沉默的羔羊

昨早家中

媽咪

心急落街買餸煮飯

裝香時

俾老豆的腳kick跌倒

媽咪手踭+膝頭跌損

無大礙，瘀咗

媽咪話
老豆由得佢跌倒
即時無扶無幫
係媽咪自己定神後
扶住櫈腳坐起身

媽咪話好心死！
救過老豆無數次
出院又煲乜煲物調理佢

我話

根本係要請工人

媽咪話

唔好再講這話題

要買碌架床，要棄舊衣櫃

唔值得為老豆洗咁多錢

令佢覺得好似大爺咁有人服侍

而且根本屋企無嘢做

只會養肥工人

無言
我夾在中間唔出得聲！

不是我出錢問題

唯有再等

~~~~~~~~~~~~~~~~~~~~~~~~~~~~~

火媽

肺功能越來越差

醫生要她戴有藥的mask

火媽力抗護士不肯戴

醫院電廢柒

話如果家人同意

綁住火媽雙手迫她戴！

廢柒居然想回覆同意！

話火媽無求生意志

點解唔肯用醫療設備?！

聰明人在群0回應

好彩我已退what群

否則

我會忍唔住在群組小鳩佢！

依家24小時在病床上

大便-小便-食飯

無得落床，無得返屋

企果個係火媽唔係你

仲要綁？！

係咪咁x殘忍對自己老母呀？！

不如由得火媽

不能呼吸自然離世啦！

火媽

覺得用貓鬚舒服d

即兩幼管插鼻入氣那款

可以講嘢食飯

用mask好硬

而且火媽面瘦無肉

梗住好痛

火媽
當然知自己時日無多

你d人仲綁佢用mask為乜？

已經86y
得翻30kg

走咗反而係解脫枷鎖

我同火講

之前我已經有好多不滿！
e.g.--->那班柒碌買杏仁餅+曲奇去醫院
火媽食道-氣管都收窄
乾爭爭點X吞呀?!

傭人off
廢柒s
跑marathon回家沖涼再躪街
或約咗fd去BBQ

我借某件事發火退群

只是一個催化劑

如果我不退群

我肯定自己撳不住自己

一定會為因火媽臨終-醫療-喪事

在what群發火小爆佢地

又如果真的發生

火夾在中間就好難為+尷尬

我理智自知身份不應多話

所以退群絕對係正確

反正
當初

我開火家what群目的

係方便火家上下

約做節-處理火爸火媽醫療-福利事項

如果火爸火媽都走哂

這what群變政治廢物

我不是黑心想火媽走

只是不想她繼續受靶

我+火
盡孝盡做
對得天地良心就算了

識英雄重英雄

扯起條筋

突然想去考公開試

師傅話我
今年有考試運
叫我為自己打算下

忽然
眼前見到好多同考試有關的info
可能時機上天安排

又問考成功同學的心得

今早收工

返到學校

同有擔戴的接待男A講起

佢主動話：

我叫同事幫你出封信

證明你咁多年返過乜班

證明你學咗幾多個小時

我話：

好，唔該

然後坐圖書館睇考試書

30m後

較高級的男同事B攪掂

連學校信封俾我

極速+井然

我驚喜：

嘩！咁快嘅？！

佢話：

因為

你平時對我地幾個態度好好

我未見過一個學生

會擒高主動換燈膽

倒瀉水會自己攞地拖

唔夠櫈會自己搬櫈

有乞兒入嚟涼冷氣幫手趕走

你知唔知呢度d學生+家長

幾咁大支嘢？！

其他學生要證明信

我要佢寫email申請

跟足規矩7個工作天先俾佢

但你問，我就即刻做俾你！

我剛剛幫你打電話問埋總校

2009之前

未有電腦儲存系統

你d返學舊記錄已經無哂

總之

只能由2010開始計起

你已經學咗590h

我連聲感激道謝

我話：

你知唔知你衰乜嘢？

B笑：

我衰咩呀？！

我話：

你衰擔戴

衰做嘢爽手

衰有義氣

衰有原則

衰唔計較

衰串咀

衰憨居

即係同我衰d一樣呀！

越做得快靚正準

老細就越俾得多你食

其他揸流灘錯漏甩高薪舊人

少做少錯，唔做唔錯，越做越錯

你交足貨，人地勁hea

你咪做到爆廠嘔血囉！

我公司同你呢度一樣係咁！

高層老細永遠覺得做得好係老馮咁

我完全明囉！

佢哈哈哈哈：

直頭係啦！

回2號

寫封compliment 

E去總校讚佢地

