千字文

未有what之前

係SMS

未有SMS之前

係寫在紙上

然後

媽將博士論文

貼在target (老豆--阿嫲--我)視線範圍

e.g.

房門上

廁所鏡上

大門上

飯枱上

總之

一定要target睇到!

因短兵相接+劍拔弩張時

佢腦慢+口慢唔夠人講

所以

條氣唔順

事後一定要以其方式反駁

鬧老豆

鬧Y行李阻佢開窗

媽一句dut我

<間屋係我嘅！我鐘意點就點！>

佢完全唔知我嬲乜！

寫一車廢話

鬧我自把自為請人 

鬧Y不老實

收兩邊車費食兩家荼禮

 其實係Y話佢有八達通, 阿X有俾咗車錢

當時係媽話: 得嘞得嘞...用我隻八達錶嘟啦...

Y話

以前火媽每早俾$20佢自己食

1h後去茶樓接火媽

但媽認為屋企有食物, 冬菇亭亦可叫牛肉通

認定Y係貪婪斂財 

媽話Y一上工就病

掉轉要服侍Y

話Y藥後不聽話唔瞓

一日不停手清潔

媽叫佢放慢做

事實係Y覺得一開工病唔好意思

想將功補過

我回家調解後

Y邊喊邊流鼻涕洗抽油煙機 

媽又話佢用2h洗

Y點做都係錯!

Y蒸魚後落生油

同媽駁火 

當初我同媽講

Y在朋友家打工

朋友媽過身

如果繼續留Y在我家

Y遲早一日將我+火關係爆蛹 

Y走後

鬧Y執亂佢D嘢 

話佢老人中心點訓練人 

Y 16 走後

我覺得連月來身心疲憊+非常厭倦

吃力不討好

俾媽狂怨

17pm

好聲氣電媽話今星期不回家

佢話

<你無2-3星期都唔好返嚟!

攪到我雞毛鴨血一鑊粥!

你今次跌錢買教訓!

以後要帶眼識人!

唔好咁易信人......>

下刪74589字

我冚佢線!

我在江湖打滾咁@多年

我低能白痴易信人?!

咁火媽--聰明人全家--火--

--廢2全家--廢4--隔離病床家人s--火表弟--

19個月來

全部人都是盲的?!

只不過

Y是個獨立擔戴處事的打工仔

性格強不喜聽命於人

而我媽就萬事都哦哦哦哦

極度主觀+先入為主

將1粒塵咁dd事, 牽連到生肖相沖

無限擴大-延伸-衍生-漫延-發酵

K話

扮乖-扮勤力-扮真誠

扮3個月好多工人剛到埗都扮到

但扮19個月事事上心+事事以火媽為先

做得比醫院護士妥當就萬中無一

即使有出糧都無可能

而Y亦知你點對火媽好

人離鄉賤

Y同自己阿媽不和

火媽同佢好, 佢當火媽係親人咁鍚

所以Y出心出力服侍火媽到過身

火家得你幫Y做節洗1000隻碗

帶佢行街食嘢-帶佢買行李喼-幫佢攪銀行

成日問你幾時上火家食飯? 整印辣你食

Y知你係咩人

才應承去你家照顧你父母

整件事你無決定錯

只可以話你媽不接受能力高的工人

Y亦將你媽+火媽嚴重比較

Y有嘢衰+你媽有嘢衰

一個巴掌拍不響

引致宇宙核爆

暫時唔好返屋企, 遲D先算

你媽口硬死頂, 以為自己仲頂得住

到遲d佢嗌救命真係頂唔順

先帶佢上agency, 等佢自己揀

到時就無得怨你...

結論

你絕對無可能同父母同住！

我話

係

我自己起紫微斗數盤

命宮<七殺> + <天魁>

老早知六親無靠

一定要食自己

所以

18歲後已逃離屋企

目前所做的一切

只是盡孝義

短命合同

Y
出街，媽叫佢帶衫唔聽
冷病發燒
媽帶佢睇私家，打退燒針
叫佢食藥瞓覺停做家務

14
Y仍咳
我請假再帶Y睇醫生
晚上

Y藥後仍擒高做家務

爸媽叫佢停，休息

驚藥後暈跌，切手流血
入廠仲大鑊

Y嚴重不悅

煮晚飯

Y就咁蒸魚後落生油

媽話爸割了膽

咁食會入醫院

無理由你來港8年唔識!

