繼續奮鬥

翩翩有時會瞓得好

策略正確

叫檔主

日頭不要餵+不準出來

我放工將抗生素加在罐頭

阿水肚餓焗住食曬

19早上

好精神

星期日傍晚的血漬

坐住等我開飯

翩翩左耳的一粒餘孽

非常頑強

會突然爆血

每晚都枕頭好迫

翩翩一定在我頭頂

緣緣卡住枕頭罅

今早20

阿水話好肚餓

今日放工去睇下阿水

希望水豬冇事

大步檻過

火柴人翩翩

早上轉食冬蟲草

胃口好d

翩豬肯食

就好好

 

特別任務

前晚放工

如常換貓盤餵食

發現阿水

右頸有一大嚿腫起

手摸是堅硬的

我成晚輾轉反側 

我同火講 

＜點可以唔理阿水？

 我哋唔理佢冇人理佢＞

火話

＜講咗好多次

阿水唔係我哋隻貓＞

我話

＜我知 ，但都係嗰句 

我哋唔理佢就冇人理佢

係咪睇住佢就咁樣死？＞

 於是 

跟良心做要做的事

📞醫院 

約了星期日下午

 帶阿水去睇醫生 

基本上

我在菜檔係自由出入 

無論檔主及賣菜阿姐 

個個都知我係乜嘢人 

佢地d荷包及袋放在內裡仍放心

我每日都會去理阿水 

而且買生果蔬菜一定俾足錢

人地俾多2両我係人情

即使8號風球 

一落波我就即刻落菜檔

我驚阿水冇人理

由2021年3月開始識阿水

兩年來

關係一直好好

但因阿水有時同人玩

唔覺意整損人地

我驚佢拉去漁護署坐監

7月某日

因為剪指甲剪流血損左 

嬲咗我地足足一年

 我地都係每日風雨不改

日日放工去理阿水 

我同檔主講咗

有機會要開刀

檔主話

阿水6號曾經咬死老鼠

我話

睇咗醫生再講

我同阿水講

星期日要同你睇醫生

佢由3尺外跳過嚟

在我身邊坐低

是嬲咗我1年以來

最示好的舉動

我通知火約了醫生

火放工

去睇阿水

話叫佢埋嚟即刻埋嚟

成年都未試過咁乖一叫即嚟

火理智上

知道阿水唔係我哋隻貓唔應理

但感情上火係心軟

我話

阿水係向我地求救

知我地會出手救命

我無諗過又跌錢

我只知在我眼前發生

我不能見死不救

不仁不義的事我做唔出

檔主話

這幾日阿水好𢛴好惡

唔俾人摸

我話

換轉你唔舒服

都唔想同人講嘢

我叫檔主買個袋

真係買咗

證明對我信任

但怕阿水唔肯入袋

我攞定大籠去預備

另買一對手套

今日

6:00起身

翩翩餵食+抗生素吊針+抹地

黄雨+雷暴

11:00

先攞湯去老人院

同老豆媽咪

樓下茶餐廳父親節午飯

13:15

去菜檔湊阿水睇醫生

只得14:00這個時間book爆哂

時間好貼好趕

13:20

火開住籠門

菜姐1分鐘推水屁股順利閂門

仲要停雨出太陽

阿彌陀佛

醫生L及護士

都覺得阿水好靚

但好有霸氣好防範

估計痛

所以好惡唔俾檢查

所以

要鎮靜才能處理頸腫塊

我話

阿水唔係我的係菜檔的

唔知檔主是否願意俾錢

我只係出心出力出錢

醫生話

盡量計最經濟的醫療費用

因醫生估到我要食哂

於是

先抬翩翩針劑。葡萄糖。鹽水

行8層樓梯回2號

17:00

再回聽醫生報告

4.7kg

5-6歲

醫生估計是 

阿水曾咬老鼠

而那隻老鼠曾經食過老鼠藥 

所以生了這個大血泡

老鼠藥的目的

是要老鼠食了之後出血死亡

而家阿水咬了這隻老鼠

於是生了這個血泡

抽針並沒有膿

只有血水 

所以不是一個膿瘡 

而這個血泡的位置

非常貼近大動脈+氣管+食道

很critical 

簡單講

就是中毒

因為醫生明白

不可能每晚餵抗生素 

所以醫生打了2wk長效抗生素

如果 

