頭腎衰竭+嫉妒抱抱

緣緣肺炎聞氧餵藥

5仔補裂顎

花豬食飽嘔床頭床尾

阿寶跳冧電視

火今早請假

帶緣緣照肺CT+洗肺

火從來無怨言

永遠落手落腳即刻做

火仲要記得

邊個鐘意食乜味罐頭

我父母脾性

老豆奄尖苛索

媽咪多疑毒舌

放工湊仔洗碗倒垃圾買廁紙

請假湊仔去睇醫生

逢星期日㷛湯+陪我父母午飯

我放工接緣出院

S醫生話

BAL照肺

緣肺內

好多藍綠黑一舊舊+好多痰

攞組織去化驗

可能是unknown 真菌

緣仔好乖好合作

暫又再發抗生素+化痰藥

紅色偏高是緊張引起

其他好正常

埋單

又係天文數字

火買飯盒回2號+湊仔開飯

我收衫洗+洗嘔床單

 早上5:30起身

到放工7:00回2號

家務永遠做不完

一年365日

在公在私

我+火

已經好耐無行街食飯

仲要輪流請假做父母貓事

係好辛苦頻撲

但我已經好好彩

有火幫我疏解我

死撑頂住無去死

戲中的事

全部都是真確

絕不吹噓煽情

唔該體諒下

湊貓辛苦

湊b更辛苦

永遠覺得

自己做得不夠好

生活坑人殘酷

不是人人都撑得住

為母則剛

爸爸

你不會覺得是在看一場戲

因為

劉青雲及谷祖琳

就是真實中

那對拍拖結婚生子女捱世界的小夫妻

生活上

一家4口的點點滴滴

是真人真事2010荃灣凶案

男主角買春那幕

真係好心噏

劉青雲

演技已經去到……

阿仔蘇文濤拍攝時16歲

很清新很自然

演得細膩動心

三花12歲

是導演翁子光的貓豬

三花走位渾然天成

從來都不能預算

生活上有什麼突發事

總之

越著緊越愛的

越會驟然失去

做人

最可怕的

就是無常

睇完<破地獄>

心是釋懷

睇完＜爸爸＞

心內沉鬱了整個星期

不論如何

珍惜眼前人貓狗

要盡力盡心去愛

別讓自己在事情發生後

才後悔自責追憶

破。地獄

黄子華

辭演＜飯氣攻心2＞

就是要專心演這套戲

再講一次

2025金像獎

最佳電影＜焚城＞

最佳劇本＜破地獄＞

這是一套很沉重很真實的戲

片中媽媽與仔的故事是真的

我日常工作中

也需要處理白事

最重要的是

尊重過世的人

及家人的感受

我一路睇

一路問自己

火爸火媽生前

有無盡心盡孝對他們好？

我自己爸媽

現在有無盡孝愛他們？

細佬瞄瞄翩翩阿水mina

在生時有無給他們最好的？

雖然很多人叫我要將貓頭的骨灰散了

否則他們不能投胎

但我真的唔捨得

每日仍舊與他們說話

每個人對於離世的家人

放手的時間都不同

當我爸媽火B緣花寶

都走後

我幾時死都無所謂

只要有愛

就不會有＜快樂的死＞

死與年齡無關

要發生的

就是無常

完全無法預算何時來臨

大部份無親手照顧過家人跑醫院直到過身或無死過貓狗的人或家人關係從來都很親厚的人

都話這戲好老土

珍惜眼前人

生死兩相安

📿

 

焚城

連我這個睇戲無數的電影迷

都睇到嘩嘩聲

有幾場直頭叫咗出聲

好幾場眼淚直流

確實係好戲

身為香港人

一定要睇

刮咗香港政府好多巴

雖然劇情是虛構式災難

但香港地少人多

唔該李家超特首及各高官

一定要入場睇

750萬人命

民生無小事

有好多秘密事老百姓唔知

亦無能力知道

尤其是政府與大財團的秘deal

不要每次出禍才開記招

對住鏡頭道歉

打前線的

真係做得好辛苦

你地做官坐喺冷氣房諗嘢

唔知民生疾苦

2025

香港電影金像獎

最佳電影

眾望所歸

 

Robot dreams汪汪夢裡人

 

