講不出聲

今早 

在黃竹坑開工

 個客麻鬼煩 

攪到12:30先搞掂 

下午請假 

要去老人院接老豆

去醫院A覆診 

冇時間食飯

攞完藥 

又係的士送老豆返老人院

阿水右邊頸 

又再次大嚿返

我同火傾過 

火認為 

即使我們願意支付萬多元的手術費 

幫阿水處理老鼠藥中毒頸腫 

手術後去哪裏休養？

 休養康復是否返回菜檔？

再咬老鼠又中毒咁點算？

 如果佢返嚟2號 

同B頭mina緣緣唔夾 

打到個個爆曬缸瞓喺地下咁點算？

我話

我明白你反對原因

 亦明白你顧慮

火話

一係索性開口 

同佢講話叫阿水跟我哋 

正正經經封利是畀佢

5:30pm

送完老豆返老人院 

去換貓盤 

姐姐話阿水 冇精神 講嘢好細聲 淨瞓

好𢛴 係人都鬧 黑口黑面

我話 

嗰舊嘢壓住食道氣管聲帶 

梗係冇精神又細聲啦

如果換咗係你條頸有咁大舊嘢頂住

行唔安 食唔落 瞓唔冧

你仲會唔會識對住人笑？

 於是 

的起心肝

 同較高級的負責員工講出我的要求 

＜上次睇醫生

我冇諗住收返你哋錢 

但事實上係一條命 

如果你哋唔諗住去救佢醫佢 

不如畀佢跟我哋生活 

我會封利是畀你老細……

嗰舊嘢越嚟越大

抖唔到氣。食唔落嘢……

 係咪睇住佢死？ ＞

高級員工話 

老細絕對唔會支付萬幾蚊手術費 

佢哋係想每一個菜檔

都有一隻貓去捉老鼠

 我話我明白 

所以我先至咁開口 

那員工話今晚會同老細開口講

火話

如果

人哋真係同意將阿水交畀我哋去醫

 跟我哋生活 

以後就減少去菜檔 

唔好再沉船

上次

老細暫時擺隻貓b喺度 

阿水都發哂脾氣

 如果佢真係嚟2號生活 

要花好多時間

去處理佢情緒。相處。貓頭安全…… 問題

如果阿水唔係有病

 我絕對只會照舊每日放工去換貓盆及食物

 但而家情況係阿水有病 

我冇辦法見死不救 

已經拖咗一個月 

醫生2星期前 

曾📞我問阿水情況 

叫我密切觀察

在街上見到個小朋友跌低

或坐地鐵小姐暈厥

或盲人街上迷路

或阿婆買餸車太重冇力抬上樓梯

我都會即刻出手

更何況我識得阿水 

2年來

日日去照顧打點

睇住水頸越嚟越腫 

我已經掙扎咗好耐好耐

同火傾咗幾次

我乜都唔知 

又睇下佛祖點安排

📿

節瓜椰棗螺片豬尾骨伏神百合薏米圓肉

安神。解暑。滋陰