6p@利星

趁K's b放暑假

吹雞食飯聚頭

平時個個忙到發瘟

門口企一大堆人等

限時1.5h交枱

大盤花菜

椰菜花x煙肉x蠟腸=非常好食

石鍋蝦 

鮮味彈牙

冰梅欖角骨 

酸甜開胃

蔥爆桶蠔 

好惹味

酥煎小棠菜 

花枝x小棠

芥蘭炒大元貝

CHAP CHAP CHAP 

蒜茸粉絲蒸鮮魷

偏咸--->宜送飯 

斑片籠仔蒸飯

辣椒-紅棗-雲耳-薑粒-金針-果皮-蒜頭

非常有層次

斑片極度彈牙

飯撻士迪 

交枱埋單

轉戰甜品

紅棗桂花茶 

芒果奶凍 

唔知點解係藍色的菠蘿特飲 

咖啡沙冰

非常smoothy 

K's b一條友食哂成碟! 

為因一壇大嘢

要同好多人一齊攪

太多社交，太複雜，太多變數

阿士保加1128一時不能適應

錯甩漏亂怯

日日俾上司狂剿

日日返2號喊到眼腫

情況

就如幼稚園入學唔適應

媽咪話我朝朝喊足幾個月

日日唔肯返學

功課多唔識做又喊

一樣

K話:

<你試下改變思維

think positive

唔好覺得佢乜都鬧你

唔好咁負面咁灰

佢奄尖聲悶，吹毛求疵係無法改變的事實

你要咁諗

佢對你鞭策, 目的係袋錢入你袋, train up你

佢知你能力有幾多, 係想你更進一步

仲要俾個新人你帶

係想train你upward

你明知佢雞蛋挑骨頭

就唔好自把自為做決定

佢發癲時就唔好駁咀

由佢鬧夠先停口

佢話唔關佢事咩都唔理

其實佢咩都要插手管

以後

你咩都問準佢, 咩都俾佢過目, 咩都問佢意見

唔好自己決定

對外佢實有攬你

至多閂埋門先剷爆你

為咗份糧, 你絕對無可能辭職唔做

你行頭太窄, 根本無可能轉工

唯有改變自己心態

佢唔剷果個, 因為佢覺得果個無得救

佢繼續剷你, 因為佢對你仲有期望

佢越剷你, 你個心越怯, 自信心消失

越剷越錯越甩漏

問佢意見之前

預備1個士啤solution俾佢考量

總之

你盡量跟足佢要求

瀨咗嘢就即刻同佢講, 諗方法補鑊

千其咪潛水

咁佢會剷少d

而且

你壓力大, 佢壓力仲大

你瀨嘢佢都一樣要食

所以

佢會喺有事發生之前剷你防止瀨嘢

總之

你個星座唔睇細節, 但大事會好警覺

佢個星座專啄芝麻綠豆, 大事更加癲

你唔跟佢要求實死...

你上司同我上司係同一星座

我瀨嘢瀨得多，信我無死!>

同K傾完

心舒服得多

知點行