確實

曾經熱熾的等待過

等到絕望

只能另覓新靠

確實

曾經瘋狂的尋找過

尋得落泊

也只能重新另覓依靠

絕對是timing問題

與對或錯無關

我自己一個人看這套戲

自Wall E後

另一套無對白的卡通

令人動容刻骨

焦急+無助+徬徨+等待+絕望

很多場口我都忍不住喊了

細佬。瞄瞄

翩翩。水豬。mina

只能夢中見

仍是很愛你們

相信你們已經開始了新生活

往昔生活上的點點滴滴

仍舊時時刻刻的想起

淚流滿面

感激你們曾經在我生命中出現

陪我捱世界

渡過這些年的起與落+愁與苦

也曾有過無盡的歡笑+愉悅

no one can replace you all

you are always in my thoughts 

我們這一家

一定有天會重聚的

請你們耐心等我

全職乖孫

放學

自己一個人入場睇

這套戲期待已久

很多老人家

自己死慳死抵節衣縮食捱死一世

永遠將最好的留給子孫

甚或毫無保留的給不肖子孫

自己卻苦在骨子裡

尤其是傳統女人

老公衰+仔不孝不生性食老

幾十年死忍

眼見不少無良知的人

不論男女

因為自身種種原因

想盡辦法去挖父母爺嫲公婆資產

有些老人因為思想偏執傳統重男輕女

亦有老人病榻上軟弱無助孤寂

作出錯誤的決定

很多衰人

就是靠老人臨終前幾個月強攻得米

戲中都是生活中寫實

有些場境好好笑

但笑笑下眼淚就落下

我隔離及前面的男人都攞紙巾

女人更加唔使講

有個直頭喊出聲

片中婆婆是素人

不是演員

演技卻出奇的細膩

盡孝道

是天經地義的事

新聞女皇

近期

瘋狂追這電視劇

我

不是律師

不是警察

不是社工

不是記者

不是教師

工作性質完全同劇中故事無關

但是

睇時

非常有代入感

有人的地方

就有權力鬥爭

好難安靜專心做事

有幾場

我激動地喊

因為

我明白劇中人內心的掙扎

永遠是良知vs辦公室政治

妥協就範有糖食vs做黑羊被孤立

踩住別人傷口向上爬vs雪中送炭

奮不顧身衝入火場救人vs剝花生

被高層點名孭飛vs深耕做小薯仔

不停追逐名利權勢虛名的伴侶

vs

對你警醒令你忠於自己的伴侶

我個仆街老細

成日叫我在高層面前出現

等高層記得我

我唔肯食政治飯應酬

收工就走

但餐餐高層有緊要嘢要做

就叫我老細調我去食

高層仲要每次見到我

都叫得出我個名+要同我影相

我不喜攀龍附鳳or趨炎附勢

更不會過河拆橋or落井下石

偏偏要在個大屎氹揾食

對上一次瘋狂追電視劇

已經是2011的<天與地>

之後

全套翻睇了4次

入哂血

我一路睇

一路同火話

＜我同你一齊咁多年

係真係有原因……＞

毒舌大狀

 

近日

發生了一件事

我不能盲隨

我有我的底線+俠骨

更不能埋沒我的良知

於是

我企得好硬好硬

極度堅持

寧願遭受杯葛及孤立

此事

當然未完

但是

無論發展如何

我不會改變對此事的態度

我不能像林涼水

有學識有眼界轉數快口賤又草根

但為了攀龍附鳳+走精面+揾快錢

而食偉哥去陪權貴嫖

故此

睇這套戲時

非常投入

好很有共鳴

比睇<正義迴廊>

感受更深

當然

黄子華

無容置疑

Mirror

我從來看好Lokman 

Error

我從來看好阿Dee

飯戲攻心

好好睇

近10年最好睇的港產片

非常入心入肺

由細到大風調雨順長大的人

不會覺得這戲好睇

廖子妤

最後出場那段

我喊咗好耐

 

 

舒暢

 每次心內很壓抑時

一係在2號唱K

一係在2號睇戲

瘋癲式狂睇追

第5次

<天與地>之後

今日第N次重睇

<維多利亞1號>

<親切的金子>

<Harley Quinn>

因為她們

幫我達成現實中不可能完成的種種

所以

睇完個心好舒服

沖涼

返工

自殺特攻 The Suicide Squad

 

每個人

都有些不可告人的陰暗面

窒礙著自己向前行

只有終極引爆點迫到埋身

才會命都拼了來求存

老鼠+曱甴

都是遭人厭惡被人唾棄的生物

但卻永遠不能將之消滅

原因?

