話說幾個月前
某晚飯後
老豆突然勁發脾氣
向媽咪吼:
<叫阿女以後唔好再返嚟食飯!>
媽咪話:
<阿女個個月準時俾家用, 又孝順
點解唔俾佢返屋企?>
老豆當時答唔出, 只狂掟嘢發惡
我同K研究過
K認為老豆jealous我同媽咪較鶼鰈
經常出現2對1局勢
但又唔敢發我圍
於是一日到黑攞媽咪出氣糟質發惡嗌交
我一直好大壓力驚出事
於是
1. 我每週回家略為插科打諢
2. 平時又SMS老豆媽咪一些返工受氣嘢
3. 每次走時老豆媽咪各HUG一下
123令情況明顯大大改善
無聽媽咪呻冤屈
老豆面口寬容哂
和諧 x 7
賭馬打牌我就控制唔到
唔好發生倫常血案上報紙A1就算
我就可以安心搵食
今off
回家午飯
雪莓娘
1栗子 + 1杧果
老豆媽咪參觀金管局
買個用廢銀紙做成的紀念鏈俾我
叫我接財神
盒內涉住媽咪寫的紙仔
我問媽咪:<你咁叻種到d紫羅蘭咁靚嘅?>
媽咪哈哈哈哈:<係鬼叻! 花墟買架! $12盤>
在小巴上聽到醫院宣傳
即刻幫老豆媽咪打去報名留位
初時兩條友唔多想去
我話星期日坐屋企咁憨居做咩?!
我寫張紙貼在廁所鏡
早前
我鬧媽咪蠢鈍反應慢
叫佢煲湯煮餸多落杞子
防老人痴呆症
媽咪西芹馬蹄炒杞子
杞子煲土伏苓粟米湯
留1小罐醃酸芥菜俾我
媽咪的peer group
多數係樓下
唔理新聞時事的無知打牌買餸阿婆師奶
上年我鬧媽咪:
<日日$7買份報紙+睇電視
但唔知世界發生咩事!
睇報紙話字細眼攰
電視新聞報導又話太快聽唔明
你廚房部收音機set定全日聽CR1啦!>
在我鞭策下
今老豆食飯時話:
<都唔知馬來西亞架飛機去咗邊?>
媽咪話:
<又話劫機, 又話飛機師欠債熄制自殺
成個星期啦, 都搵唔到, 漂咗去大西洋呀
越南查到咩可能性, 馬來西亞都話唔關事
黑盒又搵唔到
十幾個國家幫佢搵呀依家...
美國都調架戰艦去幫佢用雷達探測呀...>
我讚媽咪叻仔
每星期省到灶頭反光先走
能力有限
做得幾多就幾多
