激到爆肺

 

覆診時

S醫生

每次都話翩翩肺花有進步

但唔知點解咁慢？

總之

早晚聞噴噴

先藍，舒張氣管，2puff 

後橙，類固醇，1puff

我負責早上

火負責晚上

2年幾來

一直如此運作

今早突然發現

條友先用橙色，再用藍色

我即刻呆咗！

條友仲要問

乜唔係橙色先咩？！

仲話晚晚不嬲都係咁做！

 我話

醫生解釋得好清楚點樣用 

我每朝早用的時候

你亦都清楚睇到 

點解你會調轉？

怪得知翩翩好得咁慢！

 你冇用個腦去記住

 亦都唔用個腦去分析

 氣管未舒張

 類固醇點入肺？！

 用咁多錢同翩翩醫病

又食靈芝

 目的係想佢快啲好番

 點解你唔著住條乾淨底褲去沖涼？

油雞滷味小行星

八婆

 昨午回家午飯

 在地鐵站買了兩件cake 

畀老豆媽咪食 

排前面的男人

斯斯文文短頭髮戴眼鏡40+

 揀了兩條大蛋糕

 一個叮噹銅鑼燒

 一個麵包

 收銀員話 

多謝先生幾多錢

個男人企在收銀機前

 用手機不停揾QR code 

想用優惠畀錢買 

我揸住現金等畀錢

 等到個男人搵到QR code 

佢隊比收銀員睇 

收銀員話不適用

 因為優惠只限於買麵包

 個男人話 

呢度咪有麵包囉

 收銀員話要全部都係麵包

先至可以用QR code優惠

 

個男人唔忿氣

 乜咁麻煩㗎 

企喺度賴死唔肯走

 收銀員話

如果要買 就要補錢 

個男人揸住個手機 

不斷睇優惠條款

唔肯走 唔肯畀錢 

我開始出煙 

我將銀紙隊埋去收銀前

 後面已經排咗8個人 

收銀員焗住要收我錢

 後面排隊的人開始鼓譟 

收銀員找錢給我

我話

 男人老狗買幾十蚊嘢 

好似八婆咁

芝麻綠豆斤斤計較

 優惠係咁就係咁！

 後面排隊的人話

 係啦係啦 

正常人都知

優惠promotion

同緣分一樣

一切由天整定

有就有  無就無

無得強求

如果優惠條款寫明只可買麵包

你可以將揀咗的換哂麵包

咁就可以攞優惠

唔同意就放低唔好買

人地無話拒絕你

但買就必須遵守條款

街市買$20份生果都無得揀

就係咁簡單

唔好賴死拗點解唔得

刁難人地伙記

如果你係老人家或者師奶 

咁斤斤計較 

我或者唔會串你 

但係大人大姐男人老狗

 真係不知所謂

咁都唔使坐監？

律政司係咪食咗屎？

https://hk.on.cc/hk/bkn/cnt/news/20200903/mobile/bkn-20200903033034967-0903_00822_001.html

 

愛是恆久忍耐

我習慣乾淨

逢星期日

換貓床單，廁所門口布，梳化布

這習慣已維持十多年

我在收衫

叫火換

佢換了貓床單

坐喺度睇電視！

我話

咁梳化呢？！乜都要督住做！

火話

上星期日咪換咗囉！

我話

咁你條底褲夠昨晚換咗啦

你唔下星期先換？！

跟住又唔開掣落水+唔落洗衣粉

又坐低睇電視！

我話

咁你唔使開掣咖？！

火插電掣

望住幾個掣發呆

撳邊個掣呀？標準呀？咩水位呀？

我真係教過十X幾次

庇護工場學員都畢業幾年...

 

又敗家

近期無用韓國貨

改用👇

$95，效果幾好

差不多用哂

轉用瑞士貨👇

全部$100@

用會員卡再減10%

$90@

唔買就儍了

質地好厚好滑

唇膏筆，酒紅色，mat ，$10

sales 姐姐一睇就知我係老女人

所以俾老女人啱用的sample

無了期

太多嘢做

老細要留人跑街

因為驗口水等報告

3日不能出街

等出報告先可出街

老細叫我最後一個去驗

上星期其他team同事去驗

等報告不能開工

我做到趴低

每日政府診所派110個膠樽

7：30-8：30派發

閃電咁派哂

前日

落狗屎

火7：30幫我攞不到

今早

5：50我去排

已有2街坊排緊

我唔知點解

有人問我

呢度係咪排隊攞樽？

攞身分證係邊度？

換車牌係咪上面？

警署係咪喺前面？

頂你！我又答得出！

乜我個樣似路牌咩？

日日100社區中招

隱形病人無病徵周街行

乜群組物群組

全球都係咁

經濟vs病毒傳播

都唔知仲要攪幾耐？！

何不食肉糜

1月開始疫爆

死唔肯封關

機師船員交流又免檢疫

派膠樽又遲

等檢驗報告出前可隨街走

18區惹開哂

香港咪咁打柴囉💀

班白癡司長+局長

叫人去公園食午飯

你有無試過33°C

暴曬坐公園石櫈

屁股煎蛋咁食飯呀？！

食食下又落大雨

做地盤-跑街-清潔-街市

曬到爂又餓又渴

中午坐低吹冷氣回氣

依家死頂企街中暑食飯

司長+局長

著住套chanel或西裝

坐喺冷氣房冰肌無汗

有司機接送買飯盒

完全離地

不知民間疾苦

何不食肉糜？！

何不食蛋糕？！

俾市民小到爆

轉頭又話開社區中心

俾人食飯

好似我咁

日日香港九龍新界

區趕區咁跑
酷熱警告戴口罩
根本不能呼吸
個開工袋又重

求其趕時間醫肚坐低食

點揾社區中心食呀？！

就算入到社區中心

除低口罩坐低1h

邊食邊吹水

咁同食肆堂食有乜分別？

香港政府

低能+白癡+無能

處理乜都係廢的！

攪死香港！

成日話

審時度勢

張弛有道

行之有效

死得啦！

事隔一日

政府就跪低

大臣向晉恵帝稟報

民不聊生

帝曰：何不食肉糜？

法國皇后

Marie Antoinette 

見人民餓死

她問

點解肚餓唔食蛋糕？

高官+AO

大部分都是紈褲子弟

不是基層捱世界出身

自細有工人有司機有冷氣

根本思維離地

不明白民生疾苦

所以

在冷氣房開會決定的政策

永遠荒謬