水
精神係差了
氹好耐先食少少
由2月5知道水確診腎淋巴癌後
心揪住痛
喊咗幾日
但要對客笑
2月8
醫院11:00📞
建議先將上次腎組織做stain
以確定那一類腎淋巴癌+期數
醫院再14:00📞
如果做吊針式化療
每星期要帶水去醫院
先鎮靜，後吊針
水會好緊張+我不能不停請假
建議以口服化療藥CCNU治療水
每3wk食1粒
一樣有屙嘔+壞肝+血指數低……
的各種副作用
我話好
但是
因為上年翩翩中Crypto 時
以為有熱心人捐血俾翩翩
就可以有得救
以為醫生熱心揾到特效針
就可以有得救
點知
不足3個月翩翩就走了
故此
我+火
決定
如果
水頂不到口服化療太辛苦的話
就要放手
以水的快樂幸福作大前題
完全無勇氣向好的看
但是
又心諗
每日都求佛祖救阿水
如果佛祖都認為無望
為何醫院又📞我叫試口服化療？
內心很掙扎
B頭著衫
例牌冤口冤面
緣仔例牌每晚9:30
叫我去瞓覺
每早每晚
花出來
返工+晚上瞓覺
花入籠
mina是磁石
花大約年初六回菜檔
因為緣緣不舒服
才會在棉胎上瀨尿
我無鬧緣仔
為防止緣仔再在床上瀨尿
將棉胎搬到電視機頂
無可能天寒地凍
每晚買一張新棉胎
2號就像難民營一樣
每日
水仍然放工接門
佛祖
可否俾個機會水豬享多幾年福？
📿📿📿
攬住水喊
我不知道
以口服化療藥醫治這個決定
究竟是對還是錯？
我只知道
眼睜睜的
看著一個精壯的貓頭
得到癌症
是一件很悲慟的事
1月28
水
食了2 dose
行為略為正常了
1月31
醫生📞
抽針報告
只抽到紅血球+白血球
無發炎
2月4
要再抽那舊嘢的中間組織作化驗
以確定究竟是否腎癌
水3.98kg---＞4.15kg。重翻dd
超聲波顯示
左腎那舊嘢7.23cm
即1星期大了1cm！
💀💀💀
化驗報告2月5出
水腎淋巴癌
因淋巴走勻全身
不能手術割除
只能用化療
但每次化療要先鎮靜
打完化療會屙嘔胃口差好辛苦
如不能割除或不化療
只用類固醇+止痛藥控制
水大約幾個月就會走
求其飲茶當團年
我乜都無同父母講
費事話養貓使錢多
我但求日子易過
怕咗我媽的煩
埋單
趕住接水
同場加演
緣緣又屙血尿
在無帶緣去睇醫生的情況下
醫生肯俾上次處方的藥緣仔食
緣在棉胎瀨尿
我真係好忙
2月4晚
過年要洗屋
好攰好攰好攰
再同場加演
菜檔哥仔話
＜年卅晚到年初六休息
花花無人照顧
去你度過年得唔得？＞
於是
又要將2號
變7日的酒店
唔通由得花7日7夜餓死？
哥仔質我大桔+大利是
水在門角接放工
沖涼等乾
2021年 3月
第一次見阿水
然後
日日去餵+換貓盤
8號風球或黑雨
一樣風雨無阻
到剪指甲流血嬲足我年半有多
到頸瘤老細肯俾咗我養+醫理
到近期打針發現腎硬塊
前後只是3年
到依家感情變得很好
可以一齊瞓覺
黐住我們gulugulu聲
我只希望接水回2號
醫好頸瘤
然後可以俾10年安穩幸福的生活阿水
點解上天要咁安排？
如化療
水會好辛苦
即使控制到癌細胞
五臟六腑會被化療同步摧毁
而且會屙嘔不停
只多1年也是會走
不做化療
也是3幾個月就走
情況即如翩翩一樣
那特效藥打針是可治療Crypto
