牆紙剝落

繼續幫媽咪抬嘢去老人院

只要媽咪肯留在老人院安穩

我們死抬N次無所謂

2年前

老豆入老人院時

媽咪就係咁腳痛抬嘢去

老豆要求仲多

乜都扯起條筋

媽咪仲甘

南瓜紅棗花膠圓肉伏神蓮子百合貓毛湯

1老人院

1醫院

媽咪話

＜你買俾我果d書法毛筆及禪繞畫書具

記得攞嚟……＞

媽咪已經好得多

但左面仍麻痺

我每晚放工📞媽咪

任得佢噏

佢鍾意噏乜都得 

最緊要佢情緒穩定

老豆RSV

差不多完成療程

又用的士錢

買一個我+火pm放假

以前阿嫲仍在家中住時

經常叫人返屋企打麻雀晚飯 

做到阿媽趴喺度 

媽媽叫我將10人大飯煲 

轉贈老人院

老人院一個憨厚的姑娘同我講

＜ 我阿媽都係咁 

用摺櫈琴高攞嘢跌傷死頂唔出聲 

平時食個包又當一餐 

唔肯入老人院

死慳死抵唔想仔女花錢 ＞

輪到我

雙眼出事

睇嘢覺得右眼側邊有樹枝影

總之

中醫角度

肝鬱傷眼

緊急去私家眼科醫生

 醫生話 

右邊眼局部視網膜脫落 

水入了眼底 

視網膜脫落時扯爆了眼底血管 

所以

見到的樹枝其實是血噴射 

現在已經停止出血 

但是血滲入了晶體

所以眼睛蒙了一片 

醫生問

有冇曾經被人碰撞

或者做過劇烈運動 

我話冇

每早的運動是恆常30分鐘

多年內一直不變 

醫生話

因為2021時曾經視網膜破裂兩個窿 

當時醫生用激光圍封2窿

但是現在2窿裂成一個大窿 

而視網膜就好像一幅牆紙

有水入滲

所以牆紙剝落 

醫生暫時用激光將大範圍的窿圍封 

但如情況再惡化必須做眼科手術 

將視網膜修補

否則變盲 

我估計是因為上星期出死力

幫媽媽將物品搬去老人院 

所以

拉爆了眼睛

老細話

點解唔去養和

何不食肉糜

我補完眼

17:00回到2號已經死咗

仲要📞老細+同事交帶

本來火提早收工去街市

但是

老豆又話要買嘢

拖累火去醫院

仲要放工去買食物

好內疚

我叫媽咪畫隻牙縫刷俾老豆用住先

醫生話

2窿裂開 

變成一個大窿 

好似一個大心形 

你望出去

應該眼下有個灰色心形影 

我話 望到 

可能就是象徵我對父母的愛

放病假1星期 

暫時觀察

老規矩

我無同父母講眼睛出事

費事擔心+問長問短

我壓力仲大