無分貴賤

我阿姐經常自命中產

唔去旺角+唔去茶餐廳/大排檔

家務一定要工人做

嫌貓狗污糟

覺得幾十歲無層樓揸手就係廢柴

經常話我言行低俗粗鄙

話我講D嘢佢聽唔明

e.g.

莫薑

莫財

餚底

覆桌

揸流灘

老同 or 老pair

車頭燈 or 騎樓

張單3雞嘢...

對鞋成义嘢...

佢嚴重睇唔起次文化!

表面上道貌岸然

實際上睇唔起人

睇低我住貧民窟

我地經常需到某大公司開工

該處有間細小canteen

分開範圍

staff裡邊

visitor出邊

情理上

我是visitor, 應在出邊食

但我無理

大無私樣坐裡邊食

不論叫飯-上枱-執碟-埋單

我都笑笑口講唔該+吹兩句

久而久之

人地記得我鐘意食咩+飲咩

我亦知道

經理叫kelvin

收銀叫媚姐

傅菜叫容姐

部長叫candy

佢地則簡單的, 叫我高妹

有時

佢地爆籠踢哂腳

我會自己拎飯

食完自己拎吉碟吉杯放入膠盤車

然後俾錢

阿姐白鴿眼

從不與<下人>聊咀

話我點解同人地咁好傾咁熟

日前

我食先, 照舊坐裡邊

1pm開始人多

阿姐見到我

想行入裡邊坐, 但被拒!

叫佢坐visitor出邊

我心中竊笑--->呵呵呵呵呵呵