為因某人自私原因
我俾人焗去人地公司開工
無得食SAT開心西多
🤬🤬🤬
返到2號
見到貼紙全幢要強
喳喳臨去附近撩
然後通知仆街老細
＜吓？乜你咁麻煩㗎？
我要通知人地公司你強
你明知強你就咪去人地公司啦＞
🤬🤬🤬
無得食西多
我已經唔高興
＜我落街時我無見張紙
唔知幾時貼！
如知要強
我唔會開工！＞
🤬🤬🤬
原定星期日
母親節回家午飯
訂了蛋糕
但因強
要等到星期日17:00出陰
才能出門飛的
先去揾阿水
買俾老豆媽咪的
火幫媽咪開飯
媽咪買俾火的拖鞋
買2件新衫俾媽咪
無蛋糕拎翻去我死梗
火倒完垃圾鋪垃圾袋
出門太趕
無攞冷氣褸
火用環保袋幫我圍頸
返到2號
再睇紙
原來曾中招
3個月內不用理強
柒咗！
但起碼我盡哂公民應有責任
乜都通報哂
今晚
媽咪話唔提我
我都唔去幫佢攞超聲波報告
我話
＜我唔係唔記得
係太忙無時間攞
你同老豆幾間醫院咁多覆診
我幾時試過唔記得去？＞
🤬🤬🤬
然後
仲要影張相話
我買的西瓜爆裂咗
我買時完整無缺
裂咗我會咁白痴俾錢買？
天氣焗熱
西瓜皮薄就會爆
佢自己腳痛平衡差
我盡可能逢星期日
買重嘢拎回家
或特別的
買完又話多
叫我買藥
我買28粒一盒四排$120
佢話我買錯假藥
佢買$220得三排21粒
明顯俾人呃！
佢仲要話相熟藥房買
我點樣做盡
都係我有問題
🤬🤬🤬
上星期
本想叫老豆媽咪
去口碑好的酒樓食點心
但去到
酒樓趁疫情裝修
結果去了無癮的大雞鑊
不知何故
媽咪成日話想食buffet
話多選擇
我話
你知唔知好多人無飯食？
食buffet其實好浪費！
你又唔食牛
海鮮又敏感痕
貪過癮多嘢揀
求其食d粉麵菜豆腐小炒
幾百蚊好蝕底回唔到本
不如去食齋buffet 啦
媽咪話
好呀
5月1咁啱係初一齋期
老豆腳痛
不能隨意起身行出行入
但又想出去自己揀食乜
每次我都要傍住老豆出去
老豆出去揀時無拎手棍
左手揸碟
碟永遠70°傾斜
右手揸夾無力夾
食物架通道窄
人來人往個個心急揀
有人唔覺意輕輕撞老豆一下
老豆成個挨落我度
我眼快接住老豆左手碟食物
右手攬住老豆防跌
食buffet 個幾鐘頭就係咁過
老豆起身坐低起身坐低
不停扯氣
氣順才能食幾啖
期間要去廁所
火傍老豆去
一如所料
媽咪食兩碟就收工
話好多朋友及街坊
近年已相繼過身
落大雨
截的士送兩老回家
火傍老豆
我拖媽咪
趁父母仲行得，食得，講得
近近地出街食一餐
總有一日
父母會攤在醫院病床
插滿喉管
不能行
不能食
不能講
用尿片
然後坐太空船升空
細時
我們也曾經行得慢
食到一枱一地一身都係飯菜汁
都要父母幫忙去廁所
每一餐都可能是最後一餐
每一句都可能是最後一句
總有一日
我們不會再聽到父母的聲音
每次見父母後
我都唔該火
幫我照顧老豆媽咪
平時買乜買物走走糴糴
更加不是老馮的
時光荏苒
盡自己能力做
媽咪有甲狀腺結節
醫院A寫轉介信去私家照超聲波
每半年做一次
因為媽咪怕煩
但係腳平衡差
唔肯用扶手棍
已經第n次仆到損手爛腳
打完破傷風都唔出聲
自己死頂
我話
＜我唔係想鬧你
我唔係想長氣
但你經常話老豆出院後
上網打麻雀打到三更半夜唔瞓覺
之後休息唔夠又咳過
其實你都係一樣
硬頸死都唔肯改生活習慣
你係咪想跌斷手骨腳骨盤骨
先知道事情嚴重性？
依家跌倒痛果個係你
跌倒嚇親瞓唔到果個係你
你每次都話
