虎毒不

做媽媽

從來不容易

湊仔的疲憊+壓力+經濟+返工

餵人奶。幼兒哭喊+乳腺發炎自疚

男家女家的行事+鳩話

孩子生病自責

犧牲自己

不能放鬆無me time 

請工人的勞氣

男人不幫忙或幫倒忙

都會令人發癲

我無真細路

但湊咁多個貓頭s

也絕對不容易

有老有嫩

個個身體情況不同

一樣很吃力

每日都要盡力做

瞄瞄膽管塞

細佬腎衰竭晚晚打水

mina乳癌割除護理

水豬淋巴癌化療+中風

翩翩肺病多年+crypto 

B頭腎衰竭+嫉妒抱抱

緣緣肺炎聞氧餵藥

5仔補裂顎

花豬食飽嘔床頭床尾

阿寶跳冧電視

火今早請假

帶緣緣照肺CT+洗肺

火從來無怨言

永遠落手落腳即刻做

火仲要記得

邊個鐘意食乜味罐頭

我父母脾性

老豆奄尖苛索

媽咪多疑毒舌

放工湊仔洗碗倒垃圾買廁紙

請假湊仔去睇醫生

逢星期日㷛湯+陪我父母午飯

我放工接緣出院

S醫生話

BAL照肺

緣肺內

好多藍綠黑一舊舊+好多痰

攞組織去化驗

可能是unknown 真菌

緣仔好乖好合作

暫又再發抗生素+化痰藥

紅色偏高是緊張引起

其他好正常

埋單

又係天文數字

火買飯盒回2號+湊仔開飯

我收衫洗+洗嘔床單

 早上5:30起身

到放工7:00回2號

家務永遠做不完

一年365日

在公在私

我+火

已經好耐無行街食飯

仲要輪流請假做父母貓事

係好辛苦頻撲

但我已經好好彩

有火幫我疏解我

死撑頂住無去死

戲中的事

全部都是真確

絕不吹噓煽情

唔該體諒下

湊貓辛苦

湊b更辛苦

永遠覺得

自己做得不夠好

生活坑人殘酷

不是人人都撑得住

為母則剛

只願一切安好

緣豬

4月3停了抗生素

醫生叫觀察2wk

期間無咳無扯氣

今日照肺

有部份好了

但有部份是差了

醫生話

肺炎由1月25到現在

仍然未清

緣仔呼吸好用力

每分鐘大約30-35下

下星期要照肺CT-scan

S醫生話

＜真係唔明點解你啲貓隻隻都咁多疑難雜症……＞

B頭

又突然減少食量及消瘦

3.45kg

我肯定B是2015確診腎衰竭

每早食冬蟲草。至今10年

但醫院系統無記錄

而且

2024年3月又係唔食時

驗血報告16歲算好靚仔

T醫生當時估計

我+火

忙於照顧水水+mina

令B仔嫉妒引起情緒問題

S醫生未見過B頭

佢問近期有無新男仔貓進駐2號？

我話5仔1月尾來

S醫生話

今次B頭驗血報告

顯示係腎衰竭stage 2

但應該未會影響胃口

而報告17歲也不算差

紅色藍色可能因緊張變marginal 

估計b又係覺得5仔及緣緣要餵藥餵水

感覺被忽視

心情不佳

而且

有時寶+5仔兩隻爛玩撩b

b嫌煩想瞓覺

所以

除了開胃藥

我同火就不停同b講嘢

證明個個都咁錫

傾咗好耐

b頭連食幾次

食飽去睡睡

心情鬆了

5仔

4.5kg

做第2次補窿

近喉嚨椗

大約2mm

1月ex醫院出院時3.29kg

每晚食車前子

大便出血顯著減少

T醫生話

前端的窿仔影響不大

所以不處理了

後面窿較大3mm

已縫合

護士話

手術後

5仔醒咗因為好痛打人鬧人

趁人少坐地鐵回2號

跌裂的腰椎位置

已完全康復

T醫生

眼神好正氣

絕對是仁醫

今次收了絕平的手術費

5仔有排都未可出樣

因ex主人超煩

我好驚被起底被攪

繼上次5仔不知如何爆籠籠門完整無缺逃脫之後

今早諗住將佢困在廁所

等其他貓頭食完硬餅

才俾佢食濕糧

驚佢上顎食痛

但正當我踎低開糧櫃

佢已經坐在櫃門側

🙀

前後不足2分鐘

證明5仔是Ocean's Eleven

😹

花豬

寶

今日的助護

往日都協助很多次

我話5仔是用特別渠道救出嚟的

＜你有邊隻貓係買返來吖？

隻隻都係有啲古靈精怪背景㗎啦……

我地個個都知你份人……＞

盼望佛祖庇佑

難得佛祖慈悲

破例將2號床位

由4張變5張

我會盡力做

阿彌陀佛

📿

天公愛笨人

K's b轉瞬已F.3

因為學校轉制

K好頭痕

叫我寫信俾校長

K's b好勇敢

要求獨自見校長

結果好失望

但焗接受

K's b非常難受

比她差的同班同學都得咗

佢覺得不公平

覺得過往3年努力付諸流水

我📞K's b

＜你比我幸福

我那個年代無評估

先生同學親戚都覺得我異於常童

但因我學業還好+先生鐘意我

所以常遭其他同學欺凌

趁小息將我書本撕爛踩爛眼鏡

整個小學6年就係日日喊

媽媽話

我小時候不能分辨2及z

經常將字反轉寫

係近年我才知道我係阿士保加小朋友+讀寫障礙

所以我才吃了這麼多苦

但我都捱過了

依家都算係個似樣的人

