韶華去

K'b約了朋友睇戲

K+K老公+火+我

4p街市泰菜

 

 

 

 

 

 

 

 

 

 

 

 

 

這粉可將洗衣機屎清除

 

曾幾何時

我+K

行街+睇戲+買衫+溝仔+唱k

玩到半夜三更

各自搭的士返屋企

依家

商量退休基金+阿女出國+父母醫療+住屋

飯後去藥房格價

各自買廁紙+洗衣液

抬回家

3p@1453土耳其

有一樣嘢

等了很多年

係身分象徵

終於得到

我並無興奮

因為一早預咗無

所以

得到也無特別感覺

我亦無通知父母

然而

摯友們卻興奮到爆

排隊請我食飯

A+E

請食第一餐

是晚話題

人大8-31，雨傘，反送中

林鄭道歉態度

警方處理手法

暴徒衝擊

學生和平示威

103萬人遊行+200萬人遊行

暫緩？撤回？

泛民策略

建制派跟車太貼攬炒

下屆立法會選舉

港府跪低

香港政府管治威信

林鄭下台or繼續坐

習總對林鄭信任程度

黃之鋒出獄後的政治光環

美國出聲

法國黃背心vs逃犯條例

我買了電電機

每人送一個

個個捱到乜痛物痛

他們夾錢

送我保暖杯+朱古力+燜燒壺

結論

亂局收唔到科

 香港有排亂

嚴重生蟲潰爛

個個都唔開心

學而時習之

今日返學

先生講諾曼第75週年

問我有無睇<雷霆救兵>

我話

Tom Hanks搶灘演得好迫真

再講德國政治庇護2條友

我話

做錯事煽動人群著草就算
習總顧住同Trump鬥

遲d得閒先同Merkel算賬

英國Theresa May

脫歐喊住落台

先生話
應該都係Boris Johnson坐正

我話

佢會繼續日日唔梳頭出鏡

 

 

先生話

加拿大1月才審孟晚舟引渡

華為單嘢有排玩

我話
美國要扮大佬

唔抵得大陸5G叻過佢

加拿大儍仔焗拖落水

 

先生問
點解依家重光紀念日無咗
同學話
因為當時日本攻佔香港淪陷
係英軍聯同國民黨
打到日本仔投降
回歸後面子問題
當然無咗

 

 

隔離球場活動音樂太嘈

我去司令台叫佢細聲d

嘈住人返學

 

 

先生話

李家超真係香港之寶

為逃犯條例日日背書解話

我話
佢仲有幾年咬糧

做人肉錄音機可以平穩過渡
乖乖聽話
將來仲有機會去人大政協or聯合國

 

返學真係開心到爆！

腦死亡

昨午

迫自己回家食飯

無錯

係迫自己！

媽整個過程陰聲細氣

非常死狗

我洗完碗

媽話

Y件事

攪到大家不開心

我第一次請工人唔識

會盡量自己做家務照顧老豆

你不要將此事記在心上

此事算數啦

我望住媽唔出聲！

但我臨走前

媽又話

托街坊幫老豆買的糖尿茶

有半盒不見了！

話Y攞走咗！

我講唔係有惡意

只係想講件事你知遮...

我即問老豆

係咪Y偷了糖尿茶？

老豆話

無話佢偷

但全屋揾唔到！

媽話

你老豆唔敢對你講佢偷咗！

我即刻攞100俾老豆

係咪俾Y偷都好

你再買過啦！

係我錯！

唔應該叫Y翻嚟！

媽話

你唔好咁啦好唔好？！

咁佢真係蒸魚落生油吖嘛！

佢真係濕衫照摺收入櫃桶吖嘛！

我話

唔好點呀？！

我除咗俾錢仲可以點呀？！

著鞋，唔#再講

返學！

勁嬲！

心口翳痛！

返學

係我全星期唯一的樂土

口口聲聲話此事已完

5月16攪清手續

出心出錢出力

請工人照顧父母

但事與願違變成一鑊粥！

前後跌咗3雞嘢！

即使真係偷咗都無辦法！

工人已經走咗

仲提嚟做乜@？！

想證明我真係睇錯人？！

點解唔識停口收聲？！

等件事慢慢淡化？！

K知後

即電我叫買嚟食

因大家在公在私壓力太大

要繼續跌錢，出糧吊命養家

JP二話不說

應承叫買一齊試

放學

死咗

叫火落街

川辣

如果

你知道

我+K+JP

做邊行+家中發生什麼事

你就明白

點解我地3個決定買嚟試！

Johnwick 3

落刀

手門精狠快毒

開槍

近距離全部alpha位

一向勁愛血腥暴力片

睇得非常爽

我趴在前面津津有味睇

隔離條女尖叫匿埋男友膊頭

你殺我隻狗？

你會死得比我隻狗慘7倍

骨子裡

我是個邪惡歹毒的人

尤其是

處理完Y與媽事件後

散場完全治癒

堅舒暢

千字文

未有what之前

係SMS

未有SMS之前

係寫在紙上

然後

媽將博士論文

貼在target (老豆--阿嫲--我)視線範圍

e.g.