2wk頸硬塊消退就可以放心 

但如果硬塊不斷增大 

壓住氣管

阿水就會斷氣死亡 

所以這2wk只能觀察 

醫生話

最理想係血泡自然爆炸

咁就可以將毒素爆曬出嚟

我已經同檔主講咗 

如果情況不受控

可能要緊急做手術

手術費一定過萬

如果不打算支付這筆手術費

不如將阿水畀我養

等我去醫佢 

檔主要同大老細商量 

亦無問我今日的醫療費用

另外阿水有蝨

而且肚內有蟲

阿水拆紗布

流到一頸都係血

根本停唔到

本想趁水迷迷地餵杜蟲藥

但惡到發哂癲

瘋狂掙脫

不能餵

越掙扎

頸越標血

成個心口都係血

西醫角度係撳

中醫角度係解

希望中毒的血流哂

阿水會好翻

血指數好好

將杜蟲藥撈入罐頭

我都唔知點算

叫檔主將水困籠1wk觀察

費事錫阿水的街坊問長問短

及狂餵零食

2023年

每月一鑊甘

點解

佛祖永遠安排我做咁多惡哽的任務？

無語問蒼天

醫生曾經問 

翩翩有冇接觸過白鴿 

答案當然是沒有 

因為我們返工會將所有窗關上 

只開氣窗

氣窗有防蚊網疏風

 所以貓頭不會接觸到白鴿 

但須知道香港四周圍都有白鴿在飛

今早我晾衫時

發現有白鴿

坐在窗外晾衫的鐵通

最有可能就是

白鴿將真菌留在衣服上 

我穿上有真菌的衣服 

翩翩就接觸到真菌 

所以

即使我們晚晚放工

即刻換衫沖涼

接觸了真菌都不知道

醫生講過

如果身體抵抗力強 

不論人或貓

絕對可抵禦Crypto 

 但翩翩身體抵抗力弱

所以就病到咁樣

絕對是翩翩的無妄之災

幾日無大便

要用甘油泵

出了2條多

翩翩放大便後比較瞓得好

今早要覆診

繼續瘦

2.86kg

但醫生手摸腹腔mass

係縮細咗

證明藥+針係有效力

但翩翩胃口差

點都要force feed

醫生話

翩翩身體正在soldering 

正常貓

無可能

咁大鑊都頂到幾個月

係瘦，但眼有神

醫生話好神奇

抽血報告

同預期一樣

輸血後

跌回藍色貼邊

紅。白。板

打回原型

血小板差不多0

亦因食藥太多

腎功能+肝功能

也不合格

醫生要減藥救肝腎

每星期

打3次抗真菌針

打4次水護腎

減少抗真菌藥

繼續食開胃藥

停雲芝+停雲南白藥

我問醫生

翩翩是否會輸

醫生話

she's still fighting in the battle 

she doesn't look like giving up 

when that day comes 

she'll tell you 

我覺得

翩翩過到端午

未必過到中秋

打完抗生素睡睡

心被無盡鐵釘錐實

阿媽仲要發脾氣

話我同火

無媒苟合

不尊重父母

要我諗下成世人做錯乜

又話唔識教女

唔好以為

個個星期返屋企食餐飯

攞湯食物去醫院  陪睇醫生

就叫孝順

你地唔好返嚟

我唔想見到你地

唔想同你地食飯

我真係好爨

我乜都做盡做足

返工做到仆街

我理唔到咁多嘢

🔥🔥🔥

與惡魔搏鬥

翩翩肯食

但不多

每日早晚

將食物blend再force feed

瘦肉×菜心

或
魚×紅蘿蔔

或
蛋×蘋果

有時舒服

瞓得好

我將打溶了的食物 

B頭 mina 緣緣

都一樣force feed

增加營養 

三個貓頭食完瞓到豬仔咁

我個個仔女都錫

絕無偏心

昨午

醫生叫護士📞我

雖然話化驗報告顯示

翩翩不是cancer

但Crypto要醫好耐好耐

而且

醫生諗唔通

翩翩為何抵抗力咁差?

