warrior

轉新抗生素後頭幾日

翩翩傷口仍日日夜夜滲血

不能埋口

到了差不多第6次

翌日突然凝血

開始埋口結焦

翩翩

目前有3個爆咗窿

背脊 1個

右下腹1個

右屁股1個

右上臂有1粒大

但無腫無紅無穿

左邊屁股有1粒

方便每晚用iodine消毒 

所以 

我這個爛飛髮佬

就將翩翩剪到一忽忽 

最緊要唔好冚住傷口呼吸就算

左邊耳仔頂那粒大

穿的時候

我應該返緊工

錯過了最佳放膿的時間

唯有等再爆的時候

再清理膿血

有邊隻耳仔頂有1粒 

右邊面又有1粒 

右邊眼睛下有1粒

轉新抗生素後

起碼翩翩瞓到少少

總之

就係黐住我個枕頭全日

擴散的速度減慢

而且擴散的size

由最初起碼1cm

新擴散的減到只有紅豆咁大 

證明新的抗生素係用 

爆穿了放膿血後

翩翩比較精神

胃口也增加dd

應該真係好痛

我好明白翩翩的痛苦

因為

我曾經都有個滲血大礦洞

昨晚

翩翩有放工接我門

我同B頭玩繩

翩翩居然有心神行出嚟睇

今早又9秒9開衣櫃

真的希望翩翩

可以藥到病除

如果不能

就希望翩翩舒舒服服

坐熱汽球

紫微斗數

話我的仔女

聰明懂事生性孝順乖巧肯捱苦

mina是個驍勇小戰士

翩翩也是個驍勇小戰士

我對貓頭s的愛

至死不渝

📿

 

梅芬芳

昨天 

真的覺得很絕望 

每天看著翩翩如此情況 

想帶她去安樂

心內很掙扎

忽然昨午要開工

趕住出門

打消了念頭

我大傷風

食咗幾日藥都未好

要返工要湊貓

已經好疲憊

放工回2號

想瞓陣

但好多公司電話+what

醫生叫護士📞問翩翩情況

我話

身上粒粒擴散

知肚餓，但胃口差

有時眼碌碌精神識放工接門

但有時眼神空洞zone out 

傷口已一星期但不能埋口

不如幫翩翩安樂？

醫生話

對翩翩未絕望

醫生諗緊

腹腔mass

是嚴重真菌感染由外到內引致？

定係

因mass令抵抗力變差

而由內到外受真菌侵襲？

即係有雞先？定有蛋先？

醫生話

這真菌高度傳染

要轉另一種藥

叫我們要小心

但2號只比豆腐大少少

晚晚一齊瞓

點隔離？點小心？

如要隔離

即翩翩要入籠冰冷孤獨……

我問醫生

究竟翩翩係咪cancer?

