老豆轉到醫院D
已3wk
除了平衡差+輕微中風+輕微老人癡呆
根本冇SAY繼續霸住醫院病床
醫生建議要入老人院
因為返屋企更容易跌倒
媽咪亦冇能力24小時照顧
再加上每日確診超過7000
所以醫院開口叫快啲搵
昨天下午3號波
條街36°C爂到癲
我請了假
同媽咪去屋企附近睇
兩個熱到溶咗
因為老豆不能清除體內CPE
所以有很多優質的
都不肯接收抗藥性CPE病人
因為是高度傳染
所以選擇範圍縮窄
昨天有一間
好似烏克蘭戰火區咁爛溶溶
接頭人爛身爛世著人字拖
假天花就快冧落嚟
廁所+沖涼房
離遠10尺都睇到有漬
另一間是集團經營較似樣
我同媽咪都覺得後者較登樣
收CPE一定要獨立房+有窗
費用當然貴好多
計劃同醫院商量後
如無意外
應該一兩日內交錢落訂
老豆當然是非常不悅
極力同醫生爭取回家生活
但醫生當然say NO
同媽咪去附近茶餐廳
食下午茶商量
堅持每日認真30m
地下一滴滴汗
我心理上好依賴運動
今早一落波
就去買尿片。湯。蝦餃
媽咪成日話
我對自己唔夠好
成日顧咗人哋先
於是
為了避雨
我在商場
食了這個價值60元的日本拉麵套餐
我覺得好L貴
心掛住阿水
又去買貓餅畀阿水
日日放工同佢換貓盤
阿水是我的oasis
老豆不停問隔離床借手機
瘋狂📞我+媽咪
又叫護士📞我
攞家中舊摺機拎去俾佢用
又叫我用另一號碼開新卡
又話叉不到電
又同媽咪講阿女買部新手機廢的
我開緊工
嗌破喉嚨老豆都聽唔到
橫琴都聽到我講乜
護士話
老豆將叉電位置撬歪咗
話老豆直頭將新手機收回盒內唔用
想死💀
3:30去醫院D
叫病房護士
攞上星期五買的新手機俾我
黃雨雷暴
先回家放低超重開工袋
條頸好痛
墨七翩翩又爆開櫃
將所有圍巾摷曬出嚟
媽咪話
已經行到最後一步
知道我出心出力出錢
做得好辛苦忍得好辛苦
如果有幾個兄弟姊妹
應該可以分擔或者商量
咁我就冇咁辛苦
唔爭在忍埋最後一步
細個時
你唔鍾意嗰個毛公仔
你死都唔肯攬
係要自己鍾意嗰個先肯攬住瞓覺
都係咁啦
早知係咁亂撬亂插
就買部幾百蚊渣機就算
我話
呢個世界從來無
＜如果＞＜應該＞＜ 早知＞
買部cheap機
只能打出打入
到頭來
老豆一樣嘈要買過部新手機
都係💸💸💸
火放工
陪我去買過一部新新手機
又再跌錢
電話哥哥話
老豆應該係出死力去叉電
將叉電位置撬花撬歪撬壞
舊電話亦一樣撬壞
所以不能叉電
5日內買兩部手機
確實係認真推動香港經濟繁榮
哥哥幫我搞好部新新手機
又再飛的士拎去醫院D
費事老豆不斷騷擾隔離病人借電話
我📞病房護士
攞新新手機畀老豆
護士話
而家係晚上換片時間，好忙
護士姐姐話
又買新手機？ 幾日咋喎 ？
但都係即刻跑落嚟
幫我拎新新手機畀老豆
因為整個病房都知道
老豆因為新手機煩咗足足5日
全個病房的護士哥哥或姐姐
都幫老豆搞過手機
大家覺得好煩厭
所以肯即刻攞手機免煩
如果正常醫療費用支出
我從來冇怨過
我覺得
支付父母醫療或家中電器壞
或食用水電煤差餉管理費
是理所當然天經地義的
但老豆有太多花辰太多支節
花冤枉錢做冤枉事
我係焗住做局住食
無辦法
死頂
我同火
8:45去食飯
根本無胃口
老豆思維混亂
就算收到新手機後
照舊用sms
今早
老豆用新新手機
未夠6:00
又瘋狂打電話給媽咪
但起碼老豆用whatsapp
媽咪話
老豆到了最後階段
仍然不停攞債
媽咪話
老豆幾十年都係咁
一定要想盡辦法迫人就範
一定要得到佢想要的
唔就範就大吵大鬧
更不怕當眾抓爛面丟臉
絕不會感恩母女倆對佢好
覺得一切都是老馮的應分的
總之
媽咪話幾十年都係咁
永無寧日
永無止境
師傅話過
攞債的人
要攞到滿足
才會走
還債的人
也一定要還清債
先會停
老豆轉了去醫院D
昨日又話手機壞咗