其實我一直同你睇同一個心理醫生

中學時被賤同學屈我考試通水俾隔離班同學知

我也是單挑見訓導主任澄清我無唔好屈我

那隔離班同學對住班主任及訓導主任喊到豬頭咁

我一滴眼淚都無流過

因為當時好爨俾人屈

個人人條路都唔同

上天總會安排一條合適的路俾你……

我要同你講對唔住

雖然我同你分類不同

但總算係同族類的分支

如果我知你係同路人

我不會對你多年來咁嚴厲

我當初以為你懶散

請你接受我道歉

其實我好錫你……＞

K's b要趕project 無來

4個大人

除了緊急事才📞

其他日常事都只能what 

約食飯真係好難

K話

＜最安樂係你父母都入哂老人院有人照顧

最叻係趁你媽跌傷

將佢入埋老人院

佢唔肯請工人

這是對你父母最合適的安排

最麻煩複雜的手續都處理妥當

你又請假陪父母覆診

又㷛湯買食物拎去

個個星期日出去飲茶午飯

你已經做得好好

壓力已經減輕好多

依家淨係等你老細走就得……＞

生活永遠坑死人

點辛酸難頂

都要喊完抬頭挺胸

好好向前行

手機用了6年

星期五晚開始燈枯油盡

我求佛祖幫我頂到星期日先去買新機

星期六要返學

星期日要攞湯去爸媽勁忙

剛剛

豐澤姐姐幫我將舊機資料過到新機

攪好trade出舊機手續

俾哂錢

舊手機就正式瓜柴開唔到

姐姐當唔知

你話仲唔係佛祖庇佑？！

阿彌陀佛📿

很多黑豆

3月21

緣緣覆診

3.75kg

重翻少少

食。鬧。打。大小正常

但肺X光仍未清

今早仍氣促咳喘

S醫生話

已經食抗生素2個月

但仍未清

因翩翩是真菌Crypto 走

真菌可引發難治的肺炎

醫生擔心緣仔又中

所以要抽血驗Crypto 

因真菌可以潛藏好多年

我即時頹靡

<這幾年真係好難捱

翩翩Crypto走

水豬淋巴癌走

mina乳癌康復又擴散走了

>

S醫生捉住我手臂

＜don't be depressed 

just wait for the result ……

起碼肺花減少+肥翻dd吖……＞

4:30pm

護士📞覆

in-house 驗血顯示

緣仔血小板打仗士兵回覆正常水平

Crypto 報告要等幾日外面Lab回覆

叫我唔好太擔心

即刻去買增強免疫系統的supplement俾緣仔

3月23

5th補上顎覆診

餵水目測

上次補後

前端癒合

但近喉嚨椗仍有2mm窿仔

進食吞嚥會撑大傷口

要等前瑞生好肉後

4月中要再補

3.95kg

上次食2wk抗生素後

5th大便仍然有血

但胃口好好+玩瞓好

醫生叫轉腸道處方糧

醫生摸脊椎5th鬧人

估計又移位

遲下要處理

醫生話

<it would be better if i can make a comparison with the X-ray taken in the previous hospital >
我話

<after the accident happened, the ex-owner thought 5th is no longer an expensive toy for them to show off, so they just signed the surrender form and left 5th in the hospital with everything broken with blood and continence, without even paying $1 for the rescue + surgeries, so the previous hospital was reluctant to provide any medical diagnosis... i just want to give him another chance for a better living... >

💀💀💀

死PK老細

夠期賴死唔走

仲要賣慘

但高層信哂

個個怨聲載道死頂

真係好難捱

💀💀💀

開工落巴士

見到雀雀仙遊

怕雀雀俾人踩到稀巴爛

我簡單幫雀雀在樹仔下殮葬

急就張幫雀雀唸六字大明咒+阿彌陀佛📿

雖然翩翩是中Crypto 病死

但我無憎恨雀雀們

對動物我控制唔到自己

對人我會遲2秒才take action

火話我歧視人類

3月26

護士📞通知

緣仔報告

不是中Crypto 

是細菌性肺炎

先完成抗生素療程

再等2星期後

4月中再照肺x光

5th大便多血

3月30

食了幾日益生菌糧後

血已減少許多許多

仔細睇仍有dd

證明同食有關

其他貓頭s從來無此問題

血減少後

5th像食了大力菜一樣

精力旺盛

個個瞓哂

佢仍周屋玩