Y叉起條腰

我來港幾多年同點落油

有乜關係？！

Y收衫
隔肋底未乾
照收照摺收櫃筒！

15早

媽落街才向我通報

話Y擺明玩嘢

關係已破裂

不能再忍再留！

我非常無奈

原出於孝義

想請個好工人服侍我爸媽

到火媽走後

攪手續都好順

傭金，傢俬

我以為慢慢會順會好

點知

事與願違

媽話
我出糧俾Y
故Y聽我話，面口好，扮死狗
但我一走Y就變臉
媽對Y亦有無盡偏見
總之羅生門

由5月8起
我回家調解+斡旋N次
真係好%攰
我要返工咖大佬！

焗16終止Y合約


叫K+同日生
2個幫我問相熟agency點做

叫JP請假陪我回家帶走Y
如出事多個證人
及一齊上介紹所睇文件+計數

火公司人手不足，請不到假
而且
我覺得火當Y係半個朋友
有d偏Y


當然
一個巴掌拍不響
我媽衰在咿咿哦哦+先入為主
Y亦衰在太聰明，太叻，強悍
揾著我嚟攪

15
4：30pm
Y電我
話曾問agency
驚移民局唔批佢留港
忽然驚死
無話唔想做......

我心諗
咁你早幾日又起哂鋼？！
係佢自己12+13喊話要走！
打電話問完agency
又肴底驚遣返！
你唔想走點解要電agency？
掉頭話我炒佢？

最荒謬係
Y提議叫另一家人
俾翻$5000傭金我
不要停約
但地址不變！
我話咁係非法，NO！

我諗住有彎轉
正打算同媽傾下留Y

30m後
Y再what我
叫我出機票+代通知金+9日薪金
話16走

最辣爂我
Y 9秒9電廢柒
話我媽炒佢
害佢無得留港打工揾錢！

我更爂的是
廢柒在火家what群
通報阿X個媽幾日就炒咗Y
問火點解咁對Y？！

我成塊面丟到吐魯番！
吹@#漲！

完全無彎轉
唔留！

Y又話
不要上agency攪停約手續
不要在agency簽收錢銀+機票
因會扣佢
要在另一個agency攪
我話NO
要介紹所真憑實據+移民局文件
點知你將來會否反轉豬肚
追我欠薪咪死！


