紫色雲霧

翩翩今日再照x光 

x光片顯示

 肺部較11月照肺x光清

但未到理想程度

仍有cloudy scene 

 氣道有結痂+仍有黏稠

醫生認為

是上次發炎時引起的 

並不是新的炎症所致

 醫生建議將橙色類固醇噴噴

改為早晚各噴一下

藍色照舊早晚各噴一下

逐步減少使用類固醇 

三個月之後再次照肺 

醫生說緣緣的屁股 

是藝術+風水

我說像是中國的水墨畫 

上次醫生給的費洛蒙香薰

 作用不大

我改用了費洛蒙的頸帶

情況有改善

但未達理想程度 

醫生建議繼續使用頸帶 

並建議使用吐毛膏

萬七件事要理要顧

頭都甩


減壓膏 + 吐毛膏

孽障

媽咪話
自簽了Y後
老豆一直黑口黑面
乜都dut媽咪

例如
Y會煮早午晚3餐
出街食太油膩
你唔鐘意喺屋企食
就自己俾錢出去食！
老豆大聲喝媽：得啦！

 

今星期六拜阿公婆婆
我不能同時拎2大袋金銀
及同步照顧爸媽

叫老豆揸手叉不要去拜山
驚人撞跌佢

 

老豆同我講ok
但我走後發媽咪脾氣！

老豆不敢對我發脾氣
但糟質媽咪

清理舊衣櫃
媽咪話老豆完全無理過
繞埋手黑囗黑面唔理

他們去大家樂吃飯
媽咪將71元講成91元
將20元退回俾老豆
老豆將20元兜口兜面掟媽咪面

媽咪覆述
我火滾話
點解你縱到老豆咁？！

點解咁驚佢？！
因為你係舊式傳統女人思想？
要受幾十年家婆氣！
仲要咁驚老豆？！
點解你咁軟弱？咁怕事？
換轉我係你
一定唔會忍！
我一定帶住個幾歲女離婚！
不如

你依家離婚賣咗層樓同我住！
反正印印都請咗！

媽咪話
唔順佢意佢會郁手郁腳
出街太耐我驚佢屋企暈咗

佢成日話死咗仲好
如果佢失救死咗
我就內疚成世

我話
咁你繼續還前世債啦！
成世受佢全家操控！
你個自尊去咗邊？！

放工
極速買了碌架床+衣櫃
星期四pm送貨去媽咪睡房

成叠銀紙交俾火講價
我個頭實哂, 聽唔明點計

我通知媽咪送貨安排

我真係撲到無哂電！

手機日日都出現這句話

對於火來說
火媽離世是一件事終結

對於我來說
同步要處理Y來我爸媽家
是兩件事交疊
故此
非常耗電

The Big Brother is watching...