我會用 我會用
但結果都係唔用扶手棍而跌傷
每次跌完後
用幾日扶手棍又唔用
我已經冇嘢講......＞
等照超聲波時
瞓著咗
早幾年
火媽過身後
我叫工人Y過嚟
就係預視到今時今日呢個局面
但結果9日就炒咗
根本係要個工人
去照顧去做家務
死都唔要
我完全明白
媽咪要照顧老豆好辛苦好難頂
要買要煮要俾老豆點來點去
因為老豆醃尖腥悶
但佢只肯請鐘點姐姐
逢星期一+四早上
嚟做4個鐘
我亦明白
又要拎扶手棍
又要拎餸菜好麻煩
但跌倒就係跌倒
當年火媽就係咁
唔肯請工人
結果跌斷手骨
一次又一次
到最後頂唔順
先開始請印傭
完全係翻版
仲要在地鐵月台跑
我喝都喝唔住
我可以點？！
基本上
我的B/P
上壓90-106
下壓53-68
pulse 64-68
如果
前一日出街食飯或買外賣
sodium多，咸
數字就會高d
因為
我大腦海馬體異於常人
所以
晚上盡量唔食
味精-防腐劑-人工色素-雞粉-醬汁
俾大腦熄掣復修
如果食咗
個腦翌日唔轉or發脾氣or流鼻涕or失眠
日間開工跑街
在街食午飯
盡量揀淡口的
如果出街食
多數是星期六晚
因星期日多數唔使返工
影響較少
坐完15分鐘
再量都係差不多
血壓低+心跳慢
好驚137歲都死唔去
嘟了第一期
在屯門開工
入Donki買了一堆日本貓餅
4個貓頭+阿水
坦白講
我真係好識使錢
吃喝玩樂無一不精
但我平時將血汗錢
大都花在父母仔女身上
自己最大使費
就係每季交學費
今次有舊錢俾我fing
我就會堅fing
成世人
都未用過咁L貴的cream（折後$1539）
杏仁酸
每晚4滴
權發小厨
排隊30分鐘
16早上
一條友
將2號大清洗+斷捨離
17:00
上海下午茶2p
排骨擔擔麵+酸菜魚
無食晚飯
買俾媽咪的
除了搽防曬
要擔UV遮
蜂蜜蛋糕
絕對不是我杯茶
布甸還可以
買小籠包，話梅骨，高力豆沙
俾老豆媽咪午飯
復活節人多
雖然佢哋打了2針科興
但都係驚佢哋中招
現時大部分出的防曬
都是物理性，防曬SPF50，++++，低敏
而且是ocean friendly
+++已經out哂
無人問津
符合上述條件
仲要1折出售，$8.9@
買了2支
唔買就傻仔
吊命的靈芝
當然要上倉
這個Kanabe防曬
也是好東西
四川外賣
克制地小辣
元朗
海南雞飯，胡椒豬雜湯
元朗
酸菜魚
日本Yen狂瀉
資生堂handcream只需$25
試過Yen升到爆
當時這罐賣$55
暫時最鐘意的韓國牙膏及
我和貓頭食的魚油丸
好快食完一罐
28味
返工黑鞋行蝕了底
買一對NIKE
吃喝玩樂
足足4日
暫時放鬆
4日復活節假期
期間老細芝麻綠豆電我2次
抹去指甲油
明日返工
我+火的手機
永遠買一樣的型號
費事唔識用麻煩
一直無意識+無夾過
經常叠住放在一齊
瞓覺時叠住一齊叉電
2p都無整密碼
如果手機響
當時沖緊涼，洗緊碗，晾緊衫
若顯示是熟人
例如家人或老友
對方都會代聽
what的內容
對方都會俾對方睇
講下發生過乜事
講電話時
會開speaker phone 一齊聽
因為唔使複述講漏
更會講講下遞俾對方搭咀
每晚飯後
我電媽咪
講完都會俾火接力講幾句才收線
我+火之間
並無秘密
放工
一開門就見到咁
🙀
雪櫃爆開咗
蘋果出哂汗
雞翼溶咗一半
有條友捐咗入疏化布瞓晏覺
加哂童鎖都無用
