小工蜂

今早

9:00九龍城開工

12:00趕回樓下洗傷口

趕到瀨屎

護士是前日那位

＜吓？點解兩日細咗咁多？＞ 

我話食乜食乜

總之狂谷傷口癒合

無可能長期孭住個礦洞

日日要食定藥去洗

返工要跑街

無得攤抖

唯有靠食物去養護

13:00

趕去醫院D

接老豆去醫院A照超聲波

因為安排了非緊急

焗住要用屁股坐

老豆問我

＜傷口點呀？究竟位置喺邊？＞

 我摸老豆屁股

指畀老豆知礦洞喺邊 

老豆話 

＜咁你點坐呀？＞

我話

＜你唔見我側一邊身咩？

行路冇問題，真係坐唔到……好痛＞

老豆話

＜咁聯咗幾多針？＞

我話冇聯針 

老豆話

＜冇聯針？等佢慢慢自己生肉呀？

搞好耐㗎喎！＞

 我話日日去洗傷口囉 

架車轉彎一朗

 傷口痛到瞇哂眼 

老豆雖然81 

但思維好清晰

 common sense 亦豐富 

數口更加精甩尾

佢畀張八達通我

叫我用曬餘下＄90

然之後

 攞埋最後＄1000消費券

我買咗2包尿片＋2包濕紙巾

送老豆回醫院D

amah理應接車

然後推老豆回病房

但amah唔想做！

我話

＜你唔推就我推啦！＞

amah好＃晦氣話

＜你唔上得病房喎！＞

我話

＜咁即係你推定我推唧？！＞

amah黑口爛面咁推

下次死都唔同意俾老豆入醫院D

媽咪帶靚口罩去書法班

個個讚

媽咪參加課程

攞證書好開心

生活上濕濕碎碎的事

我只能盡量做

希望老豆媽咪

晚年過得開心

5蚊變5亳

由10入廠開始

一直無沖涼

日日熱水抹身

頭照舊烏低日日洗

今日

開始返工

諗住護士包了防水層

點都要沖涼返工見客

點知去到洗時

護士大驚

＜ 你幾耐冇洗過傷口？

啲血滲到紗布濕曬喎……＞

我話

日日都有洗傷口

今朝沖涼已經好小心 

可能防水層入水

護士話

都係唔應該沖涼

😿

好彩天口冷 

抹身基本清潔頂得住

否則全身會長滿靈芝

今早的護士

也是曾經幫我洗過傷口

她說傷口變細

出院時傷口範圍大過5蚊，無縫針

依家係有好大進步 

同前次洗傷口那護士講一樣

 見到礦洞內

有新肉生出嚟

向外推進 

紗布塞少好多 

size同5毫子差不多

她說以我目前進展

預計一月尾or過年前

應該可以完全埋口

連續兩個星期 

洗傷口前

1粒創傷級鎮痛＋1粒panadol 

是醫院護士出院時吩咐的 

但是食完會魂遊太虛

 但今日要返工

所以我減了panadol

 只食創傷級鎮痛

 洗傷口時都頂得順 

無咁飄

唔算太眼瞓

尚可集中精神 

因我份工太用腦 

唔錯得

開工袋好重

仲要就住傷口慢慢行

鎮痛＋panadol＋抗生素

同步食咗2wk

早晚各一次

日日直頭升仙一樣

好彩

抗生素28已經食完

飄少1樣

只係飄一陣鎮痛

只能搭地鐵

坐不到巴士

今日工作的地方

之前已經去過2次

 但是鎮痛藥

令我大腦喪失正常功能 

居然在中環蕩失路

對於跑慣街來講

簡直就是天方夜譚

我同個客講

我手術後唔坐得

佢唔介意我跪喺張櫈度做嘢

 同事話

你平時衝得太多太快

係個天要你將步速放慢 

叫你停低休息

今次老豆醫院D

我只去了2次

傷口痛，力有不逮

行多傷口會滲血奄奄痛

 焗住要媽咪腳痛

的士去了幾次送湯

這世界沒有理所當然

 老豆仍在醫院

 媽咪很喜歡吃自助餐

 但胃口不佳 

我book了素食自助餐 

26和媽咪11:30去

26早上

 因為怕人多

 所以8:30

就和火跨區去排隊洗傷口

