大霧+雨粉
濕重
茶樹菇
牛蒡
伏神
南豆
赤小豆
無花果
花豆
雲苓
白术
黃精
肉蓯蓉
何首烏
新鮮土伏苓
紅蘿蔔
綠豆
cheap花膠
cheap花膠
祛濕
祛疲勞
養血
養肝腎
2015年3月5日 星期四
2015年3月2日 星期一
2015年3月1日 星期日
歌頌
火年初十先開工
我年初七已開工
我返工
火做幾日家庭主婦
星期五
好大喜功要威要面的高層s迫逼阿姐
叫快d攪掂<大project>
阿姐迫逼我
一層壓一層
我連月來
經已做到仆街無停手
但真係做唔切
阿姐話:
<你死都死掂佢!>
然後拎手袋同老公去街
我由公司一路喊
一路坐巴士返堡壘
電火
叫佢落街買張摺枱
因要攤開全部文件做嘢
返到堡壘
攬住火
喊到火膊頭濕哂
火很好很好
叫我放鬆d, 慢慢做
因時間太趕
只有火能緊急救助我
火與我job nature不同
我要詳盡解釋俾火知
火才明白知道點幫我
火搾果汁俾我減壓
火很好很好
由3點做到11點
做到頭痛眼痛
<大project>機密
不能影相公開
8pm
K叫落樓下食糖水
我要奮鬥唔肯落街
火做代表去, 俾利是K's b
期間
火煮飯洗碗
我主力奮鬥
火很好很好
星期五晚
大腦虛耗過度
瞓唔到
星期六
年初十
5:45am起身
一邊唸經一邊喊
救佛祖救我
出門開工
星期六在office做到8:30pm
火放工--->買餸--->煮飯
我9:15pm
才返到堡壘
我已經攰到崩裂
火很好很好
火
衷心感激你
真摰出手救助 + 給我開解支持
火
真的
很好很好很好
夫復何求
2015年2月25日 星期三
低能仔 VS 痴呆爸
買了新窗簾
叫火換掛
火問:
<橙色向出定向入呀?>
我著哂燈:
<你覺得我會俾錢買套新窗簾
益人地睇橙色咩?!>
火一面低能:
<我點知你遮? 你d嘢好難講架嘛...>
我叫艇仔走牛白粥底
我食緊
火仲未決定食咩...
佢大聲叫嘢:
<阿姐, 唔該, 炸兩走牛...>
阿姐:<吓?! 炸兩走牛?!>
我噴粥
其他食客忍唔住爆笑
我將瞓覺衫-去街衫
摺好
打橫-打直分開
叫火放入衣櫃
火將全部衫放在瞓覺衫果格
我直頭狂打佢手:
<你媽真無家教!
由細到大咩都幫你幾兄弟做哂!
成屋男人不論咩年齡
一樣完全無自理能力!
飯來張口! 衫來張手!
堡壘住足10年
咩都話唔知擺邊?!
亂七八糟! 做人無planning! 不知所謂!>
我摷哂d衫出嚟
要火自己由頭執過哂!
火爸
老人痴呆症加劇
發脾氣+打女工+話人追殺佢+逢人鬧魔鬼
話要等廉政公署嚟落口供
100%九唔搭八
火媽未適應
好心翳好心翕
我問火爸, 我係邊個
火爸話:
<你係我個仔女朋友, 你叫阿X...>
但無話火叫咩名
醫院內勁等候診
火帶火媽去廁所
見火兩仔乸行開
火爸即刻拉住我
細細聲同我講:
<阿X, 你男朋友靠唔靠得住架?>
我話:<OK啦...>
火爸繼續細聲:
<你同佢一齊好多年喇呵?
你地未結婚未註冊吖嘛...我知...
咁你地有無關係架?>
我扮唔明:<咩關係呀?>
火爸:<你地有無性關係呀...>
我話:<無呀...>
火爸戙起手指公讚:
<咁你就啱喇
女仔唔好同人隨便有性關係呀...
唔好架...
如果你要驗係咪處女呢
唔好去差館喎
d差佬呃人架, 證供假架, 成日砌人生豬肉
如果你真係要驗係咪處女
你去廉政公署啦
老廉均真公道好多架...
點解等咁耐仲未返屋企嘅?
差人幾點嚟落口供?
我俾人追殺呀, 幾多人呀...
再唔嚟d證物會無效架喇....>
我死忍住笑:
<差人剛剛打俾我, 話塞車嚟緊...>
2015年2月23日 星期一
3辣精@泰
在Open Rice見到人地激讚
仲逢星期日休息
諗住好得....
