陰霾

我收，隔離令

火收，檢疫令

由確診，呈報，康復

政府無人📞我＋火

近10年新低

牛仔褲腳拖哂地

星期四 16:30 金鐘

超市貨架都仲係咁

我幫老豆媽咪

醫院A 3月的覆診期

全部改7月

避咗第五波先

最緊要安全

＜免診攞藥＞

雖然

政府公佈確診日日超過30000

但好多人中招後已經康復

又或者中咗招無乜病徵

更或者中招後繼續出街

所以

今日街上人多了

正如－－＞我＋火

好多人自我快測確診

怕捉入方艙受靶

無報政府

只同公司deal好

自我家居隔離7－10日

快測陰性就返工

反正間間公司都好等人用

發癲咁買一車零食

市道異常蕭條

堂食＄88 的泰國餐廳豬手

外賣＄52

將老豆媽咪藥帶回家

又係不除口罩1h走

不坐，不想褲整污糟爸媽的櫈

帶指甲鉗＋大紙巾

揾阿水

香港人

好辛苦，壓力好大

我已經好好彩

有份工，有收入，顧到父母+貓頭

大把人失業＋中招

無助無援

最慘的

是劏房，籠屋，床位，老人院，殘院的人

近期

第4次

重睇＜天與地＞

睇到中哂毒

收唔到科

 初初第五波開始爆時

個個都好驚omicron會死人

但後尾發覺中招都係輕微病徵

好似傷風咳喉嚨痛發燒感冒

於是

開始有好人隱瞞不通報

(我公司D人就係咁, 攪到所有嘢亂哂坑)

 費事整座大廈要強檢

OR

送入竹篙灣或亞博隔離

我+火

1月頭開始

全部轉用KF94 + 口罩墊

2月中

omicron

開始侵襲未打疫苗的小朋友+老人家

開始每日幾千個中招

死亡數字上升

市民越來越驚慌

有人一家5口+外傭全部中招

家居隔離超過14日

都未有白車送去入醫院

 總之

18區都見到三條隊

 一條撩鼻

 一條攞膠樽驗口水

一條打針

快速測試

多人搶買

暫時存貨15盒

最慘係有中招病人

喺急症室出面

露天露地天寒地凍吹足幾日風都未入院

2月24開始

好多地方都要嘟安心出行

媽咪每日要去街市

她輕微心衰竭

自己決定打完第一針科興先通知我

醫院A的主診醫生

講明老豆病情複雜

不適合打疫苗

所以要同老豆去醫院A

申請豁免疫苗證明書

連續幾星期日回家

都是幫媽咪買糧餉+花+果菜+麵包

無坐低食飯+入屋不除口罩+盡量1H內離開

入屋前

全身噴火酒+除鞋放門外

今日落雨 + 8°C

手都冰僵

買定

如果突然封區OR封樓的糧餉

我最驚係

老豆又病發要入院

無病床就死梗...

我更驚係

如果

我+火中招

幾個貓頭拉去漁農處

翩翩

發現頸枕好舒服

緣緣

懶正經咁影學生相

mina

霸哂毛毛被

B頭

唔鐘意著衫，冤口冤面

阿水

今日$40/份

究竟covid幾時完?

好@煩

聽天由命

星期五

醫院B，絕頂好的治療師

來家跟進

發現老豆B/P上壓得67

於是

又寫referral 入醫院A

 今早

醫院A主診醫生電我

話老豆長期肺炎＋慢性支氣管炎

已成慢性肺阻

肺已經完全爛哂

都係重覆發燒入院打抗生素

無得攪

病人只有死拖捱苦

醫生叫決定去到最後一刻

是否施行急救？

即插喉，心外壓

因老豆瘦到得棚骨

急救會插穿氣管＋壓斷肋骨等等風險

老豆情況

就如火媽當年慢性肺阻100％一樣

醫生過年問火大嫂叫決定

然後火媽5月就走了

醫生話老豆自己要知要同意

所以

醫生今早是先同老豆講了

才電我再講

叫我同媽咪商量

飲茶時

我同媽咪轉述醫生的話

媽咪9秒9話唔救

但不會主動同老豆商議這敏感話題

媽咪話

老豆連老人院都不甘心入

同佢商量唔救？！ 

老豆不是豁達的人

只會誤會兩母女厭棄＋見死不救

所以

老豆自己唔提

就無謂越攪越禍

如果

你知媽咪在家點服侍老豆

你就知媽咪有幾辛苦

媽咪覺得

自己可以撐住死頂照顧老豆

上次Y事後極度嚴重抗拒請工人

只同意鐘點姐姐每星期來2次

但其實媽咪自己都要人照顧

我不想此時嘈交

媽咪思維同當年火媽

一模一樣

自己死頂照顧火爸

不肯請工人

直到火爸坐熱氣球後

火媽自己都走下坡

才開始接受請工人這事實

先同媽咪飲茶

再攞湯＋尿片去醫院

買俾麻雀精老豆的

買俾媽咪的

買俾火的

無論點

我都會盡做

疫足一年

完全不明白

越防疫，越擴散

市民忍得辛苦

前線員工，醫療，警察，清潔工

更辛苦

今日剛剛1月23一週年

政府好似無爪蟛蜞亂晒坑

令市民無所適從

自問已經好合作

洗手+戴口罩+無社交+無娛樂

除了返工+買餸

基本上都在2號

依家好似係同一大廈

有2個確診

就全楝人去檢疫

突然警車+衛生署就在樓下

費事d人收風提早走

咁就更擴散

佐敦+油麻地封區

很多都是南亞聚區地

因為舊樓劏房平

污水渠滲漏傳播

2號也是舊區舊樓

隨時有人瀨嘢

如幾個單位垂直式傳播感染

咁就全楝要去亞博or竹篙灣隔離

我+火大人頂得到

最驚4個細路

捉去落馬州動物檢疫中心

買定48h食物

如封區

大人細路都有得食

唉......

