話說
日前回爸媽家午飯
我著定開工衫
預咗突然要開工
洗碗時
電話響
真係急call要開工
1h內要到！
當晚傍晚收工
安然無恙
翌日
收到風
話該公司有同事確診
即時覺得喉嚨好痕好想咳
然後
個腦就即刻發癲recall
當日在那公司開工時
有無接觸人地同事？
人地同事坐邊度？
距離有幾遠？
期間有無同人地講嘢？
人地有無戴口罩？
返屋企邊個貓頭接門？
有無揩到我褲腳？
我洗手後抱邊個先？
要不要通知爸媽？
爸媽要不要隔離？
呀唔使！
爸媽家飯後才去開工
咁爸媽乾淨安全
我收工洗頭沖涼
咁火當晚放工回家幾點？
火要不要隔離？
4個貓頭
要全部去漁農處檢疫？
會不會好似17歲松鼠狗
俾人舞來舞去整死咗？
當時好似人死前
思維記憶片段
喳喳聲咁load
然後
再收到風話
那公司同事
中招後無返過所屬公司
喉嚨即刻唔痕唔作咳
虛驚一場！
其實我日常工作
部分係屬於高危環境
高質口罩好緊要！
唔好嘲笑香港人緊張
2003沙士死咁多人
百業蕭條
香港人真係見過鬼怕黑
見過棺材+流過眼淚
香港日日雙位數字確診
醫院做到癱瘓
隔離病床唔夠
日日幾十確診病人
在家隔離排隊等入院
但好多係劏房同家人同住
焗住互相感染
好快香港過1000中招
去街市買餸
有個鄉下婆用手揀雞翼
唔用夾
我即小爆佢：
依家爆肺炎
鬼知你隻手摸過乜？
隔離師奶話
係啦！乜你咁咖！
那鄉下婆俾我鬧完
面矇矇用夾揀雞翼
肺炎經濟差
打劫越來越多
個個等錢開飯
3月21寄特快口罩
外國老友今日仲未收到
郵差做到發癲
無得怨，只能等
好擔心佢全家無口罩
全球疫戰嚴峻
我只能盡做盡救
依家仲有無道德的仆街
戴住隔離手帶周街飲食
影相上FB+IG教人點剪手帶
全香港醫護不眠不休做到仆街
忍14日唔去玩唔得？！
拉到法庭判入監
確實係理所當然！
天地齊誅！
Donald Trump 仲話
美國死10-20萬人已經好好
痴L線！
做總統點解咁講說話？！
如咁都連任就無天理
希望全世界疫戰快d完
大家真係捱得好辛苦
