何不食肉糜

1月開始疫爆

死唔肯封關

機師船員交流又免檢疫

派膠樽又遲

等檢驗報告出前可隨街走

18區惹開哂

香港咪咁打柴囉💀

班白癡司長+局長

叫人去公園食午飯

你有無試過33°C

暴曬坐公園石櫈

屁股煎蛋咁食飯呀？！

食食下又落大雨

做地盤-跑街-清潔-街市

曬到爂又餓又渴

中午坐低吹冷氣回氣

依家死頂企街中暑食飯

司長+局長

著住套chanel或西裝

坐喺冷氣房冰肌無汗

有司機接送買飯盒

完全離地

不知民間疾苦

何不食肉糜？！

何不食蛋糕？！

俾市民小到爆

轉頭又話開社區中心

俾人食飯

好似我咁

日日香港九龍新界

區趕區咁跑
酷熱警告戴口罩
根本不能呼吸
個開工袋又重

求其趕時間醫肚坐低食

點揾社區中心食呀？！

就算入到社區中心

除低口罩坐低1h

邊食邊吹水

咁同食肆堂食有乜分別？

香港政府

低能+白癡+無能

處理乜都係廢的！

攪死香港！

成日話

審時度勢

張弛有道

行之有效

死得啦！

事隔一日

政府就跪低

大臣向晉恵帝稟報

民不聊生

帝曰：何不食肉糜？

法國皇后

Marie Antoinette 

見人民餓死

她問

點解肚餓唔食蛋糕？

高官+AO

大部分都是紈褲子弟

不是基層捱世界出身

自細有工人有司機有冷氣

根本思維離地

不明白民生疾苦

所以

在冷氣房開會決定的政策

永遠荒謬

公主病

無聊

在youtube游泳

碰巧睇到

天津電視台

<愛情保衛戰>

CP上去呻對方種種不是

等愛情專家俾意見

這集

男的頂唔順女的公主病

愛情專家話

一般女性都一樣

被追求時當一天公主

懷孕時當十個月皇后

婚後當一輩子的大媽

每個人都要清楚知道

當時自己角色

然後

努力盡好自己應負的責任

我問火

我有無公主病？

火9秒9串我

你都唔係公主

點會有公主病？！

我睥住佢

屌！咁我係咩呀？地盤佬？

火哈哈哈

你裝cable嘅！

失控

由1月死守至今

嚴冬至酷暑

日日戴口罩

足足半年有多

由不停撲口罩

到依家口罩充足

以為5月只有輸入個案

連續20+日無本地新症

咁可以慢慢回復

但是

經濟vs防疫

永遠難以平衡

尤其係食肆

天熱開冷氣

個個除口罩食+講話

如果停食肆

燈油火蠟，人工，舖租

無收入就執笠炒人

Covid-19

已經變種

社區擴散

一個煲粥師傅

瀨嘢後

發燒，咳，肚屙

拖足整個星期

都不睇醫生

日日返工打兩份工

就係咁

巴士，地鐵，食物，水渠

老人院，學校，補習社

18區疫爆

今次爆
同上次那些不同
上次係群組，可以追蹤
今次18區一齊爆
完全攪唔掂

如果

堅持攪書展

香港真係會淪陷

又中毒

地產通知

 業主約了清潔阿姐

星期六全日大清潔

 巴基佬搬走的單位

 用煙霧彈炸曱甴

 我話唔掂

因為我有貓

11點半

 趕頭趕命仆番2號

 開窗開風扇 

業主三點敲門

 話想拆開一條假天花

 用殺蟲藥噴廁所頂門口頂

我話

如果拆開天花頂

 曱甴屍體，病毒，細菌

就會飛散

 但業主想一了百了

 堅持要拆頂噴殺蟲藥

恐怖結果請君想像

💀💀💀

 業主將整支殺蟲藥噴曬

 4貓頭逃避上曬床

 業主噴完殺蟲藥酒 

我即刻用封箱膠紙

封返廁所頂+門口頂

 然後用漂白水全屋抹

 洗了兩機衫