我封讚人信寫咗3小時

不停查字典校正

人地小職員真係無條件幫過我

我寫封信去高層讚揚

完全合道義

其後

2019情人節

我

年初四已開工

火

正月十一才開工

日日買餸煮飯

攞湯去醫院睇火媽

火話：

從未試過

過年未玩過+無食過+無買過

日日跑醫院

個心好緊

突登在醫院附近

同一戲院

買年廿九到年初三的戲飛

方便探病時間睇火媽

如珠如寶

廉政風雲

銃夢

新喜劇之王

魔法保姆

恭喜八婆

第一眼戰線

今日，年初十

8：30am返到公司

跟哂所有手尾

11：00am

同老細講：<我要放假！>

11：30返到2號

火在煲桑寄生

我收衫

我扯起條筋話

去大埔打個qwack當旅行！

火話好

放低公司手機

出門放假！

瞎七撘八

在大埔街市

想食乜就食

文武廟的哥仔

雜貨舖的哥仔

 

過年
無時間剪頭髮

無心情買新衫

無心情搽指甲

 今日買了2件

5：45pm

返到2號

公司手機

一大堆what+miss call

7：00pm

火預備的情人節套餐

教識徒弟無師傅

火媽團年後翌日

一直入廠未出

醫生電擔戴人

如火媽垂危

家人會否想醫院搶救？

因火媽肺功能不斷惡化

只能落重抗生素+類固醇

因火媽得70磅太虛弱

如搶救

有可能插喉刺穿喉嚨

有可能CPR撳斷肋骨

即使一次救到

隔幾日又翻發

盞火媽苟延殘喘受靶

醫生建議

讓火媽自然走

因其他人都是廢柒

擔戴人電我商量

我話

火媽不停扯氣

不能食，不能瞓

只攤在病床上煎熬

讓她自然走，不搶救

是最佳解脫方法

擔戴人哽咽

同意

覆醫生家人決定

我在電話中

很鎮定，很理智

但收線後
企在街角後巷喊

我好唔捨得火媽

但不想火媽辛苦

只想火媽

走得快，不要拖，辛苦少d

盡量盡孝盡做

煲湯煲粥

每次走時

火媽都話你返工好忙

不要來醫院

但轉頭又會問印印

今日阿x幾點來？

超好盡責印印

同我緊密聯絡

雖然我不同住，不是出糧人

但有事印印永遠第一時間電我

印印知道

同住的廢柒哂鳩氣！

我將火媽病況

譯哂印尼文what她

她今早what我

話今早off

叫我中午煲粥去

今午2：00

她趕回醫院幫火媽大便

我話無問題

拍醒火

叫佢落街買瘦肉煲粥

除了擔戴人+我

那班廢柒

每次去到企喺度

乜__都唔做！

我老豆媽咪

情況穩定在家

我暫將精力

返工+理火媽

我話煲乜煲乜

火話

你要咁咁咁先煲得好

我串佢：

想當年星期日朝早9：00

你都唔知瞓邊條女隔離啦！

依家同我講點煲點整！

我之前唔教你煲

你識個屁呀？！

火笑：

我十幾年來咪晚晚瞓你隔離囉

我依家煲湯煲粥好叻架嘞

無止境

我的工作

同年尾無關
長年累月

萬七個programs

萬九個events

拍住的同事又7又甩漏

上級又奄尖聲悶多挑剔

總之

日日返工

我都係年初四咁嘅樣！
一路做，一路背轉就小！
對住客就點都要笑！

往年

過年同火會返東門食下買下

今年

因工作太忙

老豆+媽咪+火媽不停輪流入院

所以

根本不敢行得遠

計劃3日紅日求求其
買早場平價飛睇幾場戲
叫做過年有幾滴娛樂就算

而且

兩邊屋企

醫療錢好似倒水咁

我們撲完醫院
好攰落街食

萬樣都係錢

過年留錢突發處理事

飛的士都要錢

攰到甩轆

忙到甩頭

1號忘記交租！

只得返學那3小時的放鬆快樂

出街買嘢
我見人迫就好易出煙撻著
火好驚我同人開拖
我話
你扮乜春斯文遮？！
我根本同你係同類人！

椂柚葉黃皮葉

全屋抹除歲+洗貓頭s

換床單+抹鐵閘+乜都洗

吉時上紅

兩條友

年廿八

昨晚放工做到9點先開飯

今日年廿九

求其同父母飲茶團年

仲要幫媽買糴米買廁紙上紅

老豆，類風濕，成日嗌關節痛

