開始倒數

 

過年幾日

心情忐忑淒惶緊張

因年初三要見醫生

商量水開始化療

水的命運

就決定在我們手中

哥仔問

＜水水可唔可以醫得翻好？＞

我沉默搖頭

哥仔話

＜我真係好明白你心情

我以前隻狗仔都係咁……＞

水gulugulu 好大聲

水

胃口轉差+不能入睡

單手抱得起

食止痛藥後

才勉強食少少+瞓一陣

屁股瘦哂+面都尖哂+額頭肥肉消失

但仍然每日送門

水口臭

不是正常貓狗的口臭

是癌症病人專有的口臭

即是五臟六腑壞的signal 

水+花

年初一

全日在2號照顧水

完全不想離開2號

年初二

又係求其飲茶開年

夾硬對住父母笑

埋單趕回2號

我已經不停告誡自己

不要妄存希望

mina乳癌是定位癌

當時醫生胸有成竹

手術割除後

存活率很高

每晚食雲芝

但今次水是腎淋巴癌

完全絕望

💀💀💀💀💀

💀💀💀💀💀

年初三

坐的士+在醫院

水罕有的不出聲

一摸已經是手臂骨+背脊骨+大髀骨

面珠幾日就完全無哂肉

不再是一隻豬

體重跌回3.87kg

stain 報告

腎B型淋巴癌

因腫瘤大得很快

相信已全身擴散

不能手術割除

因水脾性緊張

即使吊化療針是最佳治療方案

但肯定已擴散全身淋巴系統

化療撳到癌細胞

同時會攻陷五臟六腑

而且

每星期醫療費是$xxxx

每個月是$xxxxx

整個化療protocol 是4-6個月

即使水頂得順化療

成功化療後

存活率最盡也只是1年

故此

幾位顧問醫生商量後

不建議吊化療針

建議用口服化療CCNU+類固醇

控制癌細胞

大約只餘下幾個月生命

醫生問

我們是否有共識？

我開始喊

火答醫生

＜即使用口服化療

如水化療期間頂唔順

我們為水著想

唔想水咁辛苦

到時就要放手

不是錢問題……＞

醫生話

貓狗都有權利擁有尊嚴

如果用盡方法

都不想食+失禁+好辛苦

就是放手安樂的時候

目前

不用最強的吊針化療

只用口服化療+類固醇+止痛藥

是令水較舒服的治療方案

醫生問花點？

我話花在2號是寫意活潑小公主

但年初九就會回菜檔

變回乞兒妹

花大便有蟲

5個貓頭一齊杜蟲

醫生

要再幫水照超聲波+驗血

以確定水腎功能衰退到什麼程度

叫我們45分鐘後回來

過馬路

崩堤

我問火

＜如果依家安樂水水好唔好？＞

火話

＜依家水仍會眼仔精精嗌肚餓

只是食唔落

現仍未到時候……＞

我+火

沉重的坐著等報告

再繼續大，變成7.74cm

醫生話

左腎形狀很醜

以目前指數顯示

水可以開始口服化療

但先試第1次

睇反應會否頂到

才開始第2粒CCNU（Lomustine）

腎指數開始差

鉀也偏低

一大堆藥

水平時掂下個口都唔得

唔知點餵化療藥

我約下次覆診期時

又失禮喊……

水幾日不能好睡

水在醫院打了150cc皮下水

回家瞓得好腍

我們只能盡力

讓水最後的日子

舒服+愉悅+幸福

是決定行這條路了

也相信

這是佛祖安排水豬行的路

水

幾個月之後

就會坐熱氣球

📿

阿彌陀佛