我又要買部新手機拎去醫院
護士姐姐好好人
知老豆手指不靈活
渣渣臨攞老豆舊手機
換sim卡放入新手機
等老豆可以即刻用得
今早老豆
借隔離床電話瘋狂打返屋企
話新手機有問題
我叫護士哥哥睇下
其實老豆將新手機
壓在屁股下瞓了一日
然後話新手機有問題
😾
連續幾日
不停同醫院社工
老人中心社工
屋企開快佬社工
不停用📞聯絡
安排老豆出院後
入住老人院的事
😿
頭都爆
老豆現在是幾味
糖尿
類風濕
慢性肺阻
輕微中風
老人痴呆
如果出院後回家
媽咪根本搞唔掂+頂唔順
老豆自己不斷打電話畀人
話自己冇事好快出院
事實當然唔係
如果要老豆入老人院
唯一選擇
就是老人中心樓上面乜都齊的靚私
因老豆好鐘意+熟悉
如果求其搵間有尿壓味隊佢入去住
佢會日日打電話煩爆媽咪
總之
如果入靚私
我就個個月勁跌錢
但我冇可能簽衰仔紙棄養父母攞綜援
我做唔出
總之
聽天由命
趁老豆仍入廠
同媽咪食齋buffet
等媽咪放鬆一下
平時幫老豆𢲡屎𢲡尿
又煮又洗
其實媽咪勁辛苦
再同媽咪行D
等媽咪自己揀新奇想買的
用消費券fing下錢
媽咪識感恩
老豆永遠只takes never gives
我5個方法減壓
1
唱k
2
每早做30m勁汗運動
Endorphin令整日情緒好穩定
決斷會好正確
3
返學
嘻嘻哈哈3h
天南地北財經政治新聞乜都講
勁舒暢
4
日日去見阿水
同阿水換屎盤洗餅碗
5
湊仔
老人中心電我
話覺得老豆中招康復後
平衡變差
建議用特別渠道
入住老人中心樓上的超好老人院
我話好
星期日31回家五飯
同老豆講上述安排
老豆當然不悅
但佢自己知自己事
冇講任何說話
星期一老人中心職員
陪老豆媽咪去做身體檢查及照肺
跑足一日
星期二星期三
媽咪話
老豆跌爛飯碗～倒瀉湯～打爛杯
寫字歪歪斜斜
自己唔知自己做緊乜
大小失禁
8月4
老人中心派車
接老豆媽咪去見老人院院長
搞手續緊急入住
因為媽咪執老豆的打爛拖地
已經做到痴肺頂唔順
4中午已經搞好手續
可以即日入住老人院
媽咪16:00
黄雨
去私家醫生攞驗身報告及肺片
我要返工走唔甩
媽咪話
老豆在老人中心全日黑口黑面
唔睬人冇反應
私家醫生同媽咪講
老豆應該係中風
媽咪將私家驗身報告
交畀老人中心院長
院長話要即刻去急症室
好彩
老人中心分區係白車去醫院A
如果跟分區劃分
屋企出發白車一定去衰醫院C
火放工
即刻去買兩盒牛奶及蛋糕
先去急症室同媽咪會合
我返上2號放低開工袋
黄雨
買飯盒畀媽咪
再攞兩件厚褸頂冷氣
再飛的士去急症室
將飯盒及5000畀媽咪
媽咪撲足一日已經好攰
火同媽咪搭的士回家
我在急症室等老豆醫生
醫生話
老豆左邊面有啲歪
講嘢𠼱脷
左邊食指
不能重複掂自己鼻哥及醫生手指
所以估計係左邊中風
所以無力揸碗杯
不停打爛嘢
我同醫生講
老豆手字從來好靚好工整
但近期寫字好醜樣
老豆入廠
媽咪變相攤抖幾日
同媽咪去街食飯
鐘點姐姐
醃子薑俾我
好彩
我同鐘點姐姐講盡好話
話口未完
老豆就入廠
咁姐姐可以做完屋企
幫手拎食物去老豆醫院
感謝佛祖
安排咁多好人
幫我們這一家
早幾日
鐘點姐姐打電話俾我
估計是
媽咪令人不高興
人哋開口辭工
當然估中咗
鐘點姐姐話
近期每次上到你屋企
你媽咪就話
＜每次你上嚟，我就好驚
驚我將街上病毒傳染佢
你媽咪一時一樣
琴日打電話
叫我唔使幫佢買餸
今晚就打電話嚟
叫我幫佢買乜買乜
我大廈要強檢同佢請假驚惹佢
你媽咪自己搭架的士
嚟我屋企樓下攞嘢
我嚇到死死下
攞完即刻同佢上的士推佢走
果陣佢兩老未中招
如果傳染到就好大鑊
我就係難辭其咎……
雖然每次講明做4h
但有時我快手快腳3h搞掂
計佢3h錢
又冇揼佢波鐘
佢話我做3h就走!
點解你媽咪一定要咁執著?
