今早
請假
陪老豆去醫院覆診
睇完行幾步
老豆已經扯氣要坐低抖氣
媽咪話
老豆吞嚥困難
要食櫻花米
我叫爸媽坐公園仔
我極速去超市買米＋麵包
的士同爸媽回家
趕pm返工
晚上9:45
媽咪電我
話老豆扯氣
我叫媽咪撳平安鐘叫白車
白車哥哥話老豆發燒
我覺得
根本右肺那膿包未解決
10:30
我＋火
飛的去C醫院
我在急症室內陪老豆
火在大堂陪媽咪
護士問我情況
我答data
護士問我係咪medical staff
我話不是
11:15
我送媽咪上的士回家瞓
媽咪都冧埋我就死得
我＋火繼續在急症室等
00:45
都係入院
5月31
老豆
8am要回醫院抽血 ，媽陪
3:30pm要回醫院覆診，我請假陪
因老人日間中心
要老豆陰性證明才能回去
媽去診所攞口水樽又要翌晨交回
所以
睇完pm醫院
我索性book了＄240老豆撩鼻
費事媽翌晨又撲去交口水樽
咁翌日可以上網download 報告
當晚又的士爸媽回家
總之
31搭了6次的士
鬼知
該檢測公司server有問題
不能家中download
6月2我又要一早飛的去攞
攞後再飛的攞報告回家
返到屋企
媽話胃痛典典下
老豆腳震震同媽落樓下睇私家
我真係要趕返工
今日星期日
我＋火
去街市買一堆留得耐的瓜菜生果
費事媽咪又要在家睇住老豆
又要落街買送咁辛苦
媽煮了一枱送
開始哦哦哦
又話唔知點將湯渣打茸俾老豆飲
又話31全日坐了6次的士
又話印尼工人唔食豬肉唔好請
又話無叫你買咁多嘢
又話使多咁多錢唔安樂
又話乜乜柒柒幾車廢話
我即刻拍底筷子！
拎起地下兩大袋嘢
發火鏟媽
你肯收聲未？！我即刻拎走！
連續2個月跑醫院
我一句怨言都無！
做到盡做
老豆入醫院無人想
我出錢出力出心做到足
俾著人地個女咁肯做
當天感恩開心都嚟唔切啦！
你依家嘈乜嘢？！
你登報紙脫離仔乸關係
我咪乜都唔使做慳番囉！
你家姐個仔
幾十歲人唔返工唔俾家用
食父母住父母仲要問父母攞錢
你個女又請假陪睇醫生
乜都的士出入
個個月準時俾家用
屋企爛乜出錢換乜
你仲要哦我要註冊
又話使錢使得多好唔安樂
又話要俾番錢我
又話我實係乾哂塘問人借錢跑醫院
你癲夠未呀？！
個女咁孝順咁擔戴
叫你留住d錢搭的士買食療㷛湯
你個腦成日諗埋一邊
你究竟仲想我點呀？！
媽終於收聲
下午媽手機壞
我去買新機
總之
我無可能同佢住！
我已經盡哂力！
好L攰！
如果
我同父母講左右視裂＋抑＋焦
我仲死！
老豆昨午已出院回家
前日
由B醫院調回A醫院
再照肺CT
醫生話
右肺膿腫由6.1cm縮小到1.4cm
進度良好
要再食2星期抗生素控制
今日
老豆話我跑了60日醫院
要請飲茶
地鐵中
我已訓示了一堆話
例如：除耳環＋揸好筷子
初次見面
老豆同火握手
出煙位1
老豆2次正眼望住火講話
火都轉走視線
非常無禮
出煙位2
老豆話
今次逃出鬼門關
俾封利是你地
火覺得唔使俾利是
話：下次唔好嘞......
媽咪話：仲下次？今次都未夠大鑊咩！
出煙位3
最後一轉攞點心
我知爸媽應夠飽了
於是我枱底遞點心卡俾火
費事爸媽搶俾錢
點知
火枱底接過點心卡後
隨手將卡插在老豆邊的餐牌架上！
真係7到無朋友！
我撳住條氣
叫火去廁所＋順手埋單
媽咪就即刻去廁所門口捕火搶單
我大庭廣眾
指我媽回枱坐
hate these people making scenes
令人丟臉尷尬
放假不用跑醫院
也不能放鬆休息！
埋單後
老豆刻意同我慢行
＜我咁多年都無過問你感情事
你地幾多年朋友呀？
千萬唔好急，慢慢睇
我今日唔會咁快對佢落評語
要用時間觀察下佢為人先
我不會干涉你自由
如果你真係覺得適合就一齊啦
當年
阿爺阿嫲唔鐘意你媽咪
阿公阿婆亦唔鐘意我
係我堅持要同你媽咪結婚
依家咁多年大家都老了...＞
事後
條友俾我鏟到去吐魯番
K話
呢d要教㗎！我果個都係咁！好激氣！
我話
幾十歲人！教L咩！
因為爸媽不肯請工人
而且老豆高大
媽咪自己多病痛攪唔掂
社工建議申請政府老人院
因要經濟審查
要提交屋契業權+銀行簿等文件
媽咪揾文件時
發現這張陳年人事登記處文件
文件上寫明
原來老豆生母過身
托孤俾我阿嫲
都係姓王
估計是同村婦女
所以
我老豆是孤兒
我阿嫲並不是老豆生母！
媽咪話嫁了幾十年
老豆絕口未提此事！
一直以為老豆12歲時
阿嫲帶住油瓶仔改嫁
唔怪得老豆由細到大咁坎坷
俾親戚用煙頭辣佢
無飯食要攞貓飯食
隨打隨鬧
原來不是阿嫲親生
媽咪喊
話好彩老豆有我地兩母女對佢好
我話
每個人都有本簿
上天老早寫定哂無得改變
老豆前世孽要今世還
還清才能走
往事如煙
阿嫲都死了20年
對老豆
兩母女只能盡做
老豆👇
先攞湯+食物去老豆醫院
酷熱警告
火拎湯+我拎遮
再同火回家
同媽咪飲茶
媽咪堅持請火飲茶
話唔好意思
發現申請表老豆簽漏了
飲茶後
送媽回家
火又同我去醫院俾老豆補簽
火又同我回家交表俾媽咪
因媽咪約了社工星期一早對文件
火1wk休一日
個個星期日陪我跑醫院+屋企
激讚👍
我只能見步行步
基本上
放病假日日攞湯+食物+報紙
俾仍在醫院隔離的老豆
腸病毒無大礙
老豆有胃口+有精神
但肺弱，說話不夠氣
仍在抗生素治療中
有幾個同事
隔幾日就what或📞
問我眼點？
真情或假意
我分得開
那個衰人📞假惺惺
哎呀
我真係唔該你顧住自己呀
唔好咁搏命呀！唔值得咖！
要加放就話我知啦....
