已經唔知在堡壘做咗幾多晚
已經N次7:30am返到office
令人折壽的<大project>
我5pm同阿姐講:
<我要返屋企瞓覺...>
阿姐都唔敢大聲同我講嘢
慣例
做到仆街
請火出街食飯
酸辣湯麵
麻油手撕雞
蕃薯苗
茴香餃
紅油抄手
3個疏肝的貓頭
南瓜馬蹄露
花生麥米粥
橙黃色食物+vit B
可減壓熄掣
每個人只是一隻有利用價值的棋子
公司出糧俾你
目的係要將你揸乾揸淨
不停yield profit
然後
棄之如敝屣
切勿天真的希冀公司會感激你的貢獻
或體恤你的辛勞
全部出糧包哂
不要同我講乜鳩理想
亦不要同我講乜鳩使命感
好無癮
做人無意思
好人
永遠無好報
媽咪話：
知你做＜大project＞好辛苦
整沙律你食
預祝你早日完工
跟住我就揸住筷子喊
老豆用紙巾幫我抹眼淚：
＜無事嘅，阿女＞
媽咪攬住我
叫我大聲喊出聲：
＜唔好鬱壞個心
由細到大你都係咁
受咗冤屈欺凌就喊
功課太多做唔切就喊
媽咪知你事事上心擔戴
所以壓力大
你老闆無料到
淨係識點人做
自己最後攞威
乜都你做哂
梗係辛苦死啦！
喊完個心舒服咗
就重整心情再做過
唔好理人地把口講乜
專心d 努力d
做起交差就算
放鬆d
捱到抑鬱症生cancer你就慘
到時
大老闆，老闆，阿姐
只會一齊笑你憨居
無人會可憐你㗎！
一陣你攞支楞嚴經水去飲啦
你做咗幾多嘢
上天會知㗎！＞
另俾朱古力我袋住：
＜唔開心就食＞
<唔知你會幾時攪掂
總之你完成之後2日
媽咪同你去飲茶啦...
唔好俾咁大壓力自己
慢慢做
越驚越亂越錯
由細到大媽咪都係咁教你
小小羊兒不用怕, 勇往直前闖天下 >
老豆媽咪
只知＜大project＞
不知<抬上花轎焗嫁>
講多擔心多
今7am起身
洗床單，洗貓床單，洗衫，煲薏米水餵貓頭s
然後
9am--3pm
死趕＜大project>
眼盲 + 腦爆 + 腰痛
期間
火買义燒燒肉飯+魚柳包+薯條俾我食
3:30pm
趕完應趕的
點都要出街
回下氣！
4pm＜爭鮮>
$8碟
限時30m埋單
2p共掃16碟
5:50pm
<加州大地震>
8pm
美心
食完
跟人企在女人街賣唱
唱足45m
非常高興
唔唱歌，唔聽歌，唔睇戲
我會鬱死
由細到大都係咁
唔做哂功課
唔肯出街玩
心掛掛
躁鬱-焦慮的
阿士保加1128
放工
趕去食完解穢酒
經已攰到爆
媽咪電我話：<電視5年壞了...>
又趕去黃金買新
搭的士抬回家
我真係覺得
已經盡哂力
錢銀，家事，父母健康
乜都第一時間處理
我同我老豆講
你個女算係咁！
真係經已攰到不得了
不停趕工
日日唔夠瞓
15:30
趕到大酒店
火爸守夜
㑽官要寫玄壇黃紙
問火爸生肖，生日
火媽，仔s，嫂s，孫s
無人答得出
我話：
1931- 屬羊- 農曆十月廿四生日
因為
當年我幫火爸上網登記換身份證
有無註冊唔重要
出心
以媳身份戴孝
叩謝賓客
七老八十的親戚問火媽
點解娶了三新抱唔請飲
火媽話火未結婚
老親戚問點解未結婚會戴孝？
火媽話阿X自己決定要咁
老親戚R哂頭
接受唔到新思維
火舅父最開通
勁like我
火家的親朋戚友
問我點解瘦咗咁多
苦笑擰頭回應
我叫火+火侄
各夾一碗齋菜
俾火爸食
師傅一邊在破地獄
我一邊在心中唸阿彌陀佛給火爸
師傅破地獄
舞得非常精彩
家眷驚火焰
越宿越入
我越坐越出
睇得津津有味
火話：
＜你真係好鬼大膽！唔驚火屑辣到你咩？！＞
燒大屋-大車-妹仔時
終於大喊
鬱了幾星期
我入內堂
親自同火爸講
已捐贈他的耳機到慈善機構
幫助無錢買耳機的窮人
幫火爸積德積福
明早要開工
不能上山陪他纓紅
只能明午放工去解穢酒
我知火爸聽到的
叩頭給火爸
回堡壘
我已對火爸盡孝
因為經常要outdoor開工
paperwork唯有帶回堡壘趕工
莫講話平時夜晚
星期六日都無得回氣
做得夜
大腦surmenage
瞓唔腍
半夜醒來
仲諗下今日有乜做漏...聽日要安排乜...
日日5:15am就醒
就快被
《大project》+ 《抬上花轎焗嫁》
同步夾擊活活坑死！
我個客話：
＜幾個月無見，乜你瘦咗咁多？！
點解戴眼鏡？＞
我反問佢：
＜你知唔知下期六合彩開幾多號？＞
$14
豉油雞脾
$13
等到頸都長的熱焦糖新地 + 細薯條
給自己的小獎勵
將來？
未捱到突然暴斃或者有將來嘅.....
就算無捱到暴斃
未到50歲
都捱到五癆七傷啦！
如果
真的有叮噹
真的有櫃筒時光機
將來的我
見到今日的我
捱到面都凹哂
唔知會唔會覺得我好憨居？！
