所謂紅假
仲忙過返工
10:00
先拎食物+湯去老豆醫院B
12:00
同媽咪佛誕食午飯
15:00
再同翩翩去覆診
即使每日早晚force feed谷營養
雖然變回大眼睛
但是
翩翩繼續瘦
3.06kg
醫生話
情況等於隻碗底穿窿
不斷在上面加水
只能減慢碗底漏水
一定要將碗底補了
才能防止漏水
日前曾吐血
醫生話同腹腔tumor 有關
已即時餵胃藥止血
自己有食
但不多
紅。白。板
仲低得離譜
醫生話
只有輸血
才能救到翩翩
因為輸血
才能開刀
幫翩翩睇下腹腔tumor 點處理
目前
係控制到真菌
但tumor才是大魔王
要繼續在2號打抗生素針
因為要捐活血
不要冷藏的血
而且有限制
要貓已打齊針
要年輕
要精壯大隻
B頭+mina太老
緣緣太奀瘦
3個都不能捐
醫生話
已經6星期
只有輸血才是唯一出路
叫我地自己去FB揾熱心貓主
否則
翩翩就……
我都唔知點算.……
已在FB求救
一直循序漸進地
提早處理身後事
遺體我不緊張
一早登記了
＜器官捐贈＞+＜無言老師＞
盡自己最後綿力
幫有需要的人及醫科生實習
捐完劏完
大學會幫我火化撒灰
塵歸塵土歸土
乾手淨腳
環保+不霸骨灰龕
反正無人會拜祭我
火都同樣登記哂2款
自細睇亦舒
起碼有300本
全部交屋苑清潔工
當下欄賣掉
一邊執
一邊深呼吸+嘆氣
有無不捨？
當然有
我的思維及處事做人
或多或少都受亦舒進駐
儲了幾十年的寶貝
點會捨得？！
但更美好的
也要割捨……
只留低上層的絕級舊版
及印象最深的
其餘
就是白先勇
＜本草綱目＞
生詞習作
費事將來老時
無人同我執葬
麻煩人地執咁多遺物
我將那碗紫色的營養醬
分成一半
翩翩force feed大半
淨返得一半
其他3貓頭也force feed
個個都要營養好
翩翩瞓覺姿態變回正常
證明係舒服咗
B頭+mina
餵完紫色醬
瞓到豬一樣
紫色醬養肝腎+安神+養血
剛剛母親節
我買了一個芒果蛋糕俾媽咪
另外
因為老豆麻煩奄尖腥悶
我買了一打蛋撻
拎去老人院請amahs
火將兩盒嘢調轉咗
結果
老人院的員工食了媽咪的芒果蛋糕
媽咪對住12個蛋撻狂笑
結果
火俾我剷到上天花板
老豆COPD又翻發
死頂唔出聲
唔想去醫院
昨天告假
本來同老豆去醫院A抽血
老豆話要去睇私家
又叫我去藥房買抗生素
先知佢COPD翻發
我唔理
上的士直接去急症室
急症室有幾十張病床
個個非緊急
等了6H以上
但老豆係即刻收症
即刻上病房
老豆仲要多多聲氣
話我好迫佢去急症室
又要佢入醫院
我話
你去睇私家
邊有得聞氧及吊抗生素？
私家醫生點敢處理COPD?
根本病房爆滿
醫生覺得有必要才收上房
你嬲我都冇辦法
我只係盡力想你好
我已經企喺急症室老豆隔離
老豆係要📞媽咪
叫佢去老人院攞叉電攞眼鏡
媽咪又聽佢點
去老人院攞畀佢
飛的嚟醫院急症室
一個願打
一個願捱
一定要七妹八婆咁服侍佢
激死我
老豆自9月入了老人院後
我驚媽咪悶
自己一個人冇社交胡思亂想
於是
幫媽咪排了老人日間中心
5月開始
每星期去3次
起碼見下人
有人同佢講嘢
有運動治療師幫佢做運動
包早餐及午餐及下午茶
有專車接送到屋企樓下
媽咪是老式傳統女人
畀老豆點嚟點去妹仔釘咁使咗幾十年
乜電都用盡
應該要停止
要有自己的生活
另外
陪媽咪去醫院A做物理治療
實在時間太趕
我在醫院7-11叮肉餅飯
仲要趕住返工
火的工種
做了幾十年
佢算是這一行的老行專
好多人都識佢
但因為香港經濟轉型
他的工種就快式微
而且好多搬上大陸做
成本平得多
於是
我同佢講
趁仲識行識走
個樣+體格仲keep得算後生+fit
不如盡快轉行
火同意
於是
我幫佢做咗一份cv
叫佢執下個樣去影證件相
又叫佢返中學做在學證明信
再幫佢上網搵工
因為佢太耐冇見工
而且在行內惡慣寸慣
又要教佢點樣見工
點講嘢點態度點謙和點寛容
結果
昨日下午
佢去某間大供應商見工
一擊即中
人哋請咗
叫佢盡速辭工
整好新contract就通知佢去簽
於是
我又同火講
叫佢返去同而家老細好聲好氣講
大家好來好去
我作封推薦信叫火俾老細簽
俾新公司
今朝出門口個頭係濕嘅
趕到賴屎
面都無搽cream
八達通冇錢都唔知
上巴士入張十蚊紙畀錢
又黄雨
在巴士用外套抹頭
去到人哋公司開工
借洗手吹風機吹乾個頭
我覺得我自己就嚟識飛