但點解人人都用PC都無事
但你左右都裂？！.....
隔日就一車鳩話
總之
我不用對住佢真人已經好好
去完醫院
回2號才覆what+📧+📞
壓力已減退好多
視+抑都好咗
係眼乾+眼易攰
此外
還要陪媽咪醫院覆診
陪媽咪見社工申請老豆排院舍
我無同爸媽講視裂放10日病假
我話
母親節你想食乜？
媽咪扮灑脫話
唔使嘞，你日日跑醫院
你同我食咗一次粥檔一次大乜活
我當慶祝咗母親節咖嘞...
我話
即係星期日我返屋企
你都唔歡迎係唔係？
媽咪話
咁你兩個咪返嚟食囉....
我話
你唔好講無謂要求我地就返！
於是
今早先攞湯去醫院
再叫媽咪落商場午飯
火社交技倆向來好過我
母親節午飯, 火+我+媽咪, 安然埋單
媽咪亦知碇收彊，無再講要我簽紙
昨日
政府醫生發現
原來左+右一樣情況
視裂+積水+局脫
先是高級的睇
再急電叫主任級落嚟睇
醫生講了3個方案
其中2個要堅做手術
術後要休息幾個月
但我工作太忙+跑老豆醫院
於是
他們緊急開會
決定
今早緊急，做左激
權宜之計頂住先
昨攪到19：30才離開醫院
遇到咁宅心仁厚的政府醫生
簡直是奇跡！
火話
點解上次私家只補右？
無發現左都裂咩？
我通知那人
那人在📞
講了幾車兔死狐悲的鳩話
又話等我激完車我回家
我話唔使
一係我精神失常
一係佢虛情假意伎倆未夠班
我隔住電話忍笑忍得好辛苦
那人9秒9通知大老闆
大又what我見面，飯或茶
我例推
又係半夜三更醒咗瞓唔翻
緣緣屁股霸佔我半個枕頭
天光發夢
見到火媽笑得好開心
整緊食物俾一堆小朋友
出門前
火叫我左激後，速回2號瞓床
他會今晚煮飯
攬住我好耐才放手
7：45出門
先攞嘢去老豆醫院
8：45再去左激
原來
今早並無激治
人山人海
係主任醫生突登卡啦時間幫我激
主任醫生一路激一路講
左裂範圍比右大得多，積水不多
但有滲漏到黃斑點附近
暫以激光圍封
再發生就一定要做手術根治
先激，再CT scan，再激
佛祖咁調動人手救我
夫復何求
千感萬謝
不計weekend
主任醫生俾10日
醫生問我做邊行？
我話______
再將寫滿booking的簿俾醫生睇
醫生話
你做人咁盡責
你唔好淨係顧人, 顧父母
你都要顧下自己
盡量每日
煲湯拎俾老豆
報紙+尿片+小食......
原計劃
在醫院B進行5wk肺部排膿治療
今日
12:30攞湯到醫院B
13:15將老豆污衣放2號門口
14:00沙田開工
17:00再回2號
攞袋衫入屋，準備洗
17:15
老豆what我
話緊急調去隔離病房
但聽不清楚護士解說
我📞病房
護士話
老豆4月23星期五轉入B時
幫老豆撩病毒測試
今午
報告剛出
發現老豆有傳染性極高腸道惡菌
醫生要轉另一種抗生素醫治
估計是由醫院A傳染
因4月23第一日轉去B即進行測試
估計不是從B感染
現在老豆在隔離病房
側邊病床那病人
也是由A轉去B
但屬A另一座的病房
那病人也是中了同一種腸道惡菌
現他與老豆一同隔離
醫院B已通報了衛生防護中心
必需進行病毒追蹤調查
好心煩
💀💀💀💀💀💀
即📞媽咪
又要重新戴double口罩+手套
在門外檢查老豆袋衫有無貴重物品
無
整袋紮實丟棄
入2號全屋漂白水消毒
我今日著的衫即洗
由頭滴露洗到落腳
我4個細路不能有事....好驚....
媽咪打定輸數
