昨諗住
幫老豆去新冠定點醫院
點知
白車去咗爛醫院C
到晚上7:40
老豆仍在醫院C急症室
完全無人理無飯無水無餅
帶去急症室的包餅已食完
老豆嘈想回家
醫院當然唔會放人
因防社區傳播
我📞急症室
問究竟點安排？
82歲又餓又凍？
已經等咗超過6h！
完全無通知過屋企人
你地醫院點做嘢㗎？！
5分鐘後
護士📞覆
3:00醫生已決定安排去北大
我話
我明白要時間安排運送病人
但你地至少要通知家人及病人吖！
唔📞你地唔講？！
醫院A醫院B及醫院D
都唔會好似你地醫院C咁做嘢
人地忙過你地10倍啦
不知幾好交待！
因老豆有慢性肺阻
omicron 如攻擊肺部就死梗
入隔離醫院比較穩妥
我📞護士
唔該再俾食物老豆
老豆好快what覆
話有一大堆牛奶及食物
（唔好估我在電話點講？or講過乜？）
護士話
急症室醫生建議去北大
評估機制老豆不適合社區隔離
如果中招
全家中哂，居家隔離
無長期病，後生，公屋／劏房，竹篙灣
有長期病，老人，住院舍，北大
有長期病或癌或嚴重重症，新冠定點QE
昨晚9:45才由醫院C出車
同車6個一齊去北大
北大不是方艙
是正規醫院
昨晚11:00
北大護士📞我
問老豆病歷
護士知我聽得明
講講下
全部都用哂medical terms
家人入醫院
古靈精怪電話號碼都要起身聽
火話
＜你老豆慢性肺阻+新冠
Omicron 可能會急劇變差
突然抖唔到氣或跣腳
你媽咪都無力逗5尺10起身
更加無醫療設備救佢
起碼入正規醫院安全d...＞
2021
老豆全年
因慢性肺阻
不停出入醫院
我仲可以回家救駕or跑醫院
如果我接觸老豆媽咪
唔好彩又再中BA4或5
老細又嘈到拆天
又話消毒又乜乜柒柒
因公司好多個dept.
已多人中招隔離
所以今次
老豆媽咪齊齊中獎
我無法接觸隔離中的爸媽
只能搖遠控制
媽咪
早午食蓮花，晚食抗生素
今早第2條線開始變淺
北大的老豆餐膳
醫生發Pfizer新冠藥俾老豆
鐘點姐姐出心
㷛湯攞食物俾媽咪
老豆北大隔離
媽咪屋企隔離
各自staycation
老豆的老人中心
明知老豆入醫院
居然安排送飯給家中隔離的媽咪
姑娘好好人
知我要返工
我得一對手
但感恩火+鐘點姐姐+老人中心
好幫忙
佛祖庇佑
總之
我兩日不停📞來📞去
好攰
昨晚瞓唔到
今早5:15已起身運作
昨火放工
突登去街市買了新鮮玉竹
㷛療肺湯俾老豆媽咪飲
又買又洗又切
因為我今午要開工
所以晨雞咁早
我就起身㷛好湯
火再起身
去街市
買瓜菜蛋麵包豬骨魚
11:00飛的攞回家
期間
衞生署📞我
話有醫護上門幫媽咪撩鼻
民政署又📞我
話會送抗疫檢測包掛門口
一陣
又話老豆未upload身體狀況data
當然又係我整
仲要📞醫院改覆診期
因隔離期間
2個都不能出入醫院
我要免診攞藥
總之
好忙好忙
基本上
我只是隻信鴿+CPU
講咗隔離+檢疫期內
唔準落街
兩條友話得嘞...知嘞...係嘞...
老豆又落街交煤氣費
又話落街買外賣
我要返工
點睇得住咁多？！
總之
點都好過捉入方艙
點鐘姐姐
what問我㷛咗乜湯？
話都想㷛湯拎上去
但驚媽咪奄尖要求高
媽咪仲未明白
請人做嘢
有70%已經好好
姐姐肯買
又肯拎湯去老豆醫院
依家媽咪話姐姐做得好求其
又話叫隔離婆婆
幫手買嘢就得
我話
人地都七老八十
俾你惹到中招重症入院
你擔當得起咩？
人地家人一齊中招
怨邊個？怨你？
媽咪又話叫外賣送上門
我話
究竟你明唔明咩叫中招隔離？
你俾錢時就可能傳染病毒
咁就社區擴散
我無力
唔想再講再拗再駁
今晚收工
📞問媽咪飲咗湯未？
佢話老豆話唔啱口味
倒哂！
我望住火
火擰哂頭....