頭尾跌咗接近$30000
煙花咁爆完
一陣風就無咗！

原定火媽5-26上灰
我會去

廢二乸上星期叫我安排Y去
我話點安排？
星期日係佢放假佢自由時間
但我照問Y
佢話去



即使約止合約
我+Y同場出現火媽上灰
如火家問Y在我家做得好唔好？
我一定會答
已停，因同我爸媽夾不來
乾脆，大方，磊落

但Y咁同廢柒喊
廢柒又火家群問點解炒Y？
我就不會去5-26
我不想見Y+火家那班人！
好@#爂！

一家contract完咗就係完咗
佢打俾廢柒為乜？！

$#@%&*xyz

反正生前我點對火媽
火媽心裡最清楚

一切儀式只係一場戲
做俾生人睇

16
11：30
同JP回家
見媽開枱擺了5張櫈
話要傾！
我話傾乜L遮？！
執齊嘢！放低鎖匙！
走就走啦！

媽仲繼續講
話Y執哂行李坐門口等我
看更巡樓唔好睇
我火L滾
叫媽唔好再講嘢！
Y同老豆握手講多謝
眼尾都無望媽！

好彩不是火同我回家
否則
火會不自覺流露同Y是相熟的
咁爸媽察覺到我就會好L煩


1pm
錢銀交收+即買機票+移民局文件
清清楚楚攪掂+雙方簽妥
日後華洋轇輵唔關我事

Agency老闆
半廣東話，半印尼話鬧Y
點解周圍同人講Agency刻薄佢
鬧佢講大話
Y眼神倔強，但無反駁



所以
我媽話佢double face
媽千字文哦到我九彩

Y攞錢+攞機票紙即閃
話去灣仔瞓
循例多謝我


Y走之後
agency老闆話
我唔明點解你揀呢個工人？
我揾人起佢底

佢好有脾氣
開工係盡責
但要惡哂話事
第一個，中風輪椅阿伯，6年
第二個，火媽肺氣腫虛弱，18月
其他只做咗4個月+1個月
一樣頂咀炒約！

總之
Y最叻處理無力唔郁得果種
乜都佢話哂事
點會聽你媽話？！
梗係日日嘈啦！
佢前前僱主話Y好叻詐死扮弱者
但當初係你自己帶佢上嚟簽
我地無得出聲
你朋友媽過身(火媽)約完
佢返嚟我地度又同其他印嘈
周圍同人講話我地唔俾飯佢食
呃佢錢
唔俾地方佢瞓
根本唔係咁！
前前僱主話佢好蠱惑
正常工人
點會叫不知名新老闆俾$5000你
但移民局+勞保照舊係你地址？
咁佢瀨嘢咪你食哂？！
正常工人
點會叫你唔好上嚟攪手續
叫你在家計糧計機票？
梗係買好機票俾佢走啦
否則
佢攞你機票錢留港唔走做黑工
入境處拉到，你就煩！
蛇有蛇路，鼠有鼠路
你攪清楚手續合法就最安心


JP鬧我太易信人


我照寫信俾佢
表面上有讚無彈
但如果聰明人
一睇就見字裡行間有骨
Agency 小姐一睇就笑
佢婉轉解俾Y知

GAME OVER ！

公道

昨早

我同Y講

火舅母印印咁咁咁

Y反應好大

Y話

有無攪錯呀？！

那懶印覺得有護士做就得

Y不信護士要自己做

不怕屎尿，自己換尿片

照顧老人如自己祖父母一樣

自己會主動做，唔使人叫
請你相信我
一定會好好照顧你爸媽

Y話

她14歲離家出國打工

照顧過新加坡，台灣，香港的老人

中風，血壓高，糖尿，肢殘

她都有照顧經驗

英文，普通話都識

根本唔驚無人請！

但應承咗就會盡心做

我同Y講

老豆糖尿入廠

她好緊張

即刻問我老豆情況點

Y昨5:30pm

📞我喊

之前講明如果火媽走後

Y 4月22最後

所以22晚

廢4 已計清出糧俾Y

即是合約已正式完結

但Y自己覺得

1.新床送貨那日去我家清潔半日

2.搬棉胎去我家又半日

Y覺得4-23
要免費補翻一日俾廢4先公平

所以一早講明

24離開火家

寧願返agency瞓地下

都想同其他印印玩下傾下

休息2wk

等移民局出新working visa

才去我家正式開工

但廢2乸昨午📞Y

話24晚上去食飯

叫Y留在火家免費瞓+俾免費食

幫手煮飯-買餸-拖地-洗衫

直到4-29先俾Y走

Y覺得無理+非法

好冤屈喊

廢4講明24-29無錢俾
因Y喺度免費食瞓！

廢4又📞他老友

叫老友的印印翻譯叫Y留到29！

Y 22晚心急喊
覺得廢4將事情揚開到印圈
令Y無面

但Y唔識講廣東話反抗
淨係好驚好急喊

我話:

<你去我家清潔新床我媽咪有俾錢你

你搬棉胎貨車錢我出

火媽走後

你免費去聰明人家洗厨房
無錢已經好笨！
廢2乸24買餸上火家煮飯
關你乜事？
點解無contract仲要免費做？

無可能咁無錢幫火家到29...>

我話:

<你唔使驚

總之今晚同廢4講

4-22 contract完

計清人工-大假-機票錢

一切已正式完結

如無勞保留在火家免費食瞓

但又要做

係非法

如有意外

移民局會遞解出境遣返老家

新簽我家的contract會自動取消

而且照顧火媽超辛苦

要堅休息放假2wk

23晚最後，sorry

24早交低鎖匙走！

不合理要拒絕say NO!>

Y邊喊邊多謝我教路

雖然Y讀書少做下人

但她一直覺得

廢4唔錫火媽

懶+唔知火媽乜病乜覆診+唔俾錢火媽

所以

火媽走後

根本Y好想快D離開火家

 好彩Y聽我講

問廢2乸攞翻條金鍊

否則廢2乸死拖唔去整

Y就焗住留在火家免費打工到4-29

我向來都是打工仔

未試過做人老闆

但我覺得

要公道-要合理-要俾伙記休息

更要尊重伙記的自由+決定




P .S.