但同步亦將五臟六腑毁掉
由事發4月頭到6月24
翩翩不夠3個月就走了
翩翩捨身成仁壯士斷臂退位讓賢的意願
也變了遺憾
mina腹腔內的大圓物
因17歲也不會開刀
只早晚冬蟲草+雲芝
收到📞後
在巴士上喊
一路喊住去菜檔
同哥仔+大佬。細細聲講咗水情況
他們兩個大男人都靜咗無言
除了唸經
什麼也做不到
心口乸住好痛
我問佛祖
＜請問這是否你的最後決定？
如是
請幫水豬走得舒服d.....＞
水這幾天
精神明顯轉差
同火及愛狗的好兄弟商量後
偏向不化。只用類
盡量減輕水辛苦
主診醫生放假
等2月8醫生返工
香港哪成長於90年代的人不認識河國榮？
他對香港文化熱愛
故此來了香港生活
與香港人結婚
經常在電視做鬼佬警司
收養+醫治重病狗
他選擇這個方式結束生命
我完全瞭解+認同
摯愛的女人因病走了
狗仔全部也因病走了
欠債累累
有癌症+抑鬱症
生無可戀
幾袋炭攪掂
我睇這新聞時
心口乸住好痛
眼淚直流
但亦很明白他的決定
我經常都講
他朝老豆媽咪貓頭s走哂後
我隨時都可以走
我已經頂得好辛苦
捱得好攰
已經用了不同方法幫自己減壓
每日叫自己死撑死頂
對將來也沒有憧憬或希望
作為一個極度盡責的人
我居然忘記交老人院費+2號交租
這是從未發生的事
水腎的事+緣緣又血尿
返工做到反艇
這個是個非常好的方法
不會整污糟地方累人地清潔
抬走入箱就得
帶花+水
打第2針防疫
水
這星期
呆呆地。好靜。食得少
上磅時
比上月輕了500g
醫生手摸
肚內有5cm大的物體
醫生本來已經全日book爆
但仍唧時間幫水照超聲波
仁醫永遠就是永遠為病人著想
立即醫治+唔dum症
超聲波
水左腎有6cm tumor
可能同早前頸瘤有關
可能另再有病毒
可能基因潛藏問題
可能是腎癌
可能是……？
因為靠右腎排毒
所以腎指數仍算正常
總之
等化驗報告出
才能作下一步醫治
醫生暫時開了胃口藥+止痛藥
盡量讓水食
花
上磅
重了500g
水---＞500g---＞花
我話
我只係嚟打針
點解又係咁？
護士話
點解你次次都係大鑊嘢？
醫生話
點解你隻隻貓都係疑難雜症？
我同火講
水個樣係福相
點解會咁大鑊？
6cm咁大
俾我都痛到典床典蓆想死
心都實哂
我並不是肉赤💰
水豬點解咁？
我係想水跟住我享福的
心口乸住好翳痛
點解成日要我打大佬？！
點困難都好
我會盡力醫水
19
本來約了好兄弟H
行街。食嘢。傾下偈。呻下
點知媽咪又話咳要睇醫生
老豆又話要打肺炎疫苗
於是早上就同他們去私家醫生
搞掂又話要飲茶
媽咪爭埋單
爭俾的士錢
無攞手叉搶住出去攞點心
我有得佢
我放棄
費事阻止佢又發脾氣
到時又係我受靶
12:00攪掂
送父母上的士
公司手機不停響
有好多what要覆
H話你放唔放假都一樣
然後H商店內買嘢
我就坐低做自己appraisal
因為根本冇時間做
20
放學後
同老豆去換身份證
早前因為老豆不停入醫院所以冇去
我只得15分鐘時間
坐低食碗雲吞麵
用500蚊畀錢
那個夥記居然話
＜今日咁撚柒多500蚊紙㗎？＞
我即刻著火
我話
＜咁你咪撚柒收囉
