盼

由第1日洗傷口

食咗鎮痛藥也一樣嚎吼

 到今天第11日

洗傷口時揞住嘴

 細細聲嗚嗚叫

已經是很大進步 

今天幫我洗傷口的護士

是 15號洗的那個 

她說憑記憶

 目測傷口有很大進步 

最重要是黑洞內

沒有發炎，沒有藏污糟

傷口埋得好靚

但點都係要時間

因為是開刀清創

 所以醫生沒有縫針

 總之要時間

等傷口逐層逐層生出新肉

所以唧藥水入去洗黑洞

係真的痛到發癲

 因為護士是熟手技工

 好快手

但她沒有說預備說話

極速掹咗舊紗布

 快到我冇時間揞住口 

所以失禮大聲叫咗 

隔離抽血房護士問發生乜嘢事？

 我話冇事

洗傷口的護士同抽血護士講

＜由佢發洩下啦

佢算好乖好忍得痛㗎喇

 佢都忍咗好多日㗎喇……＞

 我每次洗完傷口後

著好衫

 一定執好床墊

掉落垃圾桶先離開

 過馬路時綠公仔閃

 我要等下一轉全綠

我先過到

 真係跑唔喐

 有個盲人在馬路邊好猶豫

我問佢去邊？

佢話想過馬路但唔熟路

搵唔到引路徑

我忍住痛帶佢過馬路

 然後行返過自己回家方向

又遇到另外一個盲人想過馬路

 原來附近有活動舉行

 車來車往實在好危險

我寧願自己忍痛

都要帶盲人過路

我唔想有意外發生 

老細隔日打電話嚟

問我傷口點？

幾時可以返工？

 跟住都係講八婆嘢

好＃煩

 無端白事有嚿錢 

我去買咗一堆新嘢comfort自己

 反正食咗鎮痛藥

洗完傷口暈暈哋唔算太痛

特登冇帶公司手機 

自由自在行了2h街放鬆買嘢

真係好耐冇試過

 我從未用過B牌

返嚟屋企試妝

 真係有天淵之別 

貴嘢真係貴嘢

 貼＋滑＋立體＋奶油

食鎮痛藥＋抗生素 

一樣壞腦 

行過寵物店

唔記得買貓餅

啲衫乾曬

又唔記得收

好彩冇全身麻醉

否則個腦壞咗唔使要

黄精＋何首烏＋熟地＋麥冬＋cheap花膠＋淨瘦

今年乜都出齊

 老豆4月開始不停出入醫院 

我自己幾味一齊爆 

1.左右視裂

2.頸椎移位

 3.抑＋焦

4.礦洞爆炸

流年不利

 真係好想快啲立春

火每年

買聖誕mince pie俾我

隔幾年就一次血光之災

https://castle1128.blogspot.com/2018/07/blog-post_23.html

62kg

第8日

試過2次

登記文員問人到咗未？

我話，咪我本人囉…

今日

洗傷口護士

望下約期紙

好訝異話

＜嘩，你好後生喎

同真實年齡差成10年

你點keep㗎……＞

我話

＜有無咁誇呀？至多咪幾年……＞

我之前白痴

以為洗傷口前2h食鎮痛藥

但洗時痛到想死

護士話

應該30分鐘前食

鎮痛效果最好

護士話

＜你做手術個黑色箭咀仲喺度

你無得沖涼

短期內無辦法洗得甩

你個傷口已經好努力

雖然仍有滲血

但在兩邊有生出新肉

算係好得快

無得急

日日嚟洗傷口啦……＞

我每日

早午晚，1大湯匙阿麻籽

午＋晚，食深綠色菜＋魚油丸

食合桃，香蕉，黑麥包

每晚飲cheap花膠湯

總之狂谷傷口癒合

有傷口

最緊要protein 

食免治豬肉撈麥皮蒸豆腐

傷口好得快d

翌日最少痛，行得快

食雞麻麻

翌日奄奄痛，行得慢

唔敢食蛋

一係攤喺度

一係企喺度食飯

一係跪住上網

基本上

個個洗傷口護士

都知我痛，好輕手

個個都加厚cushion ，外加防水

但我根本不能坐

多年來

我習慣

早上運動後沖涼洗頭返工

放工污糟回家又沖涼洗頭

依家傷口位置刁鑽

每日洗頭抹身

簡直是河西雜技訓練營

又不能整濕紗布 

但又要清潔乾淨

保持每早30m

上半身運動

加速metabolism 

很多相熟的好客有what我問候

一定要快d好

公司成噸嘢要我做

照舊

日日都有

公司what＋email＋電話

最慘的

是連續2星期無得返學開心

日日食完鎮痛藥＋抗生素

就在月球飄浮

繼續撐

 到樓下街症