我又唔係做3h
但收4h錢
其實佢兩個老人家
應該係有個全職外傭照顧就最適合＞
我話
上年18區全部區區勁爆
又污水又排長龍撩鼻
佢自己去我嗰區買嘢
夜晚放工先話畀我知
我冇辦法鎖住佢喺屋企
佢有手有腳
我冇辦法控制
根本佢唔會聽人講嘢
我以前幫人補習
考試測驗補3h
平時冇事就1.5 h走
我明白你做事方式
我都一樣實事實做唔呃秤
所以
你唔好理佢發噏風
照舊上去一個禮拜做2次
執完錢就走
你當幫下我得一對手
又要搵食
又要理佢兩個老人家
我搞唔掂
如果唔係得你幫手
舊年全年拎嘢去老豆醫院
我已經死咗
大家仔乸幾十年
唔通我唔知我阿媽啲衰嘢咩
我老豆精神爽利時
一樣發脾氣一樣掟枱掟櫈
我自己亦都脾氣臭檔火爆
一家三口都一樣咁難頂
但我份人做事好公道
如果你真係頂唔順就走
如果你頂到我媽發噏風
就繼續幫我手
我唔係冇試過請外傭
但9日就玩完
你見到張全新碌架床就知
你2019年尾開始幫我
每星期由1日變2日
我好明白打工仔有揀工自由
姐姐話
只同我見過1次面
但講咁多次電話
知我係咩人
知我辛苦
實話實說+著緊父母
北大咁遠都請假去
姐姐話自己兄弟姊妹多
可以輪流睇父母
但我就得一對手
我話
我唔會同媽咪講
曾經同你對話
姐姐話
係，唔好講
你媽咪疑心大
費事你媽咪多嘢諗
我同媽咪講
你兩個已經打齊三針
又中咗招
起碼有3個月抗體
就算再度爆到10000單
都唔驚得咁多
中咗招=打多一針
你事實係真係要姐姐幫手
又話腳痛腰骨痛
點樣擒高抹窗洗廚房?
根本你做唔到咁多
媽咪話
老豆而家冇乜嘢
已經可以去返老人中心全日
家務媽咪可以自己做
唔使要姐姐
可以個個月慳番幾千蚊
我話
老豆有慢性肺阻
唔知幾時又再出院入院
我又要返工
到時邊個幫你拎嘢去老豆醫院?
你做家務跌到
我又要跑醫院仲大鑊
你唔好搞咁多嘢
暫時姐姐照舊一個星期嚟2次
唔好再講!
結果
媽咪話
姐姐今日照舊有去
只肯收齊幾次掛門口的買餸錢
但係冇計那幾次的上門鐘錢
我好話已經兩邊講盡
姐姐都算有情有義
其他要等我阿媽做化
老豆慢性肺阻
上年肺生個大膿瘡攪掂
今年兩老又一齊中招
又一次大步檻過
老豆生日飯
買齊所有嘢費事出街人多
做得幾多得幾多
我能力有限
媽咪14+15已經連續2日陰
一解除隔離令
即刻落老人中心
我話
好多老人未打齊針
而且體弱多病
你剛轉陰
體內仲有殘餘病毒
唔好咁快去老人中心傳染人哋
結果
當然係唔聽
不過全程有戴KF94
我都明白坐疫監1星期
得媽咪一個在家好難頂
星期日早上
我+火攞食物回家
我+火全程冇除口罩
媽咪仲攤曬啲食物出嚟叫一齊食
我話我哋唔食陪你食
根本好多人係冇防疫意識
然後
又話鐘點姐姐乜乜物物
又話唔再請鐘點自己做番
我一句都唔回應
我心諗
你覺得你自己仲識飛咩?!
我講咗好多次
請工人做家務
做到75% +唔偷嘢+有誠信
已經好好
冇可能要求同自己做一模一樣
經過印尼姐姐Y一役之後
我唔會再勞氣
老豆已經連續兩day -ve
今午會離開天竺
老豆在家
也文也武+嫌屎嫌屁+諸多挑剔
但每次去醫院就唔敢出聲
媽咪刷存在感
覺得自己煮的食物最適合老豆
自己做家務做得最好
平時兩老在家困獸鬥
經常嘈交
是但一件入廠卻又互相牽掛
根本就是一對怨偶
我唔會再講乜嘢
總之
做好自己應做本份就算數
我同自己講
細個時環境不特別好
仲要係阿氏保加+讀寫障礙
當然我係今時今日先知自己係
那個年代
並沒有這麼細節去分有問題小朋友
我讀書無問題，但我怪雞
當然政府不會有支援
老豆媽咪湊大我絕非易事
總之
我會做好照顧父母的責任
不論經濟+物質+時間+愛
我都會合理盡孝
昨日行程
9:00荃灣開工
12:30醫院A攞老豆覆診紙+交藥單
14:00返公司開會
16:00中環開工
18:00去醫院A攞老豆藥
今日行程
9:30柴灣開工
12:45北大醫院攞食物俾老豆
14:30返公司同客zoom mtg
媽咪今早第2條線已消失
what問老豆要乜
冇反應
我的紫微斗數
命宮七殺獨坐
輔助星有驛馬
星座是♐️
所以
基本上
都係日日夜夜跑出跑入
亦因工種nature多變動
有機會take卡啦時間
整理自己事
我東歪西倒的壽壽
在巴士上鬼鼠地
涉入口罩醫肚