受Crypto攻擊

仲要發到全身都有事

但驗血報告話

翩翩無貓愛滋

完全唔明點解免疫系統差到咁？！

我上網查過

非洲有好多人中Crypto 

因為

衞生環境差+營養差+抵抗力差

醫治方式

就正正是醫生處方俾翩翩的藥+針劑

但這真菌陰毒頑強

會攻擊全身所有器官

所以有排醫

翩翩突然又尿道炎

每幾分鐘去小便

而且尿血

忍唔到瀨在地上

即刻餵雪櫃的尿道炎藥

仲要醫生連放幾日假

好彩食藥後30分鐘

翩翩已停止瘋狂小便

基本上

人或貓頭的急用的藥物

2號都有儲備

因為翩翩要安全感

我枕頭袋就有翩翩腳尿味

地下也尿味

要洗要換要抹

藥後睡睡

相比起翩翩受病魔折磨

force feed時的一兩劃

絕對不算什麼

火7:00起身

㷛湯及理貓頭s

10:45

趕住攞湯及食物去老豆醫院

再趕回家

同媽咪飲茶

麻袋的公仔是媽咪自己畫的

盡速3:30回到2號

翩翩已瞓醒

去正常小便

嗌肚餓

食完下午茶

再瞓過

舒服才瞓得好

瞓醒狂食

九曲飛星

五黄大病入宮

今日

將全屋所有紅色揮春搣哂

惡魔Crypto 

你聽x住

我們全家

向你正式宣戰

甲乙丙+123

 27

西多先生慣例

要各人講今星期有乜事發生

我講翩翩情況嚴峻

如果無……就……

老豆又入醫院

傍晚

熱心人甲

📞我

話佢📞自己醫生問自己貓資料

年紀及磅數

願意做貓勇士

我即刻📞醫生

醫生認為翩翩

發現癌腫

至今已6星期

而真菌吊針藥幾星期後

情況暫時受控

tumor不能再拖

要30早上

貓勇士及翩翩

一齊入院

先做血型配對

如兩者血融合

下午安排一捐一輸

再檢查翩翩腹腔tumor

如兩者血排斥

咁唔使再講……

醫生因熟知翩翩情況

堅持親自處理整個過程

而且醫生booking非常爆

一定要就醫生schedule 

所以

熱心人甲要請假帶貓去

我亦要請假

火已辭職

情理上隨時告假話之佢

但火不認識熱心人甲

如果我唔出現

非常冇禮貌+冇誠意

我覺得攪到人

心內過意不去

故此

我要調動30早上的

去遷就醫生時間

有相熟同事也是貓家長

明白我緊急肯頂我

但我30下午的走唔甩

11:00am

結果

熱心人甲的貓是B血型

不能捐給翩翩A血型

我成個頭轟一聲

空哂

眼淚失控

突然

有另一個熱心人丙話

＜我即刻帶2隻貓嚟

我識你好多年

知你係邊類人

亦知你好錫貓s

而且翩翩求生意志堅強

我會幫你

下午再📞你……＞

熱心人甲先走

帶貓勇士回家

趕下午返工

（等2貓血液報告能否融合時

同步

與熱心人乙📞

連日來

不停幫我發散揾貓勇士

有貓主有冷藏血，但醫生要活血

也有貓主肯但要返工，也不知貓血型）

醫生話

very amazing 

正常情況如果各項血指數

幾星期內都跌到0

翩翩理應已經自己求死

（當年細佬臨終前經常躲藏）

但翩翩雙眼好大

而且識嗌肚餓

只係癌腫頂住胃食唔落

證明翩翩求生意志好堅強

翩翩每晚開飯

係排得最前的第一個

岳高個頭等開飯

如果

我唔救翩翩

就等如個仔讀書好叻好生性

但父母唔肯出錢供書教學

結果累到個仔

焗做跟車送貨

前途盡失

