放長雙眼

我上月初通知那死八婆我有

佢當時話

如果你都有

咁我抗壓咪好叻？！

你缺點係乜乜乜乜

下省1000000字！

講後

情況無改變

因有另外2人都一樣有

都係佢壓迫出事的

佢覺得

個個都話有

咁唔使做白逗糧呀？！

於是

佢日日繼續小！

唔關事的都小！

無事都摷出嚟講再小！

因公司大地震

舊的走，佢失靠山

新的同佢早有牙齒印

肯定會出招打壓佢

佢發哂茅

諗計去擋箭

成team人都牽連想死💀

佢打算利用我的病

同新的鬥法

佢叫我同醫生講

一口氣攞3m的SL

證明個個做到打柴

佢虛情假意

居然流馬尿撘住我膊頭講

你依家出事

我點可能唔理你唔幫你？

你眼咁抑咁

一定要放假休息食藥

否則越攪越大鑊咖....

你使乜咁密去醫院？！

父母老咗始終有一日會死！

我係咪俾好大壓力你？

又話公司可以出錢請私家shrink

下省100000000鳩話！

又話叫我去見舊的

因舊想同我傾下計

又話舊的想介紹shrink

我心諗

我出事係佢一手一腳壓成

依家仲想利用我病做政治棋子

我真係無咁7聽佢支笛任佢舞！

見失勢走舊的把x咩！

上月佢唔叫我放

依家度橋利用我叫放？！

如果

我真係放3m的SL

新的會覺得我無用可有可無

咁借d二整走我咪仆街？！

HR+A/C會計單

咁全公司上下好快唱開哂

所謂相熟，爆我蛹咁點算？！

我從不天真相信

這世界真有confidential 這回事

我仲好清醒！

最高分係2

但我自覺好多7分以上

因藥後不能專注

只能

做令自己開心的事

食自己想食的

早晚唸經求佛祖救我

佢咁陰毒

睇下上天將來點同佢計數！

 

綑綁

星期五晚

做到11：00才收工

飛的回2號

疫情停學了1年

原來的星期六下午班

無人讀

我改讀星期六上午班

班上個個超勁lack得

我尚可跟得上

憑這3h的愉悅

我重獲自尊+自信

慢慢扶住牆角幫自己企起身

 星期日

煲西洋菜湯俾老豆潤肺

火將湯，菜，肉打蓉

咁老豆有營養，飽肚，有纖維開大

下星期會打風落雨

買定尿片去醫院

費事又傘又尿片又食物狼狽

因不能探病

通常交物資俾病房amah後

我會在外面櫈等老豆📞講幾句

我才走

3仔乸就在what群說話

我日日去醫院

俾媽咪放假休息

火知我壓力大

陪我去完醫院去飲茶

<無計吖！鬼叫得你一個咩...>

媽咪

參加老人中心的靜觀畫班

我們都努力自救自解中

人生於世若寄塵

這幾天

媽咪回復正常態度+語氣

無再提簽紙一事

估計是她應為

老豆好快坐熱氣球

媽自己又心又肺

所以

覺得我+火應要盡速埋單

而我拒絕

所以媽發難

我日日

帶食物or尿片or其他

去醫院俾老豆

又落雨

媽心肺腳不好

如媽再中C-19或跣低

我就死得！

媽擔心

如老豆真要割肺

出院後康復難+服侍難

媽一對手攪唔掂+我返工

可能要入老人院

但似樣的要$16000-18000/月

我話

根本係應該要請工人

成日話自己攪得掂

下省1000000字......

媽話

疫情工人難入境

又話睇情況真係急需先請

又話加重我經濟壓力

返工對住仆街老細已壓力大

不要再百上加斤

目前

我俾$xxxx家用+$xxxx鐘點工人

有些老人院$6000-8000就得

下省1000000字......

媽認為

老豆突然有個6cm膿包在肺

而且多年來病痛多

已80+，不適合再捱一刀

老豆則覺得應該聽醫生決定

我話$6000-8000是畜圈

不可住人

醫生今早決定👇

總之

只能見步行步

老豆

在肺插了external喉放膿液

超過1500cc

媽咪去黃大仙求籤

問老豆的病

就算最後

公冶長清白無罪放監

在籠牢內受的苦難亦冤屈

即使放監後

亦元氣耗盡精神頹靡

師傅講經時曾話過

人在世

要還清今世孽債才能走

除了唸經

我什麼都做不到...