已叫老闆加辣
鳳爪
併盤
青咖哩雞
沙嗲豬雞
紅辣椒炒大蜆
柚子沙律
馬拉盞炒通菜
金邊粉
冬蔭公
海鮮沙律
事後檢討
JP:
<食慣九龍城果d泰國堅辣, 越食越辣
鬼鼠辣殺人於無形, 呢間嘢唔會再嚟!>
火:
<如果係食慣黃珍珍果d香港人
會覺得呢間嘢好好食...
我唔會再去!>
1128:
<有茶色, 無茶味>
********************************
JP話牙痛
好慘
立即埋單
帶佢去睇火的牙醫
原來上次JP剝完智慧牙
牙骨未完全癒合
插穿牙肉--->刮脷
日日行刑一樣
牙醫技藝超群
三下五除二
5min
cut咗突出牙骨!
$140
JP登時開心哂
開籠雀咁讚醫生堅
講到成口血
哈哈哈哈哈哈
公義舅父
年初四
我話睇戲散場後
去睇火爸
食咗半盒腸粉
我又扯起條筋
約火舅父拜年tea
火舅父非常高興
background
1.
舅父退休前經營布匹批發
香港-歐洲-美加-澳洲-大陸
均有生意+人脈
見過無數世面 + 醒到爆
2.
舅父80, 有2房人
大舅母78 + 細舅母82
大有1仔 vs 細有1女
近期
大細先後入廠
中風-糖尿-膽固醇-腎差-老人痴呆
舅父撲來撲去---->人仰馬翻
妻多夫賤
自作孽
在茶餐廳
舅父+細舅母+女
細房女
同我大呻咁咁咁咁咁
舅父又呻咁咁咁咁咁
我話:
<舅父, 你咁撲法唔掂喎!
你應該幫舅母s安排日間痴呆training
再請個工人幫你家務, 煮飯
你都80啦
錢又鬆動
贖罪唔使一定折騰自己
跌錢都一樣得...>
然後
我講出幾個方案
唔知點解
舅父好信我
同我講咗好多事
舅父問我job nature
我簡單解釋咗
舅父好聰明, 一講就明
<聽完都覺得辛苦...日日係咁>
同1問題
我同火媽講過我job nature
火媽聽完一舊雲, 講極唔明
這就是
跑慣江湖的視野 VS 幾十年家庭主婦
的分別
埋單
再的士去大舅母家
舅父話:
<阿X, 第1次見你
已經對你印象好深刻
食完飯自動波洗18個人嘅碗
肯付出不計較嘅人, 人品唔會差
聽你談吐, 就知你識好多嘢
舅父讀書少
但拎住公事包跑碼頭咁多年
係好係醜, 係龍係鳳
一眼就睇穿, 無嘢瞞到我
你講嘢好實際, 好入心
我兩頭撲到心都亂哂
根本唔知點入手處理
經你咁講
都行得通
起碼我有頭緒可以入手
唔會盲頭烏蠅咁唔知點算...>
我話:
<舅父, 你明事理肯聽我講
火媽盟塞, 唔聽我支笛
我叫白內障唔好拖, 火媽唔聽
結果拖到青光眼, 覆水難收
我話火爸1st中風通波仔, 要排老人院
火媽又唔聽, 攪到一獲粥
我身份唔係新抱
好多嘢我唔應該出聲
但我炮仗頸唔抵得...>
舅父深明大義:
<我多年前已經同家姐講
你咁多個仔, 火最乖最擔戴
個個月準時俾家用
其他幾個仔
懶, 無計劃, 亂使錢, 無擔戴...
其他仔從無打電話問候我
得火一個會
我同家姐講過3次
火個個月俾咁多家用
你唔好洗哂
要幫佢存起, 將來佢結婚俾翻佢用
家姐唔聽, 個個月fing哂
話呢個要供樓, 果個要養小朋友
果個又搵唔到食
咁對火好唔公道!
養老豆老母天經地義
我家姐係偏心大仔細仔
好多嘢我睇唔過眼
我幾十年來, 睇得一清二楚...
阿X,
你係一個叻人, 孝義, 踏實, 肯捱, 俠義心腸
十幾年來我只雖然見過你2-3次面
但舅父食咁多年四方飯
唔會睇錯人
火有你帶住我好放心...>
舅父問租堡壘貴唔貴
我話:
<度度交租都差不多
火有老豆老母要養
我有老豆老母要養
醫療, 急錢...無得慳
唯有平日自己死慳死抵...>
舅父微笑點頭：
＜兩個人一齊開心就夠
其他嘢
唔理得咁多....＞
完全明白事理
我話:
<舅父, 你唔怪我多事理你家事就好
你成80咁撲法
我睇到你兩頭家需要d咩
真係唔抵得先出聲...>
舅父的利是
<阿X, 有時間多d過嚟同舅父飲茶...>
訂閱：
文章 (Atom)