實在真係太多人

等到10:15唔對路 

叫火11:15去地鐵站接媽咪 

總之搞嚟搞去

 12:30我才洗完傷口 

原來火改了1:00自助餐

然後

 帶媽咪去自助餐對面的茶餐廳

坐低等我 

火陪媽咪傾偈

教媽咪玩打麻雀遊戲殺時間 

到開始食

同媽咪講解

呢樣係乜？嗰樣係乜？

叫媽咪出得嚟食

就樣樣都試下

 火不是一次半次係咁

而是每次和媽咪老豆出街食 

也是同一個態度

 埋單後

媽咪想去附近行一陣

 我拖住媽咪腳痛慢慢行

我自己也傷口痛

火就在後面慢慢跟著

從來沒有黑面或不耐煩 

一路陪媽咪等巴士回家

 還提議買什麼東西帶去給爸爸吃

 我想講

 我從來都是一個粗枝大葉的人

很多時我心情差

逃離地球在土星唱k唱幾個鐘

或帶job回2號趕工不理世事

火就在洗碗，湊仔，做家務

從來冇嫌棄或怨言

火在生活細節上

比我細緻，體貼得多 

不論對我＋老豆媽咪＋貓頭 

他都照顧有加

對街上或店舖的貓狗

我們思維也一致

 有時我要紅日開工

冇辦法攞食物或尿片去醫院

 火會幫我拎去給老豆

 又會諗 

媽咪乜嘢食得到不會太硬 

老豆有什麼物資需要買

煲什麼湯給老豆飲

 每晚飯後我打電話給媽咪講電話

火都會搭單講幾句 

就像昨晚媽咪說 

骨頭痛不能睡好

 火教媽咪用熱水浸腳

 血液循環可以瞓好一點

 有些態度不能長期裝扮

 火絕對是個好男人

 對我，對貓頭，對老豆媽咪

都絕頂一等一 

老豆媽咪很喜歡火 

媽咪去書法班

寫了我們的名字

用相架鑲起了

即使火爸火媽走後

火的家人有事發生

也會電我商量問意見

火的老死有事

也會電我訴苦，問點拆解

我18歲和火相識

過了XYZ的年月日

發生過這麼多的悲喜哀樂

近日開始

在想一件事

2021聖誕節

 昨日護士話

連續3 day 紅日

跨區都要洗傷口

千其咪偷懶

今早9:30去到登記

145籌

人山人海

結果13:00才到我洗

護士又係果句

＜傷口埋得幾靚吖……＞

帶食物俾老豆

今次轉去醫院D

醫護態度勁好

但規矩有點困難

今午3:00排隊人不多

40m就有位

用左邊屁股俟住立食

我好鐘意這口罩

平時唔捨得用

聖誕點都要放肆一下

求其唔想煮

盼

由第1日洗傷口

食咗鎮痛藥也一樣嚎吼

 到今天第11日

洗傷口時揞住嘴

 細細聲嗚嗚叫

已經是很大進步 

今天幫我洗傷口的護士

是 15號洗的那個 

她說憑記憶

 目測傷口有很大進步 

最重要是黑洞內

沒有發炎，沒有藏污糟

傷口埋得好靚

但點都係要時間

因為是開刀清創

 所以醫生沒有縫針

 總之要時間

等傷口逐層逐層生出新肉

所以唧藥水入去洗黑洞

係真的痛到發癲

 因為護士是熟手技工

 好快手

但她沒有說預備說話

極速掹咗舊紗布

 快到我冇時間揞住口 

所以失禮大聲叫咗 

隔離抽血房護士問發生乜嘢事？

 我話冇事

洗傷口的護士同抽血護士講

＜由佢發洩下啦

佢算好乖好忍得痛㗎喇

 佢都忍咗好多日㗎喇……＞

 我每次洗完傷口後

著好衫

 一定執好床墊

掉落垃圾桶先離開

 過馬路時綠公仔閃

 我要等下一轉全綠

我先過到

 真係跑唔喐

 有個盲人在馬路邊好猶豫

我問佢去邊？

佢話想過馬路但唔熟路

搵唔到引路徑

我忍住痛帶佢過馬路

 然後行返過自己回家方向

又遇到另外一個盲人想過馬路

 原來附近有活動舉行

 車來車往實在好危險

我寧願自己忍痛

都要帶盲人過路

我唔想有意外發生 