如果
媽咪一直好認真防疫
但佢中招
咁會覺得唔扺
但佢一直態度係👇🏻
無事吖。
使乜咁緊張吖。
落一陣街遮。
使乜成日撩鼻吖。
故此
媽咪中招
我無嘢要講
只係不能不理
老豆仍是1條線
估計係佢一直長期食抗生素
所以O仔一埋身
已經俾老豆體內抗生素ko咗
我同老豆講📞
聲線仲好清晰
平時佢傷風感冒都會變聲
應該真係1條線
今晚
我地飲湯
根本好好飲好好味
乜問題都無
都係果句
只能盡做
P.S.
老豆今早what通知
快測2條實線
中招
同我預算一樣
媽咪7月7確診
4日後
老豆7月11早上確診
越諗越唔對路
半夜三更老豆轉差真係會死的
12:00
同醫院A護士商量後
撳平安鐘
叫白車
將老豆
送入醫院
老豆
慢性肺阻+糖尿+類風濕
再加中招
入醫院最適切
媽咪自己留家隔離
屋企有足夠食物+藥
前晚📞媽咪
把聲爛哂
我話
你已中招
媽咪死口話唔係
無事無事，唔會唔會
打哂3針
點會中招吖?！
我話
我同+火
2月打哂針
日日戴2個口罩
都一樣中招
打哂針只可預防重症
你唔好再拗
即刻撩鼻影相俾我睇
我話
已經係2條線
佢話
用放大鏡都睇唔到2條線
我無氣
原先
老豆情況穩定
恢復返老人日間中心
老豆勁開心
我叫老豆通知取消去
老豆話撩鼻得1條線
我話
老人中心個個老弱殘兵
又有咁多醫護人員
個個又有家人
你返去如果惹到爆廠
你擔當得起咩？
老豆肯聽
有通知中心姑娘
姑娘收老豆what後
我再補📞中心姑娘
姑娘知老豆慢性肺阻病情
話可安排送飯掛門口
最緊要兩老安全
我再📞鐘點姐姐
叫她勿入屋
幫媽咪買3日餸菜藥物掛門口
鐘點姐姐同媽咪好啱搭
二話不說一口應承
不斷同我電話聯絡
話要幫手就出聲
買乜嘢都可以送上門掛門口
媽咪都唔知聽乜
誤會姐姐老公唔準姐姐來
但其實姐姐已去到家樓下
媽咪話叫外賣就得
唔使叫姐姐買
我話
叫外賣你點俾錢人？
咁咪惹到人囉
你有無腦㗎？
疫戰無得呈強！
我無氣
姐姐影相俾我話買咗乜
我話錢後數俾
星期三早上
再叫媽咪撩鼻
2條實線
我📞媽咪
＜拗乜吖？
中咗就係中咗
你即刻食感冒藥頂住先
我會呈報衛生署
要唔要去方艙
等衞生署決定
你太輕視這個病毒
講咗打哂針都會中招
你唔聽唔信
我過年的時候
買定凍肉+藥物等中招
我講咗呢個病毒好嚴重
一定要有足夠預備
你唔聽我講 ！＞
媽咪笠哂水收皮
再同老豆講
＜ 你有慢性肺阻
同住一屋
感染機會非常高
一定要一齊戴口罩
分開食飯
你要有心理預備一定中招
如果你中招
可以好大鑊
一定要小心
唔可以再落街
會罰錢坐監
知唔知 ?＞
兩條友唯唯諾諾
我要返工
只能盡做
遙遠控制
呈報後
醫管局📞我
話想兩老去竹篙灣定居家隔離？
我話最好居家隔離
醫管局話要等衞生署決定
叫火放工時
買醫院級別特效肺炎抗生素
晚上8點
我+火
飛的士攞回家
回2號洗頭沖涼
餓到9:00才食飯
叫兩老食足一個療程特效藥
等到衛生署真係打電話嚟的時候
病情已經減退
唔使入方艙
兩個七老八十百病纏身
去到方艙一定等死
新聞見得多
依家
係等老豆中招
