唔理政府點解話
總之
國泰，洪門高官生日宴
那時已經是第5波爆發
由1月頭開始
全面轉用防禦效能更好的
到依家1月尾
18區爆到九彩
白白犧牲2000倉鼠祭𣄃枉死
仍然有幾十條隱形傳播鍊
根本疫爆早已失控
全民自保
只能買口罩＋洗手
老豆媽咪
無法打疫苗
買一堆回家俾爸媽
返工只能戴斯文淨色的
買2盒
送1盒過年浮跨的貓樣口罩
媽咪話
有陌生人讚佢d口罩好得意
我又再買d俾媽咪
日日夜夜在家照顧老豆
煮2餐＋𢲡屎𢲡尿
疫情又無得行遠
我只能盡綿力
為媽咪尋開心
買乳酸菌俾貓頭
平時這牌子蟲草最貴
因市道差
勁減
買6送1
我＋火，用來吊命捱世界
貓頭，保健
正常風琴口罩
暫時退役
轉去第3格櫃筒
KF94+KN95
放第2格櫃筒
左我，右火
日日返工出門口要快
入夠3個月貨
由2021開始
💰像水一樣潑出去
老豆出入醫院＋防疫物品
旨意我們的廢柴無能政府
死得
昨午
請假陪媽咪辦事
媽咪腳痛
行得慢
揸手叉
人來人往
我拖實媽咪驚佢跌
媽咪一邊行
一邊呻照顧老豆辛苦＋麻煩
一邊呻好朋友逐個逐個西遊
辦事後
媽咪心急回家睇老豆
話治療師4:30到家做運動
我話
出得嚟就當放鬆放假
不如行下超市
媽咪似小朋友
東摸西睇
很高興
暫時忘記腳痛＋老豆
買了很多
當然我俾錢
媽咪話
要自己出錢買麵包
不能乜錢都係我俾
係要買朱古力蛋糕俾火
我脾氣臭檔EQ低
無可能同媽咪同住
或坐飛機去旅行
只能盡量
為家出所有錢，跑醫院，為爸媽辦事
近日不知何故
工作連番出錯
自己突然犯白痴的低級錯誤
或者飛機撞紙鷂的錯
都接連發生
日日畀老細小
但我每次都即時諗到方法補救
又或者同事肯江湖救急幫我
我直接覺得是
麻醉藥後遺症
大腦壞死
所以做錯低能事
做了N年的手續或規矩
突然唔記得步驟……
唔記得要copy幾多份……
今年
真的絕頂黑到裂
身體不停出完一樣又一樣
工作也是衰完一樣又一樣
乜都出死力頂，死力撑
希望盡快立春
為因礦洞戒口超過1個月
生活難捱
唔食辣點頂？！
14
護士一睇
＜攪掂嘞，好哂lu，唔使再嚟嘞……＞
昨日開學
屁股點坐點郁都得
因為礦洞入廠
上次最後2堂無咗
昨日有得返學
勁高興
但是
我照舊
沖涼後
用火酒濕紙巾抹3次
再用粉紅色消毒水抹2次
整紗布cushion護住
再封防水膠布
照鏡
埋口好平滑，無崩角，無凹陷
繼續
香蕉＋亞麻籽＋藜麥＋yogurt
過年
買豆沙角＋蘿蔔糕
買木魚絲俾貓頭
居然無人鐘意食
我自己食
成隻R烏咁
太樣衰
既然坐得
就去剪頭髮
頭髮天生係咁淺啡色
同媽咪一樣
餘生都不能忘記
掹走舊紗布＋攝新紗布入礦洞
的酷刑
食了鎮痛藥都痛到叫出聲
半夜轉側都痛醒
跪住做事＋企住食飯
足足一整個月
簡直是恐懼鬥室
我不是AV女優
有la都無所謂
識行識走揾到食
就阿彌陀佛
佛祖庇佑
翩翩
由2018開始
追逐或鬧緣緣時
會氣促hur hur hur喘氣
睇醫生
照X光，話肺花
當時
醫生叫每日早晚
聞噴噴
藍色，舒張氣管
橙色，類固醇
曾經有段時間好轉
肺X光變清晰少少
但未完全好
近期
每次翩翩勞氣鬧緣仔
又再扯氣
即使半夜無追逐
都一樣無故喘氣
我老豆COPD慢性肺阻
醫院用這抗生素幫老豆醫治
我礦洞入廠
醫院又係用這藥醫治我
於是
買了這藥1000mg
用切藥器
分8份
大約每次125mg
早晚俾翩翩食
昨晚