Y最後決定
25早上走
因洗了自己衫未乾
焗24煮飯洗碗

+

俾另一廢人傳染咳
無合約
Y要自己俾錢睇醫生


總結
Y
是個善良擔戴肯蝕底的儍仔

質地一流

Y

4月23火家最後

趁復活紅日

叫Y火家10：00等我

call貨van

將Y的冬天棉胎厚褸

先搬回老豆媽咪家

聰明人買俾火媽的新輪椅

聰明人叫我也帶走

俾我父母將來有用

我問Y

<火媽上山後你金鍊斷

廢2乸又話幫你拎去隔離金舖整

足足幾日

佢整好未？

如無估錯

應該金鍊仲擺係屋企！

你信唔信？

不如你自己攞去金舖啦！>

Y電廢2乸

真係放在廢2家未整！

Y同廢2乸講

<我3：00攞翻，自己整啦......>

Y話

<唔怪得火媽有事

一係揾聰明人

一係揾阿X你>

Y脾性同我好似

乜都好急+乜都上心

唔即時處理好似蟻咬屁股咁

我同Y講

<遲d我都會交還火家鎖匙>

 Y話

<點解？你不再上火家？>

我話

<鎖匙係火媽俾我的

方便我出入睇火爸火媽

依家火爸火媽走哂

我揸住揪鎖匙入屋睇邊個？>

Y點頭不語......

Y話

火媽走後

她雖然回教

但日日裝香俾火媽

Y要叫廢4

廢4才裝香

Y話

火媽彌留拖了整個下個唔肯走

我地肚餓去食飯

Y當時同火媽講

<佢地肚餓去食飯

我喺度陪住你，你放心走啦...>

然後

Y話火媽咀輕輕郁，但講唔到

然後火媽終於就走了

 

行過見到糉

我話火媽包糉好叻

Y話

<上年火媽自己糭葉換水

撞裂腰骨入醫院1個月...>

Y咩都記得

我問Y

來了8年識唔識香港粗口？

Y微笑話

<我地回教徒一定要好乾淨

阿X，你唔好教我壞嘢

個個教都一樣教人學好

你佛教都一樣...>

媽咪煮了一枱餸俾Y

第一次4個人同枱午飯
媽咪不停叫Y食
話Y今日身分仲係客人

媽咪話

昨晚老豆肚屙

死拖到9點醫生拉閘前才去睇

媽咪做到黐肺

又係唔電我！

總之

Y來我家

絕對係順應天命

幫做家務-處理老豆-通風報信

飯後

Y自動波

洗碗，掃地，拖地，洗厨房

媽咪買了新拖鞋俾Y

咁啱Y勁鐘意粉紅色

又俾蛋糕佢食

Y勁開心

媽咪話

不如買真空袋俾Y收棉胎？

我話

真咗先搬過嚟啦！

Y好醒好企理架！

Y抹厨櫃

皺哂眉頭

<阿X，

點解收埋咁多垃圾？

可唔可以掉無用嘢？

遲d你屋企一定會好乾淨

我會整好佢！

我5月嚟呢度返工

啱啱開始好多嘢做

5月係回教齋戒月

但你爸爸媽媽5月好多醫院

我遲d先拜神

真神知我轉新工好忙

不會鬧我不拜神

俾d時間我整你屋企

你去返工

我幫你照顧爸爸媽媽......>

感激+感動 x 10000

自動波扶住媽咪

幫手拎袋

送去打麻將

我叫Y認住條路

下次媽咪打完麻將接回家

媽咪話

<阿女

你好似骷髏骨頭

周身無肉！>

我話

<唔使驚！

佛祖會睇住我地三仔乸！>

佛祖庇佑

一切搬好攪掂才黃雨+雷暴

獎勵自己的

蝦子水餃撈粗

眼內事

今日午飯時間

趁有空檔

叫Y在火家等我

我將老豆媽咪

由5月開始的各科覆診時間

話俾Y知

我11：30上到火家時

Y在清潔厨櫃

我從未見過一個傭人

唔睇電視+唔煲電話粥

火媽都係咁話Y

換轉係我

乜都唔會做

日日睇電視，瞓晏覺

等4月23完約

Y用一個全新的2019月曆

detail 地寫哂老豆媽咪醫院病科

安排煮午飯，買餸......

