吊命

去西環入貨

雖然年尾

咸魚欄好靜好靜

缺了往年的熙熙攘攘

 

社會動盪大半年未攪掂

又嚟爆肺炎

香港真係死直

 

學翩翩仰天長嘯

繼續吊命捱世界

 

 

 

 

送豬迎瘦

暴肥到64.5kg

原因

1

自上年豬肉漲價

無法每晚蒸肉餅

放工求其慳錢50一餐

買一兜兜熟餸，燒味，滷水

2

公司裝修後

無咗pantry煮菜午食

焗食茶餐廳

3

由2018火媽入院到走

印傭Y事件

公事超忙超攰超趕

無每早30m運動

總之有時間就瞓

變成一隻豬

的起心肝

買果菜打smoothie

試下減回正常62kg

除豬歲

實在堅癲忙

昨星期六晚

都9：30pm收工

做到反眼

今日吉日

叫火買椂柚葉+黃皮葉

全屋大清潔

洗床單，被袋

本來2號已經家無長物

再發個狠丟棄舊物

因為好快

我就搬去跑馬地半山

1500尺望馬場高層豪宅

不用再忍受咖喱+油煙+曱甴

細佬+瞄瞄

也要沖涼

磚牆要反光

希望2020鼠年

好好地

2019全年

在公在私

實在好難捱+好難頂

人生處處有奇逢

唔愁得咁多

激

放工攰爆回家

見到有個年輕短髮姣精

著件嬌艷粉紅色睡衣

瞓在我張床

我即時扯佢心口起身

佢坐在櫈上

眼神非常挑釁

我火滾問佢幾時開始

佢眼尾瞄下火

話火大哥走時開始

火坐佢隔離

完全是網上捉姦片場面咁

唔敢望我

耷低頭雙手掩面

我即是捉住翩翩

翩翩變硬變成粗鐵棍

我雙手用翩翩

出死力狂擊火+姣精的頭

我理智叫自己停手

再打翩翩會犧牲死

姣精頭破血流

落慌逃跑

火口吐鮮血

跑出街

剛巧有的士經過

我用腳kick火

火失平衡仆入的士

將的士左邊車門車窗撞爆

的士無停

載住火絕麈而去

的士門fing fing下

我好嬲

返回家樓下

打算執嘢帶貓頭s搬走

但好多警察

但整楝大廈已經變成球場

醒咗

起身食麵包

好肚餓

火瞓到死豬咁

翩翩問我攞麵包食

今早
我同火講
火抱住翩翩哈哈大笑
<根本無可能
我跑先你點kick我腳？！>

小丑Joker

一套

極度暗黑，沉鬱，絕望，頹痿

的悲劇

生不如死

生無可戀

越睇越投入

因為我是Batman忠粉

原來幾十年來

咁多轇輵恩怨

Plan

媽咪75生日

老豆連續幾日

因痛症勁發媽咪脾氣

媽咪話

不想生日同老豆食飯

結果

只我+媽咪食西餐

期間

老豆認低威

WhatsApp 媽咪

已買飯+蛋糕

媽咪唔理佢

叫佢自己食！

同所有夫妻or情侶一樣

打打鬧鬧嘈交

外人都理唔到

作為獨生女

我只能經濟上無限量出力

其他的二三事

我無能為力

媽咪話

你老豆咁多年都係咁

無事+精神爽利

就去玩去打麻雀

無錢+病

就死狗要人理

我話

將來老豆走

我不會去大酒店大攪

叫邊個嚟？

佢舊同事？

異姓已反面阿叔姑姐？

麻雀腳？街坊？

又要招呼人麻煩

又要處理帛金

又要攪旅遊車纓紅宴

我會將佢

捐做無言老師+器官捐贈

幫佢積陰德

你都一樣係咁處理

醫科生用完後

會安排紀念公園撒灰

因為到我都死後

根本無人會去拜你地

人地有子孫去拜祭

你地無

無謂霸住骨灰甕

咁多人輪候

媽咪話

攪咁多做乜吖！

直接在醫院出

一把火燒咗咪算囉！

五臟六腑都爛哂

邊有嘢好捐？！

研究乜嘢吖？！

我話

我一早登記咗

做無言老師+捐器官

大學會幫我撒灰

人死咗軀體無用

當係功德

死後都饒益眾生啦

媽咪話

是但啦

到時再算

你決定啦

白頭山：火山浩劫

 

韓國對於拍攝災難片的技巧

已經非常成熟

這不僅是一套災難片

而且是套政治角力片

很多大國

表面上道貌岸然

滿口仁義道德

其實是想從中

yield權力+利益

然而

人民卻深信不疑

如果

為了阻止火山爆發

引致整個韓國生靈塗炭

而南韓北韓

可以放下多年仇恨

攜手處理火山災變

為甚麼香港不可以？

 

誠然

兩邊必定有不忿傷亡犧牲

兩邊也必需溝通妥協互諒