獨角獸的爸爸媽媽

小時候

陪伴我的

多數是媽咪

做功課

做勞作

課餘活動

怕我孤獨帶去小朋友屋企玩

基本上都是媽咪

 

老豆係麻雀精

就算我發高燒

都係媽咪通宵幫我全身抹火酒

我細個哮喘

都係媽咪幫我通宵拍背脊掃痰

 

即使今時今日

等我回家食飯的永遠係媽咪

老豆食完去打麻雀

 

記憶較深的

就是老豆帶我去沙田踩單車

教我計Algebra, cos, tan...三角形內角總和

及中學時代見家長攞成績表

 

媽咪

小事糊塗

大事精明堅定果敢堅忍

故此

每次老豆攪出麻煩事

同人打牌嘈交+錢債問題

媽咪+我

都可以齊心協力攪掂老豆的蘇州屎

 

媽咪是花-魚-衫...高手

小時的勞作

我做D+   媽咪做A-

去飲的裙

全部都是媽咪畫紙樣-裁剪-縫紉

媽咪織冷衫仲勁

但近10年頸有骨刺

我唔俾媽咪織...

 

放工同媽咪老豆飲茶

媽咪參加了老人中心的栽花班

 

又參加了手工班 

 

我拖住媽咪的手

陪她去老人中心

導師及其他老人拍手讚好

媽咪好achieved 

 

我隔著玻璃

看媽咪上堂

就像小時候

媽咪隔著玻璃看我上堂一樣

媽咪回頭

給我一個大微笑+big thumb up

再擺擺手叫我離去

 

我忽然想起朱自清的<背影>

就在老人中心門口哭了....

 

 

老豆75y生日

我應承請佢食龍蝦+食翅 

 

一邊食

一邊R痕

老豆落7-11買維他奶俾我解味精

 

媽咪話:

<個10y女童冤屈墮樓

想起以前

我地兩母女都成日俾人恰到無碇企

家婆恰我

個女在校內俾其他同學欺凌

個個睇死我地三仔乸無出頭, 賤過地底泥

你老頭係油瓶仔, 由細到大俾人糟質剝削

幾十年來俾個老母牽住個鼻做人

好囉...家婆死咗, 個女又出咗身....

對父母又孝義...係份工辛苦囉...>

 

 

我係獨女

能力範疇做得到

一定盡量做