今日

火媽頭七
火買榴蓮+牛肚河俾火媽

我帶Y回家見爸媽

分頭行事

出門前

我同佛祖講

求你控制老豆勿嚇親Y

我想媽媽享福

老豆去了買馬

突登擺款拖延

我事前

已讓媽咪與Y

雙方隔空溝通

10：30

只得我，媽咪，Y

媽咪主動同Y握手

社交能力係我1000倍

好快

Y已放鬆和媽咪說說笑笑

我叫Y

主力幫我睇住媽咪

帶她全屋睇一次

簡單講老豆點衰點發脾氣

幫Y打定底勿驚

Y很醒目
見媽咪咳
自己去厨房斟水俾媽咪

因我先斬後奏簽Y

老豆嬲

覺得無話事權，無面

阿嫲死後

爸媽仍與阿嫲大陸親戚聯絡

近日阿嫲大陸外家有白事

老豆焗媽去

但媽不想出錢做水魚+做阿四

不想去
大陸親戚係酒店VIP
紅事白事都酒店級
老豆勁想去嘆著數！

12：00

買馬回來

老豆報復心理好強

要權-要威-要面

係要返大陸2天白事

明顯作為我簽Y

迫佢要工人的等價交換

表面上扮要我批准！

我撳住條氣話

得，但上落要小心

老豆條氣gur咗

見Y時尚算寛容俾面

只循例問係咪識廣東話？

又話肯將大房讓俾媽咪+Y

自己可以改瞓細房

我知老豆絕對係扮嘢

將來實會話犧牲大房俾媽咪

一定利用此事

將來要脅我媽咪

我不會中計

我話

乜都唔好攪

只換媽咪房碌架床就算

盡量將麻煩減少！

老豆收聲

其實

老豆媽咪都好驚我

不是因為我俾錢

而係我處事講道理

一鎚定音，無得bargain！

短短1.5h

Y已將我家政治情勢看在眼內

我話

總之有衝突就帶媽咪落花園仔

最緊要媽咪安全

Y堅持不要加裝冷氣

1. 驚我浪費錢

2. 瞓覺怕凍，有風扇就夠

其實

媽咪同屋苑其他印傭關係非常好

有好多印印

平時無條件

幫媽咪攞重嘢+買餸

因為媽咪

心地善良，肯幫人，關心人

媽咪覺得我太硬-太強-太倔

所以即使我做嘢得

但做人不夠圓融蝕底

媽咪每日要畫眉

見Y有化妝

即刻問她化妝點點點

Girl's talk

媽咪的眉筆

其實

我好憎我老豆

自懂性已知道

老豆心中的排位

是阿嫲，打牌，佢自己

我和媽咪絕少在他心上！

阿嫲過身已經10年

仍舊是打牌，佢自己！

但佢始終係我老豆

點都要理佢until埋單

多年來

老豆不論人際，錢銀

製做了萬七項麻L煩的事

不斷同人嘈交+周圍問人借錢

要我和媽咪執蘇州屎

對媽咪呼奴喝婢不在話下

但老豆對住我點都扮綿羊

攪掂乖一陣

又重蹈覆徹變本加厲

坦白講

我和媽咪都很厭倦疲累

我這幾年對老豆

一直是扮和順

因老豆妒忌心重

如我表現得太錫媽咪

我不在家時

老豆會糟質媽咪

令媽咪受委屈！

我與媽咪

都覺得

我母女倆今世都是還債的

還夠債老豆走後

我和媽咪才會有安寧日子

媽咪送我+Y落樓
Y扶住媽咪手臂慢慢行

<你嚟得我屋企，我就當你係女>

同火媽見Y口脗100%一樣

我送Y上巴士

Y話：阿x，你屋企我明白了

她的眼神是指我家政治局勢

多謝佛祖庇蔭

真的安排Y來我家幫我

當然

也是佛祖獎勵媽咪多年的屈苦

。。。。。。。。。。。。

後記

1:30

我在大家樂回氣

老豆電我

<我聽錯24係下星期四
白事今早已上山

不用返大陸了....>

我話哦

收線忍唔住，對住碟飯笑
$#%&@xyz

佛祖真係勁！
真係有顧住我兩母女

乜都睇實哂！

唔俾老豆攞威亂嚟！


媽咪what

順安天命

在火媽走後的翌日
 我就病了

 除了返工要跑街之外
 其他時間都是攤在2號聽歌和睡覺
什麼也提不起勁
 覺得非常之攰
沒有力做運動
 更加沒有心神看生字

 等電梯沒有按掣
入了電梯也沒有按掣
 經常去的地方落錯地鐵站
 出錯出口
完全心不在焉

之前
曾經希望
假如有一天火媽走後
 超好印印
可以來我家照顧我爸爸媽媽

火媽媽走的那天
 超好印印
整天都在哭
是由衷的哭
根本假不來

火媽在生時
印印what的相是火媽單人相
火媽走後翌日
印印轉了她與火媽合照

火媽走後
她在火家無事做
自己主動去火大家清潔
她不收額外費用因為人工包了
我從未見過咁忠直憨厚的外傭

 做冬的時候
我曾經問過超好印印
 將來可否來我家照顧我爸爸媽媽?