媽咪，血壓高，心發大，咳

好多嘢都唔啱食

今時唔同往日

不是我孤寒

火要趕工+去醫院睇火媽

年卅十

繼續全日開工

機械人都做到斷片！

有限公司

1月17

媽咪

水腫變象腳

痛得不能行

仲要死頂煮完晚飯俾老豆食

晚上的士去急症室

兩條友無電我

1月18

早上7：40

老豆電我

話昨晚攪到凌晨3：30

媽咪上了病房

因媽咪唔知我昨晚是否返工

唔俾老豆電我+無撳平安鐘

想我瞓飽才電我

結果只有一個

鬧人

<你地係咪有10個仔9個女？

唔通知我？我依家先知！

好似我高床軟枕不理父母咁！

老豆類風濕腳痛行得差！

半夜三更自己摸黑的士回家！

你地兩個有無攪錯呀！

點解要拖到半夜先去急症同人迫？

唔頂唔順下午入就少人啲啦！

乜都唔出聲

你兩個係咪識飛呀？！>

鬧到佢兩個無聲出！

1月19至20

日日撲2次醫院

唔准老豆去

一來腳痛，二來驚佢肺弱中甲流

如兩個一齊入廠我就死得！

媽咪左手背打去水針

象腳有改善

醫生甲：

可能血壓藥副作用引起水腫

醫生乙：

可能心發大壓住肺所以咳

醫生丙：

可能平時食得太咸腳腫

無定案！

1月20早上
電老豆多次無人聽
電屋企多次無人聽
飛的士回家, 驚老豆獨自在家出事
途中老豆回電話入了廁所聽不到
我嚇到喊!


我講第3次要請工人
老豆媽咪堅決拒絕我3次
話只係偶爾情況
不想再增加我經濟負擔

12:00接媽咪出院

1月23早上

媽咪電我

話左手背入針位越來越腫痛

睇咗私家都唔消

我叫佢返急症叫醫生處理

今次媽咪聽話

午飯後自己去, 我要返工

晚飯前已上病房

照舊唔俾老豆去

我一日跑2次醫院

肯定之前個護士功夫屎

令媽咪左手背腫脹

今次改右手背入抗生素

1月24晚

放工去到病房

見2件中了甲流瞓我媽咪隔離床

求其揾布屏風遮隔

我叫媽咪戴口罩

媽咪話

戴口罩好難呼吸

食飯沖涼都要除吖！

1月25早上

媽咪咳到黐肺

話護士由大房調佢去細房

我話

都瀨咗嘢啦！

下午去醫院

我問護士媽咪手腫點？

係咪中甲流？

護士揭開媽咪排板

話無中甲流

左手背抗生素後開始消腫

可安排下午出院

我指住甲流negative報告日期

我話呢份報告係1月19做

當時無

今日係1月25

但昨晚2件甲流瞓隔離

今早我媽咪咳到黐肺喎！

護士話

你都知政府醫院迫爆啦！無辦法咖！

我話

依家我唔係投訴

我完全明白病房迫爆

我只係要求

幫我媽媽做多一次甲流測試

費事出院回家後發燒又入急症！

結果

護士用英文同醫生講

病人個女complain有要求乜乜乜

結果

醫生再同媽咪撩鼻液測試甲流

媽咪話

阿女其實你都惡得幾有道理！

吹x漲！

攞腸粉去醫院

媽咪話

點解無豉油嘅？

我話

你血壓高手腫腳腫仲食咸？！

不如我切哂你d手腳

一嘢掟你落海啦！

媽咪哈哈哈

吹x漲！

1月26

早上開工

媽咪電無中甲流可出院

午飯接媽出院

右手背無問題，左手背仲有d腫

我pm要返學

媽咪回家仲係咳！

晚上火家團年

我訂了元朗盤菜

火媽食得一餐得一餐

火媽的印印

絕世好，萬中無一

細心-上心-擔戴-熟手-忠直-勤懇

煮餸多花臣，自動波清潔勁乾淨

平日一直同我保持what火媽情況

同我也有兩句心底話

也知我父母情況

我好想她能照顧我父母

但她能來我家=火媽已走

昨晚

她同我講

團年忙足一整天好攰

我幫她洗哂所有碗碟

她洗煲+洗爐灶+執拾

她話10月就滿兩年約滿

她喜歡火媽，但不喜歡同住火弟

如去我家照顧我父母

最遲6月我要聯絡她agency

我話

如火媽未走

我撬走你去我家

我就變成火家罪人！

她話明白

睇天安排啦...

我亦已同火講咗我想咁

火完全明白我家情況

等天決定

我能力有限

又要返工揾食

只能盡做