2p@美都

 

老死三文治又回港6wk搵快錢

 

因為大家是同行

所以

工作時間一樣不穩定

工作venue亦一樣不固定

故此

假如咁啱夾正卡罅時間

就可以去tea

 

互相大呻工作辛酸攞命

 

三文治回港後日日肚屙

坐低扭我請佢食雪糕紅豆冰

我話:

<肚屙唔准飲凍嘢! 唔係錢問題! 飲熱薑樂啦你!>

 

三文治:

<初初香港人諗住

選隻狡猾狼, 總好過選隻二世紅酒豬

希望佢奸還犴, 總之為香港做d建樹

點知佢真係衰成咁!

咩都用進入司法程序唔講得做藉口就閃咗...

想出心為香港嘅有志之士都唔敢埋佢班啦...

令幾十萬默默耕耘的公務員含冤

做又死, 唔做仲死

其實亂成咁

最好就等政府自然運作

無為而治

等香港淡化民怨民憤, 攪好經濟

慢慢重頭嚟過

其實上海, 星架坡, 澳門都就快叻過香港

但佢處理技巧太差劣, 而且越講越錯

攪到一波未平一波又起

最慘係林鄭, 咩箭都要出力死擋

西環果隻唔係invisible hand, 直頭係下下插手!

以做生意角度來講

王維基非常不智

無任何政府cofirmation document

就開始投資

仲要話係前朝政府某高官應承發牌俾佢!

今屆政府睬你都傻啦

邊個前朝高官呀? 喺邊度同你講? 幾時應承你?

同今屆政府翻前朝政府舊賬?

邊個會睬你?!

佢依家手頭上根本無concrete嘢去support

就係靠班同事及fans去嘈去圍政總

政府點會理你吖?! 咪由你嘈囉!

白白犧牲了班好伙記

王維基係好叻仔, 好有魄力

但唔識做人囉...chur得咁串咁行

下下令政府丟架失威

政府點會認低威俾個牌你吖?!

應該攏絡人脈, 軟硬兼施, 慢慢同政府deal

呢個世界

死得最快嘅

一定係又串又叻又自恃又高調的人...>