她說好
因為假如火媽走後
那個廢柒也不會要她

 她很口密
一直從來無人知道
我與她在火家廚房洗碗對話

 我叫超好印印不要同任何人講
 免得我好像很想火媽快點離世
我不想做罪人

火媽走後兩天
 超好印印打電話給我
 問清楚我是否要她？
因為她現在合同
主要是照顧火媽
 而火媽在合同中途離世
 所以根據香港法例
合同已經即時完結
如果她沒有新僱主
 根據移民局的規矩
 她2wk內必須要離開香港
 所以她非常心怯
 她很需要錢養家

 我說你不用怕
 你一定會去我家

 廢柒在火家群組
 說假如有人想要她就要快
超好印印曾經同我講過
 在醫院時
曾經有不同隔離病床的家人
 問她攞電話
 足以證明其他人不是盲的
 所以我一定要搶她回家

這幾天
一直與超好印印what
她想知道我爸爸媽媽的情況
例如
 幾點起床就寢
 幾點吃飯
有什麼病
 所住地區等等
最終約了她的中介公司
 今天晚上簽新合約

我是什麼人
超好印印很清楚
所以即使有其他人搶
其實她想來幫我

火叫廢柒
預備火媽離世醫生證明信
結果
廢柒忘記帶把回公司影印
 我要用另外一個方法
攞信去中介公司

 我很想在媽媽晚年的時候
給她一個好工人享福
 因為媽媽做了幾十年人
捱得非常辛苦
 吞聲忍氣+逆來順受+打落門牙和血吞
 幾十年來受盡家婆的氣
 家婆走後
又要照顧暴躁多病狂發脾氣老公
 又要處理家務煮三餐
 即使我有給予足夠家用
即使我有陪他們覆診

 我確實希望
有個很細心-很擔戴-很善良的工人
 在我媽媽晚年去照顧她
一來可以幫輕她做家務煮三餐
二來我想有個人在屋企時
爸爸發脾氣會減少

我不至於天真到
希望爸爸會變得溫純
 我只希望多一個人在家
可以幫我睇住媽媽
讓我可以放心返工

單是水掣+爐火
都忘記幾次關掣

火媽走的那天早上
 我在2號叩頭向佛祖說
請你快點帶走火媽
她實在病得太辛苦
希望她可以無痛快快離去

 然後
在火媽走後的翌日
我媽媽去醫院覆診
 媽媽一直非常抗拒請工人
一來有一個陌生人在家
 二來她根本不想我再額外支出

 我又叩頭向佛祖說
請你說服我的媽媽
讓工人可以來我家照顧她
安享晚年

媽媽的大腸檢查報告
顯示她有6粒瘜肉
 全部良性已經割除
 醫生說是因為經常外出食飯
 最主要是因為爸爸媽媽覆診後
可能太疲累
媽媽無力去煮飯
 所以經常在大家樂吃飯

聽大腸報告後
 我認真同媽媽講一次
我請工人目的
而且我要同人搶
媽媽居然溫純的答應
話明白我用心

 於是
今天傍晚
在K陪同下
簽了新合約
超好印印5月中就會來我家

簽約後
印印放下心頭大石
不停多謝我
問爸媽鐘意食什麼？
想帶些食物作見面禮
她想得細心，很懂做人
又問
假如爸爸不喜歡她怎樣辦？
我說
你先主力做家務+煮飯
陪媽咪去老人中心+打牌+父母覆診
我媽媽很易相處
爸爸要慢慢接受
我真的很需要你去幫我

她說
火媽昨晚回家找她: <阿妹, 我無錢...>
她無驚
翌日
自己出錢買了金銀燒俾火媽用
她是回教徒, 卻肯尊重我們習俗
係咪執福?

簽約後
我電老豆
老豆發我脾氣：
我唔係癱咗！無必要！
多個香爐多隻鬼！

我唔理佢
我只知媽媽捱得好甘！
自老豆10月跌傷+類風濕
所有粗重買洗執煮都係媽媽硬食
有人幫她糴米攞橙都好吖!

 感激佛祖
真的有聽到我的祈求
也體諒我要跑街揾錢養家

2016年2號搬屋媽咪面癱入急症
2018年10月半夜老豆跌倒
2019年媽咪象腳水腫入院
我要不停請假撲出撲入
這類倒瀉籮蟹情況
只會越來越多
還未計平日兩老各科覆診


爸79
媽74
我真的盡哂力....

