火比我仲要緊張翩翩
突登買比目魚
打醬餵翩翩
話營養高
打針劑抗生素
程序好複雜
要將葡萄糖及鹽水兩溝
再抽出多餘份量後
再溝抗生素
火隔晚就預備攪妥
語氣之溫柔
用詞之軟萌
追我時都無聽過
每早突登早30分鐘起身
同我一齊餵藥餵食翩翩
今午覆診
即使日日夜夜force feed
翩翩繼續瘦
只得3.2kg
但明顯比服藥前精神
有發燒
39.9°C
醫生話
可能是身體在抗戰
所以有燒
總之精神得
就不開退燒藥
同步食幾種藥驚翩翩頂唔順
我話
翩翩又去開衣櫃及八卦及接放工
醫生話係好事
身上傷口及lumps
已全部埋口或縮小
但亦有新的在耳仔邊
醫生摸肚
腹腔內的mass照舊存在
完全無縮小或變大
證明mass與真菌無關
係tumor
驗血報告
紅。白。板。
都仍然極低
只dd上升
肝腎指數正常
未有受抗生素影響
要繼續打針劑+口服抗生素+胃口藥
醫生仍然主張先處理真菌
再考慮揾熱心貓主捐強壯貓血
才能將5cm腹腔mass
用手術割除
因翩翩血低
一落刀即嚴重出血瓜直
醫生叫盡量谷翩翩食
尤其是protein及卡路里要夠多
火去買雞肉
再溝黑豆粉+黑杞子+冬蟲草
force feed
幫翩翩造血
新相識的黑豬
打針劑抗生素係好
但翩翩打後
起碼24h無胃口
要等48h才會自己嗌肚餓
仲要匿埋在屋仔先肯食
追仔餵飯
氹完又氹
早上趕返工
時間不夠用
由過年後
老豆媽咪輪流入醫院
攪老豆申請的事
mina割cancer
翩翩真菌入侵
公司忙到發癲
思維好亂+好煩躁
傷風幾次
應該來的沒來
突然停了3個月
腫到65kg
應該壓力影響
肝鬱+風邪擾亂
行過見到
check過＜本草綱目＞後
膽搏膽
買來試試
早晚各1湯匙
服後翌日思維清晰
能深睡6h
無咁𢛴
黑眼圈淡咗
食到第三日就出現
無頭暈 無腳軟 無肚痛
回復正常63kg
應排出的
一定要諗辦法排走
否則會滯留體內引發病變
我深信中醫
但無時間去熟悉的中醫
清楚自己體質底線
只能自救
醫生通知
針劑抗生素已訂到
要將glucose 及saline 先溝好
再將超級特效藥打入溝稀
再幫翩翩注射
每隔2日打一次
同一日內
先打200ml
隔4h
再打150ml
共打6劑
護士話
如果係人中這真菌
咁醫起碼跌$30000
S醫生已經用盡方法
幫我搭路訂針劑+慳錢
我同護士講
＜繼續咁請假，我就快俾人炒魷……＞
針劑
主攻超惡毒真菌
同步要照舊食口服抗生素
護士教我點溝稀
我雙手扯住頭髮
想死！
無電梯
抬glucose及saline回2號
打完話好肚餓
打完針也變大眼睛
2011時
在堡壘
幫細佬腎衰竭每晚打水
差不多18個月
細佬才坐熱汽球
我知點入針
緣仔就係咁衰豬
我頸椎移位
又發作
左手指又麻痺
死頂
💀
今早
輪到緣緣
肛門腺腫漲
起碼唧咗5次都仲有
唧完成間屋都係屎臭味
唧完, 要餵紅黑消炎藥
多年前
mina
肛門腺大爆炸
在堡壘暈咗
一地膿血
我放工拍醒mina
去醫院攪咗成個月
翩翩比一張紙還要薄
一早一晚
運作如下
將食物打成糊仔
force feed翩翩
如果等佢自己食