在醫院門口失神

心口有塊大釘板壓住

但我下午要開工

火3:00要去新公司簽約

食唔落

都要質啖飯

才有力氣去跑

坐在醫院乾等愁喊無意思

飯後各自做事 

我去開工 

火去新公司簽新約

3:00pm

熱心人丙📞我

話2隻貓血液配對後

都是A型血

可以幫翩翩

貓1

黄色Tabby 

血液同翩翩好貼近

翩翩是麻色Tabby

貓2

是黑白

血液內有翩翩沒有的elements 

醫生決定用貓勇士2的血

輸俾翩翩

好似九陰真經咁

輸內功俾翩翩

補充翩翩虛耗的

再打通翩翩的任督二脈

所有貓勇士

都是超過5kg的大舊仔大隻妹

而且好年青

因為要尊重私隱 

所以

我不能

將熱心人甲及熱心人丙的身份 

及貓勇士s的容貌公開

但我有保存貓勇士s的照片

銘刻救命之恩於心

5:00pm

火先同阿水換貓盤換食物

6:00pm

再同我會合

去醫院探輸血中的翩翩

醫生護士都讚翩翩

好乖好定好合作

求生意志堅定

輸血後

醫生隨即抽取腹腔tumor拎去化驗

翩翩要留院觀察vital 

我和火

簽了同意書

如果翩翩中途有不測

不急救

讓她走

同人一樣 

如果真係去到critical moment 

即使急救 

病者只有無窮無盡地辛苦受折磨

所以簽了不急救

一切等佛祖去決定

不要問我醫療費用幾多？

 我只能盡哂我能力去救翩翩

謀事在人

成事在天

8:00pm

護士再📞

話翩翩抽針後情況穩定

但在陌生環境

即使好肚餓都不肯進食

晚上瞓覺

沒有翩翩在枕頭邊

非常不習慣 

心內非常掛住翩翩在醫院

我希望平時所做的一切

佛祖會將所有福報

都報給我父母及我的仔女 

我自己吃苦不重要

可以忍受

我不知道

前世發生過什麼淵源

誰救過誰

誰幫過誰

總之

佛祖大能調兵遣將

這幾日就出現了

熱心人甲-乙-丙

貓勇士1-2-3

31

護士9am通知 

翩翩血指數回升至正常水平19

半夜有自己食過濕糧 

醫生話要等報告出 

所以返屋企好好休息

6:30

心急如焚

放工跑去地鐵

接翩翩出院

昨晚輸血後第一次抽血 

所有指數即時回升 

這是今早抽第二次血

醫生話

抽針後即時用顯微鏡睇 

覺得tumor 似係真菌細胞

有機會是真菌令血小板超低

要等病理學家化驗報告分析睇報告

再決定下一步點做 

要繼續在家中

食真菌抗生素及吊抗生素針 

有機會血指數再跌

亦有機會真菌入侵骨髓

我同醫生講 

thank you

 for all your love, effort and support

 for 翩翩

慳時間

買了飯盒去接翩翩

我指著飯盒

 

話今晚我哋食呢啲

 you know what I mean ？

醫生話

 i completely understand

真的不要問我醫療費用是幾多

翩翩在的士回程時瀨尿

返嚟不停飲水

肯食

食完即刻去我枕頭

6月1

早上醫院📞覆

病理報告話

抽針顯示係腹腔5cm

係真菌細胞

不是cancer 

即同醫生睇顯微鏡的判斷一樣

護士問翩翩情況

我話

可能黄雨雷暴

翩翩好驚無自己食

force feed 後

才能食抗生素

見步行步