困在火籠的獨角獸

連續幾日

媽

一係狂dut我

一係冚我線

又寫what千字文鬧

又話退出群組

我心口非常翳痛

硬食

無窮無盡

今早

煲蘋果.蓮子.百合.蜜棗.果皮.瘦肉

攞去醫院

俾老豆潤肺

平日要返工

只能買物品急急攞去醫院

星期六日+紅日

我跑醫院

俾媽休息

佢有佢發癲

我有我做份內事

媽咪經常咳

私家CT scan報告👇

我查字典解俾爸媽知

媽胡思亂想

以為我問人借錢

幫佢照CT

但其實

所有爸媽的醫療費

都是我自己打落門牙和血吞的

血汗錢

媽叫我攞老豆卡去撳錢交費

我無撳

我覺得

錢俾咗爸媽，就由得爸媽用

塘水滾塘魚

如果用哂

咪又係挖我荷包！

根本無分別

老豆仍在留院治療中

媽在群組話

將來老豆辦白事

要用幾多錢！

我打圓場

媽仲唔識收聲！

媽從來不理人感受

說話直出

還有種種原因

所以我才不能忍受搬走

今時今日

我仲咁顧家

俾足家用+跑足醫院

已經好L叻！

攞完湯+尿片+雲吞河去醫院

我+火

去排隊食壽壽

各自上網

我睇西多新聞

火睇漫畫

排隊坐住等了1h

大家都要大腦放飛

身心實在太疲憊

菜檔的阿水

非常黐我

小王子太純品

俾玫瑰花欺騙

對羊駝莫名的喜愛

對恐龍更加鍾愛

有個好人俾咗我幾個富士山貓

趁火瞓晏覺

喊到B頭屁股濕哂

tomorrow is another bloody day...

見局拆局

 媽咪昨日

叫我星期日獨自回家

有事要傾

我話

有乜好傾？！

話咗乜都唔攪！無嘢要傾！

我依家有邊樣未做足？

咁即係點呀？

紙都唔簽張呀？！

餅都唔派件呀？！

唔使見下佢父母呀？

死哂？！親戚食餐飯都要卦！

咁我好失望囉！

冚我線！

我這十幾年

家用俾足

陪醫院去足

爛傢俬電器買足

工人有請過9日玩完

老豆十幾萬卡數我還哂

依家請鐘點工人

仲想我點？！

自己抑+焦+視網膜裂+白

公司大地震

直屬同新大老細劇鬥

費事父母擔心唔講

依家仲要迫我註冊？

我日日在外

吞炭食鋼瞓釘床

壓力大得不堪

幾十歲人

無權自己幾時註冊咁荒謬？！

我攪掂基本生活開銷已經好好

仲要滿足你失唔失望？

一早講明

帶火回家係父母安心

越攪越多嘢？！

我完全明白

父母得我一個女

想睇我正式出嫁簽紙

我媽驚自己心臟有事突然走

或老豆肺有事突然走

咁就等唔到睇唔到

但我目前情況

無辦法頂到額外壓力

火昨晚

買板唔知碇，話

我以為你明你媽想點

會順勢照佢意思做

我諗住你帶得我返屋企

你都預咗架啦...哈哈哈...