醫生話

就正正因為懷疑是否癌

才建議轉另一種控制真菌藥

當係俾翩翩一個希望

如轉藥後粒粒消減或變細

才睇下翩翩血小板指數

再考慮抽針睇下

翩翩腹腔中的是否真菌發大

現時翩翩血小板超低

抽針唔止血好危險

如果

試完轉藥翩翩仍無好轉

再考慮安樂

感覺

就如＜義不容情＞

梅芬芳揾鄭君綿做佢辯方律師

想盡辦法澄清脫罪

上了絞刑台

又放翻落嚟

丁有健同媽媽擁抱痛哭

S醫生就好似鄭君綿的律師角色咁

拼了老命揾太平紳士+垂死證人

幫梅芬芳作證脫眾

不斷諗方法解難

鍥而不捨

漂白水

洗床鋪被席+抹傢俬枱腳櫈腳

攰×10000

今日放工

翩翩又變翻大眼精

今晚10:30

背脊最大的爆了

我一手血

即刻iodine 洗傷口+止血

原先右邊的

血小板低

2wk都未埋口

我不知道

翩翩會否像梅芬芳一樣

到最後

還是要再次送上絞刑台

天下父母心

昨晚收工

回到2號

已經10:30

即刻沖涼

同翩翩食藥+洗傷口

當日

我自己礦洞

要日日去洗傷口 

那種令人發癲尖叫的痛

我好明白

眼看著翩翩痛

非常肉赤

洗完

再撳住10分鐘

再俾貓草

翩翩自細屬熱底

食醫生的歸脾湯

瞓唔到

全日眼睜睜+憨居居不集中

坐唔安食唔好

成日趴喺度

傷口始終因血小板低

濕濕地唔埋口

日前

同S醫生📞商量過

醫生認為

歸脾湯能提升血小板

應該食

但我覺得

翩翩體質是熱底

自細易發燒

歸脾湯性溫補過龍

令癌腫更滾

翩翩更辛苦

今早

再轉

停雲芝

轉食冬蟲草

翩翩可以合眼瞓一陣

是確診癌症後

第一次

見翩翩瞓到覺

翩翩食冬蟲草

body posture 較舒展

偶爾可以瞓到發夢

雀仔飛過都知道

前幾日直頭眼直直無反應

換轉邊個身上有傷口

體內有個5cm腫瘤

係人都無胃口瞓唔到

無休息好

傷口點復原？

我中醫知識有限

只能盡做

今午4:00

收到護士來電 

話上次驗血報告 

化驗到偏偏身上的毒瘡

真的是由酵母菌yeast引致 

原因是因為翩翩有癌症

免疫力下降

所以受到酵素菌侵襲

護士知道S醫生好擔心翩翩

所以

收到報告後

即what放假中的S醫生

醫生叫護士問我

想不想再抽針 

睇下翩翩腹腔中腫瘤是什麼情況？

 我話 

其實 

預咗翩翩係會走 

只是時間問題 

我只想翩翩在離世前

舒服安然 

所以

不想作任何入侵性檢測或治療 

如果

在手術後

服用歸脾湯

是可以提升身體機能 

但因為身體內存有癌症細胞

而且已經擴散 

服用歸脾湯

只會令翩翩更辛苦 

火上加油 

絕對不是錢問題

是我不想翩翩折騰辛苦

翩翩只是一個垃圾桶邊執回家

有貓瘟的貓b

花了很多心血

才將她湊到變一隻可愛豬仔

我很愛很愛她

S醫生信中醫 

我更加信中醫

 所以我才決定停了歸脾湯 

改食冬蟲草 

起碼翩翩而家瞓得到 

可以休息 

我不是質疑醫生的判斷及處方

 但在照顧翩翩的時候

覺得翩翩很辛苦 

希望醫生明白我不跟她處方原因

而且我不是衰人 

不會隨便打去東張西望投訴

 

護士話

明白我心情及決定 

而且咁多年咁多隻貓

知道我係邊類型人 

會轉述我的決定給醫生知道

目前

早晚

冬蟲草+雲南白藥

等傷口埋口

再食雲芝

P.S.

