嬌縱的黑帶

 

當年mina 用燒焊手套 

現在阿水也是用燒焊手套

仲要34°C酷熱警告

加件冬天褸

否則我會見骨

當年mina回堡壘

都惡到地獄獸一樣

依家只係愛我一個

希望有朝一日

水姐都會好愛我

由14晚上回來

到15晚上

一直只是鬧人

完全0食0飲0屙

4-5種餅及罐頭味道

即是我平時拎去俾佢食的果幾種

擺到Buffet 咁

一d都無食過

記得生果佬講過

條友有時太嬌縱

要鬧就會收斂

以我份人脾氣咁臭檔

換轉對人一早小到佢反肚

但對貓

我就好好耐性好好脾氣

佢仲不停鬧我

我有d火

我鬧佢

＜ 咪同你講過囉

 你而家中毒

我帶你返嚟2號生活

帶你去睇醫生做手術 

你唔可以耍脾氣

我講過你記唔記得？！

你而家喺度發脾氣鬧我 

唔肯食嘢

咁算點呀？！

一路係咁樣越嚟越大

壓住食道氣管

抖唔到氣食唔到嘢

你會死㗎？！

明唔明呀小姐？！＞

然後

水停止鬧我

耷低頭唔出聲

我冚好布唔理佢

然後

聽到食嘢聲

吹漲！

今早16

起身見到戰場一樣

食了大部份餅

在我衫上小便

無碌大眼𥇣住我

只係嗚嗚嗚叫

鬧少咗

逢星期日

要洗貓床單+疏化布

火將我們+貓頭s坐了一星期的布

冚在籠上

加速水熟習我們的氣味

再將生果兜

轉做水廁所

mina從來如是

泰山崩於前也不動聲色

照舊排隊等開飯+大覺瞓

B頭例牌騰雞緊張

緣緣例牌lam毛

翩翩更加是捨身成仁

但是

緊張程度

較預期少

照常嗌開飯

佢地好似已經知對方存在

可能

我日日放工攪完水後回2號

或有時從2號落菜檔有關

我亦照常去菜檔買蔬果

不想人地覺得我好似強搶民女

然後去如黄鶴

員工個個都問水豬點？

我話阿水不停用粗口鬧我

大家大笑

我俾片佢地睇

讓他們安心

有個向來說話公義的話

＜其實阿水好慘

每次開新舖就要去睇檔捉老鼠

幾年來

調來調去無日安樂

換轉係人都辛苦死啦

老細唔會理佢飽唔飽病唔病

一雞死一雞鳴

依家阿水跟你地咪好囉………＞

3pm

去完老人院回來

水姐望下我

無鬧。long起隻豬腳繼續瞓覺

食哂今早碗魚

換碗時

係咁依㗅一下算

完全冇轉身

一d都冇喐過

求神拜佛

明早17不要掛8號波

因請了假

同水去頸抽針

我在這個人情味豐厚的小區

住了18年

好多舖頭都有貓

但從未試過對一個店貓沉船

水水是第一個

📿