房門上

廁所鏡上

大門上

飯枱上

總之

一定要target睇到!

因短兵相接+劍拔弩張時

佢腦慢+口慢唔夠人講

所以

條氣唔順

事後一定要以其方式反駁

鬧老豆

鬧Y行李阻佢開窗

媽一句dut我

<間屋係我嘅！我鐘意點就點！>

佢完全唔知我嬲乜！

寫一車廢話

鬧我自把自為請人 

鬧Y不老實

收兩邊車費食兩家荼禮

 其實係Y話佢有八達通, 阿X有俾咗車錢

當時係媽話: 得嘞得嘞...用我隻八達錶嘟啦...

Y話

以前火媽每早俾$20佢自己食

1h後去茶樓接火媽

但媽認為屋企有食物, 冬菇亭亦可叫牛肉通

認定Y係貪婪斂財 

媽話Y一上工就病

掉轉要服侍Y

話Y藥後不聽話唔瞓

一日不停手清潔

媽叫佢放慢做

事實係Y覺得一開工病唔好意思

想將功補過

我回家調解後

Y邊喊邊流鼻涕洗抽油煙機 

媽又話佢用2h洗

Y點做都係錯!

Y蒸魚後落生油

同媽駁火 

當初我同媽講

Y在朋友家打工

朋友媽過身

如果繼續留Y在我家

Y遲早一日將我+火關係爆蛹 

Y走後

鬧Y執亂佢D嘢 

話佢老人中心點訓練人 

Y 16 走後

我覺得連月來身心疲憊+非常厭倦

吃力不討好

俾媽狂怨

17pm

好聲氣電媽話今星期不回家

佢話

<你無2-3星期都唔好返嚟!

攪到我雞毛鴨血一鑊粥!

你今次跌錢買教訓!

以後要帶眼識人!

唔好咁易信人......>

下刪74589字

我冚佢線!

我在江湖打滾咁@多年

我低能白痴易信人?!

咁火媽--聰明人全家--火--

--廢2全家--廢4--隔離病床家人s--火表弟--

19個月來

全部人都是盲的?!

只不過

Y是個獨立擔戴處事的打工仔

性格強不喜聽命於人

而我媽就萬事都哦哦哦哦

極度主觀+先入為主

將1粒塵咁dd事, 牽連到生肖相沖

無限擴大-延伸-衍生-漫延-發酵

K話

扮乖-扮勤力-扮真誠

扮3個月好多工人剛到埗都扮到

但扮19個月事事上心+事事以火媽為先

做得比醫院護士妥當就萬中無一

即使有出糧都無可能

而Y亦知你點對火媽好

人離鄉賤

Y同自己阿媽不和

火媽同佢好, 佢當火媽係親人咁鍚

所以Y出心出力服侍火媽到過身

火家得你幫Y做節洗1000隻碗

帶佢行街食嘢-帶佢買行李喼-幫佢攪銀行

成日問你幾時上火家食飯? 整印辣你食

Y知你係咩人

才應承去你家照顧你父母

整件事你無決定錯

只可以話你媽不接受能力高的工人

Y亦將你媽+火媽嚴重比較

Y有嘢衰+你媽有嘢衰

一個巴掌拍不響

引致宇宙核爆

暫時唔好返屋企, 遲D先算

你媽口硬死頂, 以為自己仲頂得住

到遲d佢嗌救命真係頂唔順

先帶佢上agency, 等佢自己揀

到時就無得怨你...

結論

你絕對無可能同父母同住！

我話

係

我自己起紫微斗數盤

命宮<七殺> + <天魁>

老早知六親無靠

一定要食自己

所以

18歲後已逃離屋企

目前所做的一切

只是盡孝義

短命合同

Y
出街，媽叫佢帶衫唔聽
冷病發燒
媽帶佢睇私家，打退燒針
叫佢食藥瞓覺停做家務

14
Y仍咳
我請假再帶Y睇醫生
晚上

Y藥後仍擒高做家務

爸媽叫佢停，休息

驚藥後暈跌，切手流血
入廠仲大鑊

Y嚴重不悅

煮晚飯

Y就咁蒸魚後落生油

媽話爸割了膽

咁食會入醫院

無理由你來港8年唔識!

