神奇的乳薊

我由7月開始

每晚1粒乳薊

主打肝功能

瞓得幾好+痿黃減少

翩翩

10-16

勁剝牙後

犬齒傷口一直不埋口

流血水

食消炎藥------＞肚痾

苦無決策

昨晚

俾乳薊翩仔食

今早牙傷口完全埋哂口

絕頂神奇！

古代

人們用乳薊解野菇中素

再上網查資料

乳薊，milk thistle

可治癌腫，肝科病變，腎衰竭，膽石，病毒

立即俾mina+B頭食

兩個貓頭年紀大

有腎問題

個個都吐口水嫌味道怪

但乜方法都要試

盡做

苦了老香港

與JP約食飯

永遠都是打游擊

各自忙到發癲...

 

 

 

在這種政治氛圍

相信每個土生土長+勤懇工作

愛護香港的香港人

都很激心

但又無辦法

只能日日在家睇住新聞鬧人

香港仲有排亂+有排衰



跨國

昨晚

K的表妹擺滿月酒

擺完2圍中式

再擺cocktail

我唔知點樣

換咗條短褲

有條鬼佬埋身

長鬈頭髮，高大，戴眼鏡

成晚攬住我

非常纏綿

佢攬住我大脾

講一大堆德文

我完全唔明佢噏乜？！

我話：

飲咗好多酒，夜嘞，我要走嘞！

德國佬叫我唔好走

我無理佢

走了

回家沖涼

發覺德國佬

將佢一撮長頭髮

綁在我的頭髮上

醒咗！

幾十歲人

就快更年期收經

仲發d咁嘅綺夢！

哈哈哈哈哈哈

真白痴！

根本K無表妹

根本我早早瞓咗

白白浪費了張卡奇色真皮大疏化

根本乜都無做過

哈哈哈哈哈哈

一日趕三更

叫火電火媽

＜一陣先啦，打俾佢講乜遮？！＞

你知唔知有一日你唔會再聽到你媽把聲？

咁先去打...

叫火電火舅父

＜無啦啦打俾舅父做乜遮？今日舅父跑馬！＞

打啦！你有幾多個尊重嘅親人呀？！

咁先去打...

上月火舅母跌到

唔電唔講

前幾日

舅母肺有陰影+割大腸瘜肉

又係唔電唔講

仲要係我叫火電舅父，先知有事發生

火媽，火舅父，我媽，我老豆

全部一樣

臭屎密冚

無事唔好煩到後生
覺得自己實攪得掂

火都係廢的！

唔叫唔打

餐餐都係我叫先打！

我一直非常尊重火舅父
皆因火舅父深明大義，食四方飯
識英雄重英雄，明白何謂質素
所以
火舅父舅母有事
我會好上心

火舅母一直食薄血丸

有很多食物唔掂得

只能用蓮子百合煲湯

急就張攞2號存貨俾舅父煲俾舅母

舅母見到我，叫我個名

見到火，叫錯火二哥個名！

我用眼神恥笑火

搓熱水毛巾俾火舅母抹手抹面

洗暖壺仔，睇病歷

舅父一一看在眼內

微微笑拍我手

我叫火攞表弟電話（舅父個仔）

方便問舅母點...

火先去問

木頭一碌，踢一腳郁一郁

舅父叫我勿講火媽知舅母入廠

我話好

舅父問今晚去邊？

我話求其買餸煮火媽食

火弟+火侄----＞廢柴扮少爺x2！

我完全唔明點解
我知火家垃圾袋擺邊
但火唔知！

都係果句

能力做到

我會盡做

雨後彩虹

煲北蓍黨參湯+川芎天麻炖魚頭（西環抬藥材回家）

電療（物理治療）

針灸（醫院中醫師）

熱敷機（大力幫我淘寶買）

食西藥+打病毒針（私家醫生）

每天努力用心治理

媽咪有明顯進步

右下眼瞼完全歸位

左面90%正常

媽咪話

在醫院物理治療時

見其他同樣面癱病友康復進度很慢

話多謝我精神+經濟+物力...上的無限支持

我話

能力做到的

我會盡力做

隔離

＜堡壘2號＞是1劏3

我見過門口住客

做通宵cargo自稱有老婆的50+男人
永恆忘記帶鎖匙，經常叫地產開門俾佢

逢三六瘟馬------＞鋪草皮

從未見過隔離女子

只知多數日子大陸開工

有幾條佬出入
個個有鎖匙

喜愛著黑色lace T-back

（因用同一邊窗晾衫見到）

煮餸好香+鐘意食魚

（抽油煙機1通3，每次佢整魚我想死）
聽過佢用普遍話同大陸男人講分手
但從未見過真人

試過一次
佢忘記帶鎖匙
火開門俾佢
我問火：條女索唔索？
火話：普通貨色囉！

今午
出門返學
撞見她同時出門
我職業病自動發作
主動1號笑容講早晨
她亦回應笑+早晨

我笑住話：
你煮餸好香，一聞到就肚餓...
她笑得好開心，信以為真：
地方太細，唔知煮乜好

（這種令對方聽完開心仲要信的鬼話
我的技倆已經爐火純青
一日賣出三千個假
三年賣不出一個真
對自己老友我永遠真話堅狠插）

著4“露趾白色高踭鞋，到我耳仔底
剛遮住底褲的牛仔短褲
長髮及背，大波浪，染啡金
都算靚
夜總會風塵式化籹的眼耳口鼻

她水汪汪的望住我：
我地晚晚咁夜翻，有無嘈到你？
我話無：
裝修質地好，實心木門，全屋鋪磗
乜聲都聽唔到

大家出

睇路

按照慣例

大選前

金融政策都不會有任何變動

由11月8 Hillary當選

至12月Yellen正式宣佈加息
到年尾
一眾Fund佬會X'mas前做靚盤數
粉飾廚窗才放大假
所以

應該會有一個短暫的蜜月期

因為加息已經是遲早的事

所以

12月加息

對全球markets衝擊不會太大

大家老早預咗點部署

到人仔跌穿6.8

及

英國2月正式脫歐
英鎊跌到1.18

Wall Street淡友便會出手強攻沽盤

大戶質低後大手掃平貨笠笠暖
等下個升浪低買高賣獲利
而蛋散戶
照舊後知後覺嚇到瀨尿典床典蓆

綁緊安全帶

只屬愚見一則