小禮物

 

火的手機夠期

去先達相熟店買新

trade出舊機

$1450

 

 

用手機睇新聞太壞眼

哥仔話要清貨

呢個LG抵玩

7"   $850   OK快,唔太慢

用wifi上網

不用另外再上台交月費

如果無要求, 玩到打柴就算數...

dealed!

 

當獎勵自己1份小禮物

 

哥仔話生意勁差

靠熟客頂住

香港有排衰...

 

終於捱完2016上半年....

等變

多年前

曾極度沉迷紫微斗數

近期思維又打困籠

壓力令我心口乸住翳痛

又再睇盤remind自己

 

 

命宮--->七殺(旺)

 

七殺族是先鋒型主星中

最具獨立作戰的獨行者

他們不擅於與人合作

七殺族具有冷靜的性格

與人相處時不能接受被人背叛

對背叛者使出玉石俱焚的激烈報復手段

舉止大方，氣度寬宏，有一股自然的威嚴

不管在職場上、團體裡或家庭中

希望擁有只屬於自己不受打擾的自我空間

強悍而不願向人低頭

七殺星個性強烈, 深謀遠慮

凡事皆有主見，決不盲從

獨立，聰敏，知書識墨，事業心極強

七殺性格剛強、耿直，不畏艱苦和磨難

有堅定的信心和毅力

事情一旦決定，便決絕不再回頭

敢於接受各種各樣的挑戰

錚錚鐵骨,典型硬漢子

  不合群，容易得罪人，落落寡合

因此親近的朋友也很少

深謀遠慮，思考問題時顧慮甚多

 

 

官祿宮---->破軍(旺)

 

開路先鋒，勇敢、正直是破軍的特性

勇往直前，憑藉自己的毅力和勇氣

不斷接受各種挑戰的軍人性格

有主見和領導力，在戰爭中最能體現其優勢

每當對生活、工作方式或環境不滿意時

就會去尋找新的方式或環境

有時甚至在事業未穩已「先破後立」

處理事情時往往先擾亂局面

然後再按新的方式來解決問題

變化性也為破軍最重要的性質

變化幅度足以影響一生變動

破軍由於最具軍人性格，暴躁衝動

任性自我狂傲，曲高和寡，孤獨

 

再加川字掌

成世人......唉.....

 

my id desperately urged me to quit

but my superego warned me to think twice

 

每個人都有本簿

老早由上天寫定哂

根本絲毫半分也無得改

 

十萬水急

 

巴爾幹半島軍事區

4口井

有3口偵察到有地雷不能用

村民無水飲

唯一可飲用的井

有一條屍!

 

想盡辦法周圍搵繩

想將屍體拉上來

一係唔賣, 覺得跌落井是神的懲罰

一係綁住惡狗的繩, 攞唔到

一係懸掛於屋外國旗的繩, 除咗=投降

 

最後

搵到2條吊頸用的繩

正當奮力落井, 將井內屍體拉上來時

維和部軍隊到場阻止

話國際協議停戰後

要將當地事務交回當地政府處理

不得撈起井內浮屍

被迫放棄!

 

豈料

一場豪雨

將井內屍體湧了上來

村民輕易將屍體移走

 

when time comes

上天就會安排解決方法

籌謀無用

急更加無用

 

佛說

有求皆苦

 

耐心守候吧......

何去何從

450c.c.

5m捐完

B/P 90/55

pulse  68

我在問卷上咁寫

所有老細都唔知伙記辛苦

點都要威+死都要霸

在W發現這韓國醫學美肌品牌

敏感肌

用過好好

大特價

day cream, $179, 買一送一

night cream, $279, 買一送一

moisture mist, $129, 買一送一

莎又特價

moisture gel, $298, 買一送一

試了好幾個韓國醫學美肌牌子

效果都比姿好得多

姿得個貴字

如果我quit

仲有無能力一口氣咁樣買嘢?!

仲有無能力俾父母家用?

換父母壞電視? 壞洗衣機?

父母差餉? 驗窗? 醫療費?

仲有無能力自己洗牙?補牙?

仲點期期交學費咁疏爽？

仲點同貓頭s搭的士睇醫生?

瑪嘉烈與大衛---綠豆

 

 

 

 

 

 

 

自TVB的<天與地> 及

HKTV的<選戰><導火新聞線>後

令我瘋狂追的

就是這套Viu  TV劇

 

完全貼地

我估到佢劇情+對白

睇得非常肉緊

 

 

異國小學雞

班上
有一楓葉國男同學，28y

同女友一同來港做NAT教英文

佢坐我斜側邊

大家都係朱古力薯片花生精

堂堂在枱底交換食

非常中學feel

上次佢同我講

放學趕去西貢
但唔知點最快又唔熟路

我在佢本簿畫低能公仔地圖

點行，幾錢，邊度排隊，乜出口

佢千多萬謝好開心

佢高我3個頭

我帶佢行秘路去地鐵仲快

上堂時遞零食

佢會用50''腳狂young我張櫈

今日
放學黃雨落狗屎

我遮佢去地鐵

我一時快急，用廣東話：

＜你拎遮啦！你咁高我點遮你呀！＞

鬼仔又明喎：

＜ok, I'll take the umbrella...＞

我話趕住返屋企湊仔
佢問我要湊幾多件？
我話4件
佢話
咁你都好忙
但養貓狗好過養人
唔會問你攞錢，唔驚佢學壞

兩條友有遮都全身濕x哂！

佢話6月4號係週年紀念

會同女友求婚

想去添馬公園草地跪地
花+戒指已訂

但擔心6-4迫爆

佢話唔明d人成日夜晚去政總做乜

d高官都收哂工！

想改去孫中山公園草地求婚

我話

9月立法會換屆

點都要耍幾場猴戲

鬼仔話

都係嘅，個個國家都一樣咁玩法

兩隻濕水雞
月台au revoir

劣幣驅逐良幣

堡壘樓下

有一經營多年的菜檔

專賣揀手靚嘢

新界手摘菜，時令生果，靚醬料

事頭婆乜都識，好傾好講有商有量

初期我進駐堡壘

剪頭髮，睇醫生

總之唔知碇就問事頭婆

上月

隔離開了大菜檔

專賣基層貨品

伙記全請粗聲粗氣的阿叔大嬸

$8兩斤菜心，$10份大陸蘋果，$6兩條甘筍

街坊趨之若騖

新菜檔生意火紅

菜檔事頭婆同我講

決定冚旗唔做

頂死哂，平到咁，根本無得爭

街坊最緊要夠平夠方便

唔一定要高質素

重量不重質

最緊要就住荷包

買平嘢唔使再行去大街市

一代新人換舊人

劣幣驅逐良幣

大勢所趨

同我industry一狗樣