合力還債

小時候

老豆曾去大馬公幹

帶媽咪一齊去

所以

爸媽對大馬風土人情食物都喜愛

老豆近日又出院

兩老腳都差

落街飲茶都唔想

於是

我＋火

買肉骨茶，黃薑雞飯，加鴦多，拉茶

回家俾老豆媽咪食

媽咪右腳有碎骨

經長腫痛不能行

排期睇政府醫院

老豆照舊點佢做呢做路買嘢

扭完呢樣扭嗰樣

萬七樣都唔肯合作

媽咪好勞氣

我已經盡量跑

今日又額外俾多一舊錢

俾媽咪腳針灸頂住先

媽咪覺得

腳現時唔好搞住

因為冇人照顧老豆 

仲要唔準再提請工人

鐘點姐姐

 現在每星期來兩次

媽咪話

 今午4:30天黑哂

 老豆係要搭的士去飛髮 

無的士又返回家

 在家係要飲可樂

 去攞冰，打瀉冰

 又要媽咪又執又抹

 口口聲聲話見媽咪腳痛心噏

 但不停勞役媽咪

同媽咪已有共識

將來老豆直接在醫院出

不攪大酒店

叫一堆人來做台戲

不停講有心有心

無意思

生前做足做盡就夠

媽咪話

將來佢都一樣咁處理

我話

你登記咗器官捐贈先啦

你咁鐘意幫人

唔好哂

要宏大愛

媽咪話

我皮膚，肺，肝，腎……都好好

你攞申請表俾我登記啦

你老豆就無忽好嘞！

我話

登記咗先

老豆可以捐眼角膜

媽咪話

你話點好就點做啦！

我每晚 📞媽咪講幾句

俾媽咪呻

然後畀火同媽咪講幾句

媽咪算好鍾意火

火暫時同媽咪能夠溝通得嚟

火每次同我回家

都倒垃圾，夾餸， 整呢整路

火亦幫我跑醫院 

買尿片 煲湯 預備食物

三更半夜一樣

一齊飛的士出門口

 從無怨言

我只想媽咪高興 

這個老式傳統女人

幾十年來都辛苦到爆

媽咪話

 老豆應該係最後一個要佢服侍的人 

如果老豆走咗 

佢先可以安安樂樂