我講乜Y即刻抄落新月曆

Y覺得要用新月曆

因火媽的事已完結

不應該寫老豆媽咪覆診期

去火媽月曆

Y煮了麵俾我

我講解父母覆診時

公司手機不停響

麵凍哂都未覆完公司what

Y早已見慣我開工情況

Y做人處事的思維

同我好相近

一切要事前安排好

準時或提前完成

方便有淨時間處理突發事情

從來不hea不拖不懶

她話

<老人家頭先好好地食飯睇電視

可能突然唔舒服要入醫院

如果未洗衫未買餸

屋企亂唔好>

她話阿女今年10歲

想讀警校

要俾好多枱底錢

所以出糧好重要

大力俾我的佛經咒牌

在開工袋有軟墊護住

但火媽上山後

我發現咒牌爆咗！

無獨有偶

Y頸上的金鍊

火媽上山後突然斷開！

得我+Y有這2件怪事

火家其他人無事發生

Y用真空袋

將棉胎+冬天厚褸收扁咗

方便搬去我家

Y做事非常企理

我問Y攞銀行户口出糧

佢話上工初期只可放星期日

3個月後如工作表現好

才可放紅日

我話

<你唔會有假放！你太衰！>

Y哈哈笑

<阿X，你講大話......>

Y話

火媽仍在家時

久久會同Y話：

<點解阿X幾星期唔上嚟食飯？>

Y同火媽講:

<阿X返工好忙

但阿X一定會同你睇醫生>

話說

某晚

Y提火媽翌日覆診

火侄問

<阿嫲，明早邊個陪你覆診？>

火媽一句dut佢

<一係聰明人，一係阿X

唔通你阿媽咩？！>

Y話

同住的廢4

要踢才做少少

從不知火媽幾時覆診+覆乜診

只有聰明人+我, 陪火媽覆診

廢2乸也甚少陪火媽覆診

廢2亦甚少回火家食飯

簡單講，人唔到+錢唔到

Y居然問我一個問題

<點解醫生俾火媽回家做冬

但廢2廢2乸約朋友BBQ？

做冬可能係最後食飯

點解佢地唔同朋友講媽咪病？

依家無得同媽咪食飯啦！

阿X你住咁遠坐咁多車

都攞湯攞粥俾火媽醫院！

佢住咁近都無平時睇火媽！

我見過聰明人+火

個個月俾錢火媽

但從無見過廢2+廢4俾錢火媽

佢地唔錫火媽！>

Y講的

就係我心諗的！

Y比我想像中更有思想+立場

但她自知是下人身份

不會亂講嘢

所以

Y絕對不會隨便揀一份工

佢決定後，就會盡心盡力做

絕不渣流灘

星期日

火媽纓紅後

廢4下午照舊躝街

Y攬住火媽張大相回火家

我+火+聰明人

回火家點帛金

我同Y話

<我屋企冬天勁凍

你如唔驚，唔介意

就帶埋火媽的棉胎去我家

不要浪費錢再買新>

 

Y話, <唔驚, 火媽好錫我！>

聰明人話

<係呀，攞啦！唔好浪費！>

Y話

廢4見她將火媽棉胎真空

表情唔多鐘意

<張被你買架咩？！>

我同Y講

聰明人係火家話事人

佢話得，就係得！

唔使理廢4

Y話想出糧要cash

我話

<你俾銀行A/C我

我月尾出糧時未必準時回家

咁邊個出糧俾你？

你個女邊有錢交學費？

我出糧入數俾你户口啦...>

 

Y又話唔知户口係咪active 

我開speaker phone

幫佢同銀行職員一齊對話

我唔會呃佢

問實户口仲係active

Y又話原來唔識用卡攞錢

我又教佢落街撳錢

叫佢寫低步驟

Y問我

<阿X，有罐鮑魚你要唔要？>

我話

<依家其他人不在場

我唔會要！

費事人地話我or你攞咗！>

Y話

<係呀

我都係食自己買的印尼麵...>

Y話

日前

聰明人將火媽櫃頂的

燕窩，乾鮑，大花菇

全部搬走哂！

我+Y一齊笑

笑的原因肯定一樣

我問Y

<你以前做果家有無嘈交？>

Y話

<成日嗌交啦，佢地因為錢呀

我做那家6年

見慣嘈交啦

我唔驚！>

我話

<哈哈哈，你唔驚就好嘞！

我父母都成日嘈交>

我自己食完洗碗

預備返工

<Y話

你依家係我老闆

點解你洗碗？>

我話

<你煩唔煩呀你！

俾塊印尼蝦片嚟食吖？>

孽障

媽咪話
自簽了Y後
老豆一直黑口黑面
乜都dut媽咪

例如
Y會煮早午晚3餐
出街食太油膩
你唔鐘意喺屋企食
就自己俾錢出去食！
老豆大聲喝媽：得啦！

 