翩翩食飯後
食藥
整晚無扯氣
先停止聞噴噴
今早再食
食完瞓覺
跟醫院方法
先食2星期cycle
再睇情況
昨去洗時
護士話礦洞埋口非常靚
新肉已經生到平頂
可以停用海藻
只用紗布cushion
壓住礦洞
防止生肉芽
護士問點解可以咁快？
我又重覆再講我食物方法
每日3次亞麻籽
每日2次藜麥
每日2次高蛋白yogurt
每日2次芥蘭
每日2次香蕉
每日2次芝士
每日1個蕃薯
每晚雞蛋麥皮蒸肉餅
足足一個月咁方法食
狂谷傷口好
護士話
可以講俾其他病人知
咁樣食可以好快d
目測是芝麻size
出院時
礦洞大過5蚊
深不見底
咁食法
仲係62kg
可以坐櫈仔
幫阿水剪指甲
18區爆第五波
轉用防禦效能更高的KF94
這個星期的活動能力
基本上已經回復正常
可以追巴士
棟高腳著襪
彎低身執嘢
坐地鐵硬凳
坐巴士沒有凹陷的凳
幫老豆媽咪買重嘢
我睇電腦的時候
B頭好開心
可以每早坐兜兜
因為轉了海藻敷料
可以隔日洗
每早恢復沖涼洗頭才返工
今早沖涼後
自己換紗布
海藻敷料甩咗
只有少少乾了的鮮血
傷口平滑好乾淨
目測
一粒亞麻籽打粉前的size
我將海藻敷料反轉
當作換了敷料
好過冇
然後整紗布 cushion
貼上防水膠布
返工
某同事話
我唔敢坐你張櫈
費事整污糟你個新坐墊
然後
老細大大聲話
＜痔瘡唔會傳染㗎＞
然後
兩個一齊
哈哈哈哈哈哈
我好氣頂
即刻好大聲話
＜我唔係生痔瘡！＞
跟住第三個同事呼應
＜我老豆生痔瘡都係咁
坐唔到㗎……＞
整個公司都充斥著賤人
🪓🪚🔧
幾年前
做得辛苦
獎勵自己一隻手錶
10月時
失手跌爆玻璃
一直拖
好忙好忙
買不到心水的
一係太貴買唔起
一係唔啱眼
然後
12月中又突然整個礦洞……
無心機
終於
今午
在附近錶行
完全一見鍾情
剛巧錶行50週年大特價
加上市道差
6折出售
即刻俾錢
不會fing fing吓
細個時
經常聽人講
＜窮到燶，戴精工＞
成世人都未試過戴咁貴的手錶
火話
隻手一碌竹咁
戴咁大隻錶
昨天
紅色膊頭護士話
目測 0.3 cm
可以轉隔日洗
今日
幫我洗過N次的好好人護士
次次都墊舊cushion
話傷口好乖
已經細過1cm
我話3開始停食鎮痛藥
護士話
＜你都好大膽喎
個個星期自己減藥
你又頂得痛喎……＞
目測幾多cm都好
始終真係細咗好多好多
大約1粒紅豆size
而且連續幾日掹舊攝新都無痛
護士話
礦洞內新肉已經生到好出
只是一個小淺氹
不需再攝新紗布索血
即是
明日開始不需再掹走舊紗布
即是
不需再每日死頂掹舊＋攝新的酷刑
即使停食任何鎮痛藥
洗時忍痛的嗚嗚聲都消失了
😹
1cm X 1cm的小敷料
護士話
＜傷口好叻仔，埋口好靚
轉用海藻外用敷料啦
可以加快癒合……＞
護士話
海藻敷料的好處
是可以吸污糟血＋分泌物
及令新肉更加生得快
但只可以用幾日
因為佢會加速生長
日日用會生肉芽
所以
過多幾日
如果新肉生到差不多到頂
就要轉海綿敷料
壓住佢
防止生肉芽
可以坐住一陣食飯
但30分鐘就覺得壓垮
要即刻哎呀哎呀咁企起身
開工也是一樣
就住礦洞
又挨又企又跪又坐
歪身歪勢
總之
放工由頸到腰到腳
好冤好攰
即使有護士幫我洗
我自己一早一晚
都小心用火酒抹周邊
換外面防水膠布
衞生好重要
沖涼洗頭直頭耍雜技一樣
但晚上瞓得好腍
轉側都不會痛醒
🍻
我乜都要整齊企理
處理身體機能亦然