你舖頭貼張紙出嚟
寫明唔撚柒收500蚊紙咪得囉！
你打開門口做生意
咁樣講粗口鬧個客
不如你咪撚柒做啦！＞
個伙記收哂皮
返2號坐電梯
撞到樓上師奶
佢面色萎黄+轉戴假髮
一睇就知有事
師奶話好耐冇見到我
我話時間大家唔同
跟住我話
我俾個蘋果你
我買咗10個
阿水又係唔做家務
就係坐住睇我摺衫收衫
象b負責看管遙控
象b係女仔
花傷口好靚
買了新的蒙古包俾花保暖
我叫自己唔好成日去菜檔
費是重蹈覆轍
招惹街坊話柄
菜檔仍然由得我自由出入
每次買菜都唔收我錢
但係我一定要畀錢
我在菜檔的時候
心內非常放鬆
環境好嘈雜
但係我個心好平靜
我會執好紙皮發泡膠箱
執筲箕及價錢牌
再用掃把把掃地
當然同我的衣著格格不入
但是反而我的心很平靜
有時睇住阿花食完嘢
洗完碗我就走
菜檔各人
信我人品不會做衰事
由得我。唔會理我
總之15分鐘內一定離開
感覺就如當年去火家一樣
火爸火媽不會理我
我可以好放鬆好自在
我事實內心裡
亦對火有內疚虧欠
火咁樣出心出力出錢對我父母
反而父母咁label我地兩個
話我夾埋個男人謀佢地層樓
話我唔掂問人借錢頂住死撐
死都話火係外人
跑醫院跑老人院屈我地有怨言
不論點樣死做
生安白做質我地N條罪名
這根本是個死局
火半句怨言都無
照舊見到啱父母食的照買
照常㷛湯
叫我唔好理媽諗乜講乜
買薯片朱古力俾我放鬆
聽我呻。聽我喊
我除了洗衫摺衫。吸塵拖地
煮飯。洗碗。倒垃圾。湊仔。買廁紙
火全部做哂
我已經用盡各種方法
去令自己內心平靜
我只能用各種怪雞騎呢的方法
去幫自己減壓自救
我好辛苦
我好攰
某星期日
攞湯去老人院之後
回家午飯
媽咪腳痛
係要又買又煮
話火過門都係客
而且
俾咗家用就要煮飯俾我食！
我話
邊個做客會幾年來
幫手跑醫院攞尿片
攞食物去老人院
逢星期日煲湯?
然後
媽嚟料
再天馬行空
話我週圍借錢
又話我問佢攞錢
話我荷包唔掂
但我從來冇問過佢攞$1
又話如果火有怨言
應該一早
問佢每星期攞返煲湯錢食物錢車費
事實上
我+火
絕無怨言
事事盡力做
然後
老豆聽完媽講
去到老人院老豆又問發生乜事？！
放工同媽視像
繼續鬧
怕了再鬧
扮開工
媽反而關心
就算再怕
都一樣要請假
同父母去處理事項
老豆話中學同學過身
自己都未顧得掂
媽
情緒反覆
我好大壓力
💀💀💀💀💀
同步
仆街上司
不停搬龍門
💀💀💀💀💀
總是覺得自己很樣衰
心情極差
又去剪頭髮
近日轉了另一個髮型師傅
他們有貓
舊髮型師傅發現了我做邊行
所以不會再去
我同新師傅講
好唔開心。好攰。好辛苦。好大壓力
新師傅問點解?
我苦笑冇答
師傅叫我唔好唔開心
攞咗兩粒糖畀我食
然後我就開始喊
我心口乸住好翳痛痛
唔想唱歌
唔想做運動
我知抑鬱症又發作
除了死做死頂
念經求佛祖幫我
我叫自己一定要放鬆
唔好理。唔好諗
由得佢哋啲人發癲
不論我老細或者我阿媽
都不能坦誠理性地溝通
一個幾十年來呼風喚雨戀棧權位
一個孤寂老人周身病痛胡思亂想
我已經好努力死頂死做
唯有收聲
真係頂唔順
又去買酒
放工返嚟飲一啖
放鬆
都係嗰句
就算喊死
都要努力爬起身
繼續向前行