星期日24, 早上
會帶她回家見爸媽
媽媽驚老豆發脾氣嚇走人
我叫媽媽向爸爸進行思想工作

以前ex來我家時
見過我家衝突情況
即如警察宣傳片
一個揸刀行頸
一個狂喊嗌跳樓
枱櫈推冧哂一地血
ex完全嚇親
因他自細家庭和順未見過

我+火
則習以為常
因火家自細也一樣常見

現在兩老已經萬7樣覆診
我只能請假陪覆診
不能送回家+顧飯餐

到遲下
爸媽身子一年比一年變差
就像火媽
再老+再多病痛+又入醫院
霎時間我無爪蟛蜞+倒瀉屎
何來突然有好工人?!
真的89歲仲去糴米抺窗晾衫?

收線後
老豆繼續哦哦哦
媽咪發火剷老豆
你有事入醫院病到唔郁得
我同阿女撲到落哂型
到你無事精神爽利可以去打牌
你就呼呼喝喝踢開我問我攞錢
個女出面捱得咁辛苦
咁孝義請個工人服侍我地幫輕我
你究竟仲想我地兩母女點?
當我係工人!
當個女係提款機!


媽咪電我講到喊
幾十年來好寃屈

媽咪話
某年我發高燒
老豆和阿嫲打牌
媽咪電嫲家:
阿女發到103度, 我要抱阿女去QE
老豆話未打完!
到媽咪由QE睇完抱我回家
老豆才回家!


希望
爸爸媽媽會欣賞超好印印

在此
衷心感激
所有blog友的關愛+支持

阿凡達

原定今午off

去醫院睇火媽

但超好印印12：30電我

話火媽唔得

即飛的士去醫院

也叫火即去

播四字佛號俾火媽聽

叫她跟住光向前行

火媽所有子孫侄都見齊

心跳+血壓一直緩慢下跌

但仍算穩定

我們坐了整個下午

大家都肚餓

他們去附近酒樓晚飯

我+火

想留守病房
假如護士叫

7：45
我們才落canteen醫肚

拿拿臨食30分鐘

8：15上翻去

超好印印

喊住衝出嚟

話火媽剛走咗！

我+火

跑入病房

估計我地太多人

火媽唔捨得走

我們一去晚飯

火媽即刻靜雞雞上飛機環遊世界

唔想我地捱肚餓呆等

有她的超好印印送終就夠
火媽由此至終都咁鍚我地

火媽戴著氧氣罩

入了太空倉

變身進入另一時空國度

我不應該去食飯

即使離開30分鐘都不應該！

護士同我講
火媽走得好自然，好快


超好印印
一路喊，一路幫火媽換衫

等醫生final檢查一次

陪火媽去殮房


聰明人
問我揀什麼顏色壽衣？
我完全無諗就答
紫紅+啡金
火媽最鍾情的配搭

我揀了一張火媽我最鐘意最好笑容的相
放靈堂
是超好印印早茶時影完what我的
火家上下一致同意


火媽
多謝你18年來的照顧
願你離苦得樂
今後無憂無慮無病無痛

心口好翳痛
淚腺崩堤

It's time to go......

過年時

攞湯粥去醫院

火媽

仲可以自己揸住碗飲

講嘢識笑，識對答

星期日

俾張紙巾佢

揸住都無力自己抹咀

日子，早晚亂哂

講無意思的說話

昨日

再加一樣腎衰竭

肺腎一齊壞

醫生話

2主要器官一齊壞

就......

只係幾日

條脷向後縮

個樣突然變咗

口腔呼吸發出臭味
不是無刷牙或熱氣的口臭
係五臟六腑腐爛的臭味

屙血尿

今日

食乜嘔乜

話好辛苦

神智不穩

應該係呢幾日......

理智地講
走得到係好事
解脫後不用再受折磨

明知預哂會發生

但慢慢睇住發生

個心仍然好梗....

日常

每早1盅2件

星期日B頭如常叫我起身

阿緣係涉石人 

Mina淨係黐我 

翩翩每日踎塔都要坐大脾

緣仔最叻DIY睡袋 

翩翩早晚聞聞 

B頭每晚坐洗衣機 

阿緣緊張lam毛

屁股水墨畫時好時壞

貓兔媽介紹買了費洛蒙頸帶 

緣仔初期戴住發呆

  

B頭又靜雞雞去咗拍片

阿緣好難搵