Y叉起條腰

我來港幾多年同點落油

有乜關係？！

Y收衫
隔肋底未乾
照收照摺收櫃筒！

15早

媽落街才向我通報

話Y擺明玩嘢

關係已破裂

不能再忍再留！

我非常無奈

原出於孝義

想請個好工人服侍我爸媽

到火媽走後

攪手續都好順

傭金，傢俬

我以為慢慢會順會好

點知

事與願違

媽話
我出糧俾Y
故Y聽我話，面口好，扮死狗
但我一走Y就變臉
媽對Y亦有無盡偏見
總之羅生門

由5月8起
我回家調解+斡旋N次
真係好%攰
我要返工咖大佬！

焗16終止Y合約


叫K+同日生
2個幫我問相熟agency點做

叫JP請假陪我回家帶走Y
如出事多個證人
及一齊上介紹所睇文件+計數

火公司人手不足，請不到假
而且
我覺得火當Y係半個朋友
有d偏Y


當然
一個巴掌拍不響
我媽衰在咿咿哦哦+先入為主
Y亦衰在太聰明，太叻，強悍
揾著我嚟攪

15
4：30pm
Y電我
話曾問agency
驚移民局唔批佢留港
忽然驚死
無話唔想做......

我心諗
咁你早幾日又起哂鋼？！
係佢自己12+13喊話要走！
打電話問完agency
又肴底驚遣返！
你唔想走點解要電agency？
掉頭話我炒佢？

最荒謬係
Y提議叫另一家人
俾翻$5000傭金我
不要停約
但地址不變！
我話咁係非法，NO！

我諗住有彎轉
正打算同媽傾下留Y

30m後
Y再what我
叫我出機票+代通知金+9日薪金
話16走

最辣爂我
Y 9秒9電廢柒
話我媽炒佢
害佢無得留港打工揾錢！

我更爂的是
廢柒在火家what群
通報阿X個媽幾日就炒咗Y
問火點解咁對Y？！

我成塊面丟到吐魯番！
吹@#漲！

完全無彎轉
唔留！

Y又話
不要上agency攪停約手續
不要在agency簽收錢銀+機票
因會扣佢
要在另一個agency攪
我話NO
要介紹所真憑實據+移民局文件
點知你將來會否反轉豬肚
追我欠薪咪死！


頭尾跌咗接近$30000
煙花咁爆完
一陣風就無咗！

原定火媽5-26上灰
我會去

廢二乸上星期叫我安排Y去
我話點安排？
星期日係佢放假佢自由時間
但我照問Y
佢話去



即使約止合約
我+Y同場出現火媽上灰
如火家問Y在我家做得好唔好？
我一定會答
已停，因同我爸媽夾不來
乾脆，大方，磊落

但Y咁同廢柒喊
廢柒又火家群問點解炒Y？
我就不會去5-26
我不想見Y+火家那班人！
好@#爂！

一家contract完咗就係完咗
佢打俾廢柒為乜？！

$#@%&*xyz

反正生前我點對火媽
火媽心裡最清楚

一切儀式只係一場戲
做俾生人睇

16
11：30
同JP回家
見媽開枱擺了5張櫈
話要傾！
我話傾乜L遮？！
執齊嘢！放低鎖匙！
走就走啦！

媽仲繼續講
話Y執哂行李坐門口等我
看更巡樓唔好睇
我火L滾
叫媽唔好再講嘢！
Y同老豆握手講多謝
眼尾都無望媽！

好彩不是火同我回家
否則
火會不自覺流露同Y是相熟的
咁爸媽察覺到我就會好L煩


1pm
錢銀交收+即買機票+移民局文件
清清楚楚攪掂+雙方簽妥
日後華洋轇輵唔關我事

Agency老闆
半廣東話，半印尼話鬧Y
點解周圍同人講Agency刻薄佢
鬧佢講大話
Y眼神倔強，但無反駁



所以
我媽話佢double face
媽千字文哦到我九彩

Y攞錢+攞機票紙即閃
話去灣仔瞓
循例多謝我


Y走之後
agency老闆話
我唔明點解你揀呢個工人？
我揾人起佢底

佢好有脾氣
開工係盡責
但要惡哂話事
第一個，中風輪椅阿伯，6年
第二個，火媽肺氣腫虛弱，18月
其他只做咗4個月+1個月
一樣頂咀炒約！

總之
Y最叻處理無力唔郁得果種
乜都佢話哂事
點會聽你媽話？！
梗係日日嘈啦！
佢前前僱主話Y好叻詐死扮弱者
但當初係你自己帶佢上嚟簽
我地無得出聲
你朋友媽過身(火媽)約完
佢返嚟我地度又同其他印嘈
周圍同人講話我地唔俾飯佢食
呃佢錢
唔俾地方佢瞓
根本唔係咁！
前前僱主話佢好蠱惑
正常工人
點會叫不知名新老闆俾$5000你
但移民局+勞保照舊係你地址？
咁佢瀨嘢咪你食哂？！
正常工人
點會叫你唔好上嚟攪手續
叫你在家計糧計機票？
梗係買好機票俾佢走啦
否則
佢攞你機票錢留港唔走做黑工
入境處拉到，你就煩！
蛇有蛇路，鼠有鼠路
你攪清楚手續合法就最安心


JP鬧我太易信人


我照寫信俾佢
表面上有讚無彈
但如果聰明人
一睇就見字裡行間有骨
Agency 小姐一睇就笑
佢婉轉解俾Y知

GAME OVER ！