今星期六拜阿公婆婆
我不能同時拎2大袋金銀
及同步照顧爸媽

叫老豆揸手叉不要去拜山
驚人撞跌佢

 

老豆同我講ok
但我走後發媽咪脾氣！

老豆不敢對我發脾氣
但糟質媽咪

清理舊衣櫃
媽咪話老豆完全無理過
繞埋手黑囗黑面唔理

他們去大家樂吃飯
媽咪將71元講成91元
將20元退回俾老豆
老豆將20元兜口兜面掟媽咪面

媽咪覆述
我火滾話
點解你縱到老豆咁？！

點解咁驚佢？！
因為你係舊式傳統女人思想？
要受幾十年家婆氣！
仲要咁驚老豆？！
點解你咁軟弱？咁怕事？
換轉我係你
一定唔會忍！
我一定帶住個幾歲女離婚！
不如

你依家離婚賣咗層樓同我住！
反正印印都請咗！

媽咪話
唔順佢意佢會郁手郁腳
出街太耐我驚佢屋企暈咗

佢成日話死咗仲好
如果佢失救死咗
我就內疚成世

我話
咁你繼續還前世債啦！
成世受佢全家操控！
你個自尊去咗邊？！

放工
極速買了碌架床+衣櫃
星期四pm送貨去媽咪睡房

成叠銀紙交俾火講價
我個頭實哂, 聽唔明點計

我通知媽咪送貨安排

我真係撲到無哂電！

手機日日都出現這句話

對於火來說
火媽離世是一件事終結

對於我來說
同步要處理Y來我爸媽家
是兩件事交疊
故此
非常耗電

The Big Brother is watching...