佢食得好慢好慢又要氹
返工真係好趕
我5:45am起身
又要佢食飽才能餵藥
食飽先至可以瞓覺
才有足夠能量康復
唯有焗用針筒餵佢食
8:10am
一定要出門返工
餵完好似戰場一樣咁
要同翩翩抹面抹手拖地
翩翩會fing到周圍都係糊仔
我同火
一個托下巴餵
一個捉住翩翩腳防跳
總之
餵完
我同火
一身一地都係
湊過bb的人就會明白情景
force feed完
等翩翩30分鐘落隔
才能餵抗生素+雲芝
不能過急
否則會嘔得一天一地
前功盡廢
等翩翩落隔時
就iodine洗傷口
最大的及最細的
已甩哂焦
我去抹地抹翩翩
同步
火去整熱花生衣南棗水
或是
火去洗碗
我同步洗傷口
總之
好趕好忙亂
食飽就變大眼睛
餵藥後也是戰場
緣緣
依家重過翩翩
B頭好黐我
B頭+mina+緣緣
要餵魚油丸+冬蟲草
B頭15歲
仲好似蜘蛛俠咁飛來飛去
mina
2月割除乳腺癌腫瘤之後
食得瞓得
早晚食雲芝
情況很好很好
16歲
有腎衰竭
已經算好叻
放工回2號
超級摩打手
最快都要23:00先至可以瞓覺
第二朝5:45又起身嚟過
過年之後
太多事情發生
已經停咗運動幾個月
今午
又要請假陪媽咪做物理治療
真係好攰
💀💀💀💀💀
今早返學
放學求其買飯盒
下午帶翩翩去覆診
醫生及護士都戴上手套
這真菌
Cryptococcus neoformans
會對免疫系統差的人襲擊
尤其是呼吸道感染
醫生叫我們要小心
但我都係嗰句
2號環境太窄小
根本無法隔離
我同醫生講
食新抗生素後
翩翩胃口精神傷口凝血
都大大改善
傷口硬塊變軟
但翩翩更瘦得3.26 kg
我同醫生講
煲花生衣及南棗水畀翩翩飲
希望提升紅血球白血球血小板指數
醫生話佢知道這食療
很多癌症病人
chemo時血指數差不能打
都飲這個提升後再打chemo
今日翩翩要抽血及肺照x光
因為醫生說不知道究竟這些真菌
是由肺感染出來
還是由外界感染入去
醫生話
日前同化驗所嘈交
鬧佢第一次做化驗時
冇仔細化驗清楚
以為只是普通發炎
但醫生肯定是真菌感染
化療所再做一次
確認醫生判斷
然後化驗所向醫生道歉
護士帶翩翩去照x光之後
醫生同我講了一些私事
然後醫生哭了
這是醫生第2次對住我喊
其實好多人都對我講私事
因為
我從來不會將他們的私事洩漏出去
他們相信我的真誠🤐
藍色圓形是淋巴結節
藍色長方形是腹腔5cm的腫瘤
醫生話
總之
目前專注處理翩翩的真菌感染
始終腹腔的5cm腫瘤
不知道是真菌囤積還是 cancer
如果是真菌
就繼續用抗生素醫
但如果是cancer
就好麻煩好複雜
身上還有幾個lumps
但醫生話不在皮膚表面
是在皮膚底下
翩翩今次的抽血報告
血指數比上次還要差
直頭低到零
總之血小板超低
就不能抽針
所以
冇辦法知道5cm
是真菌作怪或是癌
醫生及護士覺得很詫異
因為如果指數低到咁
翩翩應該完全唔郁得
而且
無理由突然可以咁快凝血+恢復胃口
但係翩翩雙眼好大好精神
又開始開衣櫃門
又開始放工接我門
醫生話證明翩翩超級頑強
叫我哋要加油
翩翩確實雙眼
仲係好大
治療這死人真菌的針劑