老細隔日打電話嚟

問我傷口點？

幾時可以返工？

 跟住都係講八婆嘢

好＃煩

 無端白事有嚿錢 

我去買咗一堆新嘢comfort自己

 反正食咗鎮痛藥

洗完傷口暈暈哋唔算太痛

特登冇帶公司手機 

自由自在行了2h街放鬆買嘢

真係好耐冇試過

 我從未用過B牌

返嚟屋企試妝

 真係有天淵之別 

貴嘢真係貴嘢

 貼＋滑＋立體＋奶油

食鎮痛藥＋抗生素 

一樣壞腦 

行過寵物店

唔記得買貓餅

啲衫乾曬

又唔記得收

好彩冇全身麻醉

否則個腦壞咗唔使要

黄精＋何首烏＋熟地＋麥冬＋cheap花膠＋淨瘦

今年乜都出齊

 老豆4月開始不停出入醫院 

我自己幾味一齊爆 

1.左右視裂

2.頸椎移位

 3.抑＋焦

4.礦洞爆炸

流年不利

 真係好想快啲立春

火每年

買聖誕mince pie俾我

隔幾年就一次血光之災

https://castle1128.blogspot.com/2018/07/blog-post_23.html

62kg

第8日

試過2次

登記文員問人到咗未？

我話，咪我本人囉…

今日

洗傷口護士

望下約期紙

好訝異話

＜嘩，你好後生喎

同真實年齡差成10年

你點keep㗎……＞

我話

＜有無咁誇呀？至多咪幾年……＞

我之前白痴

以為洗傷口前2h食鎮痛藥

但洗時痛到想死

護士話

應該30分鐘前食

鎮痛效果最好

護士話

＜你做手術個黑色箭咀仲喺度

你無得沖涼

短期內無辦法洗得甩

你個傷口已經好努力

雖然仍有滲血

但在兩邊有生出新肉

算係好得快

無得急

日日嚟洗傷口啦……＞

我每日

早午晚，1大湯匙阿麻籽

午＋晚，食深綠色菜＋魚油丸

食合桃，香蕉，黑麥包

每晚飲cheap花膠湯

總之狂谷傷口癒合

有傷口

最緊要protein 

食免治豬肉撈麥皮蒸豆腐

傷口好得快d

翌日最少痛，行得快

食雞麻麻

翌日奄奄痛，行得慢

唔敢食蛋

一係攤喺度

一係企喺度食飯

一係跪住上網

基本上

個個洗傷口護士

都知我痛，好輕手

個個都加厚cushion ，外加防水

但我根本不能坐

多年來

我習慣

早上運動後沖涼洗頭返工

放工污糟回家又沖涼洗頭

依家傷口位置刁鑽

每日洗頭抹身

簡直是河西雜技訓練營

又不能整濕紗布 

但又要清潔乾淨

保持每早30m

上半身運動

加速metabolism 

很多相熟的好客有what我問候

一定要快d好

公司成噸嘢要我做

照舊

日日都有

公司what＋email＋電話

最慘的

是連續2星期無得返學開心

日日食完鎮痛藥＋抗生素

就在月球飄浮

繼續撐

 到樓下街症

洗了幾日傷口

但今早是星期日

樓下街症休息

要跨區洗

火拖住我

烏龜一般的步伐前往

個個洗的護士

聽住我洗時嚎叫

叫我放鬆先洗到

話傷口埋得好好

但真係需要時間

由皮膚底層逐層逐層癒合

媽咪腳痛

話不如今午出街食當做冬

媽咪話

老豆昨日又唔對路

又自己食藥

想逃避入醫院 

但坐低食飯不停扯氣

揸主對筷子都唔係食

所以拿拿林 

食完就捉佢上的士去醫院A

費事又拖到三更半夜

焗入衰醫院C

去到醫院已經開始發燒 

結果都係要留院

慢性肺阻無得攪

 formula係咁

等last day 

冇辦法 

媽咪又可以放假 

媽咪腳痛都比我行得快 

我傷口係堅痛 

在急症室等候期間 

我用下半身側俟or企

根本坐唔到

下星期的schedule 

是洗完傷口

攞湯去老豆醫院