蟻多摟死象

一直超鐘意小丑女

她幫我

做哂所有我好想做

但現實永不可能做到的事

勁鐘意

銀河守護隊

The Guardians of the Galaxy

原來是同一導演

睇得好疏肝舒暢

CULT+BRAVO

疑.媽 Run

我不明白

電影代理商點解會接受這譯名

點都好

我覺得這套戲

非常緊張刺激

雖然

有些橋段+對白都估到

但是

仍覺得好好睇

是真人真事

https://www.hk01.com/%E9%9B%BB%E5%BD%B1/594989/%E7%96%91-%E5%AA%BD-%E6%AE%98%E9%9A%9C%E5%A5%B3%E5%85%92%E8%81%AF%E5%90%88%E7%94%B7%E7%B6%B2%E5%8F%8B%E5%BC%92%E6%AF%8D-%E6%85%98%E6%A1%88%E6%BA%90%E8%87%AA%E5%AA%BD%E5%AA%BD%E5%85%B6%E5%AF%A6%E6%98%AF%E6%8E%A7%E5%88%B6%E7%8B%82

世界上

自私自利的人

實在太多

為了達到自身利益

踩住別人的頭甚或傷口去搶

但是

我仍深信

好人自遇好人救

惡人自有惡人磨

 

熱血合唱團

不論發生過什麼痛苦的事

人總有自己的路

要繼續向前走

與其逃避或麻醉自己

不如腳踏實地面對逆境

咬緊牙關

喊住向前行

好好睇

 

少年的你

初中時

常在街上流連

識到一個男仔

曖昧了一陣子

戲中

愛得非常轟烈

睇到心口翳痛

淚流滿面

周冬雨的演技

收放自如

30歲演高中生

與19歲的易烊千璽配戲

完全沒有遺和

曾國祥

處理細膩內心戲

非常到家

這戲攞8個香港金像獎

理所當然

愛的迫降

對上一次追韓劇

是<來自星星的你>

係好睇，但天馬行空

我從來不是韓劇忠粉

今次這套

好睇17倍

金童玉女是基本

每個角色都演得好

劇創合理，有可能

動作場面好刺激

順推，不刻意煽情

非常sweet，極度感動
驚天動地，轟烈之極

全劇金句

有3種人一定要永世記住
1 狠心推你落懸崖的人
2 見你在崖底還落井下石的人
3 在你落難時雪中送炭的人

肺炎無得出街

開工又要stand by

最好就係上網

追質素絕頂高的劇

小丑Joker

一套

極度暗黑，沉鬱，絕望，頹痿

的悲劇

生不如死

生無可戀

越睇越投入

因為我是Batman忠粉

原來幾十年來

咁多轇輵恩怨

白頭山：火山浩劫

 

韓國對於拍攝災難片的技巧

已經非常成熟

這不僅是一套災難片

而且是套政治角力片

很多大國

表面上道貌岸然

滿口仁義道德

其實是想從中

yield權力+利益

然而

人民卻深信不疑

如果

為了阻止火山爆發

引致整個韓國生靈塗炭

而南韓北韓

可以放下多年仇恨

攜手處理火山災變

為甚麼香港不可以？

 

誠然

兩邊必定有不忿傷亡犧牲

兩邊也必需溝通妥協互諒

Johnwick 3

落刀

手門精狠快毒

開槍

近距離全部alpha位

一向勁愛血腥暴力片

睇得非常爽

我趴在前面津津有味睇

隔離條女尖叫匿埋男友膊頭

你殺我隻狗？

你會死得比我隻狗慘7倍

骨子裡

我是個邪惡歹毒的人

尤其是

處理完Y與媽事件後

散場完全治癒

堅舒暢

淪落人

無可否認

有些僱主確實是剝削及虐待外傭

有些外傭也真的陰毒貪婪無心工作

一切視乎上天的安排

好彩, 就如火媽+我爸媽, 遇上Y

唔好彩, 偷嘢-玩到大肚-經血滾湯

千里迢迢-越洋搵食-人在異鄉

遇到好老闆or賤老闆

也同樣講命水

有些老闆二話不說錯少少就出手打

有些男僱主甚至非禮強姦

一個正常人

有血肉-有感情

雖則話打工出糧寄錢養家

自己親手照顧十多年的老人家逝世

真的可以不流一滴眼淚?

眼見高學歷家傭真的有藝術天份

真的自私綁她在家買餸煮飯拖地

成世做工人?

世俗階級觀念

永恆存在

香港男人不應與外傭發生感情

大學畢業女仔也不應同洗頭仔拍拖

所以

情理上

我是不應該同火一齊咁多年...

黃秋生贏周潤發, 理所當然

<無雙>贏<淪落人>, 也理所當然

Crisel Consunji，演出真摯, 令人動容

黃秋生無收片酬

運輸署 X 葉德嫻

 

 

她免費拍足3日

我已鐘情葉德嫻多年