所有碗碟洗

攰到痴肺

在隔離的住客

 四點回來 

見到業主 

表示巴基佬搬走非常高興 

因為實在太污糟

 咖哩味 油煙味 

出入不鎖門 

開大喇叭

閒雜人等不斷 

我同業主講 

下次唔該你租比斯文人 

隔離住客話 

係啦係啦 

業主話 

下次我租個

你哋都情投意合嘅新租客啦

隔離住客冇所謂

 肯用煙霧彈炸曱甴

 因為係一劏三 

抽氣三通 

所以開曬風扇開曬窗

仲係聞到殺蟲劑味

昨晚十點

可能聞了整個下午的殺蟲劑 

屙水5次

今早起身好頭痛 

應該係殺蟲劑中毒

 貓頭冇事+火冇事

 得我一個得我一個有反應

 總之4貓頭冇事安好就好

今早起身
頭痛+不清醒

我係怪胎

 不論對食物味精 化學劑 

身體都有強烈反應

希望

隔離小姐

早幾年

Take嘢，跳樓亡

唐人忌凶宅

業主租俾巴基佬

每日3餐煮咖喱

油煙+咖喱味+嘈雜叫囂

+曱甴+出入不鎖閘

我+另一住客

不斷投訴

現業主決定

滿約，趕走不續租

7月頭交吉

昨晚

巴基佬開始執搬

另外

我叫業主減租

業主肯減$200

即7月1開始

緣緣

夠期打針

比上次重，3.69kg，有肚腩

醫生話

今次比上次多毛

紫色鎮靜collar有無用？

我話

除了發呆，無效

可能係對咖喱+油煙allergic

因為巴基佬搬入前

緣仔無咁lam毛！

而且每次煮咖喱

緣仔就坐去窗口位避難

醫生話

通常呼吸敏感

係空氣有致敏particles

但總會有exceptional case

希望人地搬走後

緣仔會回復黑茸茸

翩翩，4.48kg

照肺X-ray

醫生話，仲重過上次

個屁股濶過洗手盤

我話

每逢黃雨，紅雨，黑雨

翩仔就勁扯氣

晴天0扯

醫生話

肺片顯示

翩仔肺有進步

不是COPD慢性肺阻

只是哮喘

但因曾發炎

肺有la，(疤痕)

因情況穩定

不用密密照肺

照舊聞噴噴keep住

早晚，1puff藍+2puff橙

氣管+肺功能

無可能100%復原

總之不再變差就好

臨走，醫生問我

係咪覺得翩翩扯氣

都係咖喱有關？

我話

Absolutely YES

因為巴基佬未搬嚟前

真係全世界都無事！

醫生話
翩翩+緣仔
會碌大眼望住佢
但兩個會may住眼望我
證明兩個都好愛我

永遠我坐地下

朝如青絲暮成雪

由10年前開始

每次煲湯

都會落何首烏-熟地-黃精

盡量保住肝腎

 肝腎足，方能養貌

頭髮+手指甲

都是肝腎功能指標

頭頂越來越禿

工作壓力大+年紀大

某日放工

老細一齊搭地車

佢企高我一級

話

你頭髮越來越稀薄

我隨口應，收佢皮，係呀

心諗

我都無兜口兜面

話你個仔係廢柴

你屎窟痕講我頭髮做乜？

無閃光燈

有閃光燈

行過萬0

見到<柳屋>

特價$50@

上網睇評價

乜都好

又試下

早晚噴幾下

睇下幾個月後

會不會變小麥草公仔

趕鬼入，趕鬼出

星期日

在大街市見到金枕頭

$150@

自己揀+自己開

勁creamy+勁酒味

甜到爆

食到一手都係

2p極速食哂

洗完手手指仲有味

翌日

做運動唔出汗！

飲水又唔使交水費！

腫到64kg

解

星期一

苦瓜蕃茄黃豆排骨湯

星期二

羅漢果西洋菜南北杏湯

星期三

終於運動正常出汗

回復正常62.5kg

狂肆之事

只能偶一為之