落街同阿水換貓盤

有個行動不便+智障的女童

很奀瘦

一拐一拐吃力地爬樓梯回家 

他爸爸一手扶著她

另一手挽著她的書包 

兩父女都大汗淋漓 

他們上，我落

看見心都揪實 

世界上

誰不是在捱著苦？！

轉策略

昨晚餵藥時

突然發現一地血 

是翩翩身上當日爆裂的傷口 

急速爆血 

即時攞iodine洗傷口

撳住止血 

足足三十分鐘 

才停止流血 

因為翩翩血小板極低 

所以止血困難 

估計是食了2 dose醫生的歸脾湯 

補過龍

不適合 

我查過＜本草綱目＞

歸脾湯內有人蔘及當歸 

其實不適合癌症用 

止血後 

即刻餵翩翩食1粒雲南白藥

藍鳳凰都是用這個方法

幫令狐沖急救止血

食雲南白藥後

翩翩比較舒服

翩翩全晚瞓在我的頭頂 

今朝發現傷口已經結痂+消腫

證明雲南白藥超堅

所以改變食藥方式 

停止歸脾湯

早上食雲南白藥+雲芝

 翩翩食這個中藥組合

比較舒服

S醫生

絕對是個仁醫

但始終是外國人

對中藥病理研究不深

仔女的身體狀況

最清楚係媽媽

平時

成日叫翩翩

唔好開雪櫃

唔好開衣櫃

依家

真係乜都唔開

然後

就寧願翩翩

繼續日日攪東攪西

一齊以pallitive care為主

不作任何invasive treatment 

我只想翩翩舒服安然

讓千億噸黑豆流向大海

昨晚

 護士📞

化驗報告

話翩翩只是發炎

不是癌症

但醫生不認同

認為抽取的細胞

可能是已壞死的組織

所以只顯示發炎指數

而且醫生手摸腹腔有個5-6cm硬塊

原定

星期六上午入院照超聲波

確定其他癌腫位置

及將身上較明顯的腫瘤割除

再攞割出的再化驗

因翩翩紅血球及白血球極低

醫生驚翩翩割後不能止血

醫生想翩翩

食定雲南白藥打底養血

醫生是外國人

懂針灸

今早

翩翩精神好差

樣變了

短短幾日

翩翩薄到變了一張紙

再發現臉上有2粒新腫塊

癌細胞擴散得好快

一路落樓梯返工

一路喊

我好想留在2號陪翩翩

但工作多得不得了

一路喊到返公司

死頂起精神

趕起deadline要交的工作

同事話我塊面凹陷

我📞問醫生

可否直接開始化療

因我不想翩翩再捱一刀受苦

再等割物的化驗報告

翩翩就延誤醫治

雪櫃突然壞咗凍肉壞哂曬

3月尾大廈換電梯

起碼7月才有新電梯用

點買新雪櫃？！

火話

＜生有時 死有時 

雪櫃電梯壞亦有時

根本無法控制

只能盡做……＞

今午請假

同媽咪去醫院A覆診

S醫生3:30回覆

叫今午5:30帶翩翩照超聲波

不要等到15星期六

的士送媽咪上車

4:30回菜檔

幫阿水換貓盤

阿水例牌鬧我

5:30pm

體重再跌 3.58kg + 40.4°C發燒

身上最大粒的爆裂

醫生即撩血漿

做biopsy+種菌

及照超聲波

不論在頸抽血 

在手臂插針

 抽腫瘤組織

直接膀胱抽尿

照超聲波 

翩翩都乖得不得了

非常合作 

冇反抗冇打人冇鬧人 

醫生護士都讚翩翩好乖好乖

火放工

趕來醫院聽報告

今日驗血報告

比星期日更差

超聲波報告顯示 

腹腔中間的5.25cm × 3.77cm

貼近大腸側邊

在胰臟對落

膀胱亦有硬塊

因為牽涉的器官實在太多

 而且翩翩血小板 白血球 紅血球

 極度低 

所以根本無從入手 

如果要幫翩翩抽取5cm腫瘤化驗 

就要先要揾好心貓主人

帶年青健康的大隻貓

去醫院捐血輸血俾翩翩

 讓紅白血球血小板

全部指數上升

才可以做這個程序 

否則翩翩一落刀

就會流血不止即走

翩翩亦需要全身麻醉 

開刀驗完之後

再等下一輪

再諗點醫

翩翩要留院幾天

 離開我們

獨自在冰冷的醫院過幾日 

我開始喊

我話

其實

我最想翩翩唔好有痛苦 

最怕試完多種療法

將翩翩劏得溶溶爛爛

化療又嘔又屙

到最後佢一樣要走 

最好唔好叫佢受苦 