我發火

我話

我又跑老豆醫院

又對住個仆街老細

思維混亂無法正常運作

壓力已經好大

你無撐住我，無教我點諗點做

依家仲剝花生

哈哈哈睇住我死？！

我鏟到火上天花頂！

火今晚放工

仲唔識死，仲要講👇

你講你媽未必聽

我係外人

應該我同你媽講清楚

我話

唔該你唔好再攪事

俾我抖氣減壓！

你睇得你自己太高

係咪以後你聽電話？

以後你同我媽對口？

我媽始終會轟我

你以為你老幾？！

我媽見你2h就聽你支笛？

總之短期內乜撚都唔好再提

你再攪就收唔到科

我實爆煲入青山！

你唔好處理我家事

你無能力無資格未夠班！

之前單嘢

我返香港同父母住

日日對住無俾家用

父母未病

我都拆得掂

無理由依家我搬出住

仲要俾足家用+跑足醫院

我會拆唔掂！？

如果正常情況

請印傭在父母健康時

摸熟父母性格習慣飲食

等父母老時常入廠

咁工人就幫我跑醫院

但結果9日整走個工人

跌了3萬

正常事

從不發生在我命中！

我習慣打逆境波！

我不會再作任何回應

個個人本簿寫法不同

但老天爺一早寫定哂

根本無得改！

K+JP+H

鬧火

你不要再插手

等佢自己處理佢家事

你唔識處理攪唔掂！

你俾佢減下壓回氣先啦！

佢阿媽越撩越駁越衰

由佢講，唔應就整整下收皮

K話

我地川字掌

成世人鑊鑊甘不停硬食！

盡做

 枱上工作

多如天上繁星

紅日

8：30返公司

做到 2：30

攞尿片+叉電去醫院俾老豆

疫情期間

不得探病

乜都企在病房門口

同護士溝通+交收

日前

醫生幫老豆

抽出大量如花生糊的肺積水

在右胸駁小喉管

繼續將廢水流出

不得落床

防止整甩喉管會令空氣衝入爆肺

老豆完全清醒

可以視訊溝通

媽咪話

入廠前已覺老豆唔妥

老豆死頂唔出聲

不論錢債或病況

拖到爆煲

要我和媽咪執手尾做餐死！

咁多年已經第N次

媽咪已經食到又飽又滯

身心疲憊

媽咪話

阿女，我有哂心理預備

佢個肺已爛哂

一抖唔到氣果下就走得

我個心又發大衰竭，腳又腫痛

又係個心一停果下就走得

依家做得幾多得幾多

我知你捱得好辛苦

家用準時俾，陪我地醫院覆診

老細又難頂

我點都頂到你老豆夠鐘嘅

唔好再提請工人

一濶三大又勞氣.....

其實

我想媽咪勞碌大半生

受家婆氣，受老公氣，辛苦湊大我

我想媽咪老時請工人服侍嘆下

但上次請印傭Y那事件有陰影

如目前再請工人

會引出媽咪更多心理壓力

只能見步行步

我對父母

從來報喜不報憂

免父母擔憂

當然無講抑+焦+白+視網膜裂

更不會講私人感情事

今日

決定帶火回家見媽咪

這是20年來第一次同火回家

亦從無同父母提過火這人

我覺得it's time

其實

火想見我父母好耐......

礙於種種原因....

見前📞媽咪俾心理預備

我話一陣帶個朋友回家見你

家事他都知道

會買食物回來

初時媽咪意識不到

媽咪收線後what我👇

我同火講

問乜乜都照直講就得

無需隱瞞

但不能講Y是火媽工人

火做人處世EQ段數高我幾皮

唔使我教要點講點做

我只叫佢除耳環

落街見有絲巾

當火送媽咪的見面禮

火對答如流

淨係食完飯

火會執碗抹枱倒垃圾

已經攞哂獎！

火不是扮嘢做

他在火家係咁做

在2號也是咁做

(父母不喜歡上一個

永遠大爺咁坐喺度食

乜都唔幫手做

出街食飯有大食大

去超市永遠揀最貴的雪條

但永不俾錢)

我去廁所

耳飄入一句

<你地係就快d....>

地鐵攞尿片去醫院中

媽咪再what

無盡的黑豆

今早8：30返到公司

一枱都係趕

仲要不停📞+不停what

萬七樣都要做

12：00

媽咪📞我

話老豆白車入急症室

即刻同老細講下午請假

緊急嘢交低同事

我去到時

白車剛到

昨午老豆自己去睇私家

回家無同媽咪講

今早繼續死頂回老人中心

話右脅痛

不能呼吸 

等去2：30

媽咪肚餓手震

拖媽咪去買外賣

剛坐低食

俾保安驅趕

防疫期間

醫院室內不得進食

又拖媽咪出外面長櫈食

我食火整的午飯

等待期間

我不停📞安排公事

4：30

報告話老豆肺積水

排隊上病房

護士話

不得探病

叫我同媽咪走

媽咪話好攰

的士送她回家

死都話唔好再講請工人

我就快死了......