爸爸

你不會覺得是在看一場戲

因為

劉青雲及谷祖琳

就是真實中

那對拍拖結婚生子女捱世界的小夫妻

生活上

一家4口的點點滴滴

是真人真事2010荃灣凶案

男主角買春那幕

真係好心噏

劉青雲

演技已經去到……

阿仔蘇文濤拍攝時16歲

很清新很自然

演得細膩動心

三花12歲

是導演翁子光的貓豬

三花走位渾然天成

從來都不能預算

生活上有什麼突發事

總之

越著緊越愛的

越會驟然失去

做人

最可怕的

就是無常

睇完<破地獄>

心是釋懷

睇完＜爸爸＞

心內沉鬱了整個星期

不論如何

珍惜眼前人貓狗

要盡力盡心去愛

別讓自己在事情發生後

才後悔自責追憶

願您安好

今早10:15

在地方A完成工作

返公司？返2號？

過馬路時

兩個人坐在石壆邊

原來阿Paul失平衡跌到

接細路放學的C9

＜咩事……點呀你……＞

我行埋去

＜阿Paul你有無事？係咪好痛？＞

攬住阿Paul的係阿女

口都震哂

＜原先去附近醫院覆診……＞

我同班C9講

＜我會叫白車。唔該哂你地。阿Paul交俾我處理啦～＞

先📞報案中心

將阿Paul簡單資料年齡點樣跌是否清醒有無傷……講俾小姐知

然後同兩母女講

＜我幫你叫白車。唔好驚。我陪住你地。＞

其實我條頸好痛

其實我開工袋好重

但好曬

我跪在地上幫阿Paul擔遮

白車哥哥到

原來阿Paul 98

個女70+

個女問我姓乜？

電話幾號？

要將來多謝我

我例推

＜去咗急症室先。

最緊要阿Paul無事。萍水相逢不用介懷＞

我同白車哥哥講

＜師兄交俾你。我返工嘞。＞

阿女企起身。望住我喊

＜唔好擔心。醫院醫生會幫阿Paul。唔好喊……＞

一路行返公司

一路幫阿Paul唸地藏經

佛祖俾機會我

叮叮叮咁攞咗3分

當日媽咪跌傷有人幫我媽咪

今日人地媽咪跌傷我去幫忙

一切都是緣

📿

 

破。地獄

黄子華

辭演＜飯氣攻心2＞

就是要專心演這套戲

再講一次

2025金像獎

最佳電影＜焚城＞

最佳劇本＜破地獄＞

這是一套很沉重很真實的戲

片中媽媽與仔的故事是真的

我日常工作中

也需要處理白事

最重要的是

尊重過世的人

及家人的感受

我一路睇

一路問自己

火爸火媽生前

有無盡心盡孝對他們好？

我自己爸媽

現在有無盡孝愛他們？

細佬瞄瞄翩翩阿水mina

在生時有無給他們最好的？

雖然很多人叫我要將貓頭的骨灰散了

否則他們不能投胎

但我真的唔捨得

每日仍舊與他們說話

每個人對於離世的家人

放手的時間都不同

當我爸媽火B緣花寶

都走後

我幾時死都無所謂

只要有愛

就不會有＜快樂的死＞

死與年齡無關

要發生的

就是無常

完全無法預算何時來臨

大部份無親手照顧過家人跑醫院直到過身或無死過貓狗的人或家人關係從來都很親厚的人

都話這戲好老土

珍惜眼前人

生死兩相安

📿

 

pink provider

花是牛王妹

經常將B頭坐扁

太陽花係lam唔到屁股

但太厚緣豬食唔到

花+寶

friend 到爆

去廁所都約埋一齊

臨瞓才發現

有人在棉胎上嘔了貓餅

南瓜黃精石斛熟地肉蓯蓉

老豆媽咪話

飲完覺得舒服好瞓

媽咪叫

在跌傷的地方燒衣紙

逢星期日食中食西 

總之

老豆媽咪肯留在老人院 

有人照顧 

我乜都冇所謂

緣仔lam屁股情況不變 

我乜方法都試曬 

費洛蒙魚油丸靈芝冬蟲草 

而家試軟的圍肩

在2號做功課

是很困難的事

寶精力旺盛

罕有地瞓得冧

阿寶經常挑釁緣緣

花緣相安無事

臨出門口

有人打瀉貓餅

每晚服食雲南白藥+運動

幫眼底散瘀去水 

才能減少飛蚊

最重要父母及貓頭的世界是粉紅色的

焚城

連我這個睇戲無數的電影迷

都睇到嘩嘩聲

有幾場直頭叫咗出聲

好幾場眼淚直流

確實係好戲

身為香港人

一定要睇

刮咗香港政府好多巴

雖然劇情是虛構式災難

但香港地少人多

唔該李家超特首及各高官

一定要入場睇

750萬人命

民生無小事

有好多秘密事老百姓唔知

亦無能力知道

尤其是政府與大財團的秘deal

不要每次出禍才開記招

對住鏡頭道歉

打前線的

真係做得好辛苦

你地做官坐喺冷氣房諗嘢

唔知民生疾苦

2025

香港電影金像獎

最佳電影

眾望所歸

 

