暴躁的孝順

媽咪睇肺專科私家醫生

食特效藥3星期

咳好咗90%

我話

呢d錢一定要跌，無得慳!

你聽埋d村言鄉話

又話去急症室有快期

又話人點病你又點病

依家醫生話你係氣管敏感

肺醫生話

你屋企早晚裝香

你係要繼續裝香

就唔使嚟睇我

我永遠都醫你唔好!

媽咪話

唔裝香對佛祖及觀音不敬

我話

如果窮到無錢買香，花，生果

係咪無資格拜佛？!

佛祖觀音都慈悲為懷

會因為你唔裝香而唔庇蔭你？!

媽咪話

咁我返去同佛祖觀音講

因病不能再裝香啦

我聽人講去急症室有快期

係唔想你洗咁多錢嘛......

老豆話個女咁辛苦

俾完家用，傢俬電器差餉又要佢俾

依家仲要睇私家醫生

我話

唔好同我講無謂嘢

你越拖越大獲

到時我要跑醫院我仲死!

媽咪話

你係咪對邊個都咁惡㗎？

我話

我對個個都係咁惡!

連日趕工

盡快趕妥

唧時間今早陪火去火爸上灰

火弟之前話27

後來又話睇錯係22

自己老豆上灰日期

都可以睇錯!

我出煙，問火

你細佬what群組話11:00第三座靈灰閣

邊度第三座？

華永？哥連臣角？

度度都有第三座!

山頭定山腳？

邊度集合等？

火話

上去揾囉!哥連臣角卦...

叫的士佬揾囉!

我即時撻着

自己上去揾？!

成個山頭咁#大! 點#樣揾呀？!

的士佬實知㗎？!

你成家做嘢就係咁!

無商量!無通知!無安排!無計劃!

如果我返工team人係咁做嘢

就唔使運作，即時打柴!

你成家人做嘢無預算!沒有明天!

火望住幅地圖

發呆10分鐘

然後先電火媽問點約點等？

火媽例牌答到一舊嘢咁!

火再電佢細佬

話係山腳華永，不是山頂哥連臣角

火話

咁柴灣地鐵站行上去啦...好近遮...

我話

你痴線!

梗係的士上啦!

摘哂吉時，仲三十幾度行上去!

仲話自己上山揾第三座!

&r@*#?~xyz!

我問火

今早邊個去紅磡龕堂

接你老豆d灰去柴灣靈位？

火話無人

師傅會去車嚟

我望住火O哂咀!

都係果句，你d屋企人真係好x得!

仲要師傅帶齊火爸骨灰ready開波

班友都未到!

得我同火清潔個靈位

其他人就行下吹下

火媽將火爸張相交我手

叫我俾師傅拎去化

師傅封龕時

叫眾人背轉

班友仲吹水玩電話唔聽見

唉....

禮成

無人會識主動收雞收酒杯執垃圾

又係我...

對兩邊父母

我會盡力

但真係好@#勞氣!

命都短幾年...

對得天地良心就算!