洗了幾日傷口

但今早是星期日

樓下街症休息

要跨區洗

火拖住我

烏龜一般的步伐前往

個個洗的護士

聽住我洗時嚎叫

叫我放鬆先洗到

話傷口埋得好好

但真係需要時間

由皮膚底層逐層逐層癒合

媽咪腳痛

話不如今午出街食當做冬

媽咪話

老豆昨日又唔對路

又自己食藥

想逃避入醫院 

但坐低食飯不停扯氣

揸主對筷子都唔係食

所以拿拿林 

食完就捉佢上的士去醫院A

費事又拖到三更半夜

焗入衰醫院C

去到醫院已經開始發燒 

結果都係要留院

慢性肺阻無得攪

 formula係咁

等last day 

冇辦法 

媽咪又可以放假 

媽咪腳痛都比我行得快 

我傷口係堅痛 

在急症室等候期間 

我用下半身側俟or企

根本坐唔到

下星期的schedule 

是洗完傷口

攞湯去老豆醫院

懸浮微塵

醫生寫病假紙到平安夜 

連聖誕節假期

 29先返工 

因為傷口位置實在怪雞

 不能坐

只可企，雙腳跪低或攤喺度 

食飯都係企喺度食 

只能做上半身muscle training 

keep住體能 

出院前

病房姑娘千叮萬囑 

要食咗鎮痛藥

先好去街症洗傷口 

焗住自己8:30am

食芝士麵包+麥皮+打果汁

 然後食鎮痛藥 

2h後

藥力開始發作

 飄下飄下咁行去街症洗傷口

 兩吋兩吋咁行路

 好似男仔割完包皮忍痛咁

 然後又飄下飄下咁去買餸 

買餸是藉口

 去睇阿水先係真

今日街症護士長同我洗

 話仍然有血水滲出 

要等皮膚內部組織慢慢癒合

 逐層逐層生返出嚟 

我話完全明白

 醫生在洗傷口紙上

寫明要用紗布攝在傷口索血水

 所以在洗傷口前

要先將塞在血窿內的紗布拔出來 

清洗黑洞

 然後再攝張新的紗布入去

 再在外封防水紗布

護士長幫我洗傷口的時候

 我差啲將床pank鐵支拗斷

 揞住個嘴嚎叫 

即使食了鎮痛藥

護士長話我好忍得痛 

死頂下半身冇喐， 好合作

 可以順利洗傷口 

黑洞內沒有污糟or沒有發炎

 話目測傷口有1cm深

範圍＄5銀咁大

對比我剛剛做完手術之後

我在醫院自己照鏡睇 

應該有進步

因為當時鏡中見到的是一個無底深潭 

我盡量食一些鹼性超強的食物 

菜、芝士、 番薯 、香蕉、紫菜、yogurt 

令身體質變得更alkaline 

 加速傷口癒合 

盡量不食sodium

防止鈉高令傷口水腫

另外

每日早午晚

每次一大匙羹亞麻籽＋黑芝麻打粉, 魚油丸

 因為上次mina屁股大爆炸

我都係用亞麻籽粉溝force feed

 mina屁股10日就完全埋口平伏

一樣都係要覆公司what，電話，Email 

因其他公司及其他dept不知我入廠

此外

要安排好原定工作的bookings 

不能因自己病假影響team運作

我老細📞我

點解咁大鑊要開刀？

我話

因為我對住你太多年

身體頂唔順

所以生個大毒瘡！

也向先生請假

食完鎮痛藥及抗生素 

全日就好似太空垃圾在銀河系漂浮一樣

今早62.5kg

剮刑

星期五晚上

越來越腫，越來越痛

痛到飯都食唔到

叫火陪我去私家醫院

私家醫生一睇

＜嘩！面積咁大

要全身麻醉開刀清創

你去政府急症室啦＞

又飛的去政府醫院 

等到半夜2點

終於輪到我睇醫生

急症室醫生睇完

又係一模一樣咁講

＜嘩！面積咁大

要全身麻醉開刀清創

你今晚入院啦＞

上到病房

根本冇可能瞓到覺

 隔一陣叫你抽血

 隔一陣話要打抗生素

隔一陣話要睇傷口

 隔一陣話要換鹽水

 然後隔離床那個阿婆

全晚講鄉下話要生要死

 根本通宵冇瞓過覺

咁就到星期六天光

主診醫生同我講

 手術室要排隊 

你痛成咁

一定要開刀清創先準走

點知

星期六早11:30

膿瘡自動引爆

膿血滲濕了幾次紗布

15:30都未入手術室

但我可以戥起雙腳痛少咗，行快咗

星期六晚上

火帶公司手機＋叉電俾我

我電老闆安排

