6月17
本來
先媽咪私家血壓覆診
再父親節去飲茶
但老豆又扯氣
兵分兩路
我跟老豆白車去醫院A
火同媽咪樓下私家覆診
飲茶❌️
醫院A話老豆中了新冠（第4次）
要留院
火話媽咪有d傷風
我已經肯定
媽咪都一齊中（第2次）
即刻返老人院
叫護士幫媽咪撩鼻
證明我無估錯
連續幾日
醫院+老人院+返工
B頭食藥繼續爛便
寶繼續大食大玩
緣豬繼續肺炎食抗生素
花花也是大食大玩大瞓
5仔又血尿
已經轉S/O餅+抗生素
B頭早晚食2ml
因極度受壓
太多事同步發生
要狂食抗壓食物頂住
老豆留院
吊抗生素+類固醇
病情受控
但媽咪對Penicillin 敏感
不能用同系藥治療新冠
所以
病情由傷風變支氣管炎
咳到甩肺+聲爛
早前同媽咪去醫院A覆診
叫佢打新冠針
＜唔打！已經打咗幾次！＞
然後又中
發到九彩！
媽咪懶醒
俾錢叫阿姐幫佢買涼茶
飲完d火亂走亂撞
谷上眼又紅又腫+頭痛
我要開方㷛感冒茶俾媽咪
宣肺療痰解熱毒
飲完我劑茶
翌日眼火已消退
鬧到媽咪反艇
＜你亂飲街外涼茶
如果撞心臟血壓藥就死得！
出事仲要累埋阿姐飯碗！＞
老豆媽咪永遠唔聽我講
然後要我執手尾
🤬🤬🤬
媽中新冠
唔受得盤尼西林系藥
引發支氣管炎
再叫人亂買涼茶谷上眼
依家賴我同佢逢星期日食煎炸嘢發到咁！
食足幾個月積熱！
食的時候好開心
＜一星期食一次遮！
有幾熱氣呀？！＞
做得辛苦唔緊要
但係好激氣🤬
我都唔明
佛祖長期俾我做突發嚴苛的任務
究竟係我前世做了很多孽債？
定係鍛練我的處理危亂的能力？
仲要父母都咁難頂
做幾多
做得幾辛苦
都係我錯
💀💀💀
拖足1星期
叫媽去急症室唔肯去
轉了3個西醫
6月24晚
媽話我用眼藥水咀口
撬損佢眼角！
我話我不是白痴
離開1cm幫你滴
點可能用藥咀口撬你隻眼？！
話好辛苦
我話咁依家我同你去急症室啦！
依家7:00遮
攪夜d都好過再拖
我星期三全日好忙請假難！
唔肯去！話好小事！
6月25
早上6:00
what叫我去第4個西醫配藥！
我叫去急症室
媽仲一車話
結果
25早
要緊急調動公司人手
又要同老細解釋點解請急假
總之
俾媽攪到我一鑊粥
亂到九彩
去到醫院A
未照肺X光+未驗血
醫生已決定媽要入院
拗乜呢？
拖乜呢？
老豆醫院B肺科病房
媽咪醫院A內科病房
又要返工
想死
💀💀💀