火比我仲要緊張翩翩
突登買比目魚
打醬餵翩翩
話營養高
打針劑抗生素
程序好複雜
要將葡萄糖及鹽水兩溝
再抽出多餘份量後
再溝抗生素
火隔晚就預備攪妥
語氣之溫柔
用詞之軟萌
追我時都無聽過
每早突登早30分鐘起身
同我一齊餵藥餵食翩翩
今午覆診
即使日日夜夜force feed
翩翩繼續瘦
只得3.2kg
但明顯比服藥前精神
有發燒
39.9°C
醫生話
可能是身體在抗戰
所以有燒
總之精神得
就不開退燒藥
同步食幾種藥驚翩翩頂唔順
我話
翩翩又去開衣櫃及八卦及接放工
醫生話係好事
身上傷口及lumps
已全部埋口或縮小
但亦有新的在耳仔邊
醫生摸肚
腹腔內的mass照舊存在
完全無縮小或變大
證明mass與真菌無關
係tumor
驗血報告
紅。白。板。
都仍然極低
只dd上升
肝腎指數正常
未有受抗生素影響
要繼續打針劑+口服抗生素+胃口藥
醫生仍然主張先處理真菌
再考慮揾熱心貓主捐強壯貓血
才能將5cm腹腔mass
用手術割除
因翩翩血低
一落刀即嚴重出血瓜直
醫生叫盡量谷翩翩食
尤其是protein及卡路里要夠多
火去買雞肉
再溝黑豆粉+黑杞子+冬蟲草
force feed
幫翩翩造血
新相識的黑豬
打針劑抗生素係好
但翩翩打後
起碼24h無胃口
要等48h才會自己嗌肚餓
仲要匿埋在屋仔先肯食
追仔餵飯
氹完又氹
早上趕返工
時間不夠用
由過年後
老豆媽咪輪流入醫院
攪老豆申請的事
mina割cancer
翩翩真菌入侵
公司忙到發癲
思維好亂+好煩躁
傷風幾次
應該來的沒來
突然停了3個月
腫到65kg
應該壓力影響
肝鬱+風邪擾亂
行過見到
check過＜本草綱目＞後
膽搏膽
買來試試
早晚各1湯匙
服後翌日思維清晰
能深睡6h
無咁𢛴
黑眼圈淡咗
食到第三日就出現
無頭暈 無腳軟 無肚痛
回復正常63kg
應排出的
一定要諗辦法排走
否則會滯留體內引發病變
我深信中醫
但無時間去熟悉的中醫
清楚自己體質底線
只能自救
醫生通知
針劑抗生素已訂到
要將glucose 及saline 先溝好
再將超級特效藥打入溝稀
再幫翩翩注射
每隔2日打一次
同一日內
先打200ml
隔4h
再打150ml
共打6劑
護士話
如果係人中這真菌
咁醫起碼跌$30000
S醫生已經用盡方法
幫我搭路訂針劑+慳錢
我同護士講
＜繼續咁請假，我就快俾人炒魷……＞
針劑
主攻超惡毒真菌
同步要照舊食口服抗生素
護士教我點溝稀
我雙手扯住頭髮
想死！
無電梯
抬glucose及saline回2號
打完話好肚餓
打完針也變大眼睛
2011時
在堡壘
幫細佬腎衰竭每晚打水
差不多18個月
細佬才坐熱汽球
我知點入針
緣仔就係咁衰豬
我頸椎移位
又發作
左手指又麻痺
死頂
💀
今早
輪到緣緣
肛門腺腫漲
起碼唧咗5次都仲有
唧完成間屋都係屎臭味
唧完, 要餵紅黑消炎藥
多年前
mina
肛門腺大爆炸
在堡壘暈咗
一地膿血
我放工拍醒mina
去醫院攪咗成個月
翩翩比一張紙還要薄
一早一晚
運作如下
將食物打成糊仔
force feed翩翩
如果等佢自己食
佢食得好慢好慢又要氹
返工真係好趕
我5:45am起身
又要佢食飽才能餵藥
食飽先至可以瞓覺
才有足夠能量康復
唯有焗用針筒餵佢食
8:10am
一定要出門返工
餵完好似戰場一樣咁
要同翩翩抹面抹手拖地
翩翩會fing到周圍都係糊仔
我同火
一個托下巴餵
一個捉住翩翩腳防跳
總之
餵完
我同火
一身一地都係
湊過bb的人就會明白情景
force feed完
等翩翩30分鐘落隔
才能餵抗生素+雲芝
不能過急
否則會嘔得一天一地
前功盡廢
等翩翩落隔時
就iodine洗傷口
最大的及最細的
已甩哂焦
我去抹地抹翩翩
同步
火去整熱花生衣南棗水
或是
火去洗碗
我同步洗傷口
總之
好趕好忙亂
食飽就變大眼睛
餵藥後也是戰場
緣緣
依家重過翩翩
B頭好黐我
B頭+mina+緣緣
要餵魚油丸+冬蟲草
B頭15歲
仲好似蜘蛛俠咁飛來飛去
mina
2月割除乳腺癌腫瘤之後
食得瞓得
早晚食雲芝
情況很好很好
16歲
有腎衰竭
已經算好叻
放工回2號
超級摩打手
最快都要23:00先至可以瞓覺
第二朝5:45又起身嚟過
過年之後
太多事情發生
已經停咗運動幾個月
今午
又要請假陪媽咪做物理治療
真係好攰
💀💀💀💀💀