今日

火媽頭七
火買榴蓮+牛肚河俾火媽

我帶Y回家見爸媽

分頭行事

出門前

我同佛祖講

求你控制老豆勿嚇親Y

我想媽媽享福

老豆去了買馬

突登擺款拖延

我事前

已讓媽咪與Y

雙方隔空溝通

10：30

只得我，媽咪，Y

媽咪主動同Y握手

社交能力係我1000倍

好快

Y已放鬆和媽咪說說笑笑

我叫Y

主力幫我睇住媽咪

帶她全屋睇一次

簡單講老豆點衰點發脾氣

幫Y打定底勿驚

Y很醒目
見媽咪咳
自己去厨房斟水俾媽咪

因我先斬後奏簽Y

老豆嬲

覺得無話事權，無面

阿嫲死後

爸媽仍與阿嫲大陸親戚聯絡

近日阿嫲大陸外家有白事

老豆焗媽去

但媽不想出錢做水魚+做阿四

不想去
大陸親戚係酒店VIP
紅事白事都酒店級
老豆勁想去嘆著數！

12：00

買馬回來

老豆報復心理好強

要權-要威-要面

係要返大陸2天白事

明顯作為我簽Y

迫佢要工人的等價交換

表面上扮要我批准！

我撳住條氣話

得，但上落要小心

老豆條氣gur咗

見Y時尚算寛容俾面

只循例問係咪識廣東話？

又話肯將大房讓俾媽咪+Y

自己可以改瞓細房

我知老豆絕對係扮嘢

將來實會話犧牲大房俾媽咪

一定利用此事

將來要脅我媽咪

我不會中計

我話

乜都唔好攪

只換媽咪房碌架床就算

盡量將麻煩減少！

老豆收聲

其實

老豆媽咪都好驚我

不是因為我俾錢

而係我處事講道理

一鎚定音，無得bargain！

短短1.5h

Y已將我家政治情勢看在眼內

我話

總之有衝突就帶媽咪落花園仔

最緊要媽咪安全

Y堅持不要加裝冷氣

1. 驚我浪費錢

2. 瞓覺怕凍，有風扇就夠

其實

媽咪同屋苑其他印傭關係非常好

有好多印印

平時無條件

幫媽咪攞重嘢+買餸

因為媽咪

心地善良，肯幫人，關心人

媽咪覺得我太硬-太強-太倔

所以即使我做嘢得

但做人不夠圓融蝕底

媽咪每日要畫眉

見Y有化妝

即刻問她化妝點點點

Girl's talk

媽咪的眉筆

其實

我好憎我老豆

自懂性已知道

老豆心中的排位

是阿嫲，打牌，佢自己

我和媽咪絕少在他心上！

阿嫲過身已經10年

仍舊是打牌，佢自己！

但佢始終係我老豆

點都要理佢until埋單

多年來

老豆不論人際，錢銀

製做了萬七項麻L煩的事

不斷同人嘈交+周圍問人借錢

要我和媽咪執蘇州屎

對媽咪呼奴喝婢不在話下

但老豆對住我點都扮綿羊

攪掂乖一陣

又重蹈覆徹變本加厲

坦白講

我和媽咪都很厭倦疲累

我這幾年對老豆

一直是扮和順

因老豆妒忌心重

如我表現得太錫媽咪

我不在家時

老豆會糟質媽咪

令媽咪受委屈！

我與媽咪

都覺得

我母女倆今世都是還債的

還夠債老豆走後

我和媽咪才會有安寧日子

媽咪送我+Y落樓
Y扶住媽咪手臂慢慢行

<你嚟得我屋企，我就當你係女>

同火媽見Y口脗100%一樣

我送Y上巴士

Y話：阿x，你屋企我明白了

她的眼神是指我家政治局勢

多謝佛祖庇蔭

真的安排Y來我家幫我

當然

也是佛祖獎勵媽咪多年的屈苦

。。。。。。。。。。。。

後記

1:30

我在大家樂回氣

老豆電我

<我聽錯24係下星期四
白事今早已上山

不用返大陸了....>

我話哦

收線忍唔住，對住碟飯笑
$#%&@xyz

佛祖真係勁！
真係有顧住我兩母女

乜都睇實哂！

唔俾老豆攞威亂嚟！


媽咪what

順安天命

在火媽走後的翌日
 我就病了

 除了返工要跑街之外
 其他時間都是攤在2號聽歌和睡覺
什麼也提不起勁
 覺得非常之攰
沒有力做運動
 更加沒有心神看生字

 等電梯沒有按掣
入了電梯也沒有按掣
 經常去的地方落錯地鐵站
 出錯出口
完全心不在焉

之前
曾經希望
假如有一天火媽走後
 超好印印
可以來我家照顧我爸爸媽媽

火媽媽走的那天
 超好印印
整天都在哭
是由衷的哭
根本假不來

火媽在生時
印印what的相是火媽單人相
火媽走後翌日
印印轉了她與火媽合照

火媽走後
她在火家無事做
自己主動去火大家清潔
她不收額外費用因為人工包了
我從未見過咁忠直憨厚的外傭

 做冬的時候
我曾經問過超好印印
 將來可否來我家照顧我爸爸媽媽?

她說好
因為假如火媽走後
那個廢柒也不會要她

 她很口密
一直從來無人知道
我與她在火家廚房洗碗對話

 我叫超好印印不要同任何人講
 免得我好像很想火媽快點離世
我不想做罪人

火媽走後兩天
 超好印印打電話給我
 問清楚我是否要她？
因為她現在合同
主要是照顧火媽
 而火媽在合同中途離世
 所以根據香港法例
合同已經即時完結
如果她沒有新僱主
 根據移民局的規矩
 她2wk內必須要離開香港
 所以她非常心怯
 她很需要錢養家

 我說你不用怕
 你一定會去我家

 廢柒在火家群組
 說假如有人想要她就要快
超好印印曾經同我講過
 在醫院時
曾經有不同隔離病床的家人
 問她攞電話
 足以證明其他人不是盲的
 所以我一定要搶她回家

這幾天
一直與超好印印what
她想知道我爸爸媽媽的情況
例如
 幾點起床就寢
 幾點吃飯
有什麼病
 所住地區等等
最終約了她的中介公司
 今天晚上簽新合約

我是什麼人
超好印印很清楚
所以即使有其他人搶
其實她想來幫我

火叫廢柒
預備火媽離世醫生證明信
結果
廢柒忘記帶把回公司影印
 我要用另外一個方法
攞信去中介公司

 我很想在媽媽晚年的時候
給她一個好工人享福
 因為媽媽做了幾十年人
捱得非常辛苦
 吞聲忍氣+逆來順受+打落門牙和血吞
 幾十年來受盡家婆的氣
 家婆走後
又要照顧暴躁多病狂發脾氣老公
 又要處理家務煮三餐
 即使我有給予足夠家用
即使我有陪他們覆診

