1粒糖

今早
金鐘開工

見到一班鬼佬頭岳岳揾路
單憑目測
樣貌-衣著-氣質
80%肯定佢地來自西多國
executive衣著
應該去開會

我用英文問女人想去邊?
她答夏慤道18號
我即時100%肯定佢地係西多人

呵呵呵
即刻轉Nicam

我話：

18號即是海富中心

前面應該有電梯上辦公室
及有詢問處可以幫你

那班西多行政男女

既驚喜，又錯愕

但明顯是趕時間

同我講唔該

très très contente!
 

我為自己興奮了10分鐘

然後繼續開工食硬嘢！

2019元旦

對於B頭來講

係咪新年元旦乜都無關係

總之

天光就用盡各種方法叫我起身

倒餅肚餓

感冒食西藥幾日

完全無效！

口腫面腫+眼花+大腦唔郁

繼續流鼻水

好眼瞓

好攰

決定轉陣

煲薑湯+白胡椒湯+食辣

祛除體內寒氣

堅薑茶

飲後15分鐘鼻水即停

酸辣肥腸薯粉

酸菜魚麵線

口水雞

食後咳出寒痰

青紅-白胡椒-腐竹-蠔豉湯

腳板+手心+背脊

暖爆

自己知自己事

食療+中藥

比較合荷車

我的4個心肝椗

著咗幾年仲係果幾件爛衫

死咁半截

講咗N次

叫火返工放工迫地鐵

一定要戴口罩防流感

死唔聽！

佢中招，發燒傷風咳

2號地方細

又惹我中招！

由聖誕開始

鼻瀑布+狂乞嚏+咳到甩肺

食乜成藥都無效

一paul死菜咁

戴住口罩返工

辛苦死......

原先

昨告假

同日，陪媽咪心臟科，老豆骨科

醫院覆診

但結果藥後死回2號昏睡

無力陪媽咪老豆

兩個老人又照x光又心電圖

跑上跑落

媽見我病不敢電我！

剷到火飛天！

累街坊

<你家人手多，我父母得我一個

我病咗無人顧我父母！

自私鬼！>

叫火不要錫貓頭s
貓頭中招仲大鑊！

叫火去相熟藥房

執特效藥

個樣好似浮屍咁

又腫又黃

極度樣衰！

最憎感冒！

2018冬至

12:00收工

老豆媽咪

3仔乸飲茶做冬

老豆媽咪坐得耐腳痺

老豆將手機放背心拉鍊袋內

媽咪無摷袋就掉入洗衣機

結果？

我又要跌錢

買新手機俾老豆囉！

媽咪仲死撐：

都用咗6年啦！

你咪攞部舊機俾你老豆用囉！

#%€@&*xyz

火媽入廠6wk

醫生知佢想出院做冬

今午放出院

有腦人立即吹雞

叫求其斬料做冬

最緊要人齊俾火媽高興

食得一餐得一餐

廢柒s話：

今晚唔嚟了

弟日先啦

約咗邊x個咁重要唔推得？

知唔知可能係最後一次做節？！

懶--柒--潛水--無擔戴--大使--唔俾家用

火媽

成晚死頂

扯氣，不停流鼻血

無胃口，面色差

所有人

突登嘻嘻哈哈扮融洽

希望火媽高興

洗碗後

火媽勁扯氣

又白車入廠

前後回家4h

根本無可能離開醫院

醫生係象徵式放人回家過冬

賞味期限

昨晚

超好印印

有限英文what我

<阿x，我星期日am放半day

請你午飯買食物婆婆肚餓

我5pm買食物去醫院>

因印印對火媽好上心
我一直將火媽情況翻譯她知
讓她知醫療情況
方便照顧安排

不是我出糧

也不是同住

但每次有事

印印永遠第一個揾我
而不是同住的廢柒

我和火

因要返工

只能盡量隔日去

今日

我和火

煲了桑寄生桃膠+另買鵪鶉蛋燒賣
仲食得你幾多年？

12:15到醫院

有腦人+廢柒x5都在場

有腦人，煮了生菜煎蛋通粉

廢柒s，帶了芝士圈+杏仁餅！
簡直柒到升仙！

我同火講：

如果係我親兄弟

無營養，乾爭爭

我實兜口兜面小7佢！

但是

我和火都無出聲

火媽目前

乜都食2啖

扯氣+反覆肺炎發燒+褥瘡擴大

根本就係燈枯油盡status

叫火媽浪口
我去洗假牙，洗碗

死忍唔屙

等姐姐5:00來換片

我一句：

<你地出去一陣！我同有腦人拉簾

幫火媽開大--換片--搽藥膏！>

然後夾手夾腳清理火媽屁股

褥瘡變大，出血水
我問護士借jelly床墊
減少褥瘡惡化

我同有腦人講：

其實我對火媽好惡

有腦人話：

但係佢知你為佢好，佢肯聽你話

除了有腦人+我

會出手理，煲營養，問護士進展

其他人去到

就一碌鳩咁企喺度！


醫生指住我
問火媽
<呢個係你邊個？>
火媽答：
<我心抱>

another....

我最敬重的

火舅父

前晚不敵癌攻
走了

年中醫院已停藥
頂了1年電-化-割
80+已經好叻
今世債還盡
走得都係好事


火媽扯氣入了廠幾wk
有人話要同佢講, 因姊弟感情厚
有人話千萬不能講
因火媽近日精神胃口好轉
一講就冧

火舅母也是癌
上月也停了藥+也擴散了多處


因某件氣頂事
我退出火家what群

火家what群
是我用火手機開的
目的
方便火家兄弟嫂孫聯繫約做節+生日

是近期火媽入廠頻密+舅父final count down
我才將自己加入火家what群
將醫生護士講火媽的+探火舅父舅母的
在火群發放

我退出後
火家有幾個即時回應
話好少事遮
一家人
知你出心出力做咗好多
BLA BLA BLA

什麼一家人?
只因火爸火媽真的對我好好
在兩老遲暮之年
我盡自己綿力去探望陪伴出醫療意見
火爸走了3年
從來未有聯約拜山
假如將來火媽也走了
那堆人根本無必要見面

我從來不是一個小氣小家的人
但我有我的脾氣

有人在what群講了一些話
過了我的底線

你不是我老細
不是養起我全家老嫩
我絕對無必要睇你面色+受你閒氣!

於是
我簡明禮貌回應
然後QUIT群
對住火才狂小!

火知我對火媽好
見我發火都無出聲

反正
入群前+退群後
我都係咁對在世的火媽+去世的火爸

K+JP
都覺得我退群正確

繼續做自己認為正確的事


 



覆診

Mina

夠期打針

醫院嚴陣以待

又毛巾又頭罩

好似極度重犯出庭咁！

護士見Mina

乖乖趴在我膊頭

覺得好神奇

上次瘋狂小人+打人

個個怕哂！

Mina眼中

只愛我+信靠我

4.5kg---->4.26kg

翩翩

再X光照肺

醫生話翩翩超乖

不用麻醉

用豆袋壓住

就乖定定唔郁

清醒照X光

因已長期哮喘+支氣管炎

所以

X光顯示肺有疤花咗

係正常結果

而且

比上次less cloudy

醫生話

算係有進步

翩翩食，玩，瞓，屙

一切正常

而且早晚聞噴噴後

扯氣已經完全消失

故繼續噴噴

4.5kg----->4.25kg