申請人

今早

同媽午飯

佢又再話97歲麻將友的印傭點乖點好

平時點幫佢街市拎餸

我話

你讚到佢咁好

咁你咪等人地將來過身

先叫個印傭轉嚟囉！

媽話

遲下先講啦...

你老豆唔鐘意傭人留宿

依家老豆星期一至五

去咗日間中心

4：30才回家

我輕鬆好多，可以下午打牌

根本間屋無嘢做！

我話

5月中炒咗Y

邊個7月頭嗌辛苦？！

淨係瀨老豆

9日炒咗個工人

成件事你無份衰咖？！
你把口無份講嘢?!

你唔好諗住你兩個仲識飛

總有一日是但一個慣低

始終要有人做家務煮飯清潔

你拖地拖到87歲？！
你頂唔順就係頂唔順
無得死撐!
我出錢請人你諸多gear gut...
又話使錢多又話用水多!

我要返工揾食
顧唔到咁多

一係揾個鐘點每星期來一次！

媽話

平安鐘姑娘講過話可以介紹

我話

你即刻去打電話約人嚟！

我俾錢！

費事又話我迫你要工人！

媽話

無話你迫我要工人

係你老豆唔鐘意留宿工人

先炒咗工人！

我開始出煙

費L事聽我媽鳩噏

我好錫我父母

但不能容忍是非黑白扭曲

結果

媽真係叫鐘點家務助理來

8月28，第一日，4h，$95/h

我唔L理！

係佢自己頂唔順舉手申請

入紙我即批！

起碼佢肯請人就得嘞！