 我確實希望
有個很細心-很擔戴-很善良的工人
 在我媽媽晚年去照顧她
一來可以幫輕她做家務煮三餐
二來我想有個人在屋企時
爸爸發脾氣會減少

我不至於天真到
希望爸爸會變得溫純
 我只希望多一個人在家
可以幫我睇住媽媽
讓我可以放心返工

單是水掣+爐火
都忘記幾次關掣

火媽走的那天早上
 我在2號叩頭向佛祖說
請你快點帶走火媽
她實在病得太辛苦
希望她可以無痛快快離去

 然後
在火媽走後的翌日
我媽媽去醫院覆診
 媽媽一直非常抗拒請工人
一來有一個陌生人在家
 二來她根本不想我再額外支出

 我又叩頭向佛祖說
請你說服我的媽媽
讓工人可以來我家照顧她
安享晚年

媽媽的大腸檢查報告
顯示她有6粒瘜肉
 全部良性已經割除
 醫生說是因為經常外出食飯
 最主要是因為爸爸媽媽覆診後
可能太疲累
媽媽無力去煮飯
 所以經常在大家樂吃飯

聽大腸報告後
 我認真同媽媽講一次
我請工人目的
而且我要同人搶
媽媽居然溫純的答應
話明白我用心

 於是
今天傍晚
在K陪同下
簽了新合約
超好印印5月中就會來我家

簽約後
印印放下心頭大石
不停多謝我
問爸媽鐘意食什麼？
想帶些食物作見面禮
她想得細心，很懂做人
又問
假如爸爸不喜歡她怎樣辦？
我說
你先主力做家務+煮飯
陪媽咪去老人中心+打牌+父母覆診
我媽媽很易相處
爸爸要慢慢接受
我真的很需要你去幫我

她說
火媽昨晚回家找她: <阿妹, 我無錢...>
她無驚
翌日
自己出錢買了金銀燒俾火媽用
她是回教徒, 卻肯尊重我們習俗
係咪執福?

簽約後
我電老豆
老豆發我脾氣：
我唔係癱咗！無必要！
多個香爐多隻鬼！

我唔理佢
我只知媽媽捱得好甘！
自老豆10月跌傷+類風濕
所有粗重買洗執煮都係媽媽硬食
有人幫她糴米攞橙都好吖!

 感激佛祖
真的有聽到我的祈求
也體諒我要跑街揾錢養家

2016年2號搬屋媽咪面癱入急症
2018年10月半夜老豆跌倒
2019年媽咪象腳水腫入院
我要不停請假撲出撲入
這類倒瀉籮蟹情況
只會越來越多
還未計平日兩老各科覆診


爸79
媽74
我真的盡哂力....

星期日24, 早上
會帶她回家見爸媽
媽媽驚老豆發脾氣嚇走人
我叫媽媽向爸爸進行思想工作

以前ex來我家時
見過我家衝突情況
即如警察宣傳片
一個揸刀行頸
一個狂喊嗌跳樓
枱櫈推冧哂一地血
ex完全嚇親
因他自細家庭和順未見過

我+火
則習以為常
因火家自細也一樣常見

現在兩老已經萬7樣覆診
我只能請假陪覆診
不能送回家+顧飯餐

到遲下
爸媽身子一年比一年變差
就像火媽
再老+再多病痛+又入醫院
霎時間我無爪蟛蜞+倒瀉屎
何來突然有好工人?!
真的89歲仲去糴米抺窗晾衫?

收線後
老豆繼續哦哦哦
媽咪發火剷老豆
你有事入醫院病到唔郁得
我同阿女撲到落哂型
到你無事精神爽利可以去打牌
你就呼呼喝喝踢開我問我攞錢
個女出面捱得咁辛苦
咁孝義請個工人服侍我地幫輕我
你究竟仲想我地兩母女點?
當我係工人!
當個女係提款機!


媽咪電我講到喊
幾十年來好寃屈

媽咪話
某年我發高燒
老豆和阿嫲打牌
媽咪電嫲家:
阿女發到103度, 我要抱阿女去QE
老豆話未打完!
到媽咪由QE睇完抱我回家
老豆才回家!


希望
爸爸媽媽會欣賞超好印印

在此
衷心感激
所有blog友的關愛+支持