憤

連續幾日檢疫

無法落街

日日慳住食雪櫃的食物

所謂下午茶

就是搣一舊麵包，夾一塊芝士

再搣一半

2p孖份食

火，3月3星期四晚

已經一條線

估計佢比我遲打針2個月

抗體仍高

所以好得快

我今早day 6

才1條線

不同牌子都是

今鋪

算係預備做得足

確診28 day 0

只係鼻盟

我＋火

已經即食肺炎抗生素撳住病毒

如果

到發病先食藥

已經遲

叫老豆媽咪自己快測

又話要慳住唔使

又話撩鼻好驚

叫咗N次

無事唔好落街

又走去銀行打簿攞錢

明明樓下有撳錢機

以為打了一針科興就識飛

又唔明＋ve居家隔離7天

問我是否在竹篙灣

總之

好勞氣

我話

＜我同火打哂2針復必泰

日日打孖戴2個口罩

都瀨嘢

打針只係減輕中招後發重症＞

完全唔聽

又問我點解有藥

我話

我做人

從來預最差的會發生

甚少期待鴻鵠將至

所以

KF94，感冒藥，抗生素，貓藥，快測

水餃，意粉，凍肉，菜

乜都買齊

一出事即可自救自保

唔通咁白痴

以為打哂針就無事？

一瀨嘢Panadol都無粒咩？

唔通真係信登記確診後

衞生署會📞你醫治？

媽咪只覺得

我中招後有壓力亂吠

完全唔明我目的係乜？

又話如果我好嚴重

就要借錢去私家醫院！

我話

你知唔知私家拒收新冠病人？

又突登叫只沉迷打麻雀機的老豆

📞我

問有無發燒，遲下先返工

媽咪日日有同我講📞

根本我除了鼻盟，乜事都無

聽我把聲都知無事啦

攪呢d濕碎事好煩我

我28確診

如果我們不是27曾攞食物回家

我一定不會同父母講中招

佢哋一知就麻煩

攞了一堆快測回家

又唔肯自測

我又擔心佢哋見過我中招

成日叫我唔好買食物返屋企

唔好請假陪去睇醫生

有時間就多d休息

我當然明媽咪錫我

但根本兩條友攪唔掂

得我一個女

我唔理，邊@個理？！

我12月礦洞入廠做手術

都無同父母講

只話工作忙

不能回家

作為獨生女

應該屙屎唔出都同父母講

但是

我18歲後

不論公事，感情事，錢銀

乜都唔同父母講

就係怕煩

我習慣了自己攪掂

不論哭或笑

不論悲或喜

如果

佢兩條友瀨嘢

死梗……

父母

從來都是我壓力來源之一

又突登去紙紥舖

買平安符俾我＋火

又話紙紥舖好乾淨

真係吹漲！

病毒肉眼睇得見？！

我真係知媽咪錫我

同樣我都錫媽咪

但防止中招重要呀...

媽咪叫我回家同觀音認錯

我唔知我做錯乜？

點解要同觀音認錯？

媽咪覺得我做了壞事

有報應才會中招

我不能與父母溝通

更不能與父母同住

老豆會自動波撩鼻

然後what我報告

但媽咪係唔督唔撩

條友日日落街買食物

吹漲！

公司已經有10％同事中招

老細昨又📞我

怨我中招

&@?$%÷׿￠xyz

小乜遮？我突登想瀨嘢㗎？！

火話

好彩香港政府抗災亂哂龍

突然改口話自我快測陽性

可留家隔離

否則

等所有方艙起哂

就有可能捉入去

咁4個貓頭就慘……

竹篙灣or亞博or檢疫酒店or皇后山

起碼有獨立廁所

青衣

直頭好似以前九龍灣臨時房屋區咁

要去出面公共廁所

所以

2p趁亂中招

都是good timing 

檢疫在家

睇＜梅艷芳＞加長版

全世界都知我係鐵粉

以阿梅份人

攪華東水災，台灣地震，1：99沙士

如果

阿梅在生

抗疫，籌款，穩定香港人情緒

一定做得好過仆街香港政府

一路睇

一路激氣喊

總之

香港政府係廢柴

整死香港