平時呼吸都困難
再中招就大檸樂
如有事就只能入廠
我真係只能咁。。。
多年來
一直有早上做30m運動習慣
但是
2021全年
黑豆不停侵剿
a) 老豆入廠出廠
b) 返工超甘（死老細xyz@%$#÷&）
c) 左右眼裂
d) 抑+焦
e) 礦洞
f) 中招
完全一pat屎咁
乜都唔想做+唔想郁
係無肥
但對自己唔滿意
近日
重新再深度調節心態
的起心肝
又上網揾片做運動
今次是韓仔韓妹
網站內有好多片選擇
拍得好好心機
唔識韓文無關係
跟動作就得
每人輪流負責1m動作
30m大約15 set
基本上
全身肌肉都做哂
cardio + muscle training
都幾甘
但操幾日就有嘢睇
上半截深色的是汗
堅辛苦
出汗是鄭多燕的10倍
運動前
麥皮浸咖啡
運動後
打果汁
今早是
青蘋果-啤梨-檸檬連皮
8號波
低sodium 餃子+無味菜心
我不會買超過300 sodium的包裝食物
高鈉壞心壞腎口腫面腫
除了飲湯吊命捱世界
我需要運動後的
dopamine+endorphin
幫我
在古靈精怪的銀河系
愉悅繼續向前行
笑看風雲變
酷暑
趕住去開工
曬到遮都穿
突然
腳下見有啡色物體掙扎
原來是個小bb
有個男人爭d踩到佢
我即刻喝住那男人
二話不說
用紙巾執起小bb
即刻上車
附近無樹
應該是由騎樓底的巢跌落街
我當時無諗咩禽流感
只想救起佢
唔想佢俾人踩到稀巴爛
我知道
其實我救不到佢
只能不停摸頭頭安慰
開眼閉眼
奮力望了我幾次
體温突然升高
5分鐘車程
體溫已漸降
我可做的不多
落車
將小bb放在樹叢陰涼位置
一路開工
一路心掛
雖然明知結局不能逆轉
2h後收工
再去樹叢睇下佢
已經走咗
用樹葉幫小bb遮蔭
做個簡陋墳
我唸句阿彌陀佛
同小bb講拜拜
短暫的一世
就此完結
心裡不舒服
明知
都係不舒服
急急腳去菜檔抱抱阿水
洗兜換水
花開花落
愛要及時
3月時
教育署話要復課
7仔姐姐同我講
阿女唔夠94口罩
午飯前1個
午睡後換1個
書包放1個
喳一聲好快用哂
好難買小朋友的94
我去旺角
幫姐姐買咗60個
頂住兩個月
日前
我去7仔八達通增值
姐姐話差不多無哂嘞
＜麻煩你幫我再買啦～
同學仔話個儍妹d口罩好靚
先生話要分享交換
但換d渣嘢返嚟
仲薄過絲襪.....激死我.....＞
於是
上星期六
我又出去幫姐姐買了一堆
然後
我決定
上網訂夠2個學期
今日貨到
我揀咗我自己鐘意的公仔
我估小朋友都會鐘意
用火酒消毒
再pack好俾姐姐
姐姐開心到癲
千多萬謝
有好多款我好鐘意
但無大人的
最錫阿水的菜姐姐辭職
我更加去睇多阿水兩眼
我永遠將人地放首位
自己擺在一邊
墨七翩翩
日日夜夜鐘意幾時瞓櫃筒就隨手開
仲要波子咁圓姑碌眼睛望住你
於是
火重新整個童鎖
有人開唔到R爆頭
撬到手指痛要LAM手指
緣仔一除衫就lam到一笪笪
B頭排隊太貼
無遵守社交距離
揾阿水食唧唧
mina攬住我
象b又乖又好脾氣
但無人鐘意同象b玩
日日放工都去抱阿水
緣仔也知道排隊規矩