 

咁都唔使坐監？

律政司係咪食咗屎？

https://hk.on.cc/hk/bkn/cnt/news/20200903/mobile/bkn-20200903033034967-0903_00822_001.html

 

何不食肉糜

1月開始疫爆

死唔肯封關

機師船員交流又免檢疫

派膠樽又遲

等檢驗報告出前可隨街走

18區惹開哂

香港咪咁打柴囉💀

班白癡司長+局長

叫人去公園食午飯

你有無試過33°C

暴曬坐公園石櫈

屁股煎蛋咁食飯呀？！

食食下又落大雨

做地盤-跑街-清潔-街市

曬到爂又餓又渴

中午坐低吹冷氣回氣

依家死頂企街中暑食飯

司長+局長

著住套chanel或西裝

坐喺冷氣房冰肌無汗

有司機接送買飯盒

完全離地

不知民間疾苦

何不食肉糜？！

何不食蛋糕？！

俾市民小到爆

轉頭又話開社區中心

俾人食飯

好似我咁

日日香港九龍新界

區趕區咁跑
酷熱警告戴口罩
根本不能呼吸
個開工袋又重

求其趕時間醫肚坐低食

點揾社區中心食呀？！

就算入到社區中心

除低口罩坐低1h

邊食邊吹水

咁同食肆堂食有乜分別？

香港政府

低能+白癡+無能

處理乜都係廢的！

攪死香港！

成日話

審時度勢

張弛有道

行之有效

死得啦！

事隔一日

政府就跪低

大臣向晉恵帝稟報

民不聊生

帝曰：何不食肉糜？

法國皇后

Marie Antoinette 

見人民餓死

她問

點解肚餓唔食蛋糕？

高官+AO

大部分都是紈褲子弟

不是基層捱世界出身

自細有工人有司機有冷氣

根本思維離地

不明白民生疾苦

所以

在冷氣房開會決定的政策

永遠荒謬

廢中之廢

咁大個人

做事完全無腦

係人都知

政府向來有狗仔負責mark出入記錄

你咁小學雞搶嚟睇做咩呢?

仲要搶完衝入男廁

睇完10分鐘

仲話要告人地侵犯私隱?

你搶人手機睇無侵犯人地私隱咩?

仲要死口話<獲得>部手機?

根本立法會周圍都有CCTV
點樣侵犯你私隱？
手抄寫你出入做乜？
同CCTV拍攝你做乜？
有乜分別？

CCTV影住

證據確鑿

輸到七個一皮

道歉都無用

政治生涯100%玩完

個黨本身質素已經夠爛

個主席完全藐視法理

7到提出七警大和解互相唔告咁白痴

剛擺平幾鋪, 又攪一鋪

依家俾條友咁攪一劑

個黨直頭爛上加爛

條友平時已經無料扮四條

仲話法科學士畢業

根本知法犯法, 罪加一等

今鋪直頭係陀衰家, 累街坊

風頭火勢之時
打張好牌俾對家上
對家開心都嚟唔切

個黨又衰到跳船割蓆
令公眾對黨的觀感好差

應該引咎辭職+自己退黨

不怕神一般的對手

只怕豬一般的隊友



荒謬

 

順我者昌
逆我者亡

如果

咁質素嘅人

都可以被任命處理民生議題的局長

 

照此推論

2046的香港小姐

一定係

1128

香港
真係玩完
無得救!

盛宴

雨傘革命

 

 

 

 

梁振英講明不會出手停止佔中

政府態度非常強硬

由得示威者消耗體力

由得學生-佔中3子內訌

學生有勇有謀有admin有HR有熱血

而佔中3子

欠management-不夠decisive-欠contingency

群龍無首

市民不喜聽學聯指揮

學聯不喜聽佔中3子指揮

巴士封路-改路-停止服務-大塞車

市民返工放工-公司文件交收double時間

集會嘈吵24h擾民, 市民高空擲物

股市被有心人趁機洗倉獲利

消防車-白車延誤救援

前線警察日日做14-20h, 仲俾人小老母

有政黨趁勢煽動工會+市民搏選票

幕後黑手吹雞叫黑社團趁機攪事

國慶煙花取消, 酒店退房

深圳上海停批團簽來港

十一黃金週商戶關門生意受影響

美國扮大佬出聲

英國又話要大陸遵守中英聯合聲明

澳洲對香港發旅遊警示

 

梁振英不能下台

如他落台大陸會很丟臉

 

遍地開花

金鐘-旺角-銅鑼灣-尖沙咀

市民自發上街

 

一日市民繼續容忍佔中

一日香港政府都不會出手

香港政府會繞埋雙手

等你班人一盤散沙內訌

等市民忍無可忍鬧爆或出現重大事故

亂到爆才出師有名出手清場

 

矛盾

不接受篩選式普選VS靠大陸供水供食供經濟