感激

在我放病假期間 

垃圾老細話幫我做嘢

 結果

所有嘢堆在我枱上

 

其實

我放病假期間

同事將工作email給我 

我是在2號做的 

在deadline之前

已做好交給高層

垃圾老闆週末幾日紅假返大陸玩

南瓜雪耳熟地肉蓯蓉

老豆媽咪話好好飲

媽咪繼續話要乜要物

 逢禮拜日我們就回家做咕哩

抬去老人院

鐘點姐姐同我講

覺得媽咪入老人院開心咗

我話 

咁多人同佢講嘢

接待。護士。派藥。清潔。社工

又可以對住老豆

總好過一個人對住四幅牆

諗啲諗路

搵著我嚟搞

老豆媽咪開心安穩就好

因為眼內有積水+瘀血 

所以每次勞神後或耷低頭

我都覺得眼睛跌出嚟

尤其是早上起身 

右眼飛蚊特多 

中午開始飛蚊減少 

覆診時

眼科醫生解釋

因為平瞓

所以水滯留在眼後 

令飛蚊多 

起身後人企直坐直

所以水向下

飛蚊就減少

把心一橫

食翩翩留下的雲南白藥

藍鳳凰都是用雲南白藥

幫令狐沖治內傷

好神奇

只食了晚上2粒

翌日早上起身

飛蚊數量減少 

而且飛蚊size很明顯縮小

遮擋視野的白色膜

（ 晶體內的瘀血）

也退得快

醫生話

必須保持恆常有氧運動

令血液循環

加速瘀血及積水減退

同事對我好好 

有同事幫我加防藍光屏幕 

有同事買頂帽畀我出街遮光 

有同事借個滑雪眼鏡畀我 

有同事幫我將激補單交到保險公司總部claim醫療費

有同事自動幫我頂了部分工作 

有同事知我眼睛出事擔心到喊咗

老死大力

送我的藥師佛牌

激補後

我不能跪地叩頭

我前世龍鳳胎阿哥

代我向佛祖叩頭

K話

無論幾辛苦幾大壓力

都唔準喊

眼底谷爆就盲

因我眼睛不能谷力

所有2號+爸媽家的粗活搬抬

全部火食哂

除了感激佛祖無限大能的安排 

只能每朝早唸地藏經

阿彌陀佛

📿

 

黃綠自救

30右眼激補後

非常眼睛疲憊

一日瞓幾次

因爆眼底血管+穿窿位置積水+有瘀血

覺得眼內很墜重

黑眼圈亦嚴重

右視野未清+ 飛蚊很多

於是

又自己開方

活血+化瘀+去水腫+清肝明目

有內傷 扭傷 瘀血 水腫者適用

飲了兩劑 

眼內下墜感覺減輕

 黑眼圈亦減少 

人精神多了

病假7日

照舊每早做運動

保持血液循環

但不能做烏低頭or谷力的動作

只能做企直緩慢有氧的low impact

另外多食深綠色蔬菜雞蛋芝士藍莓魚油丸

鞏固視網膜

每次煲中藥 

氣味令所有貓頭立刻入睡

萬事萬靈

再推往另一層面 

就是前幾世

我應該犯了窺淫罪 

例如昅人沖涼換衫

睇人裙底

出街望住女仔心口屁股

繪畫春宮圖

用眼神勾引男人

窺探一些明知不該睇但睇咗的秘密

心懷不軌跟蹤別人

……

總之

做過傷風敗德妖弄別人心志的事

 

故此

今世業障就來報應

眼睛壞了

所以

今世

我要更加勤於念經

修好自己的心

📿

佛祖大能 

在短期內

已經幫我解決數個很棘手的大困難 

做人一定要有菩提心 

平時要多幫助有需要的人事物貓狗 

到你出事時

佛祖就會發動十方君子

江湖救急

暫時

我不能再幫阿婆

抬買餸車落地鐵樓梯了

佛法無邊

堅到你吃驚

阿彌陀佛

📿

6星期日

5:00起身㷛湯

南瓜巴戟北芪黨參石斛紅棗淮山茯神湯

骨裂+補氣血

要再幫媽媽回家抬物到老人院

再攞湯去老人院+醫院

要就老人院探訪時間及醫院探病時間

非常趕

忘記帶遮 

隻眼曬到盲

老死大力

叫我去黄大仙買葫蘆擋病煞

我忙到去死嘅時間都冇

點買？！

做完老人院+醫院送湯諗住去商場搵銀行機撳錢

點知一上電梯就見到有間舖頭買葫蘆 

然後再返我家附近天后廟

圍住香爐3個圈作福+向天后叩頭 

希望上天憐憫我們

江湖救急幫幫手