醫生努力從美國訂貨中
每日排隊開飯
桑葚，桑寄生，肉蓯茸，麥冬，無花果
翩翩餵6筒
養血
B頭（腎衰竭）
緣緣（奀瘦）
mina（癌症康復）
各餵3筒
固本培元
轉新抗生素後頭幾日
翩翩傷口仍日日夜夜滲血
不能埋口
到了差不多第6次
翌日突然凝血
開始埋口結焦
翩翩
目前有3個爆咗窿
背脊 1個
右下腹1個
右屁股1個
右上臂有1粒大
但無腫無紅無穿
左邊屁股有1粒
方便每晚用iodine消毒
所以
我這個爛飛髮佬
就將翩翩剪到一忽忽
最緊要唔好冚住傷口呼吸就算
左邊耳仔頂那粒大
穿的時候
我應該返緊工
錯過了最佳放膿的時間
唯有等再爆的時候
再清理膿血
有邊隻耳仔頂有1粒
右邊面又有1粒
右邊眼睛下有1粒
轉新抗生素後
起碼翩翩瞓到少少
總之
就係黐住我個枕頭全日
擴散的速度減慢
而且擴散的size
由最初起碼1cm
新擴散的減到只有紅豆咁大
證明新的抗生素係用
爆穿了放膿血後
翩翩比較精神
胃口也增加dd
應該真係好痛
我好明白翩翩的痛苦
因為
我曾經都有個滲血大礦洞
昨晚
翩翩有放工接我門
我同B頭玩繩
翩翩居然有心神行出嚟睇
今早又9秒9開衣櫃
真的希望翩翩
可以藥到病除
如果不能
就希望翩翩舒舒服服
坐熱汽球
紫微斗數
話我的仔女
聰明懂事生性孝順乖巧肯捱苦
mina是個驍勇小戰士
翩翩也是個驍勇小戰士
我對貓頭s的愛
至死不渝
📿
昨天
真的覺得很絕望
每天看著翩翩如此情況
想帶她去安樂
心內很掙扎
忽然昨午要開工
趕住出門
打消了念頭
我大傷風
食咗幾日藥都未好
要返工要湊貓
已經好疲憊
放工回2號
想瞓陣
但好多公司電話+what
醫生叫護士📞問翩翩情況
我話
身上粒粒擴散
知肚餓，但胃口差
有時眼碌碌精神識放工接門
但有時眼神空洞zone out
傷口已一星期但不能埋口
不如幫翩翩安樂？
醫生話
對翩翩未絕望
醫生諗緊
腹腔mass
是嚴重真菌感染由外到內引致？
定係
因mass令抵抗力變差
而由內到外受真菌侵襲？
即係有雞先？定有蛋先？
醫生話
這真菌高度傳染
要轉另一種藥
叫我們要小心
但2號只比豆腐大少少
晚晚一齊瞓
點隔離？點小心？
如要隔離
即翩翩要入籠冰冷孤獨……
我問醫生
究竟翩翩係咪cancer?
醫生話
就正正因為懷疑是否癌
才建議轉另一種控制真菌藥
當係俾翩翩一個希望
如轉藥後粒粒消減或變細
才睇下翩翩血小板指數
再考慮抽針睇下
翩翩腹腔中的是否真菌發大
現時翩翩血小板超低
抽針唔止血好危險
如果
試完轉藥翩翩仍無好轉
再考慮安樂
感覺
就如＜義不容情＞
梅芬芳揾鄭君綿做佢辯方律師
想盡辦法澄清脫罪
上了絞刑台
又放翻落嚟
丁有健同媽媽擁抱痛哭
S醫生就好似鄭君綿的律師角色咁
拼了老命揾太平紳士+垂死證人
幫梅芬芳作證脫眾
不斷諗方法解難
鍥而不捨
漂白水
洗床鋪被席+抹傢俬枱腳櫈腳
攰×10000
今日放工
翩翩又變翻大眼精
今晚10:30
背脊最大的爆了
我一手血
即刻iodine 洗傷口+止血
原先右邊的
血小板低
2wk都未埋口
我不知道
翩翩會否像梅芬芳一樣
到最後
還是要再次送上絞刑台