我入廠後

下星期的人手調動

我叫火帶牙膏·牙刷·毛巾俾我

火話

舊毛巾舊牙刷用完就丟得

我話我知

條毛巾係我平時用嚟抹瓷磚的

不過我每次洗乾淨才放回櫃的

火哈哈哈

醫生要我一定要清創

但等到星期六深夜

仲未有得入手術室

由星期五晚開始

因要排隊等手術室位

所以一直禁水禁食standby

就快瘦過樹枝

星期日

早上4:15

俾阿婆嘈醒咗

我索性起身沖涼洗頭

單手舉高鹽水樽

要顧住手背入針位

單手換衫，沖涼，洗頭

比魷魚遊戲任何一個遊戲更難

如果不小心揩甩手背豆

不只痛到入骨

仲要重新忍痛再打豆

有條友

同正在睇排板的醫生講

＜醫生，唔該你開電視＞

我即刻鬧佢

＜你係病懵咗唔識尊重人？

定係唔識做人？

居然叫醫生開電視？！＞

等到星期一11:40am

終於到我做手術

完全赤裸

對住外科醫生＋麻醉醫生

醫生問

你係咪有做運動習慣？

因為你有腹線及背肌

我低能地一路忍痛一路沾沾自喜

因工種要勁用腦

我要求下半身麻醉

即是在脊椎打麻醉針

對大腦減少傷害

外科醫生在下方做手術

麻醉醫生在上方同我傾飲食營養問題

手術時間20分鐘

外科醫生話

其實

囊腫未熟

不過開刀將所有牽連組織刮走

一了百了

讓其自然重生

飢饉66h後的第一餐

火問醫院餐係咪好難食？

我話同我煮的一樣

火哈哈哈

以半身麻醉來講

體能算滿意

醫生話data靚仔

血含氧量99，pulse 66

星期二早上可出院

情況

就如當年mina屁股大爆炸

爆炸前寢食難安

爆炸後即刻去食餅餅

感激佛祖庇蔭

大步纜過

火連續幾晚湊仔做家務

開刀醫生

將相關組織刮清後

涉紗布入去索血

今早醫生拔紗布時

我失控嚎痛

目前

我最舒服＋最唔痛的posture

就係如花及十二少食鴉片咁

側身屈膝

 洗傷口

也是酷刑

洗完傷口

我執好床才出院

放血

 在大髀底及屁股下方 

無端白事起了一粒大血瘡

 體積3d有如鴨蛋般大

 連續幾日

坐痛，企通，踎痛，行路痛，食飯痛

 所有動作都痛

 今晚

叫火放工回來買針筒

 自己搞 

在廁所遞起一隻腳

 攣低條腰 

在鴨蛋位置 

插了十幾個窿放血 

場面非常轟烈

 痛到標曬汗 

真係好佩服細佬

當年腎衰竭

每晚頸皮入針打水洗腎 

入針果下係堅痛

細佬確是真英雄

 我終於明白

點解殺人犯會一身一臉都是血

 因為好自然用手去抹汗

 相信仲要放多幾次血

 先可完成壯舉 

我忙到冇時間去醫生度放血

火㷛土伏苓湯解痛散痛

 根本就是癲佬正傳

 放血後 

太用神，太用力

好攰心跳 

食一粒紅黑消炎

用碘酒洗傷口

再搽獅子膏

瞓覺

放血後鬆好多

如果

我在荒山野嶺生仔

我會係自己咬斷臍帶嗰類人

頭頂上的時鐘

Mina肚腩傷口上次處理後

每早都有血水結焦

即係

證明我真係蒙古大夫

今早夠期打疫苗

順手請醫生診治

P醫生是新醫生

很嚴肅的

他問我點處理

我話

每晚iodine消毒+搽Fucidin+食Vibravet

醫生摸到豆size大的東西

因肥豬min腎衰竭要抽血抽尿

所以

醫生順手在抽血時

將肚瘡唧出

即刻平伏咗

mina是腎衰竭第2期

仲keep到豬一般的胃納

有3.96kg都已經好好

crea及AMYL都偏紅

醫生問平時食咩?

我話有4個貓頭

個個不同年紀

一直食的餅protein是30%

1-3-5食靈芝

2-4-6食蟲草

Mina算精神

返工送門+放工接門~~>好孝順

得閒打下人-閙下人

醫生話

最好轉腎糧

一回到2號就不停食

食完曬太陽

罕有地4個一齊曬太陽

飯後

Mina瞓醒

傷口好好

再洗，再搽

B頭是2007年聖誕節回堡壘的

B頭2015也確診是腎衰竭

今年尾足14歲

Mina2008在雲吞麵舖籠內已1-2歲

到堡壘時是大肚的

今年應該15-16歲

一切都是盡做