絕對同錢無關

最緊要在最後的倒數日子

翩翩走得舒服

我不會自私貪心

只想留住翩翩在身邊

卻令翩翩痛苦無限

就是因為我很愛翩翩

所以我才不想她受苦

即使非常不捨……

最後同S醫生商量 

決定 

中藥西藥混合治療

 不開刀

不作任何入侵性的治療 

讓翩翩順安天命

去到哪一日就是哪一日

📿

早上

雲芝+雲南白藥

晚上

抗生素+歸脾湯+雲南白藥+開胃藥

火去買飯盒

我孭住翩翩行樓梯回2號

醫生打了150cc皮下水

翩翩回家話好肚餓

火即刻開飯俾貓頭

食飽即刻餵藥

翩翩似翻樣

翩翩2012執回來時

有貓瘟

N醫生出盡心思醫好翩翩

當時已講明

佢大個會有好多異難雜症

後來

幾歲大就牙周病

一隻牙都無

然後

又肺病要長期早晚聞噴噴

依家又cancer

K話

＜ 你一定要頂住

幾辛苦都要頂住

你唔冧得

 你一冧咗

你老豆老母同埋啲貓就死得！＞

2023極度凶險

以為mina割症後

會有安樂日子過

點知

今次到翩翩

今早餵薏米水時

火抱起

發現手摸有1粒2cm圓形

在右脇側

我再摸

發現另外2粒

1粒在右背側

1粒在右脾對上

心都離哂

即📞約醫生

同步

攞湯去老豆老人院

回家同媽咪午飯

S醫生

另外再發現1粒在左邊

及中腹位置有1粒5-6cm的

S醫生話

肯定是cancer及已擴散

有機會擴散到每個器官及骨髓

因淋巴佈滿全身

翩翩即使上次肺有事

體重仍維持4.3kg

今日

只得3.6kg

醫生問有無食少了? 或嘔？

係有嘔

但翩翩牙周病無牙齒

餅哽喉嚨也會嘔

天熱換毛也會嘔

但仍非常精神

照常玩及食

而且翩翩肥大

根本摸唔覺

根本無法察覺翩翩有事

俾醫生睇mina的乳腺癌康復情況

醫生覺得好欣慰

我崩堤話

<I thought after mina's surgery

everything will go fine

why this happens again...>

然後

我坐在門口嚎哭

醫生出門口按我膊頭一下

<I feel you......>

繼續忙碌睇其他症

驗血報告

紅血球+白血球+血小板都好低

肝胰都可以

腎麻麻地

superego叫我振作冷靜

我逐句翻譯醫生的診斷俾火知

醫生即時抽取硬塊組織

話在顯微鏡睇到的壞細胞好怪異

完全不似淋巴細胞

始終要送去lab

等進一步化驗結果

S醫生

解釋時一直用力捉住我手

S醫生話

如果是淋巴癌

強烈建議用化療

但如果是其他癌

就開刀割除

15下午照超聲波

確定所有癌細胞位置

醫生開了胃口藥及抗生素

以防白血球過低被其他病侵

我真的不知道

是2號風水入五黑大病位？

還是我照顧翩翩欠妥善？

或是翩翩造化如此？

點解一而再兩個貓頭都出事？

7:30pm睇完

速去幫阿水換貓盤

見到我都係黑口黑面未嬲完

2023

非常惡毒

過年跑媽咪醫院

過年後mina乳腺癌

復活節翩翩淋巴癌

返工更加攞命費事再講

I really have to stay fucking tough 

😾

清明

 火媽和火爸走後

我冇去過拜山 

我覺得生前對他們好 

總好過春秋二祭

攞紮花燒肉雞

對住墓碑拜祭 

完全冇意思 

日常生活 

見到有時他們會鍾意食鍾意玩的

我同火仲時時喺口中講

 心內掛念就足夠

📿

往年 

一直同老豆媽咪

春秋二祭去歌連臣角

拜阿公婆婆太婆 

但這兩年實在發生太多事 

老豆媽咪都年事已高

所以我亦冇再去拜阿公婆婆

如他們造化好

應該早已投胎

📿

今日放工

我幫阿水換完貓盤 

見到有隻雀雀直咗 

我問阿水老細

借兩張報紙 

幫雀雀殮葬 

總好過

被人踩得稀巴爛

血肉模糊 死無全屍 

我執葬的時候

念阿彌陀佛

放入垃圾桶

希望雀雀好走 

我冇諗過會中禽流感

總之

眼見到

我就做